|
ما بنختلف - كبدة ساجدة - وأشياء أشباه
|
أن تقضي إجازتك في السودان فأنت حتما أكلت ما وزنه خروف كامل بكل مكوناته .
أن تقضي إجازتك بالسودان فيعني أنك ربما مر بك حوار كهذا أو شبيه
ياخ لو سمحت السلعة الفلانية دي بي كم؟ البائع : شوف طلبك ولا يهمك أنت : ياخ لو سمحت بتبيعوها بي كم؟ البائع : يا حبيبنا ما بنختلف ، قول انت بس داير شنو أو
يا أوسطى بتوصلنا للحتة الفلانية بي كم ؟ السائق : يا مولانا اركب وما بنختلف انت بإلحاح : يا أدفع ليك كم؟ السائق : يا شيخنا الناس الجايين من بلد الرسول ديل نحن بنشيلهم كان ما دفعوا لينا كلو كلو طبعا النهاية معروفة : الاختلاف
أي نوع من الأكباد تلك التي في جوف ساجدة خير الله ؟ هذه المرأة التي بدأت حياتها عادية ثم هادئة ثم هانئة ثم مليئة بالعظمة ، ثم عاصفة . الذي أعرفه فقط أنها شهدت مصرع أخيها الوزير عدنان خير الله بيد من؟ الله أعلم . ثم مقتل ختنيها - زوجي إبنتهيا وأبناء عمومة زوجها . ثم هي الآن خارج إطار العظمة والسلطة وترى ويرى العالم مذبح وتشنيع ابنيها عدي وقصي .. تعرض جثثهما بهذه البساطة والسماجة
- أشياء أشباه -
الليلة عرب الصبا اتدلو للغشيان نشوف اللونو يخفى البرق من الصفيان نية الكنكلو الركاب من الطمحان تخلي السندقيقة تواقع الصيحان وسلامتكم
نحيكم في يوم خرطومي بدأ ربيعيا وانقلب إلى مغبر غبار شديد .. ثم عاااادي والقير عايدي ..
نشوقكم كان الله طلق هاكم الخدمة الالزامية دي تحياتي لك الما سأل عنا والسألو قبالهم
أهل العوض
|
|
|
|
|
|
|
العنوان |
الكاتب |
Date |
ما بنختلف - كبدة ساجدة - وأشياء أشباه | Ahlalawad | 07-27-03, 06:50 PM |
Re: ما بنختلف - كبدة ساجدة - وأشياء أشباه | tmbis | 07-27-03, 07:12 PM |
Re: ما بنختلف - كبدة ساجدة - وأشياء أشباه | بدرالدين شنا | 07-27-03, 07:20 PM |
Re: ما بنختلف - كبدة ساجدة - وأشياء أشباه | ابو جهينة | 07-28-03, 10:41 AM |
Re: ما بنختلف - كبدة ساجدة - وأشياء أشباه | shiry | 07-28-03, 10:49 AM |
Re: ما بنختلف - كبدة ساجدة - وأشياء أشباه | ودقاسم | 07-28-03, 11:25 AM |
Re: ما بنختلف - كبدة ساجدة - وأشياء أشباه | ابوحراز | 07-28-03, 11:48 AM |
Re: ما بنختلف - كبدة ساجدة - وأشياء أشباه | الجندرية | 07-28-03, 11:43 AM |
Re: ما بنختلف - كبدة ساجدة - وأشياء أشباه | Ahlalawad | 07-28-03, 07:38 PM |
Re: ما بنختلف - كبدة ساجدة - وأشياء أشباه | DKEEN | 07-29-03, 10:51 AM |
Re: ما بنختلف - كبدة ساجدة - وأشياء أشباه | THE RAIN | 07-29-03, 11:06 AM |
|
|
|