|
|
|
 Re: **قرنــفل دبلوماسية بعدسة سودانية في خط الاستواء (Re: tmbis)
|
شكرا تمبس
أهلا بالقرنفل - حامل المسك وروح العطور والبخور
الرائع الذي مزج بين الرقي والفن والدبلوماسية
نعم الدبلوماسي وممثل السودان أنت
عموما كنت أفكر في إفراد بوست طريف لتسمية سفراء (من أعضاء البورد) للسودان بعد الاتفاقية
وكنت مفكر في تعيين قرنفل أحد هؤلاء السفراء
لكن - خلاص حرق ذلك البوست ، فهو دبلوماسي أصلا وليس بحاجة لخطاب تعيين من أهل العوض
منه العوض
| |
 
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: ايهاب)
|
سلام الاخ تمبس
انها ورطة واتمنى ان احكى لكم تجربتى مع افريقيا وما وجدته
بها وكيف يتعامل الناس وما هى نظرتهم لكل جوانب الحياة
واين السودان الان اى موقعه العمرانى والمعرفى والاقتصادى
شكرا اهل العوض ادهشى كلامك وترحيبك
الاخ ايهاب الموضوع طويل وسوف نقدم لك بعض من الصور
وسوف ابدا من تشاد من العاصمة انجاميتا
سوف اتكلم عن ما شاهدته ولكن الان لكم صورة من سوق وسط
العاصمة التشادية
| |
|
|
|
|
|
|
|
|
 Re: **قرنــفل دبلوماسية بعدسة سودانية في خط الاستواء (Re: ايهاب)
|
انا مش قلت ليك كان فكيتو بيطير يا هوووبا
loOooooooooooooooooooooOOOOOOLZ
اصطتو ليك قبيل أون لاين ..وتاني اختفي
قلت اشرك ليهو با لبوست ده ..لانو بقيت ما عارف اتجاهاتو وين ذاتوو
والله يتم ل البوست ده ..ما يجي يجدع لينا كلمتين بالسنغالي يا بالسواحيلي
loOooooooooooooooooooooOOOOOOLZ
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: tmbis)
|
سلام للجميع
شكرا يا تمبس على الاغنية
نبدا بى تشاد اولا اللغة التعاملية بين الفرنسية والعربية ولكن الاغلبية فرنسية حوالى 80%
غير اللهجات المحلية ........ اكثر التشاديين يستمعون الى الاغانى السودانية فقد
تجد فى السوق تقريبا كل اشرطة الكاسيت السودانية التشاديين يحبون السودان بشكل
مدهش ........... اكبر جالية موجوده الان فى تشاد هى الجالية السودانية بكل احزانها
وماسيها وافراحها ......... العاصمة التشادية تتلمس طريقها نحو التقدم والازدهار
فهم الان يعملون بجد وادائهم يدل على تقدمهم فى كافة المجالات .
حياتهم الاجتماعية مفتوحة ....الاسلام فى تشاد مدهش وفى تقدم كبير
حكى احد اللذين قابلتهم فى تشاد وقد عرف انى من السودان وفى زيارة الى تشاد
انه تعلم فى السودان وسيظل السودان محفور فى دواخله طول ما هو حى فى هذه
الدنيا فوجدته يعرف السودان اكثر منى......ز كان يردد هذه الجملة كثيرا ان للسودان
فضل عليه.....فهو تكلم عن السودان قرابة التلاتة ساعات متواصلة
ايضا بى تشاد حركة سياحية كبيرة ......نهر شارى ......بحيرة شاد
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: قرنفل)
|
سلام للجميع
الرحلة من انجامينا العاصمة التشادية الى قروة مرورا بمروة وهما مدينتين فى الكاميرون
السفر كان عن طريق البر فشاهدت هذا المنظر على الطبيعة فما كان منى الا ان اصوره
وهما مدن حدودية مع تشاد.
الكاميرون اللغة التعاملية هى الفرنسية وهناك ايضا لهجات محلية
الناس فى الكاميرون اغلبهم متوسطو الطول
الكاميرون كلها جميلة بكل ما تحمله كلمة جمال
اميز شى شاهدته فى الكاميرون النظافة
لا يعرفون كثيرا عن السودان
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: ايهاب)
|
سلام للجميع
اخوى ايهاب ما تخاف سوف نرسل لك منها اتصبر
مدينة قروة هى مدينة صغيرة هناك قابلت سودانيين مقيميين منذ عشرات السنين
ولهم مطاعم وبعضهم اصحاب بقالات على العموم هم مبسوطين للاخر
الكاميرونيين يحبون البهجة بكل تفاصيلها لا يتدخلون فى اشياءك الخاصة
تحس ايضا بان هناك اختيار فيما تريد ان تفعله
العاصمة ياوندى هذه الصور واحده وسط العاصمة والاخرى انا صورتها
من الجانب الغربى من المدينة
كل المدينة تتكون من جبال واودية كلها خضراء
الناس تعاملهم راقى جدا
ايضا مدينة دوالا وهى مدينة ساحلية مع المحيط لها نكهتها وجوها الخاص
حاولت الدخول عدة مرات الانترنت للدخول الى سودانيز اون لاين
ولكن اللغة العربية كانت هى المشكلة
اتصلت بى صديق وطلبت المساعدة ومدى بعدد من البخرات لعلها تفيد
ولكن برضو فشلت بالرغم من ان خدمات الانترنت فى الكاميرون
سريعة جدا ورخيصة جدا
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: قرنفل)
|
سلام للجميع
العاصمة الكاميرونية جميلة ونظيفة وهادئة
العملة فى كل هذه الدول واحدة
وهى الفرنك الافريقى ويستخدم فى تشاد النيجر الكاميرون
الجابون افريقيا الوسطى وغينيا اكوادوريا ومالى
كل هذه الدول ايضا توجد بها غابات كثيفة
وجبال طبيعة الناس فى الغالب ودوديين
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: ترهاقا)
|
سلام ترهاقا
الله يسلمك البورد منور بى ناسوا
اتمنى انك ما تشوف الصور بس تمشى عشان تستمتع بالطبيعة
وعلى الاقل تاكل خضارات بدون اضافة اسمده ليها
في الطريق من تشاد الى الكاميرون بالقرب من الحدود النيجيرية
فى القرى الصغيرة لفت نظرى وجود النساء مع الصاج
واللقيمات والشاي باللبن على طول الطريق
وكيف تتداخل القبايل الحدودية كل من تشاد الكاميرون نيجيريا
الكاميرون جميلة
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: Raja)
|
Raja سلام
الله يسلمك شكرا للطلة
بس التراب الاحمر جبتيهو من وين
اليك هذه الصورة وسط الجابون
على فكرة كل الجابون بهذه الطريقة لا يوجد شبر الا وهو اخضر
لكى مهداة هذه الصورة
هذا الطريق وانا من مدينة الى مدينة حوالى اثنى عشر ساعة
غيم مطر نسيم
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: Raja)
|
Raja سلام الاخت
وانا ايضا اقصد انك قلت الصواب فكل الارض هنا لونها احمر او تميل الى
اللون الاحمر وذلك لطبيعة الاراضى الجبلية
غينيا اكوادوريا جميلة للغاية فهى عبارة عن غابة كبيرة وتجد عليها الطابع
الاسبانى اكثر من الفرنسى فى كل شى وحتى سلوكيات الناس
الناس اغلبهم متوسطى القامة يميلون الى النحافه بعض الشى
يتعاملون مع الغريب بشكل جيد للغاية طيبيين سمحين
وهى دولة صغيرة جدا ومطلة على المحيط
وبهذه المناسبة صورة من طرف المحيط
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: قرنفل)
|
سلام بطول خط الاستواء
بنين ....كوتونو هى ايضا دولة صغيرة مطلة على المحيط
ايضا التعامل البسيط وفى حدود الممكن لا يتدخلون فى
شئون اى شخص يحبون البهجه
الجابون.....ليبرفيل دلة ساحلية مطلة على المحيط
اللغة السائده الفرنسية ايضا كل الدولة عبارة عن غابه كبيرة وجبال
الناس طيبون سمحون بتعاملون معك وكانك منهم لا يفرقون فى التعامل
بين الناس هنا نموزجين للصور فى الجابون
واحدة فى مدينة اسمها ماكوكو
والاخرى فى رحلة سياحية بى باخرة من مدينة ليبرفيل الى مدينة بورت جنتيل
وكلاهما مدن ساحلية مطلة على المحيط
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: قرنفل)
|
سلام للجميع
تقريبا كل الدول الافريقية تتشابه فى كثير من الاشياء
ولكن ما يميز بعضها النظافة وتعامل الناس
ومن خلال احتكاكى بهم وجدت ان افريقية السودان اكثر من يتخيل اى انسان
فالسودان افريقى اكثر من ما هو عربى بل تحس بانه افريقى مئة بالمئة
اما عن ان السودان متقدما على الدول الافريقية الاخرى
فهذا ضرب من اكاذيب كثيرة فالواقع عكس ذلك
................................................................
الجابون..... مدينة ماكوكو وهى مدينة صغيرة فى الحدود مع
الكنغو مدينة هادئة اهلها طيبون تمتاز بانها نظيفة جدا
اذا طلبت مساعدة تجدهم يهبون الى مساعدتك
يوجد بها ايضا عدد من السودانيين مقيميين قبل عشرة الى خمسة عشرة سنة
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: قرنفل)
|
سلام للجميع
مدينة ماكوكو هى مدينة جذابه لطبيعتها الساحرة
يتعامل معك فيها المسيحى مع المسلم مع اللا دينى
بشكل طبيعى وجيد فعلا تشوف فيها تعامل وتمازج
الاديان لا صراعها
الجابونيين اناس يمكن التعامل معهم بل يمكن ان
تعيش معهم ووسطهم بدون ان تحس انك غريب منهم
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: Elmosley)
|
مرحب بقرنفل
انا البوست دة اتاوق ليهو من زمااان
هسع غلبني السكات
روعة والله يا قرنفل
فعلا افريقيا الخلابة البكر(الي حين)
انا متاكدة ستطالها ايدي الشركات العالمية والGlobulisation
ويملئونها بالزراعات المضرة والGenetically Modified Food
والذي ثبت انه يضر بالبيئة كضرره بالانسان والحيوان
الا اذا تنبه لها ابناؤها و قاوموا هذا الغزو
والله شوقتني للسفر لهذه الاماكن الجميلة في الاجازة هربآ من الشتاء القارس هنا
شكرآ تمبس
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: إسماعيل وراق)
|
دة والله ، لعمرى، بوست متحضر وراقى
الواحد لقى نفسو بخجل لانه افريقيا دى خلونا بى سبب المناهج والاعلام..نعيش فيها جسدا لاروحا...وما نعرف عنخا الا اشتات معرفه...
لمن الواحد يطلع من الضجيج العربى الفى السودان دة ...حتى يقدر يسمع صداه فى افريقيا...ويتلمس ملامحو فى ناسها...
اهنئك قرنفل على التجربه الثره...والمعرفه المرئيه الملموسه لجمال هذه القاره فواحه العطر المتاصله فى القدم والسماح...
ولتمبس التحيه...
مع انه ما رفع اضانو الا سكسك شعر بت الجابون
| |
|
|
|
|
|
|
|
|
|
Re: **قرنــفل دبلوماسية بعدسة سودانية في خط الاستواء (Re: Tumadir)
|
سلام للجميع
سلام ibrahim eldeen لم ازور جنوب افريقيا بتمنى انى ازورها
اسماعيل وراق ..... كضبا كاضب
الاخت تماضر.... هناك الكثير من الاشياء والمدهش ايضا منها
افريقيا زاخرة بالجمال ولكن كيفية ابراز هذا الجمال
هى الاشكالية الافريقية
تمبس لمن قال كده قلنا ليهو تعال شيل السكسك
قال لا هو عاوز يمشى......
| |
|
|
|
|
|
|
| |
tmbis
Ahlalawad
ايهاب
ترهاقا
Raja
Elmosley
haneena
إسماعيل وراق
Tumadir
فيس بوك
تويتر
انستقرام
يوتيوب
بنتيريست