|
شايفاكم ... وبقراكم..... وبحبكم...... وجاية
|
ظروف معقدة وقاهرة
اظنها بغداد زاتو
ابعدتنى منكم
لكن شا يفاكم وبقراكم وبحبكم وبجى
رحلت عشة زيادة ، الام الرؤوم ، المراة الضاحكة المعلمة الجميلة وكان حزنا
شايفاكم
شايفة خالد عويس ودانى جزر هاواى ورسل معاى اب حراز شايفة قرجة رسمنا كلنا
شايفة شيرى فارشة تبش وشطة فى قارعة البورد شايفة الجندرية بتبدع بمداخلاتها القيمة ومعاها عجب الفيا فى مباراة الحوار الفذ شايفة هوبليس ومحمد سيد احمد وودقاسم فقدونى
شكرا شايفة المنازلات السياسية والحوار الهادىء
شايفة بت الخمسطاشر دقوها عشان الشرابات
شايفة جدو يجاوز فى ناس البورد وينشر فى المحبة
شايفة خدر عرس ، معقولة بس ؟؟؟ مبروك
شايفة تيمان الموصلى متخرجين ، والف مبروك
شايفة حوار حمزة سليمان فى السياسى ، جميل وضافى ومرتب
شايفة تمبس ، وعامر الجوهرى وعميرى
شايفى شيبا وعشقه الجميل لمصطفى سيد احمد والاضافات
شايفة رمانة رجعت .. يا مراحب
شايفة حنينة دخلت البورد، الف اهلا
شايفة دكين انقلب بت قضيم ، قادر الله
شايفة رقية وراق ، بتضيف جديدها وتجرتق فى صفحات البورد
بختنا شايفة فتحى بحيرى بحرض ، قدما
شايفة السنجك والساحر زعلانين منى ، معليش نتكلم... وبنحلها
شايفة بت القبايل بتنشر فى رسائل الروح ، يا سلام
شايفاكم ، شايفة اكتر من كدة
وشايفة موديك ما داير يرجع وشايفة يحى فضل الله " الكثيف" اكثر همة وكثافة
وشايفة رباح مشت ، ياخسارة
شايفاكم ... وبحبكم ....وبقراكم وجاية
ظروف قاهرة ولا اظنها بغداد زاتو
لكن بجى
|
|
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
هلا بتماضر اصلو الزول البحبوه الناس والله نأمل ان نعرفه بصراحة دخلنا المنبر قبل ايام تقافة شاملة ادب وشعر وقصص واخبار بكل شموليتها ناس كفاية انو الواحد من اول طله وجدت نفسه بعرف الجميع مع تحياتى @@@@@@@@
كم لظلمة الليل بهاء من الاطياف ولكن كثيرا حولها الى ارتكاب المصائب
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
العزيزه تماضر خالتو اها دلعنا ليك الشغله شويه حتى لا تزعلى والبعرف تماضر تماما ما اظن يزعل منها ويا ستى ليك وضع مميز عندنا والله لا جاب الزعل بينى وبينك
بس خلال ابو شوك ده ياتو؟؟؟؟ البستعملو الهدندوه فى شرق السودان ولا دى داهيه جديده علينا والله ضحكتينى كتير وكنت فعلا محتاج للضحك بشكرك على ذلك
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
نورتى البورت لكن مابقول ليك نورتينا لانو انت ماغبتى من دواخلنا
بعدين ياتماضر تستناك العافية القلتيها لهالة دى نبذة انا طبعا عارفك قاصدة شنو لكن نحن السودانين عندنا كتير من العبارات البتحمل عكس المريود مثلا...لاينقصنا شئ سوى عدم رؤياكم...والصاح هو ..لاينقصنا شئ سوى رؤياكم...لانو كلمة عدم تفيد برغبة عدم الرؤيا وتستناك العافية بتاعتك دى يفهم منها تمنى المرض للشخص او تقال للمريض يعنى عكس المقصود....برضو شايف النسوان دايما يغلطن ويقولن للزول الجاهو زيارة.. شكرا تجيك العافية وهذا امنية المفروض تقال للمريض مش للزول التلتل روحة وجاء يزورك ذى هالة المسكينة دى بدون زعل ياعسل
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
....................... تعرفي يا بت ياتماضر.....معذرة ان رفعت الكلفة...وهذا لان ما أود ان اقوله يستدعي ذلك...ويبقى الاحترام والتقدير معلوما... ....................... الحقيقة تعرفوا يا اولاد شيخ الدين....انتو عاملين زي شنو............. ......................... زي جدادة واحد صاحبي.....ما بتبيض الا عند الجيران.. ................... اها انتو ....مابتبدعوا الا بره السودان...... ............. معقولة بس في ناس كدة..... .............. التحيةليك ...ولسعادة اللواء الجندرية..... ............ shereef shereef
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
اها بعد السلام نخش الترجمة وعلي الرغم من انك فهمتيها طايرة الا المتسبل ببكيهو الشوق وحقارة البورداب ولو بي وزن ترجي العافية ديك يبقى برضو نقول ليك تشوفي العافية مرحب بيك كمان وأحسن ليك قبل ما اتصلبط فيك واقول انتي انا شوفيني زي ما شفتي التانيين ديل
ترجمة التيب أوف توداي
تقليب الشوف والشوف مقلوب تقليب الشوق والشوق غلاب
أبنوسي
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
الاخت العزيزه ازيك يالمافى زول زيك انا شخصيا الظاهر عليك ما شفتينى نهااااائى لكن انا شايفاك ومتابعة كتاباتك وآرآءك والبركة فيكم وفينا فى وفاة الخالة الاستاذه الجليلة عشة زيادة كانت صديقة لخالتى المهم ابلغك تحياتى وبلاه تانى أفقدونا وعاينو لينا
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
ابو خالد رغم انه الصورة حقت الشى بسم الله الرحمن الرحيم دى تخوف لكن انا متفق معاك مالك يعنى ما بتعبرينا وعلى قول ابو خالد الشوف ناسات ولا شنو يا تماضر لكن معليش برضه انتى بت الاستاذ بنزعل منك لكن ما بنحرد الشوف بالأقدمية عندك يعنى رديتى على الناس كلهم اكان ما بتعرفينا ردى علينا عشان انحنا كتبنا ليك ما اكتر من كده طلعتى لا شايفانا لا بتقرى لينا لا بتحبينا لا جايانا
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: Tumadir)
|
كمبيوترى الظاهر عليه متأخر ياداب قريت ردك شكرا على الرد والله اوضة الاولاد جابتنى ليها الجوطة العاملينها ولقيتهم يدافرو يطردوا فى البنات قلنا نشد من ازر ملتنا شوية وبينى وبينك هم ما عاملنها الا ليهم للبنات بعنى لفت انتباه وكده تحياتى ليهم كلهم
| |
|
|
|
|
|
|
Re: شايفاكم ... وبقراكم..... وبحبكم...... وجاية (Re: حنين للبلد)
|
وداع قصير على عتبات الدار يوزع روحآ بين لحظتين ولا دمع لا دمع أوجع مما تخبيء عين أثمة في المع ما ينبغي من أسى؟؟
إرتباك قصير على عتبات رحيل يوزع روحآ على بلدين ولا قول لا قول أوقع يسربل بكاء وهديل أثمة في القول ما ينبغي من مدى؟؟ أين توضي بخطوي يا خطو ، أين؟؟
تحية لك وانت تجهشين بالماء ما أن يئن تراب هنا أو نبات وعزاء لي وأنا أجهش بالبكاء كا أن تدلهم غربتي بغياب ألق البنات
أعرف إنا جهرناك فإنبهم الرأي وتعذرت الرؤيا، ما شفتينا ، وماإفتقدناك ،فمثلك عصي على الغياب ، وحضورك ماثل
| |
|
|
|
|
|
|
|