|
الكتيابى ...مشتاقون حتى العظم
|
شاعرنا الكبير عبد القادر الكتيابى يسجل غيابا عن البورد لمدة طويلة[/B نسأل الله أن يكون المانع خيرا ..نشتاقه ونتمناه ناثرا للجمال بهذا البورد..وأهديكم هذا النص القديم من ديوانه رقصة الهياج والذى ظل فى دواخلنا منذ أن كنا طلابا ..له ولكم التحية
خطب النسيم وقال إنك فى الطريق رئتاى صفقتا وصفقتا كأجنحة الحمام والشعر أفلت من عقالة توبتى واندس فى وبر الهيام فالليلة البدر التمام والليلة الافراح يا نورت لى ومنحتنى صفة التلطف عند مدخل المقام صعب على وأنت قد بشرتنى الا أبوح بشرتنى ابيض المدى حولى بروقك أوشكت وتهيأت مقل السفوح بشرتنى فالنور والاظلال واللحن الصداوى المؤوج قصر الزمام على البصيرة والتقت صرط العروج فاغفر إذا شوقا دخلت اليك من باب الخروج
|
|
|
|
|
|
|
|
Re: الكتيابى ...مشتاقون حتى العظم (Re: Giwey)
|
أخي الكريم عبدالرحمن حمدالنيل أختي الأستاذة الجندرية الله يطراكم بالخير دايما و إن شا الله ربنا يقدرني أبقى قدر التقدير ده وأهل للمحبة ، أطمئنكم على صحتي الحمد لله أنا بخير و الله ـ و طبعا متابع كل البوستات الجديدة بدون تمييز ـ أضحك في ما يضحك منها وأبكي في ما يبكي و أعمل العكس أحيانا ، وحقيقة والله فعلا البورد بيدينا إحساس إنه بقى الوطن زي ما قال الريس بكري ـ الله يبارك فيه ، طبعا ـ بتصفح البورد مرتين وللا تلاتة مرات بالكتير في الأسبوع عشان تكون الشكلات الجديدة بردت شوية و الموضوعات الجادة الجديدة برضو تكون جابت ليها ردود ويكونو الناس اللطيفين البينزلو الغنا اتكرموا علينا بي حاجة من ذوقهم الجميل ، طبعا دي طريقتي الخاصة في الاستمتاع بالبورد ـ وبعداك بعمل جولة بين الغرف السودانية في البالتوك ـ نفس الشي ، الشكلات و( البري) الظريف ـ وطبعا بكون سعيد جدا لما ألقى فيها مجموعة من شبابنا الجادين في الاستفادة من النعمة دي ، زي ناس ( سنارك وهاروت ومازري وروعة وأحلى عنيدة وشاعرتنا سوما وعجاج البحر والأخت أمدرمانية وأخي الفنان ملامح وبحري العرسان وغيرهم من الأحبة الرائعين ) طبعا بتأمل بعين الأب والأخ الأكبر في كل التفاصيل و براجع نفسي كتير جدا لما يخطر لي أداخل في شي منها ـ لكن غالبا صمتي بينتصر علي غصبا عني ، ما بكون مرتاح لي صمتي لكن بعديييييييييييييييييييييييين لما أشوف المشكلة الكنت عايز أداخل فيها وصلت لي شنو .. اقول الحمد لله انو صمتي انتصر علي قبيل ، جربت الطريقة دي ، لقيتها جدا جميلة ، أتمنى الناس تجربها ، لأنها أكيد حتساعد كمان على بقاء البوستات فوق لى فترة أطول عشان الناس كلها تتابع ( الخلاصات المفيدة ) ويتحقق للموضوع الواحد أكبر عدد من القراء وليس العكس ـ برضه كمان كنت بتمنى إنو كل رجال البورد ، يغيروا أسماءهم المستعارة بي الأسماء الحقيقية ـ لأنو أفتكر ده الوضع الطبيعي لتحاور العقلاء الصادقين الشجعان البيتحملوا مسؤلية كلامهم أمام الفيل وظله ( مع إنو أفيالنا دي ظلالها ذااااتها بقت أفيال قايمة بي ذاتها ) فضلا عن إنه المباشرة بالأسماء توسع دائرة التعارف والانتفاع بالعلاقات في شؤون الحياة المختلفة ـ وبتساعد بفاعلية في التواصل الموضوعي خاصة في حوارات الهوية . إن شاء الله حأنشر في القريب العاجل صفحات جديدة من التوثيق ونص محاضرتي القدمتها في النادي العربي بالشارقة ( مواضع التحريف ) وأشعار جديدة ـ تقديرا وإعزازا لكما أختي الجندرية وأخي عبدالرحمن حمدالنيل و لأستاذ الجيل الموصلي وابن الأخت الريس بكري وكل رواد الساحة الرايعة دي ـ لكم مني جزيل الشكر وأحلى المنى .
كتيابي
| |
|
|
|
|
|
|
Re: الكتيابى ...مشتاقون حتى العظم (Re: bushra suleiman)
|
الاحباب الجندرية اهل العوض الموصلى بشرى سليمان
سلام وتحية
شكرا لكم وانتم تعزفون معى هذا النداء للحبيب عبد القادر الكتيابى
وشكرا شاعرنا الكبير على الاستجابة السريعة ودمت حارسا للغة والكلام موفور العذوبة
ولكم الود من قبل ومن بعد
| |
|
|
|
|
|
|
|