|
|
 ناس الحلة
|
ناس الحلة
هل تذكرون أولاد الحلة ؟
هل كنتم جزء من هذه الشريحة العريضة في السودان ؟
دوما أحس بحنينا جار ف نحو لتلك الأيام الخوالي من أيام صباي في الحلة
وناس الحلة الصغار والكبار , الجيران وبتاع الدكان وزول المويه (السقاي )
نقعد في البرش آو الفرشه المصرية نشرب شاي في عصريات بور تسودان
الخيالية آو جبنه بالجنزبيل وهاك يا ونسه مره عن المدرسة ومره عن حال البلد
و مره عن حفله لمحمد البدري أو سيد احمد ومره عن الحرامي النطه من حيطة ناس
عثمان بشير وكمان هناك ناس الكوره وشوف الشكله بين ناس الهلال والمريخ وحي العرب كمان
غايتوو جنس كلامات ,بهناك الشفع كمان يلعبو االحجله المنافسات شغاله ما بينهم
ناس عمك آبو طالب الله يرحمه وناس الحاج وعمنا السناري ديلاك كمان ونستهم براهم
سياسة وراديو وعن مشاكل الأولاد والسوق والتجار وهموم الدنيا الكتيره , آما النسوان حكايتهم حكايه تانيه
خالص اه يا خاله ماشي وين تقول ليك ماشي ناس كلتوم نبارك ليهم عرس ولدهم ياسر وبهناك الحبوبات كمان
اه انتوا ماشات وين , يا ولدي ما عندك خبر ود التومه ما مات ونحن ماشين نقوم بالواجب اه توصلنا اطلب لينا تكسي
ارحكاكه معانا
والمغرب يخش بعداك وحي علي الصلاة وكلنا صغار كبار للجامع بتاع الجزيره نصلي هناك ونقرا قران شويه كده
وبعد داك للبيوت كله زول لبيته يتلموا ناس البيت ونسات شويه كده وقبل المسلسل العرب مايجي تقوم تقول ماامشي احضره
مع ناس السناري حاجه لذيذة حلاص تحضر المسلسل مع الجيران تعليقات ونقاشات حول المسلسل ومرات شكل كمان
وبعد داك ماتقول لي عالم السينما كمان اووك الشباب مايفوتوه ابدا يساهروا ليغيت 1 باليل وناس البيت ياولاد ماتنوموا السهر
ماكويس عشانكم
غايتوا يوم طوبل بخيره بشره عدا
ايام اصبحت زكريات لها طعما خاص ونحن في الغربة الموحشة هذه الزكريات تؤلمنا جدا
لحد تتمني فيه الزوال من هذه الدنيا المادية الموحشة وتتمني لو انك ماخلقت ابدا او لم تترك السودان ابدا ابدا مهما كانت الظروف
ياريت لو نرجع هسع لوطنا الجميل الحلو مانسيبوا ابدا
ودوما أنت في أعماق قلبي يا سوداني الحبيب
degna
|
|
 
|
|
|
|
|
| |
degna
فيس بوك
تويتر
انستقرام
يوتيوب
بنتيريست