|
|
 انور ابو غيداء... ضيف لا يُسكت عنه
|
عفواً، يا صديقى الجميل، فأنا انشر رسالتك هنا:
From: anwar abu gaidaa
To: Tumadir
Subject: salamaat
هى يا المبروكه كيف حالك
وعمنك طيبه
وعيالك ان شاء الله ما متحسسين من حاجه
اها نحنا طيبين طب
علا كان ختينا المطر ال بلا سبه ده؟؟
نحن هنا بخير ونحاول ان نجعل من الفسيخ دهن لوز وماء سفرجل وياسمين؟
انا انور ود بتول الغناى ؟وده اسم البلد
وود عقد الجلاد وده اسم ناس الخرتوم؟
علا اساسا انا ودعبد الرحمن ود المهل
عذرا ان اقتحمت خلوتكولكن اسعد دوما عندما ارى ناس قبيلتى يحققون اشياء قد تصعب على الغير وانتى تقودين ما اتاحه لنا الفضاء وتستغلين كم من المساحات ادبا ثقافه وعلما وفنا
ليكى الود
نسيت اقول ليك انا فى هولندا وبينى وبين الصادق فريقين بس؟ انا ركن مع بلجيكا؟
معاى زوجتى
وعندى بطنتين
ضكر وانتايه
الانتايه البكر والتنى الجنى اب راس ياسين
اخو غيداء
ليك الود
واسف ان كنت تسببت فى اى حاجه من عطله والله كدى
دحين اعفى لى
ودعتك الله
انور
اشرقت الاشجان يا انور
|
|
 
|
|
|
|
|
|
|
|
Re: انور ابو غيداء... ضيف لا يُسكت عنه (Re: Tumadir)
|
انور يا تماضر
صوت مازال يتخللنى منذ ذلك الزمان الى اليوم
انور يا تماضر
فنان
انور يا تماضر
فى شخصه احببته منذ زمن بعيد وما زلت احبه
انور يا تماضر
رفيق درب لم يشعرنى بملل الرفقه وكان خير الرفيق
فى درب طويييييييييل
انور يا تماضر
فرقت بيننا الايام وحاولت ان تدسىسمومها
بيننا وان تشكل على الاكف جراحا ...
انور يا تماضر
له ولك
السلام
| |
|
|
|
|
|
|
|
|
|
Re: انور ابو غيداء... ضيف لا يُسكت عنه (Re: Tumadir)
|
بسم الله الرحمن الرحيم
سلام عليكم جت
عندنا واحدة إسمها ثريا ما بتعرف توصف في البكيات فدائما بتمشي مع قريبتها إسمها سكينة وديك عاد وصافا وصف جد
أها تلقاهن في بيت البكاء
سكينة: الليلة.. يا سيد البقر والضان
ثريا: آي والله
سكينة: الليلة.. يا البتكرم الضيفان
ثريا: فعلاً والله العظيم
سكينة: الليلة.. يا سيد الديوان
ثريا: والله الكلام القالتو سكينة دا كله صحي
دحين يا أخواني إنتو قلتوا الكلام الجميل كله وأنا لا أملك إلا أن أقول
آي والله والعظيم
طبعاً أنور الله يرحمه أنا بعرفوا معرفة أهل ومنطقة .. عربي أصيل ومجامل وهسع أنا متوقع منو مفاجئة وعدني بها
لكم وله التحيات المباركات
| |
|
|
|
|
|
|
|
|
|
Re: انور ابو غيداء... ضيف لا يُسكت عنه (Re: Tumadir)
|
الجو برة غريب ما عارف ده غيم ولا شيمة لكن في ريحة مطر ولا ذكريات ولا دعاش ما عارف, جيعان ما قادر اقوم من البورد , تعبان من السهر
الشوق الشوق الشوق
انور كنت بمشي كداري من قاعة الشارقة في مهرجانات الخرطوم الساعة عشرة بالليل عشان اسمعو مع العقد والسمندل وعزة , داك مشوار طويل من القاعة بتاعة الشارقة دي لحدي ضلام الفتيحاب لكن كنا في السكة بنلقى بوش
هنا الماركيت جنبي وجيعان , لكن البورد , ولكن الشوق ,ولكن المطر
يا زول سلام
الله يردنا ويردك
أبنوسي
| |
|
|
|
|
|
|
|
|
|
Re: انور ابو غيداء... ضيف لا يُسكت عنه (Re: tabaldy)
|
والله يا تماضر فتحتى لى فاتوحه دموع الله داك اوقفها؟
اليكم يامن تطوقون الود الىالحزانى فى مهاجرنا
بلا فرز
سلام وشوق وان شاء الله نبقى قدر الامل والعشم
فانا من تراب وماء؟
انور
يوم العركه الفى الحراره بتبع
الصقار مراره
| |
|
|
|
|
|
|
|
|
|
Re: انور ابو غيداء... ضيف لا يُسكت عنه (Re: anwar abu gaidaa)
|
أنن
أنور
أبوالنور
أبوغيداء
ابويسن
المشتهر
أكيد أنا أكثر الاخوان والاصدقاء حظا
ترافقنا زمنا طيبا وطوال سنوات كنا فيها كالفراش والعالم كحديقة ورود وكانت حينها تتشكل دواخلنا الفنية وكان ميلاد مشاوير المحبة ولانك عندى كل الخير وتلك الحلقة التلفزيونية التى كانت منها الاطلالة القمرية التى مازال ضياؤها ممتد
تشاركنا حينها غرفة مترين فى مترين ونصف بداخلية المعهد بسرير من طابقين بعمارة الجزولى المهتره واذكر تلك الامسيات الحلوة والصباحات الندية
توتى عمنا أبوصلاح (صالح زكى) وحسن نقه وعربته ففويه ومحمد شكيرة
اخونا الحبيب الموسيقار ابراهيم محمد الحسن
شكيرة الوادى والمحيريبة وأب بوله الرحلة الخالدة فى الفكرة
والان نحن معا عصافير تشجوا الحنين فى بلد البقر الفريز والمطر اليقيظ
ألست اكثر الحبايب حظا؟؟
لى عودة لأن ذكرياتى مع ابو النور ياتماضر تحتاج لبورد خاص فهو عمر وأكثر أيام العمر ضراوة وحلاوة وهى بداية العشرينات من عمرنا فكلانا مخزن معلومات وذكريات للأخر
فما أحلاك يا أبو النور
هل تذكر بامية والدتنا حليمه؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: انور ابو غيداء... ضيف لا يُسكت عنه (Re: Tumadir)
|
والله ياهو أنور زاتو
في زمتك كان ماقلتي ليه في زول إسمو دالي بسلم عليك ولو عندك تلفونو عليك الله أديني ليه
أصلو طالبوا شكلة، وكمان أسه زادت
الزول دا حتى في أسامي الشفع مشابكني؟
ولك السلام والقيام يا تماضر
دالـــي
| |
|
|
|
|
|
|
|
|
 Re: انور ابو غيداء... ضيف لا يُسكت عنه (Re: dalihabboub)
|
ياجماعه انتو الراجل ده دايرين تقتلو ولا شنو ..زمان عمر الجزلي عندو برنامج اسمه اسماء في حياتنا يقوم يجيب شخصيه لامعه كدا في البرنامج وبعد يوم الشخصيه دي جك تموت
مره كان داير استضيف ابوي في البرنامج لكن انا حميتو قلته ليهو كمان عمر الجزلي داير اقتلك لينا غايتو حسي الله استر عليك ياابو غيداء...
| |
|
|
|
|
|
|
|
|
 Re: انور ابو غيداء... ضيف لا يُسكت عنه (Re: Tumadir)
|
الزى انور حرام ان يتحوصل فى ثلج هولندا
الزى حمزة و تماضر و الموصلى وخالد
و بقية الدر من العقد الفريد
حرام ان يقضوا زهرة عمرهم فى الغربة
كلما فتحت هذا البورد ورايت على صفحاته مبدعى بلادى فى الشتات تنتابنى غصة
تخيلوا معى بلدا اريحيا كالسودان فى زمن غير الزمن و ظروف غير الظروف و كل فلذات اكباده من الموهوبين و الفلتات بالداخل
ترى كيف سيكون؟؟
ما اروعه و ما اجمله
| |
|
|
|
|
|
|
| |
Tumadir
Wad Elfadil
HAMZA SULIMAN
Elmosley
بدرالدين شنا
عزيز
dalihabboub
lana mahdi
فيس بوك
تويتر
انستقرام
يوتيوب
بنتيريست