|
|
 عبد الله داش
|
كاتب وشاعر من الطراز الأجمل
يطوع الحرف متي شاء وكيفما شاء
افيدونا عنه يرحمكم الله
ولما غياب صاحب المداد العطر ؟
|
|
 
|
|
|
|
|
|
|
 Re: عبد الله داش (Re: طارق جبريل)
|
ود جبريل
مثله والعقد الفريد فقط من يجعل صحراء هذا المكان واحه
محبتي
خياشيم الغبار
تعلو لتعلن عن مكان الإبتعاد
من الحرائق وإتجاهات المسار
ما معنى هذا الحلم من وحى الضجيج
الباحثون عن الأمان
توافدوا فِــرقـًا حجيج
ليصـدّقوا رؤيا اليمامةَ
من زوايا الإعتقاد
( إنى أرى شجــراً يسير )
عجباً يخالجنى الحنين
بما يجـوش الآن
لا أعــرف ســوى ما يتْســع
لأقــول للمــلأ الجماهير
إن هذا البحــر يعرف ما يريد
وبالإشــارةِ ذاتها
لا أكتفى بالإنشــداه
فخيال ما ألمح
يذكرنى بأزمنة القيامه
والمدائن تنتحى من ثوبها
عُــرياً وخوفاً
من سلاطين الجشـع
قد أســتطيع الجهر
أنى كلما راودتنى فى الطيف أجنح
كلما سئلتنى عنك لأبتعد
أدنو قريب الإحــتفاء
فالقلب يذكر جيداً طعم الهوى
ويذوب فِـطر الحب مختمراً
بسحر النشوه الأزليه الكـبرى
تعالى كيفما شاءت مواقيت اللقــاء
وإذا تســارعت الخطى للهول
معنى القول :
كيف إليك أســرار الغناء
فأســرع لتظفر بى
وأجهر لتعلن اننى مثواك
لا تحــزن ...
فتصبح دونـها
صمتاً يماثل لهفة التشويق
لا تأمن ضجيج الإعتفـار
فإعـتباط الأمــر
فى التصديق لا التحديق
أرجــحة التعـب
قسـراً أجادلكم
يا معشـرى إنى على حقٌ مؤكد
إذا أرى شجراً وثير
يا موحى لا تسدل كثافة ما يسـْع
أو ما يشـعُ على أحاسيس الشعور
كيما تبدل كافة الأشياء بالأشواق
يحضرنى أزيز الوجـد
أو ما ليس بالإمكان لى علـمٌ بــه
صدقاً يجاهر بالتحدى
بين قطف رجائنا والإنشطــار
ويلاعــب الأوتار يشدو عالياً
تبدو تراقصنى إحتمالات الحـبور
فبأيما نفحٍ بهــيج
وبأى غيمات المطر
إنى أُحــبك كأنبثاق النور
والوهج الذى ألف الحضور من المجئ إليك
أرفق بى ...
لأبحث عن أمانٍ فيك
يمنحـنى الخـيار
إلى نجاة فى الغرق
فالظن أبعد من تكذبنى
وأقرب أن تصدق
لليمامه والرؤى
| |
|
|
|
|
|
|
|
|
|
Re: عبد الله داش (Re: طارق جبريل)
|
طارق الاكحل ..
راني نسيت الهدرا ديال الناس الملاح
تخوخم عقلي بيش نذكر هذيك الايام الزينا
سنين طوييييلا مرات وحنا على ذا الحال
وحق القران نتفكر فى الشوق العاصف من هنااااا لسواحل اثينا المحيط
وهذوكا السُمر يا ودي راهم غرقانين في الحب ديال
سيدي عبد الرحمن الساكن البحر
وسيدي السوداني ..
ويا سلام على ناس الغيوان
وسدي الدوكالي
وسعيده فكري
وجماعة السهام
والشابه نوريه
والزهوانيه
طارق خووويا قلي كيفاش نتخلص من الحب ديالهم ...؟
يا طارق يا جميل 16 سنه مرت على التذكارات دي
ولحدي الآن أحتفظ ببعض رهش
لك الود
| |
|
|
|
|
|
|
|
|
|
Re: عبد الله داش (Re: نوفل عبد الرحيم حسن)
|
ياهو ده عبدالله داش فعلا شاعر من الطراز الاجمل ومثله
واجب علينا البحث عنه والتقصى....
لك وله خوالص التحايا والانتظار
على كيـــف هـواك
يــّدفا من ضفـة رقاريق المـطر
يهـدِر إذا إتعكـر مزاجـك والمناخ
محتشمــــه ... كثفــتىِ البحر
مليانـــه من زخ العبيـــــر
حــفّيت خُطــاى عليك لو ألقاك
صادمتى البرق
حسـيتى بـْى ..
مزعوج من الشــوق العِــرِف
ســكة مشـاغـلك وما إلاك..
مهــلاً ...
سـأكشف عن خـفايا الجُــرح
حــالاً ..
أيقظــتنى الرعــشةُ الأولـى
إليــكِ بإعــترافى
لن أُوارب ضفة الريح
وإهـتززات المــجال
فسرت شـدّوك
وإنتخــابك وجـهتى
مهـــلاً ...
محاذاةً أُجــيبِك
كم يبعثرنى إحتجــابك
فى غياهب خـيبتى
وأســفى العميــق ...
آنســت طيفــك فى رحيل الوعــى
خـثرنى الصــراخ
ســافرت فى جُــل الرهـاب
كْلمّت عنك دهشتى
ولوْنتَ بيك النــيل
وأدعيةالمــطر
ناديتى لى .....
أسمعنى يا فكرة تباشير المآب
أهدأ وتعال فى الليل
مع زفة حفيف صوت الهـوا
العابر طبول سمعك ... تعال
عرقــان ومنتصف النــهار
سـربّت بوحِك للكلام
من نســمة الشـوق والمذاق
حــيْرنى رســمك
بين سِــماتك ونكهتك
لون البراريق ...
مُســتعير ضـوِّكْ
يعلمنى الوضــوح
جاهرت بيك حلمى وسكنتك
بإحتدام إقـدِامى فيك
كانت مسارب سِــكتك
إذ يخترق صمتى الهُـلام
أنا
إئتمنتـــك
إحــتمالات
الرحـــيل
لـوّنْت بيكِ النيل ... خِـدِر
وإنشــر مذهول
من رقيصك فى الهديل
جــيت
إئتمنتـــك
باقى عمرى معاك
مســتنى المطر
يمــزج هــواك
| |
|
|
|
|
|
|
|
|
|
Re: عبد الله داش (Re: الق هاشم)
|
ألق
صاحبة الحرف الزاهي
نعم هو استاذ الكلمه وصاحب الحرف المستحيل
مجنونك الفاقد نصاح
من سكه تمشي تودي ليك
فتران ومتمحن براي
انا جيت اعالج نفسي بيك
زي وصفة الطب البديل
قوقت حمامتك معاي
غنت معاي اعذب هديل
عذبني فيك يا منتهاي
الما خطر بالبال قبل تلحظ عينيك
لون الخميل
والباقي من كل السماح
المستحيل فتش لقاك المستحيل
طبعا جميل .. لو افهمك
عاجبني فيك اشراقك المسحور
ولونك لما يبهرني ولما يشرق سماي
ورغم افتضاح كل الشعور
قبلان وما بقبل بديل
خليني مسجونك جواك
فجأه انطلق صوت الصراح
انا فيك معاك مجنون اساي
يابت اذا رقصت تميل
هامت في ترنيمة غناي
بتسلفك وهج الحضور
لو اشرحك دون اقتراح
ما هـ..ــدي المسافه الفاصله بين عشمك
عشاي توصل خطاي
امليني في الظرف المتاح
شان استريح منك عديل
انا خفت ألقاك في النشور
وألقاك انت المستحيل
| |
|
|
|
|
|
|
|
|
|
Re: عبد الله داش (Re: الق هاشم)
|
ألق العزيزه
هل ممكن اقدر
أرحل من دنياااااك معتووق
أو أرحل غيم
يبشّر فيني نداك مطر
ألقاك ..
رزاز الورد
الوردالعطّر عطش الصيف
ما بقدر أقبف
هاكي الورده دي
البيني وبينك
بديك الورده دي
البيني وبينك
وردة ريد ...
لسه بترّجف ..
لو أقدر اصارح الطيف
بقدر اشوفك فى عتمات الليل
ما أصلو بيسمع
لما يكون الصوت مجروح
بشّعر بالزول البيشبه حالي ( الما معروف )
أنا بقدر أفوت
لو أضمن بعدي هناك
لو تسعدي إنت
وأفضل باقى العمر أسير إحساس مبتوت
انا بقدر أفوت
انا بقدر أموت
ما دام الدهشه رهاب
أديني سماح الليله وباكر
أسفي بيكبر يبقي أنين وغناوي مسارح
تهتف عذراً حلم البارح
ممكن أصارح قلبي وأفصح بالمسكوت
ودعتك فُتّ وجيتك
لما نسيتك فى جوااااى نبضات وحروف
ما ممكن اشوف
أديني الممكن
وخلّي العشعش يبقي بيوت ومطارح
انا لسه كفيف الليل العسعس
متأكد برحل بقدر افوت
الناس الوقفت تهتف ليك
بتنادي عليك
تعالي تعالي شروق
أو خشّي هناك
اتمادي وشوفي بارك الشوق السارح
في احساس بتنفس بيك
لما تكوني قريبه
وتبقي رموش فى العين
وهل ممكن اقدر أرحل
من دنياك معتوق
تسجيل صوتي يا ألق ما بعرف ليهو ..
ولما أعرف بعمل بوصيتك ..
كبديل مستعجل قطعت ليك حته من ( نص طويل وشاق )
لحنه الصديق الفنان الرائع قرشي محمد منصور
ولي داااك الوكت
لك الود
| |
|
|
|
|
|
|
|
|
|
Re: عبد الله داش (Re: وليد الطيب قسم السيد)
|
وليد الطيب يا نحل الرحيق
معك ننتظر عودة صانع الرحيق
إتهجســنى... كان ساهل عليك
داهمــنى فى الخاطر غناك
أطــرانى لما أغيب بعيد
علمنى شِقـيش أفهمــك
غصباً سـقيتك رشـفه من طبعى الكعب
ياحادى طول الليل
تعال إتمــدا
زي مابيعمل الضو فى الصباح
من مُــدّه إتحــدانا
( كش ش ش ش ش) خفس القــزاز
عجلان وبالحيـل مجتهد
خليتنى زى مجــروح
وفى آخــر رمق
أو آخــر الشهقات
قبُـل ماتمرق الروح
فى البرازخ وتلحقك
أحسن أحسك وانتبه للصحـصحه
أنا ماغِـشِـيتك
لما فارقنى الثبـــات
غنـــت معاى الوحــوحــه
أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله) .......!!!!
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام
داســت حواس الرحمه
شوفى الليل لبس طاقيتو
يتجسس علّى
مســكون مــوّدر ذاتى
فى اللحظه البقـــت مرهونه
بالودِع الوجيعه الجاتنا
كاشفه الضحكه فى صلب السنون
(مجنـون ... ومسـتعبط مساحاتك غلط)
مسكون بفارغ صبري
في ديس من سبايبك
ما الضلام مفجوع
يطنطن وسوسه ونتيف
يمشط فى الجريـد
مطبوع شراعك
والضفاف شرقانة بالطوفان
ختيت ملامحك لما يدركني البعيد
خاطرت بيك
والهول قيامة على مشارف حافة الإحراق
من المسؤول ..؟؟
وما ذنبى انا ..؟؟
وكوارث العالم تحاصر إتجاهاتى
ومآساتى .. أنا
فى العالم الرابع
أنا راجع
لأرصد ما هوى من السّما السابع
أنا تابع
وأفلاك الكواكب
دوخت سكك المدار
كان الحصار بالجــد
وبللنى العرق بالخُـدره
بالندى فى الصباح
بى لفحه نشفنى الهوى
بالمنتهي وموجــود متاح
ستفت فكرتى فى الرحيل
شفق المغارب وما حوى
بالصدفه حاولنى البـكا
وعدمان من الموجــود
وحـد أصــرخ مباح
مشيتك خطوتين ورجعت
استغرابي ليه ..؟!!!
كل الدروب متحــده
فى واحد يوصلنى ويقيف
والرجعه كانت ليك وفــا
مشيتك ..
حلمي ابقى المافي في وصف العصور
وين اليبل عِرق الصبر؟
وين .......؟
والشموس مدت ضفايرا ليك
صالحتي المكان
تعالى نفّـلى هذا الكون
نونّس ماتيسـر من حضور
ويقينـى إنك إعتـماد للفـكره
أقـرب للجنون
يا أمرقــينى من الهواجس
من متاريس الزمــان
تفــرح إذا نقـرت
دلاليك المدى الخمجان
وغــناكِ السكون
| |
|
|
|
|
|
|
|
|
|
Re: عبد الله داش (Re: سيف الدولة كامل)
|
سيف الدوله يا عزيز
ياخي مشتاقون وكده
المساخ كتار يعلم الله
الزينا نحن بداويهم بنفس الداء
لكن الزول المرهف دا خساره كبيره يبعد ويخلي المكان صحراء جدباء
لو لا بعد نافحي الجمال هنا .. لهرب حتي صاحب المكان
معزتي
| |
|
|
|
|
|
|
|
|
|
Re: عبد الله داش (Re: نوفل عبد الرحيم حسن)
|
الله علي الزمن الندي ..
كان الكلام سكران
وكان المذاق سكر
ّناديت علي جيتك
وانا لسه مشروق شوق
لكني بس فتران
يا نوفل يا جميل ...
يا صحاب
شكراً علي كل شئ ..
أو أي شئ ...
ونصبح علي شرف الوعد
من بكره جاييييكم ....
| |
|
|
|
|
|
|
|
|
|
Re: عبد الله داش (Re: عبدالله داش)
|
Quote: يا نوفل يا جميل ...
يا صحاب
شكراً علي كل شئ ..
أو أي شئ ...
ونصبح علي شرف الوعد
من بكره جاييييكم .... |
ونحن على فرح اللقاء بك صار القلب طربان..........مودتى...إسماعيل محمد أحمد عباس...
| |
|
|
|
|
|
|
|
|
|
Re: عبد الله داش (Re: ismeil abbas)
|
Quote: ونصبح علي شرف الوعد
من بكره جاييييكم .... |
اذن
عاد الحبيب المنتظر
يا مرحي لنا بك
ننتظرك كلمه وريشه
حرف ولون
جمال ابداع من جمال جروح
شكرا كثيفا علي الاستجابه
وشكر خاص لكل من وضع توقيع عشقه لحرفك في هذا الخيط
مودتي
| |
|
|
|
|
|
|
|
|
|
Re: عبد الله داش (Re: نوفل عبد الرحيم حسن)
|
من اجمل وانبل الشعراء
لم التقيه
لكنى احتفى بكل حرف ارسله لى
للاسف فلقد هاجمت جيوش الهكر كومبيترى واضاعت قصصا كان ارسلها لى
وقصائد
لكنى على وعد منه ان يعود فارعا كما ظل
وقامة كما عرفناه دوما
ابنى الحبيب عبد الله
لك ورد المنى والمحبة
ولك مثلهما الحبيب نوفل
| |
|
|
|
|
|
|
|
|
|
Re: عبد الله داش (Re: سلمى الشيخ سلامة)
|
سلمي الشيخ سلامه ( الانسانه )
الاستاذه العظيمه
طلتك كما النسيم
وجودك في اي مكان يفرح من كان حزينا ويسعد من كان تعيسا
قاتل الله الهكر الذي اضاع منك كل ذاك الجمال
المبدع عبدالله داش يجبرك حرفه علي الاحتفاظ به
واستغرب كيف لم يمنحه بكري مكتبه خاصه به حتي الآن
لتكون مكان يجمع كل ابداعه ولتكون توثيقا جميلا لضياء حرفه
نناشد الاخ بكري بمنحه مكتبه خاصه فهو يتسحق والمكتبه تستحقه
ونناشد العزيز عبدالله داش ان يمتعنا بجمال ريشته وألوانه
وان يري جانب الفنان التشكيلي فيه النور علي هذا المنبر وغيره
محبتي
| |
|
|
|
|
|
|
|
|
 Re: عبد الله داش (Re: ود الباوقة)
|
داش صاحب الحروف الرقيقة والكلمات الجميلة والتعابير السلسة والشعر الراقي ، حقيقي أفتقدناه كثيراً .. ولكن عودته ستنسينا زمن الحرمان .....
مرحب عبد الله داش بعودتك للمنبر من جديد وفي إنتظار جديدك وما تسطره يدك البضاء ....
شكراً نوفـــل ....
| |
|
|
|
|
|
|
|
|
|
Re: عبد الله داش (Re: سيف الدولة كامل)
|
يا بو السيوف
كيفك يا رجل
الحقيقه بتقول ..
والله ما فى زول اتماسخ معاااي كلو كلو
المساخه عندي أنا براااي ( أو مني انا براااي )
في الأخير
دشيت
لك الود
| |
|
|
|
|
|
|
|
|
|
Re: عبد الله داش (Re: عبدالله داش)
|
العزيز داش
تغطي المكان احيانا سحابة صيف سرعان ما تنقشع وتزول
ثم تأتي مكانها سحابة بشر مازنه تهطل غيثا فينبت املا ووعدا وتمني
عرفناك زارعا للجمال والامل والوعد الاخضر
فكن هنا يكون الابداع حافزا ودافعا لمواصلة المسير
محبتي
| |
|
|
|
|
|
|
|
|
|
Re: عبد الله داش (Re: mohamed elshiekh)
|
Quote: راني نسيت الهدرا ديال الناس الملاح
تخوخم عقلي بيش نذكر هذيك الايام الزينا
سنين طوييييلا مرات وحنا على ذا الحال
وحق القران نتفكر فى الشوق العاصف من هنااااا لسواحل اثينا المحيط
وهذوكا السُمر يا ودي راهم غرقانين في الحب ديال
سيدي عبد الرحمن الساكن البحر
وسيدي السوداني ..
ويا سلام على ناس الغيوان
وسدي الدوكالي
وسعيده فكري
وجماعة السهام
والشابه نوريه
والزهوانيه
طارق خووويا قلي كيفاش نتخلص من الحب ديالهم ...؟ |
استاذنا نوفل
والله ليك الحق تكوس هذا الداش
| |
|
|
|
|
|
|
|
|
|
Re: عبد الله داش (Re: حبيب نورة)
|
حبيب نوره يا حبيب
من علي البعد البعيد والشوق الشديد ؟
من اين لك بالالف الزائده في له ؟
اظنها انستك كل شي الا حرف الهاء العائد لها
داش بيننا ... يا فرحتنا
هو قريب الآن كحبل الوريد
| |
|
|
|
|
|
|
|
|
|
Re: عبد الله داش (Re: mohmed khalail)
|
نوفل كيف حالك يا ابن عمي والأهل
بالنوفلاب والحريزاب وجيرانهما
أقبض في داش ده قوي فهو مجنون ومسكون
أخاف أن يزوغ .. فقد قال:
Quote: هاجسي ان البراح لم تكن وارفه
او لم تكن آمنه . فحزمت امتعتي صوب اللا مكان وحجزت لي في داخلي مداخلان
الاول اتنفس به لأعيش . والثاني أراقب من خلاله ثوراتي التي هدأت
كنت عازما على التلاشي الي ابعد مدي في أخيلتي , اترصد أشيائي التي غابت دون وعي
لم تطاوعني أدواتي في ان اسكب باقي الحزن على الشرفات ليلعنها الماره
فسمعت صوت الهمس يدفعني اليك . |
رغم قوله فسمعت صوت الهمس يدفعني إليك لكنه
يستبطن الإبتعاد.. شكرا لك أن جئت به إلى هذا
المكان بـ
خرج ولم يعد أوصافه كالتالي:
طويل القامة
عزيز الهامة
حنين وعطوف
وداني قطوف
كقول شاعر الشعب محجوب شريف ..
داش قال : كنت عازما على التلاشي إلى أبعد مدى:
شفت كيف؟
عاوز يزوغ مننا، بحكمة (لا يجمع الله بين الحب
والمال) أو (بين الشعر والمال) وهما سيان
وكان ل/داش في كليهما نصيب .. لعنة الله على
الغربة الإضطرارية.. ولكن قديما قال الشاعر
الرقيق الذي تأذى من (تهافت التهافت)
كيف لا أشكر الجزارة وأهجر الآدابا
فبها صار الكلاب ترجيني
وبالشعر كنت أرجو الكلابا
يقيني أن داش سيعود أقوى فقد قالها المسيح:
ليس بالخبز وحده يحيا الإنسان
وداش يختنق إن لم يغازل الحروف
فشكرا لك أخي نوفل فقد عرفتك مراهنا
على الكلمة مع سربك بالخرتوم وريفي شمال
أمدرمان
تحياتي وودي لك ولـ داش ولكل الذي يحلمون
بغرز ألوية حروفهم عند السماء الثامنة
| |
|
|
|
|
|
|
|
|
|
Re: عبد الله داش (Re: Mohamed Abdelgaleel)
|
كلما نطرق باب له
نصاب بالرعشة الثامنة
*
*
*
لذلك
دعه يذهب
فمثلة يفترض ان يكون ميتااو يهدر دمه ان كان حيا
وعلية
يشنق بحبل متين مصنوع من تفاصيلة، وفي وضح الامنيات
واو نقتالة عمدا ونوزع دمه بين القبائل (حفاظا على جينات تؤرق مضاجع القادمين)
تعرف لية يا نوفل ؟؟
لأن الشفافية التي يعتمدها مهذبا له قد
غادرت الطرقات منذ زمن وحين
ومن ثم سلام الي داش حتى
ان نبلغ بخبر موته (لنعيش ما تبقى منا سالمين من شفافيتة التي تتخذ الغدر سبيلا للقتل)
| |
|
|
|
|
|
|
|
|
|
Re: عبد الله داش (Re: فيصل عباس)
|
الخال خمزاوي
عمروف ود الباقه
عماد محمود السمح
محمد خليل الغايب في ام روكايب
ود الشيخ الكاردينال
حبيب البت النور
بو حميد الزول الماهل ...
جميعاً بلا استثناء
لكم الشكر على كل حرف كتبتموه هنا
بحق ...
انني الآن لا أقوى على مصارعة هذا الجمال
الكثيف
لكم مودتي
| |
|
|
|
|
|
|
|
|
|
Re: عبد الله داش (Re: Mohamed Abdelgaleel)
|
الجليل ابن عبد الجليل
صاحب القلب والعقل والباب المفتوح
كيف انت والغربه ومن معك ؟
لك سلام سليم من ديار عشقتها وعشقتك
سيمنحوها صك البقاء الرسمي بشهادات بحث لظاهرها دون باطنها
باطنها الذي يحوي عمق 400 عام قبل الميلاد ... ولا ندري ماذا يكون مقابل هذا العرض
Quote: داش قال : كنت عازما على التلاشي إلى أبعد مدى:
شفت كيف؟
عاوز يزوغ مننا، بحكمة (لا يجمع الله بين الحب
والمال) أو (بين الشعر والمال) وهما سيان
وكان ل/داش في كليهما نصيب .. لعنة الله على
الغربة الإضطرارية.. |
داش جابر خواطر .. الله يجبر بخاطرو
مرهف الاحساس
طاعم اللسان واليد - كما علمت من ود الباوقه
يا بختكم يا سيدي .. مين زيكم وهو بينكم ؟
املنا ان يكون بيننا ايضالنتذوق الطعم الاخير ولنسعد بصحبته
ولنفرح به .. شيلوه الشيله الجميله ووجوه صوب النيلين .. واتركوا ما تبقي لنا
اعدكم بأن لن يعود لكم الا وشريكة روحه علي يمناه
لك من الموده اعظمها ومن التقدير اجله
| |
|
|
|
|
|
|
|
|
|
Re: عبد الله داش (Re: نوفل عبد الرحيم حسن)
|
Quote: يا صديقي
(صوتك العالي يصلح للتظاهر لا الغناء)
|
( ليس الغناءُ سوى حفيف الروح في بدن يعانى
ليس الغناء' سوى الجو ى و الحب ينمو في دواخلنا
وصلصلة الأماني ..
ليس الغناء' سوى تظاهرة
تمور من الفؤاد إلى اللسان
إنّا نغني في تظاهرنا
ونظهر في الأغاني .. )
معزتي التي تعرف
| |
|
|
|
|
|
|
|
|
|
Re: عبد الله داش (Re: نوفل عبد الرحيم حسن)
|
Quote: تعرف لية يا نوفل ؟؟
لأن الشفافية التي يعتمدها مهذبا له قد
غادرت الطرقات منذ زمن وحين
|
ايا ابن العباس لك السلام
تحدثت فأبنت .. شخصت وحللت .. كفيت ووفيت
هو شفيف الروح صادق المداد طويل العماد جميل اليراع اذا ما كتب
لك وله محبه تورث الارق
| |
|
|
|
|
|
|
| |
نوفل عبد الرحيم حسن
طارق جبريل
وليد الطيب قسم السيد
ismeil abbas
سيف الدولة كامل
سلمى الشيخ سلامة
mohamed elshiekh
فيصل محمد خليل
حبيب نورة
mohmed khalail
Mohamed Abdelgaleel
فيصل عباس
فيس بوك
تويتر
انستقرام
يوتيوب
بنتيريست