|
|
|
 Re: أمسية رائعة فى وداع الزميل معاوية و دكيــن....مسلح (Re: عمر الفاروق)
|
اخوي هشام المجمر
مسكاقمي
اولاً اخوي ود المجمر انت في الامارات ام في الدوحة
مجموعين في الخير يا ناس الدوحة
بهجة ومسرة
بس وين صديقنا ابوساندرا
أما دكين الوغد
كمان لابس سكين في ضراعك
ها يا العكدابي
بس شادي الجلابية الانصارية من مين
معروف عنك ابن سبيل ... لا تملك من حطام الدنيا شئ
تعرف يا ود المجمر
زوجتنا المصونة حمدت الله لمن دكين سافر من الرياض
كان مفشط التلاجة يجي متأخر ويأكل اي حاجة في التلاجة
والصباح يقوم يلبس قميصي ويمشي الشغل
بالله شفت ليك زول سقيل اكتر من كدا
| |
 
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: حمزاوي)
|
سلامات يا مجمر
الصور جميله تنم عن هوايه اقرب للاحترافيه
وصديقنا الجميل معاويه الطيب ترك وسيترك فراغا كبيرا في الدوحه, فالرجل كان شعله من النشاط والحيويه والاريحيه عزاءنا انه عاد للسودان
يا حمزاوي يا ابن عمي
| Quote: معروف عنك ابن سبيل ... لا تملك من حطام الدنيا شئ |
انت من زمن دكين ابن سبيل
والله انت عايز ابديت ليور داتا بسرعه
دكين اصبح يمتطي السيارات الفارهه
ويصادق النساء الجميلات
ويمشي الشغل ببدله وكرفته
اي والله ببدله وكرفته
ولولا ان الرجل سلفني كنز امس ليلا لقلت اكثر من ذلك لكن عشان خاطر الكنز نخليها لحدي هنا
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: Omar Bob)
|
وسلام مني يصلكم جميعا ويحدكم كما في الصور..
في أسعد وأبهي حال..
هو سلام من قلبي لأي واحد فيكم وأمنيات طيبه بالتوفيق للمسافرين أو الواصلين لأرض الطيبين..
ويا بروفيسير عثمان لك كل الموده والتقدير..
يا بهاء تعبت من محاولة الوصول لك تلفونيا..حمدلله علي سلامتك و"سلامته"
معاويه ما تقطع أخبارك..
ويا عمر بوب سافرت انت عند وصولي الخرطوم..
ابن عمي طه وبت عمي سكنجه..
معقول لكن؟؟
ويا النسيب هشام المجمر..
سلام خاص لك ولأبناءك الحلوين..
بوست جميل جدا..
وكمال أخوي مزينه أكتر بفرحه..
لكن منو بيغني مع ود عمي عثمان دغيس؟
لنادوس ولكل من طهر بهذا البوست كل التقدير والمعزه..
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: هشام المجمر)
|
الاخ معاوية الطيب
جمعني به الاخ نادوس كتر الله خيره..
كان في تاهبٍ للخروج الاخير..
الزول زوق وانيق كعادة شبان زمن العميري..
الناس البتشوفم وتاخد راحتك معاهم بلا أي تكلف..
يؤسفنى انو تكون ايامنا قليلة وكراعنا في الدوحة حارة..وددتُ لو كان الزمان غير بخيل..
فالرجل ُ اشاد به اصدقائه واحتفو برحيله في حزن تلبس شكل فرح..
عزاؤنا انه للسودان منذور..
كم اتمنى له التوفيق ..وان يكون حال البلاد اقل وطأة على حالِ التهذيب الذي نعرفه في معاوية.
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: DKEEN)
|
بعدين يخوانا
من الواضح انو كمبورة وكمال سالم وعدسة المجمر ديل متامرين ساي
سكينة شنو وبتاع شنو؟!!
الموضوع انو كنا شغالين مع ود السني بروفة مسرحية وطاخ جيت من مكان البروفة لي عند وداع معاوية..
ود السني عاملني رباطي في مسرحيتو..
والجفير ده لزوم الدور..
السني مالقى زول خنشوري في الدوحة قال بس دكين..
وبعد اذن السني دي دعوة للجميع لحضور هذا العمل المسرحي ..
بعدين العزابة الزيي ديل عدة مطبخم بتبراهم شقيش يقبلو..فلا تلومني ولومو حال البشتنة..
| |
|
|
|
|
|
|
|
|
 Re: أمسية رائعة فى وداع الزميل معاوية و دكيــن....مسلح (Re: DKEEN)
|
ود الدكين,,,
شايفك أكلت عزّام فى سكين ضراعو وحقو الأدبى,,,Quote: والجفير ده لزوم الدور..
السني مالقى زول خنشوري في الدوحة قال بس دكين.. |
 سكين الضراع دى فى أدبيات وفولكلور الرطّانة زاتو ما موجودة!!!خنشورى
!!! حليل زمن الخنشرة ياللخو!!| Quote: بعدين العزابة الزيي ديل عدة مطبخم بتبراهم شقيش يقبلو..فلا تلومني ولومو حال البشتنة.. |
دا تشيلو تلصقو فى بوست الجرسة بتاعك داك(النداء الأخير)
وبالتوفيق والسداد معاوية الطيب,,,,
مودتى,,,
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: كمال سالم)
|
ومعاويه يستحق الاحتفال به عند وصوله وعند ذهابه..
فهو الطيبو والتهذيب والغهم الراقي..
وبختها الخرطوم به..
سعدت ايامي معه وشلة الاصدقاء وبهاء بكري..
وتشرفت بلقاء والده الكريم ووالدته طيبة الأخلاق كما يغني العزيز الراحل..
وبجمال غير محدود لكل أفراد أسرته..
ربنا يوفقك يا معاويه محل ما تقبل ويسعدك بحب الناس ليك..
وتحيات لصاحب الدعوه الكريمه وللعزيز فيصل الزبير وأخي كندوره..
وربما جمعتنا الايام في اجازه جميله في الخرطوم جميعا..فنسعد سعادة مضاعفة..
عثمان انا موجوده في محل الضباب..اتصل..
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: دينا خالد)
|
والله يادينا نفسى أعرف بتغطسى (مددده) كده وين ؟ مشتاقين والله ,,
أما بخصوص ذلك السلاح الابيض فهو عباره عن قطعة حديد صغيره
من ذلك الكوم فى تلك القصيده الحديديه والتى أعجبك نظمها
وصحت قائله ( أيوجد مثل هذا الكم من الحديد فى دنقلا ) ,,,
أما تاريخ آخر مره مرقت فيها من الجفير فكان فى ظهر نفس
اليوم حين قطع بها البصل وهو يعد طعام غدائه كونه المسكين
مازال عازبا رغم ندائه الأخير ,,
تحياتى ( بدون حليفه )
هم كبار فعلا ,, لكن هو ما راااانى !!!
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: كمال سالم)
|
أستاذ هشام المجمر والعقد الفريد لكم التحية ولمن شاركونا في المداخلات.
بالفعل كانت ليلة ليلاء شهدنا فيها جمال الروح من الذين زينوها بالفن والكلمات المعبرة عن فراق ركيزتنا ونوارة دوحتنا معاوية الطيب ،، لكننا بفقده كسبنا أصدقاء قل أن نجد مثلهم في عالمنا المعاصر ،، التحية له وهو يشق مشواره بقناعة في أرض الوطن تحيط به رعاية الأبوين وحنان الأهل.
شكراً هشام وسأعود إليكم بصيد الكاميرا.
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: هشام المجمر)
|
أبدللزيز ..
هشام ده ناوي يفضحك على رؤوس الأشهاد .. ما ترخي ليهو .
هسه ما راح شي .. خليهو يساعدك بوضع علامات التشكيل و الحركة على الحروف بتاعت عنوانو ده ..
عنوان مُضلِل و بيورطك ساكت و يدخلك في ما لاطاقة لك به .. بعدين نبقى في حاو و تُرّ .
ثم ياخي يا هشام : ( مَن غشنا ليس مِنّا ) .
التشكيل بالله .. التشكييييييل .
......
دينا ..
خليهو يتضرع أب زَرَد ده ..
أيامو .
| |
|
|
|
|
|
|
|
|
|
Re: أمسية رائعة فى وداع الزميل معاوية و دكيــن....مسلح (Re: Emad Abdulla)
|
Quote: هشام ده ناوي يفضحك على رؤوس الأشهاد .. ما ترخي ليهو .
هسه ما راح شي .. خليهو يساعدك بوضع علامات التشكيل و الحركة على الحروف بتاعت عنوانو ده ..
عنوان مُضلِل و بيورطك ساكت و يدخلك في ما لاطاقة لك به .. بعدين نبقى في حاو و تُرّ . |
هو هو هو
يا عماد ده شغل مساخيط
الزول ده لو شكلنا ليهو بروح فيها ساكت
كدى نشوف الخبر عند الربع
| |
|
|
|
|
|
|
|
|
|
اصدقاء بهامة الوطن (Re: هشام المجمر)
|
تتوارى الحروف فى حضرة مقام رجالات الدوحة
ويجتاحك الم الفراق وتسكنك الاحاسيس النبيلة
تجاه رفاق واصدقاء بالدوحة ندر وجودهم فى هذا
الزمان ....
شكرا هشام
__________________
ولى عودة
| |
|
|
|
|
|
|
|
|
|
كامل اعتزارى (Re: هشام المجمر)
|
| Quote: معقول يا راجل تظهر قبل الارشة بيوم؟ |
الاخ هشام
خالص اشواقى
واعتزارى لك وللاخوان والاصدقاء
المشغولية وحال البورد والحالة العامة
حرمونى من التواصل
_______________
ارجو ارسال الصور لى عبر الايميل
[email protected]
| |
|
|
|
|
|
|
| |
هشام المجمر
Emad Abdulla
ودالعباسية
عمر الفاروق
ناذر محمد الخليفة
nadus2000
Omar Bob
Muna Khugali
Ishraga Mustafa
أيمن الطيب
walid taha
المسافر
Alsa7afa_30
haroon diyab
كمال سالم
دينا خالد
عبدالرحمن عبدالله أبوشيبة
-1.jpg)
معاوية الطيب
فيس بوك
تويتر
انستقرام
يوتيوب
بنتيريست