نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 علاقات البورد
|
ررررررررررررررررن التلفون ضرب
هلو
اكلم تماضر
تماضر بتتكلم
ازيك يا تماضر
انتى منو
خمنى
"خمنت" ما عرفتك
هاها خمنى
"خمنت" ما عرفتك..انتى فى كتدا وانا خليت ليك رساله وغنيت ليك فيها؟؟
طيب انتى "مين كده؟"
لا لا ..دى ما انا
طيب قولى عشان انا ما بعرف اخمن..
عشان اسهل ليك انا من البورد..
من البورد؟؟
اى من البورد
انت طبعا ما اشراقه ولا جندريه..ولا هاله قوته ولا حنينه ولا ..انتى ايمان احمد؟؟
لالا..
طيب انتى ابو امنه؟؟
هاهاهاهاها لا..
اخر مره ساهمتى متين؟؟
الليله...
(مشيت البورد وفتحت الصفحه الاولى..)
انتى ..طبعا ما بت الاحفاد..
لا انا بت الاحفاد..
هاهاها..
وليه صوتك رقيق..وضحتك حلوه..وانتى شرانيه فى البورد...؟؟
هاها ...انا ماشرانيه..انا ما بعرف اسكت من الحق..
لا انتى شرانيه وتكفيريه..
لا ياخ ما تقولى كده..
دقيقه وحسه انتى ما شايله فاتحه ولا قدامك مصحف؟؟
هاهاها ..لا ابدا..
كل سنه وانتى طيبه..
وانتى طيبه..
والقابله عروس..(مع...)
لا نحن خلينا بعض
ابرك واخير..
وضحك ونقاش وكلام عن علاقتنا..فى البورد..انا وهى ..طرفى نقيض..والاختلاف الحاد فى الرؤى وبيناتنا الاحترام..وهى توضح.."وتراوغ" ههههه ..
واكتشفت بعامل السن ممكن انصحها..ما تتزمت..وما تقيف فى حد..واحد وتكون مرنه..وتناقش الراى التانى بدون اقصاء..وبدون الغاء..لفرص الاختلاف..وهى تسمع وتختلف معاى وتتفق..بسماحة..وقلب طيب..وهى "تفوت" وقالت ان شا الله اعقل ..(انا )
وقالت العفو.وقلت ليها لله والرسول
.ولما جات تمشى قالت فى امان الله..
قلت ليها لا اله الا الله
ضحكت وقالت محمدا رسول الله..
بت الاحفاد..شكرا على تلفونك..وعليك..
اثبتى ان كل يوم علاقاتنا فى البورد مع الاخرين..بتتشكل..وتبقى حقيقه..
والتكنلوجيا قربت المسافات وكثيرا.....
|
|
 
|
|
|
|
|
|
|
|
Re: علاقات البورد (Re: Tumadir)
|
علاقات جميلة ونبيلة وصادقة دوماً، مهما تباعدنا واختلفنا يبقى هذا الوطن السايبري جامعاً وموحداً لنا في كل الأوقات.
| |
|
|
|
|
|
|
|
|
|
Re: علاقات البورد (Re: singawi)
|
Quote: - والقابله عروس..(مع...)
- لا نحن خلينا بعض
- ابرك واخير.. |
وضحك ونقاش وكلام عن علاقتنا..فى البورد..انا وهى ..طرفى نقيض..والاختلاف الحاد فى الرؤى وبيناتنا الاحترام..وهى توضح.."وتراوغ" ههههه ..
و الله كلام تمام يا تماضر ... و ربنا ادامك اخت حقيقية لجميع من بالبورد
ملاسى
| |
|
|
|
|
|
|
|
|
|
Re: علاقات البورد (Re: singawi)
|
أختنا البنت الحديقة الاستاذة تماضر الفنانة المترعة
كل لحظة وانت طيبة وربنا يخلى ليك وليداتك ويمتعكم بالصحة والسعادة
دعينى أختى أدلج فى علاقات البورد فى حياء وحب
فى رحلتى للامارات والسلطنة فى الشهر المنصرم قابلت أخوة لى أعرفهم عبر البورد منهم من تعاملت معه ومنهم من أمر على أسمه مرور الكرام مالم يشدنى عنوان البوست .. وكم حزنت بأننى لم التقيهم قبلا فكانوا كمن نشأت معهم .. لعبت معهم فى الحلة وقريت معهم الروضة والابتدائى ولعبنا فى فريق الكوره بتاع الحى .. كانوا ومازالوا وسيمسوا ويصبحوا أحب إلي من نفسي .. وما جلسنا فى مجمع إلا ودعينا للاخ بكرى ابوبكر بالخير واليمن والبركات على جمعنا..
إنها علاقة البورد وقد صار لنا فى كل بقاع الدنيا أخوة نعرفهم ونحبهم ونقدرهم وإن أختلفنا فى الفكر فأن ما يربط بيننا من وشائج الحب والصدق لهو أعظم وأبقى
لك الحب والتحية أختى استاذة تماضر وللاخت بنت الاحفاد التحية والود
| |
|
|
|
|
|
|
|
|
 Re: علاقات البورد (Re: Tumadir)
|
سلااااااااااااااام يا تماضر
طبعا اختى تماضر الموضع بتاع معارف البورد ده شاغلنى ليهو زمن .. يعنى عاوز اكتب عن الموضوع لكن نسبة لانى ما زول بتاع كتابه وما بعرف اعبر بالقلم ..ما كتبت في الموضوع ..
وحقيقة البورد ده خلق لينا علاقات جميله جدا .. وواااسعه ..
غايتو انا شخصيا استفدت جدا من العضويه المتميزه جدا .. والمساله بقت بينى وبين بعض الاعضاء صداقه متينه وقويه الواحد يتشرف بيها ..
ووصلت لى قناعه انو (رب اخ لك لم تلده امك ولا شافتوعينك ) حاااصله ..
على العموم البورد ده ..مدرسه ..اتعلمت منها كتير .. ومازلت اتعلم .. من عضويه فعاله ونشطه وعمالقه (كل فى مجالو )
اعضاء الواحد يحس بي وجودهم انو (سمسمايه ) .. يعقدوك بي تواضعهم رغم مكانتهم .. حقيقة البورد ده رايع رااااااااااايع بي ناسو ..
رغم انو البورد ده هو منتدى فى النهايه ..وهناك مئات المنتديات ..بس البيميزو هو ناسو ..
يعنى المنتديات دى (ناسات ).. الواحد بيقيم المنتدى على حسب مستوى الخطاب وامكانيات العضويه فيهو
زى عندنا واحد زميلنا ايام الدراسه كان يقول .. (العرقي ده ناسات ما كاسات) فى اشاره لى انو ما اي شخص بيقعدو معاهو فى جلسة شراب.
طبعا مافي علاقه بين الشراب وبين المنتدى .. غير انو ممارسه شي معين مع ناس بترتاح ليهم افضل من الخرمجه مع ناس بيض ساكت
الله يديم المعرفه الكسبناها من المنبر ده
ملحوظه..
يا تماضر ..رحبتى بينا بس ما وضحتى لينا كيف نصلك
| |
|
|
|
|
|
|
|
|
|
Re: علاقات البورد (Re: Tumadir)
|
الماسنجر:
طماطم سلام معاك أبنوسي
أخبارك
وأحوالك
وإذا دار محور سؤالك عنا فنحن بخير لا ينقصنا سوى مئتين حاجة وحاجة .
هو المنبر
أصبح أهل في زمان بعد المسافات
أدام الله وصالكم ووصالكن ونصلك شان نجيك نلقاك طمادوره الأولى مشترك سنتين علي التوالي في منبرنا
سلام
ابنوسي
| |
|
|
|
|
|
|
|
|
|
Re: علاقات البورد (Re: tabaldy)
|
عبد العزيز خطاب.كل سنه وانت فنان وطيب.ولسرتك الكريمه تنعم بحنانك واهتمامك
سمو..وشكرا على مساهمتك "الآثمه" ضمنيا..هاها..
المهمو قلت ما عارف يصلونى كيف؟؟
اوصف ليك
تمشى البورد... اول بوست تخليه.... تانى بوست تلف شمال... اول مساهمه تخليها تانى مساهمه..تلقانى.
ابنوسى...
حبابك عشره
| |
|
|
|
|
|
|
|
|
|
Re: علاقات البورد (Re: Tumadir)
|
الاصيله تماضر
هكذا يجب ان تكون الاشياء
واذا كانت بنت الاحفاد الجميله تدافع عن معتقاداتها بهذا الشكل ووقفتها للحق هكذا فهى تعلم تماما اننا لن ندخل الجنه حتى نحب بعضنا بعض واظنها تعلم ان التجارة الرابحه هى ان نفشى السلام بيننا
حبا وحميميه اى نعم نختلف ونتفق ويظل الود والحب هو الاطار الذى يطوق بستانا الجميل هذا .
ما لمسته من علاقتى ببورداب الرياض يكفينى لاعلن اننى وجدت الحب الحقيقى ولا اكذب .
فعلا انه وطن الحب.فالنحافظ عليه جميعا
ايتها الاصيله لك الدعوات الطيبات بان يتحقق كل الذى تشتهى
وكل عام انتى والاسرة الكريمه اكثر حبا وسعاده
الاخت بنت الاحفاد امنيات مباركات بان يعودعليك وانتى اكثر جمالا
والى مذيد من التواصل الحميم والبوح الصادق.
| |
|
|
|
|
|
|
|
|
|
Re: علاقات البورد (Re: Tumadir)
|
تماضر العذيذه
عمرك اطول من عمرى, فكرت اكتب عن انطباعى عن المحادثه معكى لكنك سبقتينى
بجد اسعدتنى كثيرا هذه المحادثه التى أذالت من شوايب كانت عالقه من ترسبات الماضى
كنت متأكده انه ماذال شيئا عالقا فى القلب او الذهن برغم انى اعرف جيدا ان قلبك صافيا كالحليب
اختلافى معكى لم يكن ليفقدنى الاحترام والتقدير الذى اكنهم لكى
وجاء العيد...وهو أنسب الاوقات للتصافى, اخدت تلفونك من صديقه لنا وقلت اعملها لكى مفاجأه
كنت متأكده انكى ستعتقدين اننى اخر واحده يمكن ان تتصل بك لوجهات نظرنا المختلفه حتى النخاع ولتفكيرنا المختلف عموما
ولم تخيبى ظنى فقد زكرتى اسمى اخر شئ وفى شك وتوجس
اكثر ما لفت نظرى فى حديثك هو عفويتك وصدقك وسودانيتك حتى النخاع
فتماضر يا اخوتى وبرغم اغترابها الطويل ماذالت تحتفظ باللهجه السودانيه الاصيله كلمه كلمه وحرف حرف
عفويه جدا وتحس بسرعه وانت تتحدث معها انها صديقه قديمه او شديده القرابه فتترك نفسك على سجيتها معها وتنسى ما كنت تنوى قوله
أصيله بأصاله وطننا الحبيب وحساسه ايضا, بعد ان سمعتنى كلمتين حارات اعتزرت لى ان كانت قست على
ولم ازعل منها لأدبها الجم
لا ادرى كيف اتت الفكره بأنى انسانه صارمه, لا تضحك وماسكه المصحف 24 ساعه فى اليوم...لكنى سعيده انك اتتك الفرصه لتعرفينى ولو قلبلا عن قرب...واسعد لانى تحدثت معكى عن قرب واتيحت لنا الفرصه لازاله ضباب كان سائدا فى الجو..وأثبتنا بحق وحقيقى ان الاختلاف فى الرأى لا يفسد للود قضيه
اشكرك لأتاحه لى هذه الفرصه واشكر الاخ بكرى على هذا الحوش الرائع الذى جمعنا وتحياتى لأولادك وبناتك
الاخوه الكرام
singawi
عزيز
لكم الشكر والتقدير
وفى امان الله
لا اله الا الله
| |
|
|
|
|
|
|
|
|
|
Re: علاقات البورد (Re: humida)
|
محمد رسول الله
شكراً ليكى أنت بمبادرتك الأنيقة فى العيد مع تماضر
وشكراً ليكن الأتنين على البوست المجيد وربنا يدوِّم المحبة
| |
|
|
|
|
|
|
|
|
|
Re: علاقات البورد (Re: منعمشوف)
|
تماضروبنت الاحفاد
حقيقة اتاح لنا البورد معرفة اخوان واخوات اعتز كثيرا بمعرفتهم واضافوا لي الكثير
هنيئا لنا ولكم بهم
| |
|
|
|
|
|
|
|
|
|
Re: علاقات البورد (Re: Tumadir)
|
خالص التحايا
وكل سنه وانتى طيبه الخاله تماضر
والله لسه بتزكرك ونحن صغار فى الثوره(7) وانتى لمن تجى بالحافله من الاذاعة والتلفزيون ولسه صورتك فى بالى ياخاله..طبعا حاليا بقيت كبييره(هه)..كل سنه وانتى طيبه
كل سنه وانت طيب ابوالرائع ملاسى وين انت لسه شغال كوبى يامان برضو تسلم واخبار الانتخابات شنو..
سنجاوى
عزيز
samo
tabaldy
منعمشوف
mohamed elshiekh
bint_alahfad
humida
كلكم سلام وكل الزملاء الفى البورد وفعلا كلامك فى محلو يا استذه تماضر انا من خلال البورد التقيت بى ناس جميليين جدا وبقت بيناتنا العلاقه كانو بنعرف بعض منذ الصغر ..ارجو ان يحافظ الزملاء فى البورد على هذه العلاقه الحلوه..
العزيز ابو السعود ويين انت مختفى تلفون ماليك حس ايميل مافى وين انت وكل سنه وانت طيب..
| |
|
|
|
|
|
|
|
|
|
Re: علاقات البورد (Re: Tumadir)
|
ياشباب ....سلامات...
.....................
الكلام دا ابعادو كبيييييرة ....اللي بيعرف بيحب ....
ودا تجربة شخصية في مجال اخر....وعشان كده بيقولو العارف بالله ....
سالت نفسي ....كانسان وعبد ...مفترض ان يكون لدى حب للخالق ....ولم اجد حبا انذاك ....احتقرت نفسي ....كيف لا احب الخالق .....فوجدتنى لا اعرفه ....فحاولت التعرف عليه .....فتملكنى حبه.
............................
وكذلك ...اقول اتبع انا محمدا ....ولكنى لا اجد في نفسي حبا ...انذاك ....فكرهت ان لا اكون كما ينبغى....فقرأت السيرة ...فوجدتنى احب الرسول فقط بعد معرفة حياته ..
..........................
اذا المعرفة مفتاح الحب ....والما بحب حقو يراجع نفسو لانو غالبا ما عارف ....
.....................
وكثيرا من الناس ....تحبهم فقط عندما تتعرف عليهم من قرب ..... وكذلك حب الخالق يزيد بالتقرب وهكذا ...
........................
شريف
| |
|
|
|
|
|
|
|
|
|
Re: علاقات البورد (Re: Tumadir)
|
Tamadur &Bint-Alahfad
God bless both of you
Tamadur
I was thinking that I would be the last creature
on this earth surface to call
but you did it one day!!!!!!o
Kulu AAm Bekhair
| |
|
|
|
|
|
|
|
|
|
Re: علاقات البورد (Re: Tumadir)
|
سلام تماضر وبت الاحفاد والجميع
علاقات حميمة جمعتنى بنفر كريم من اهل هذا البورد اعتز بها جدا
كثيرا ماتأخذنا المشاغل والهموم فلانجد طريقة للتواصل وخلق علاقات مع من نتواجد بينهم فكدنا ان نصبح ابو ذز اخر الى ان هيأ الله لنا ان ننتمى لذلك البورد الوطن بحق وحقيقة واصبح يربطنا بشتى مناحى الحياة وقوى رغبة التواصل فينا فلله الحمد من قبل ومن بعد ولبكرى وافر الشكر ولكم الحب التقدير
| |
|
|
|
|
|
|
|
|
|
Re: علاقات البورد (Re: Tumadir)
|
الاخوات تماضر وبنت الاحفاد
ادام الله المحبه بينكم وبيننا جميعا يا رب
انا لي حكايه تانيه
عندنا زميلنا في العمل في مدينه تانيه بمشي لي عندهم يعني وبتغدا معاه في بيته وفجاءة لقيتو عضو معانا هنا في البورد
| |
|
|
|
|
|
|
|
|
 Re: علاقات البورد (Re: abas)
|
تماضر : وهل العمدة غير ذلك ؟
أستعير لك ( وبتحريف لازم) : " إذا كان هنالك مليون يحبونك فأنا
منهم"
بت الأحفاد: رضي الله عنكِ وأرضاكِ ..
| |
|
|
|
|
|
|
|
|
 Re: علاقات البورد (Re: جورج بنيوتي)
|
الاخوات تماضر وبت الاحفاد
عندنا فيلسوف هندي ورجل دين متصوف
يقول :اوقفوا الحديث عن الدين تعالوا نمارس الدين
وقبلها قلت ان الدين ممارسة بين العبد وربه
اعطيك هذه الصدفة
قبل سنوات عديدة حضرت الي المملكة زيارة وكنت مع احد اصدقائي واخي في الله وكان تعرفت علي معظم اصدقائه وكان من ضمنهم اخوكي هشام وكان يمدحه بصورة والله اشتقت ان التقيه وذهبنا لزيارته لكن لم نجده. وعند اجتماعنا واحتفالنا بخالد عويس وصف لي البيت وقلت في نفسي هو نفس الشخص الذي كنت سازوره.
حتي الصدفة الاخري ان بيني وبين هشام رابط قوي لا ينقطع حتي يوم القيامة ايضا.وبرضو زوجتوا بلدياتنا وحدتك ايضا من عندنا وبرضو قابلت ابناء خالتك وعرفتهم ايضا قبل كدا.
عشان كدا نحنا في يورداب جدة دائما ندعو للاخ بكري علي هذه الفرصة
ربنا يديم المحبة
| |
|
|
|
|
|
|
|
|
|
Re: علاقات البورد (Re: Tumadir)
|
دكييييييييييييين
ما تتلم يا واد
بعدين يقولوا علينا بورداب الرياض صيع ،
ما حد يتصل بدكين ،
سامعين ،
يا مؤمنين ،
كان داير في الرياض نديك
وكان ما داير تسكت وبس
لا إله إلا الله
وفي أمان الله
| |
|
|
|
|
|
|
|
|
|
Re: علاقات البورد (Re: ودقاسم)
|
شكرا تماضر على هذا البوست الجميل والحنين
وكل سنة وانت طيبة ،،
أتمنى أن تأتيك مكالمة هاتفية من دكتورة بيان أيضاً ، ومكالمة من بنت الأحفاد إلى ود شامووق ( إذا استطاعت سبيلاً ) وأن يعم التسامح وأن تنزل الحوارات من السماء السابع للأرض ،، ونمسح كل دعوات التكفير والتجديف ،، وأن تختفي الحدة إلى الأبد ..
الأخت بنت الأحفاد ،، تحية طيبة ،،
عاوز أقوول ليك إنو تماضر ما سبقتك براك ، ولكن سابقانا كلنا ليس بركعة ولا ركعتين بل بصلوات كثيرة ..
| |
|
|
|
|
|
|
|
|
|
Re: علاقات البورد (Re: Tumadir)
|
كل عام والجميع بخير
ماشدني لهذا البورد هو العلاقات الإجتماعية الطيبة ‘ وتفقد الآخرين وهذا ليس بغريب على أمة السودان
| |
|
|
|
|
|
|
|
|
|
Re: علاقات البورد (Re: ali othman)
|
جميع المساهمين الاعزاء:
فى كل صباح
اتمم على اوردتى
غرف القلب
اتأكد انها صالحة
للحب...
احبكم وانتم تجرتقون مراسم المحبة والتواصل..بهتون
| |
|
|
|
|
|
|
| |
Tumadir
Rakoba
Hussein Mallasi
عزيز
samo
منعمشوف
mohamed elshiekh
bint_alahfad
humida
ASAAD IBRAHIM
معتز تروتسكى
yasiko
ملكة سبأ
abas
مهاجر
willeim andrea
ودقاسم
فيس بوك
تويتر
انستقرام
يوتيوب
بنتيريست