تأبين النقابي الشهيد محجوب س. أحمد الخميس القادم

اتحاد نقابات عمال السودان "الشرعي" أمانة العمل بالخارج
و
إتحاد الشباب السوداني لجنة القاهرة

تأبين النقابي الشهيد

محجوب سيد أحمد
الزمان: الخميس 2إكتوبر2003م الساعة السابعه ولبنص مساءاً
المكان: دار الحزب الاتحادي الديمقراطي"29" ش الحجاز قرب حديقة الميرلاند
مصر الجديدة- ت : 4555173

أنشودة لمحجوب سيد أحمد
عفيف إسماعيل


يا قاسم

ويا الشفيع

ويا علي الماحي السخي

قولوا مرحب حباب محجوب الخل الوفى

بشاشتو الآسره للصغار أمان ودِفى

مُلملم الجماعة فى زمن الشتات والنفى

قدح الضيفان النورو ما بنطفى

لؤلؤة الزمان المن كهرمان حزبنا مُصطفِى

محجوب

يامحجوب

ندهناك قبال ما الدنيا تبقى مدوره

والروح بعيده محلقه والجته مسوره

منو بلاك البفزع أحلامنا البقت مزوره

سيرتك عرق ساساق فى البراويز مصوره

طارينك خيوط متاهتنا إتشربكت ما عرفنا آخرا من اولا

صدى صوتك برن خطوتين لي قدام ما ترجعوا لي ورا

ما البندقية

ما البندقية

الديمقراطية هي حراسة السلام

ما الذندية

ما الذندية

تنمية ووحدة ح يرفرف تاني الحمام

ما الفردية

ما الفردية

عدالة إجتماعية وإحترام حقوق إنسان

ما الجهوية

ما الجهوية

المابشوف غير نفسو في المرايا مدان

حريه

حريه

هتاف الشهداء وخير الاوطان

يا على فضل

ويا منعم ود رحمه ود سلمان

ويا أبوبكر راسخ

لدمكم ما فى ديه وتب ما بنسامح

رايتنا الحمرا ضل جماعه وكان فضلت براها بتكافح.