|
|
 أســـاسي . . . تماضـــر
|
ولحدي شوية ما إنتهت غلوطية امبارح وباكر . .
وبداية الحكاية كانت عن صنع الاخر لينا , وتقبلنا ليهو وإتشعب الكلام ووصل لي طور يابومرووواة ..
واحتجنا حكم يفصل من دون شخصنة .
صراع أجيال الوطن الكبير عموما , والبورد وطن اللا وطن
زعامات السياسة , المن ما ولدونا لقيناها زعامة ولساتا في قمة هرم مؤسساتنا السياسية .
التلفزيون , المسرح , الإذاعة .
الكورة بي إتحاداتا ورئاسات أنديتا.
فنان الشباب , ومطرب الجمهور .
حوار الجيل القديم بي حكمة تجاربو . . . رغباتنا .
كيف نخلق الفرصة لي الجيل الجاي ؟
وعشان نديهو الفرصة لازم نغيب جيل الماضي ؟
كيف ممكن يكون في حوار مفتوح بين الطرفين ؟
المطلوب شنو من الطرفين , وحدود التنازلات شنو ؟ معاش إجباري ولو كان المعني في قمة عطاءه ؟
المساحة والحيز لجيل الشباب بتكفي لي تنمية مقدراتو وإظهار صوتو ؟
أبنوسي
|
|
 
|
|
|
|
|
|
|
|
Re: أســـاسي . . . تماضـــر (Re: tabaldy)
|
دي كانت بداية حوار بين تماضر واساسي , قعدت متفرج , ما لقينا ردود لي حجوة ام ضبيبينة دي .
الأهم انو اتفقنا نختلف الجيلين بي نفس بارد .
وإتفقنا إنو نحاول قدر الإمكان نقرب بين وجهات النظر .
وإنو إختلاف الرأي لا يفسد للود قضية وإنما هو تحريك لي راكد المياه .
عشمنا إنو يتواصل اي حوار في المنبر بي نفس النفس . وإنو مهما كان في إختلاف بينا ممكن ينتهى متى ما توفرت حسن النية بين الإتنين .
مع الإعتذار للقائمين على أمر إسبوع التضامن مع أهلنا في دارفور .
أبنوسي
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
أخي ابو امنة , سلام
تعرف دي التصنيف فيها مشكلة عديل , يعني ما حنعرف الجيل القديم منو , لو قلنا تماضر يبقى مفروض نسأل أساسي ماهيتك كم .
هم قعدوا واتفقوا وغلبهم يلاقوا أجوبة للاسئلة دي , كدي نحل الفوق ديلك وبعدين نجي لي سؤالك
إتفقنا ؟
أبنوسي
| |
|
|
|
|
|
|
|
|
|
Re: أســـاسي . . . تماضـــر (Re: Abo Amna)
|
اولا دعني اشكرك اخي التبلدي ابنوسي لمبادرتك الكريمة لجمعي والاخت تماضر (عبرك) وجلوسنا للحوار...حول الكثير من الامور التي شهدت بعض سؤ فهم او اختلاف في وجهات النظر حولها مما اعطاها طابع الشخصية بعض الاحيان ..ولله الحمد تطور النقاش الذي بدا عبر الماسنجر من الخاص الي العام الي وجهات النظر ...ليتم نقاش مطول حول النقاط التي ذكرتها في صدرك خيطك هذا او كما قال دكتور حيدر ولا اقول اننا وصلنا الي تطابق في وجهات النظر حولها ولكن علي الاقل اذبنا جبل الجليد وادارة حوار لم ينتهي كليا وكما شبهته الاخت تماضر حينما قالت للاخ تبلدي ان احترس فان قاطرتان مندفعاتان تسعيان نحوك ...خلاصة الامر وصل بنا الحوار الي ان هذه الموضوعات بالامكان فتح حوار حولها في اكثر من بوست تتاح فيه حرية المشاركة للجميع هنا .. علي اني اشكر للاخ ابنوسي ان خاتمة الحوار كانت عفوا من الله ورسوله
| |
|
|
|
|
|
|
|
|
 Re: اساسى تماضر (Re: mohmmed said ahmed)
|
لا أريد أن أوسع الهوة بين الجيلين ولكنى أغنى وأقول:
السخيل ما بيناطح بقر
والسحلية ما بتبلع دقر
حبس الدرب
وأعقبها بضحكة كبيرة على القمرى والسمبر
فيكم الخير يا الجيل الجديد
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
أبو آمنة يمكن في شكلو العام ما خلاف بين جيلين قديم وجديد , لكن أكيد في آثار بتحملا الجيل الجديد نتاج لي ماضي ما عاشوهو ولا كان ليهم اي دور فيهو .
ومن يمثل ماذا دي لو دايرا في معناها الظاهر برضو بقول ليك كان خلاف الجمهور والنجومية في بوستات سابقة دليل بين علي تحديد كل جماعة
أما لو داير احدد ليك كمان زي ما انت داير , اكتر يعني , بقول ليك يمكن يكون الجيل القديم بي معتقد ما قد سلف , الما ببقبل التجديد والجديد , وبين جيل فتش في الحداثة والتجديد ونادى بي حرية الفكر والمعتقد .
ولسة ما حاكون وضحت ليك عارف . لكن بديت الكلام بين أساسي وتماضر وكنت ولا زلت داير هم اليحددوا ويجيبوا عن أسئلتك , مش واحدة من مآثر الجيل القديم في أسس التربية إننا ندي براح لي كباراتا يقولوا ويبينوا ما اختلط !!! .
وبرضو القول سمح في خشم سيدو .
أبنوسي
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
اولا دعونى اشكر تبلدى لسعيه الحثيث ان التى بينى وبين اساسى لازم تصفى..لما فيه خير البورد..ونحن الاتنين
واتفقنا على الارضيه الانسانيه..العفو وعدم التجريح..دى واحده
تانيا..اؤكد اتشغالى التام..وان هذا الزمن الذى اطالعكم فيه مسروووووق من الاولاد والمسئوليه..
ولكن جئت لتاكيد.حرصى على ..عدم المهاترات فى البورد لانها اهدار للطاقات والحماس والباندوث..لذا رحبت بفكرة ..(الصلح)
الحوار كان به المثير من المغالطات..المفيده والتى قررنا نقلها الى البورد..لكن طلبت تغيير التوقيت نسبة لاتشغالى المطلق..ونسبة للاوضاع فى دارفور ..فانا اؤمن بالاولويات..
لكن كالمعتاد..تبلدى وراسو الناشفه..ههههه خير برضو..
واتضح انه مشكلة اساسى انه خايف على المبدعين الجدد من سطوة الجيل السابق (نحن) ؟؟ واننا بننعم بجمهور..يستحق يكون جمهور المبدعين الشباب..
والله ده شرف ما بعدو شرف..وان كان التصنيف الحاد ده..مخيف.
وقد حدثته عن عدم حاجته للاستدلال باسمى فى كل مقام..وانه الجمهور هو كائن حر..بعرف ما يريد..وان جميع المبدعين غير المشاهير وجدوا اشاده وتشجيع من المشاهير ومن شخصى..واقف معهم فى السراء والضراء..
وحدثته هن الابتعاد عن اطلاق اسماء واحكام كمثل طالقى البحور والمطبلين..لناس بيشجعوا انسان متواضع كشخصى وبعتبروه"مبدع" فهو عبارات جارحه للطرفين..وضربت ليه ثل بحبو واعجابو لحبيبة الملايين شيرى ..وكيف يرضى ان يسميه احد ما"مطبلاتى" لشيرى وهو ينطلق من.."تقدير" لموهبتها..اليس هذا محرجا للطرفين؟؟
قال انه مرات بتبنى افكار..الاخر حتى لو لم يصرح بها خوفا من مصير الحزب الواحد والمبدع الواحد..وقال انه بكون غليظ وواضح لاتراء الحوار....ولم افهم..اذا المنبر حر وكل واحد داير يعبر عن نفسو يستطيع فعل ذلك..لماذا يدافع هو عن راى اخر وهمى..فقط لارضاء فكرة "وش القباحه" الديمقراطى..
وشبهت له رد فعل حالة السهام الطائشه التى يرمينى بها جزافاهذه بحالة المروحه التى تعبرها عصا.. فانا اتوقف عن الاداء..تماما عندما احس بشحنة "السخط" ...ولا اتحدث عن النقد الموضوعى فهو شىء اتلهف اليه..لانه يخبرنى عن حاضرى وغدى ..الابداعى..
وانا احب اصدقائى والمتذوقين لمساهماتى المتواضعه..ابادلهم حبا بحب..فكيف اجدك تصفهم بالتملق والتطبيل..وتخجلنا امام بعضنا البعض ..ولا يصير ما بيننا بهذا الانسياب بعدها
الا ترانى اشجع الاخر ايضا..واموت ركن فى مساهمات الاخرين؟؟ ما ذنب هذا النهر..؟؟
عموما..الطرح اخد مننا ساعات طويله..
لكم الشكر..والموضوع للمناقشه..
وقد تقبلت عذر اساسى..وشكرى مكرر لتبلدى ابنوسى
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
يا ثعلب هوي يا ثعلب . . .
شوف ليك مؤذن تاني دام القمري والسمبر إتطايبت نفوسهم والعش شالهم وبشيل مية .
فاليقل خيرا , مش ؟
مقطع إهداء ليك . . .
ومرت مراكب نوح محملة بالطيور
واقف مع نوح الغراب
ينضم ويأشر فى إتجاه
باقى الطيور يتوسوسوا
إلاّ الحمام .. إتوضا مارق للصلاة
القانقرد فى حزنو يغزل
شالة من صوف
الطواويس شارّة قمصانا
المزركشة فى الضحى
الزرازير بى عراريقا
المغبشة ..جات على
أرجينى يا صالحة !
ومشيت فى الموج
يا النبى نوح أصل سالم
يا النبى نوح أصل .........
شــين ودشـن أو ..
أبنوسي
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
يا زول يا زول يا زول ...
آهاااااااااااااا ...
ياتو درب الحبستو ؟ هاه ؟ ولا الكلام ما ليك ؟
يا زول ختيتا واطة وباركتها يلا فهمنا انت وين من الاتنين , رغم انو مباركتك لي الجيل الجديد زي القاصد بيها إنك من ناس الزمان الوراني ديك , ولا دي معناتا انا برة وما لي دخل ؟
يا زول روق واحلى
كل مافي الأمر جوودية من شليق مشوكش غلبو يحلها جاك ومعاك باقي صحبة البوست , فكون قدم خير يا خير ديمة .
يا زول يا زول يا زول
الزول
أبنوسي
| |
|
|
|
|
|
|
|
|
|
Re: أســـاسي . . . تماضـــر (Re: tabaldy)
|
يا تبلدى بعدكلامك الظريف ده وشرح تماضر الوافى للموقف أظن لا توجد مساحة لأى اضافة ، أما (حبس الدرب) فهذه أغنية شعبية قديمة تقول فيها الشاعرة:
يا وليدات فى الكجر (بضم الكاف)
كعب الطغى والحقر
السخيل ما بيناطح بقر
والسحلية ما بتبلع دقر
وهى كما ترى امرأة تستشهد بما يمر عليها من أحداث وطبيعة وترفض كل ألوان الطغيان ، فهذه يا تبلدى من جيل آخر غير جيلنا ، فأردنا أن نكون واسطة خير لننقل رسالتها الى الجيل الجديد بغرض أجر المناولة ولكنا وجدناهم مشغولون بالبيلاى استيشن ولم يعرفوا معنى الدود قرقر ولا السحلية ولا الدقر فآثرنا السكوت والابتعاد
لك التحية والود كله
| |
|
|
|
|
|
|
|
|
|
Re: أســـاسي . . . تماضـــر (Re: يازولyazoalيازول)
|
ياخوي الكلام الكبار كبار ده يفهموهو ليك كيف
لكن كدي تعال النسالك من حاجة كدي اقرا الكلام ده ...
تماضر قالت
واموت ركن فى مساهمات الاخرين؟؟
انا اموت ركن دي ما سمعتها نهائيا قبل كدة ... يعني يا بتاعت الجيل القديم شديد ولا الجيل الحديث جدا ..... اظنها كدة اتحلت ولا شنو ...
| |
|
|
|
|
|
|
|
|
|
Re: أســـاسي . . . تماضـــر (Re: Abo Amna)
|
ولابين وجهة نظري التي تحاورت حولها مع الاخت تماضر حول ما لم يتضح للبعض من ذكر الاجيال ...
كنت محددا مع الاخت تماضر في في ان الجيل الذي قصدته هو الجيل الشائع في المنبر او مبدعين المنبر تحديدا من الدفعات الاولي لمعهد الموسيقي والمسرح بكل الوان طيفه من موسيقين وكتاب وروائين ومسرحين يمارسون ابداعهم والذي لا خلاف عليه عبر هذه الطاقة سودانيز اون لاين وبحكم انهم تزاملوا بعضهم بعضا ولهم ما يجمعهم من صداقات وتقدير وفي راي( تعصب نوعي ) لبعضهم مما يجعلهم يظهرون في شكل الشلة الواحدة وبالطبع لكل معجبيه ومريديه منهم اي جمهورهم من اعضاء المنبر لذا اصبح لهم اكتسبوه بابداعهم لم يتأتي لسواهم ..وهو توجيه انظار هذا الجمهور من المعجبين الي اشراقات جديدة تظهر في المنبر لا تقل ابداعا ابدا عن الكثير منهم من المبدعين ولكن عندما لا يجدوا الاحتفاء او الاهتمام من قبل الجميع يتلاشون من المنبر وفي نفسهم غضاضة من التجاهل ..وكانت نقطتي التي ركزت عليها وتحاورت فيها مع الاخت تماضر هي تعصب ابناء الدفعة الواحدة لبعضهم وقد خضنا في بعض الاسماء في الحوار وضربنا الامثلة كلانا وان لم احبذ ان نشخصن الحوار هنا في المنبر ولكن كمثال ليس الا في احد البوستات عندما تحدثت الاخت بت قضيم مع الاخ يحي فضل الله عن انها علقت اكثر من مرة علي كتاباته ولكن واجهها بالتجاهل وعندما علق بعض ابناء جيله كان يتخير في الردود عليهم اجاب احتجاجها بالنص ان هؤلاء يصعب علي تجاوزهم لانهم اصدقائي واصحابي ودفعتي امضينا السنوات الحلوة والمرة سويا لذا يصعب علي تجاهلهم او كما قال الاخ يحي في معني يصب في هذا واكرر لا اريد شخصنة هذا الحوار المفتوح ولكني استدليت بما قراته في هذا المنبر فقط لتوضيح وجهة نظري وهي ان كثير من الكتاب والمبدععين الجدد يمرون علي المنبر ولكن عندما يجدون التجاهل من الجميع واحتفاء الجميع بما هو اقل يصيبهم بالاحباط وهو ليس في مصلحة الابداع السوداني فحتي ابناء ذلك الجيل حوربوا من قبل الاجيال التي سبقتهم وان لم يفعلوا هذا مع المبدعين الجدد هم لكن التجاهل لا يقل مرارة وهذه تركة غير جيدة لتوريثها ..هذا في الاجمال لنقطة الاجيال هذه ولي باذن الله قراءة مطولة لهذا الامر في السودان وجزورها ساحاول ان اكتبها في بوست منفصل قريبا باذن الله
واكرر شكري للتبلدي
| |
|
|
|
|
|
|
| |
Abo Amna
اساسي
mohmmed said ahmed
يازولyazoalيازول
Tumadir
فيس بوك
تويتر
انستقرام
يوتيوب
بنتيريست