|
|
|
 Re: الكــــلام دخل الحوش الالكترونى...عاجل (Re: Abureesh)
|
Quote: From: ???? ???????
Date: zaterdag 22 november 2003 0:22:31
To: [email protected]
Subject: الكلام دخل الحوش الالكتروني ( تماضر )
الاخ خالد ( أبا )
تحياتي
إشارة الى النداء الذي وجهته الاستاذة تماضر ( الكلام دخل الحوش الالكتروني )
فارجو أن تبلغ الاستاذة تماضر بأن الاخ أبو ساندرا غادر الدوحة أول أمس
الاربعاء متوجهاً الى الخرطوم لقضاء العيد هناك ، وسيعود بعد حوالي أسبوعين من
الآن ، وحسبما ذكر فانه لن يجد متسعاً من الوقت للجلوس في الانترنيت ومتابعة
المنبر ، وأظنه لا يدري بهذا النداء ، وأخشى أن يحاول الاخوة والاخوات الاتصال
به لتقديم مساعدتهم لصاحب المشكلة ولا يجدونه .
لذا ارجو معالجة هذا الاشكال بابلاغ الاستاذة تماضر بذلك أو بالطريقة التي
تراها مناسبة .
آسف للازعاج وهذه رسالتي الثانية لك فلم أجد غيرك للاتصال به .
لك تحياتي وتقديري
صلاح - الدوحة
|
الرسالة أعلاه وصلتني في بريدي من الدوحة
ويتخيل لي يا تماضر الموضوع بقي في يدنا ونتحرك وبسرعة
[email protected]
Tel.0031475341965 Home
0031621853919 Mobile
| |
 
|
|
|
|
|
|
|
 Re: الكــــلام دخل الحوش الالكترونى...عاجل (Re: aba)
|
تماضر
الله يخليك ياتماضر
وربنا يشفيهو .. ويلالا نسارع
يا خال ربنا يسهل الامور .. ونتشايل كلنا مع بعض
وفي كل الاتجاهات
وبي كل الامكانات .. وانشاء الله ح نقدر نعمل حاجه
ويابركة الصيام وخواتيم ايام رمضان ربنا يشفيهو ويقويهو
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: aba)
|
صديقنا الجميل هذا حساس لدرجة البكاء...
اخيرا تحدثت معه..
واخيرا قبل فكرة التدخل هذه...واربكته كثيرا...ولسانه لاهث بالشكر..وقال ان هذا الحب اكثر من قوة تحمله...
وقبل بالخضوع لامر التسفير...والتسهيلات...
دعونا ندفع به الى قاطرة الانجاز...فسيصل الى مراسى العافيه..سريعا
.ونكثر له من الدعاء...
كنت متاكدة ان قلوبكم بهذه الرهافة وروحكم بهذا الصدق...ودمعتكم قريبه
شكرا يا اصدقائى وصديفاتى فى الماسنجر...احترامى لكم لا يحد
نواصل
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: اسامة الخاتم)
|
الموضوع وصل لغاية التسفير للقاخرة كخطوى اولى راويه وابا ورجاء بعملوا فى مساعى جادة وكفيلة بانها توصلو القاهرة بعد ايام قليله (لو كلمه كفيله دى ما نافعه معاك يا اسامه نغيرها لى جديرة)
المهم حسب منطقتك الجغرافيه انت مفروض ترسل مساهماتك فى رجاء العباسى يا اسامه الخاتم
لك الياسمين...وللمرض الرماد
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
تماضر ، كنتي عند تمام حسن الظن ما اتاخرتي ولا ثانية ، أخلف موعده معي اليوم وما زلت في انتظاره ، ووجودي في النت شغل التلفون واظنه يحاول الآن
هناك اكثر من فكرة واكثر من راي لذا ارجو ان تتم المبادرات عن طريقي لامكانية التفاكر المباشر معه هنا ،اضافة لامكانية اجراء العملية في مكان قريب
هذا المساء او غدآ معآ سوف نورد التفاصيل ويكون للجميع فرصة ابداء الراي والتفاكر ومن ثم الوصول للقرار الصائب ونتكاتف جميعآ لتنفيذه
شكرآ للتفاعل الهميم والمبادرات الرائعة
الاخ صلاح عبدالله
يرجى الاتصال عاجلآ على رقم البيت (
0249 11 473789
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: dreams)
|
دكتور متوكل مشكور...اتصل بيه قبل دقايق...على نية احضارو الى امريكا ليشرف على علاجو..
اهم حاجة الدكتور دايرها عى التقارير,,,بكره المريض عندو مقابله مع دكتوره...با ابوساندرا لازم تعملوا فاكس لدكتور متوكل بالتقارير كلها،
رقم الفاكس عنده...ورقم التلفون برضو...لو احتاج الامر اتصال تلفونى
ابو ساندرا تليفونك مكتوب مشقلب...حاولت اعدلو واتصل برضو ما بوصل...
اتكلم مع:
ابا
رجاء
راويه
د.متوكل
توفيق
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
الحمدلله الذى هيأ لنا فرصة الانتماء اليكم
والحمدلله الذى اذا احب عبده ابتلاه
والحمدلله القايل :
واذا سالك عبادى عنى فانى قريب اجيب دعوة الداعى اذا دعاني
وفوق كل جهودك المقدرة نتمنى اى واحد فينا يرفع اياديه بالدعاء خصوصا فى هذه الايام
ياااااااااااااااااااااااااااااااااارب
وسلامات انشاء الله
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
تماضر
الاهتمام ، المشاعر ، المبادرات تؤكد عظمة شعبنا ومن غيرنا بهذه السجايا وهذه الروح من التكاتف والتعاضد .
صديقنا وبفعل هذا التجاوب الرائع ارتقت معنوياته ولامست صدر السماء ، وللمعنويات اثرها في الحالة المرضية سلبآ او ايجابآ كما تعلمي بلا شك ،وقد لمست ذلك في تلفون طويل معه قبل دقائق سابق لتلفونك المبشر ،ومعآ بعد ساعات سوف نوافي دكتور متوكل بالتقرير ،وكذلك سوف نربط الجميع بالحاصل
ولا املك سوى الانحناء تقديرآ وعرفانآ لكل من هم واهتم
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: مارد)
|
شكرا ياودقاسم
بورداب الرياض الاعزاء ..ممكن الاتصال علي للتنسيق او بالاخ احمد سعيد ( قرنفل ) او إرسال ماسينجر للتنسيق
وأرجو انو جهودنا تتضافر مع جهود تماضر .. ود.متوكل .. ورجاء العباسي .. والخال خالد ابا .. وابوساندرا ...وكل من سيشاركنا ..
يلالا يابورداب الرياض
وكل سنة وانتو طيبين
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: tmbis)
|
بنات العباسى؟؟؟
عافيه منكن عفويا لابتعطل لا يتبطل...
بنات معدن نضيف...وما اسحركن عاى اهلكن...الشكر موصول.
ودقاسم سلمت..
سنتينينتال...ياها المحريه فيك...لو ما فهمتها ..اسال منها
ايمان..شعورك الجميل..بيرطب مشاعرنا...ويزيدنا ارادة..مقدرة يا حبيبه..
تمبس...ما بتقصر..
الجميع ...حب شديد....
والله معانا..ومع مريضنا...يكتب له الشفاء العاجل...ياذنه
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
1- رجاء
انا في انتظاره والتقرير وبعدها كوني قبالة الفاكس
2- ولكم جميعآ
امام همتكم واهتمامكم لم اعد اخشى من اي مرض فالدفع المعنوي الصادر من دواخلكم المضيئة كفيل بهزيمة كل النائبات وحينها تطرد العافية السقم ،يحاصر الفرح الحزن ، تفرهد الطمأنينة مكان عود القلق الائل للسقوط ، ينشرح قلب الحزين ويتعتع بالفرح والعافية تملاء جوفو الطاعم
تأتون الآن في تمام الوعد والرجاء ، سنتمينتال ،تمبس ، ود قاسم ، ايمان احمد ، مارد وقرنفل
3- الاعزاء: ابا ، رجاء ، راوية ،د.متوكل ، تلفوناتكم عبر الماسنجر اذ أمكن
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
العزيزه تماضر
التوجه بالنية و الفيضانات من المشاعر لهي أول الغيث و ما كنا لنقبل شكرا على مشاعرنا
كما أنني أعاني من خلل جيني على ما أعتقد و ذلك يجعلني غير قادر على تقبل التعليق بالإيجابية على كلامي أو تصرفاتي لاني أعتقد أن هناك شيء أفضل كان يمكن أن يكون و بذلك دائما أكون مقصرا
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
اللهم انت القائل فى محكم تنزيلك وقولك حق ادعونى استجب لكم
اللهم يا شافى ببركة هذا الشهر الكريم وهذه الخواتيم المباركة اشف مريضنا ..
تخيل كيف يكون الحال لو ما كنت من ديل واهل الحارة ما اهلى
اللهم لك الحمد ملء السموات والارض الجبتنى من ديل واهل الحارة بقوا اهلى
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: almohndis)
|
تماضر العظيمه وكل اهل هذا البورد الرائعين تسلموا من كل شر
وادعوالله تعالي في هذه الايام المباركه الطيبه ان يمن عليه بالشفاء امين وان يجزيكم جميعا خير الثواب 00وان يوفقنا الله تعالي ان نقوم بالمطلوب الذي انا في اتم الاستعداد له وتحياتي لابو ساندرا وانا رهن الاشاره للتواصل معاك مباشرة
| |
|
|
|
|
|
|
|
|
 Re: الكــــلام دخل الحوش الالكترونى...عاجل (Re: Tumadir)
|
الاعزاء بورداب الحوش وبورداب الرياض و بورداب القلب جوه
اخوان الحاره
و خاصه الحبان الحتى ما سالوا هو منو
ليكم كل التحيه
و كل الشكر لي همتكم معانا
لي الشارك و لي المنتظرينو لسه يشارك
بالنسبه لي ترتيبات السفر تم قطع التذكره و بعد العيد و الاجازه
سوف يتم عمل فيزا الخروج انشاء الله
| |
|
|
|
|
|
|
|
|
 Re: الكــــلام دخل الحوش الالكترونى...عاجل (Re: elsharief)
|
sorry
iam not able to write in arabic now
how proud iam to be part of you and relate to the wonderful people here and our motherland, SUDAN
Iam ready for any contributions, aba, tmbis and alabbasi sisters
just a question, are the contribution zone related??
so if iam from europe does it have to be sent to someone in europe
??
i will be waiting for your replies.and will phone you once going back home
i hope all the best and getting well soon for our colleague
salam to all
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: haneena)
|
حنينه:
الحق يقال..انك كنت اول المبادرين...
واول من اسال دمعه..هندما جئتك انتحب واحكى لك عن حيرتى وماذا كنت فاعله والخبر بين يدى؟
الحق يفال انك ادرت اقراص التلفون..واتصلت..لتتدبرى معى الامر..وكنت تتدفقيم حماساودعما واصاله
لك الجمال كله...والحب نتة والاحترام...
اما عن المناطق الجغرافيه وتقسيمات الناس...فقد اتفقنا ان ابا...هو مسئول الدول الاوروبيه...
ناس الرياض ود قاسم...
ناس القاهرة وما جاورها...رجاء العباسى
تاس امريكا وكندا...راويه العباسى
وناس السودان ابو ساندرا
تانى شنو الا استراليا؟؟؟
يجب ان اذكر ان اساسى اتصل بى بالامس قبل ان يغادر للسودان...واخذ معلومات العزيز المريض
حتى يتواصل معه من هناك ويقدم مساهمته له شخصيا..
ولو كانت الارض مربعة...لاختبأت فى احدى زواياها...
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: DEEK_ALJIN)
|
اهلاً
واعضّكم في انف نصاعة قلب السوداني فيكم العامر بالانسان المناسب .
ربما .. تهرب الكلمات الي اقاصي الخجل لضيق القواميس الجوّانيه بالكلام التمام البيشبه ما فعلتم ..
والشكر ذاتو شال نعلات تعابيرو ومشي ، سابني في فضاء محترم عامر بالطمأنينه وراحة بال الاغنيات ..
بس
الله يديكم العافيه ..
هكذا بدّات الحكايه
منذ عام او يزيد .. اغماءه في الشارع العام .. ناس جميلين ما بعرفهم وصّلوني المستشفي .. طبيبه اهتمّت بالامر .. كانت نسبة السكّر في الدم حبّه شديد .. كنت نايم ومحاصر بكم درب وحقن ما عارفا بتاعت شنو .. وهي اتصلت بكل من هو في دفتر التلفونات .. ناس كتاااار جاؤا منزعجين .. اسامه ابو قرجه .. عمر خليل .. ربيع ساورا .. دز قرنق طوماس .. د. عبد المجيد .. ابو عركي .. القدّال .. و....و.......كا الاصحاب .. وبعد تمام اطمئنان الاطباء علي صحتي قدروا يصلو ناس البيت .. يومها تعلّمت معني ان تكون سوداني .. ومن ديك وعيك في سكّة المرض .. وفحوصات مختلفه .. وكل مرّه يقولو حاجه جديده .. امشي اعمل كدا .. واعمل ما تستطيعه ايادي حالي .. ووكت حسّيت انو المسأله طوّلت .. جدعت المساءل دي بعيد واعلنتني معافي من كل هم .. وبديت تسكّعي الحنين وانا صاعد درج انساني .. اكتب .. احب .. اتلبّد في البلد .. واتسامر مع الاصدقاء في ازقّة اليومي المتعب .. واعيش الحياة كأحلي سوداني بيشرب موية النيل .. مرّت شهور وانا لا اهتم بأي وجع .. امد لساني واقول ما همّاني .. وفجأه من تلاته شهور بدت الحاجات تزيد ووقعت كم مرّه في البيت .. في الشاع .. وجوّاي .. حسّيت بقلق الاهل والاصدقاء علي الصحّه النازله يوماتي .. والشكل الغريب للمعان حزني وضجيج الرحيل .. كنت اهمس لهم .. حبّة وجع ما بسوّي شي ..
وهكذا بديت فحوصات من جديد صديقي اسلام و الرشيد اخوي وماهيتاب وسماح و وليد .. وتركّزت الآخيره في البنكرياس .. اعمل صوره ويقولو اعيدا تاني .. مرّه في حاجه ومرّه مافي حاجه .. ويبدو انّو في ورم طمع في سكّر الروح وبدا يكبر ويلتهم في هدوء نباهة الجسد ..
اها .. ومن بداية رمضان وانا بدأت احس باوجاع هائله .. صبرت تحمّلت .. دسّيت كل حاجه عن كتير من الناس الحواليني .. وسرّاً وبصوت جهور للمحبّه التي بيننا بقيت متواصل مع الصديق ابو ساندرا .. اقول ليهو واشكي ليهو وكلّي ثقه في تفهمه للامر وتطمينه لحاسة الصبر .. ودريمز من جاي وجاي تلولي الكلام ومصرّه تعرف الحاصل شنو .. ووقفت معاي قدرت تعمل معاي كتير من الاشياء .. وفجأه قبل اسبوع جاني ايميل من الانيق ابو ساندرا بتسريبه للامر لبعض الاصدقاء البورداب .. وقال لي ما تقول حاجه وحنعمل كل البنقدر عليهو .. وطلبت منه فقط ان يكون الامر في بلاد كتمان حريفه حتي لا ازعجكم واشغلكم عن احزانكم وافراحكم بهمومي البسيطه ..
بس تماضر بت شيخ الدين عملتا .. وفردت جناح رحمه بقلبي ونادتكم تجو معاها ترتّبوا نكهة ان نكون معاً ونقهر بتمام توحّدنا كسودانيين وبس ما اعيشه من هنامن بعض الرهق وصبري علي الجسد وعمايلو .. واهو الحمد لله .. اتلّمت درس انساني جديد وكت كل اللّمه دي مع زول جديد عليكم ويمكن كتير منّكم ما بيعرفو .. وياخ ما حأقول شكراً لأني حأفسد فرحتكم باللّمه دي ..
بس زي ما بقول الخال محجوب شريف :
نحنا شعب اسطي
يلّا جيبو مونه ..
والحمد لله الخلّاني اشوف مونة الحنين السودانيه دي واعيش تجربه علّمتني معني انساني وسودانيتي ..
كتّر خير كل زول اتصل علي .. وربّنا بس يلمّني فيكم عشان اعضّكم في انف معني ان اسلّم عليكم كما يجب .. اقوم بواجب التحايا السمحه واقدلكم ونبكي علي المحنّه البينّا رغم كل هذا الشتات ..
الله يديكم العافيه ..
وسلام الي مطلع الامر ..
عاصم الحزين
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
كل الناس الحلوه الموجوده هنا
اول بالتبادي امنياتناالقلبيه ودعواتنا
ان يبلغ زميلنا عاجل الشفاء
ويطمئن احبابه ومعارفه واصدقاءه عنه
وثاني بالتبادي
ياها المحريه منك ياتماضر
وزي ما طوالي بقول
انت واجهتنا المنيره التي ابدا لا يخبئ بريقها
وبقعة الضوء
وثالث شيء اخد نفسي واكيد انا معاكم بكلياتي
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
عاصم
ربنا يشفيك ويديك العافية بركة قبايل العيد ،
والناس الهنا ديل أخوانك وأخواتك وانت تستاهل خوتهم ، الآن نحن نعرفك ، لكننا بدأنا الاستمتاع بك قبل أن نعرفك ،
يعني
بريدك قبل ما أعرفك
وربنا يزيدك من نعمة الصبر ، ويزيل الألم ، ويقلب حزنك فرحا ، فنحن نحتاجك كثيرالتحدثنا حديثك العذب ذاك ،
لا تتوقف عاصم ، ولا تيأس ولا تستكين ولا تمنح الألم فرصة لهزيمتك
أنت تستحق أن تعيش ، والكل يرغب في استمراريتك ،
ندعو لك ونصلي من أجلك .
اللهم امنح عاصم الجميل الصحة والعافية .
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
تعرف.....
نحن سنعضك فى القلب حتى يستعدل البنكرياس
تعرف...كلمة البنكرياس دى كانت معقدانى فى المدرسه ابت تتحفظ لى ابدآ ..هى و سورة يا ايها الكافرون و جدول سبعه...
تعرف...الناس الهنا دى ناس كويسه...و بعرفوا الناس الكويسين...
تعرف...اشكرنا بانك تبقى كويس..و تجى تكمل ونستك مع عمنا داك و
امانه ما وقعوا ناس يا عاصم..و فى عز الحياه ..
تعرف.....ليك الفراشات....قوس قزح.....و ضحك الغيم
تعرف...ما عندك حل من حبنا غير تتعافى
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: مراويد)
|
عاصم انت الظاهر عليك ود رضا...
شفت فى كم قلب حنين.حسه بدعوا ليك؟؟
شفت كم زول هميم..حسه بتجاروا عليك؟؟
مش انت العلمتنا نحب بعض...؟؟؟
شوفنا بنحب بعض...ليك كيف؟؟؟
وبنحبك...ونحب بنكرياسك...دة زاتو...
ارح...سريعاك على درب العافيه ما فى زمن....
قول بيسمى اللاهى
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
ود أمي عاصم
بريه تبرأ من المرض - المرض لي عدوك - تسلم أبوي شدة وتزول - وافتكر في طريقها للزوال بعد حب ودعوات لمتنا ليك في البورد - والله بقى بورد شافي وعافي - مافي عوجة تب
بكرة تبقى نصيح ونتلمى بيك في كل مكان تحكي لينا عن (زنقتك) ونحضنك بالحب (البنكنو ليك )(اتحدي يكون في زول قراها من اول مرة)سلمت ابوي من كل شر ومافي عوجة تب
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Abureesh)
|
العزيز عاصم.......التحيات الطيبات
شدة و تزول و ربنا يواليك بالعافية
تعرف اجمل حاجة فى المرض - رغم انو ما ممكن يتقال انو فى حاجة جميلة فى المرض- انو بيخلى الزول يحس بالفرح الشديد لما يتماثل للشفاء و يفرحوا معاهو كل اصحابو و حبانو زى ما نحن حنعمل كده انشاء الله بس انت شد حليك معانا بالارادة و العزيمة كلو يزول بأذن الله
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: معاوية الزبير)
|
اخ عاصم
الله يواليك بالعافية
شد حيلك واتكل امرك لله -وبالعزيمة والصبر والدعوات الصالحات انشاء الله تقهر المرض وترجع بكل العافية
قلوبنا معاك ودعواتنا ليك
والاسم لازم يتغير لعاصم الفرحان-المبسوط-المتفائل
كلنا معاك بكل ما نملك
ونسمع اخبار كويسة قريبباباذن الله
| |
|
|
|
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
1- معاوية الزبير
في انتظارك ، وقبلها ارجو الاتصال بصلاح عبدالله لمتابعة دكتور الفاضل
2- عبدالله
مروة وأمل اوصلوا لي المبلغ ، يرجى التوضيح بالماسنجر ، ونحيي همتك ، برغم المشاغل والواجبات
3- أم سهى
نقشناها قبل ما تكتبيها زاتو
| |
|
|
|
|
|
|
| |
Tumadir
haneena
degna
Ridhaa
ودقاسم
بلدى يا حبوب
HAMZA SULIMAN
Abureesh
aba
tmbis
ملكة سبأ
عشة بت فاطنة
اسامة الخاتم
doma
أبو ساندرا
Raja
إيمان أحمد
bunbun
malik_aljack
ابو جهينة
Elmosley
Rawia
elsharief
عاصم الحزين
الجندرية
تراث
shiry
عبد المنعم سيد احمد
yumna guta
معاوية الزبير
فيس بوك
تويتر
انستقرام
يوتيوب
بنتيريست