|
|
 الشعر الشعبي عند الرباطاب
|
هو كتاب للدكتور الطيب علي ابو سن
كتاب قيم جدا بمحتواه وبما فيه للسرد الجميل للشعر عند الرباطاب واخيرا تم عرف موهبة واثبات للرباطاب غير المساخة كما يزعم الشوايقة وغيرهم من قبائل السودان
الكتاب يقدم
باب المدح النبوي واشهر شعرائه وشعرهم
المدح العام والفخر
مدح مشايخ الطرق
الغزل فنه عند الرباطاب وشعراء الغزل ومنهم عبد الحفيظ محمد احمد
حميدة الكويتية واخيرا الفنان والشاعر والملحن الكبير احمد عمر الرباطابي
وباب للهجاء وشعراء الهجاء
واحمد عمر هذا مفروض يخصص له باب بل كتاب كامل لشعره الجميل الفصيح البديه الرائع
وعندما ارادت سلطات الاذاعة ان تختار الشعار لبرنامج ربوع السودان نظم احمد عمر الرباطابي تلك الابيات الخالدات وغنوها الكثيرون من بعده
من امدر يا ربوع سودانا
نحيك وانتا كل امالنا
نحيك في القرى والبادية
وفي كل الاراضي الهادية
في الخرطوم زهورك بادية
تهواك النفوس ليك راضية
في غربك عروس الرمال
وفي شرقك اية جمال
جنوبك واسع مجال
ياحلاة رطبك في الشمال
من سحر الجنوب جود لينا
ومن فيض كردفان اغنينا
في شرقك رصيد وادينا
شمالك فيه بركاوينا
وفاز فعلا هو واختير شعره ليكون شعار البرنامج
حرث الكاتب العديد من المصادر ومنها
احمد حاج مصطفى
الرواة
عبد الله علي ابراهيم واحمد عبد الرحيم
وطبقات ود ضيف الله وغيرهم من المصادر
مكتبة الفلاح نشرته ووزعته ويوجد في العديد من المكتبات في لندن وخاصة الخليج واهم مركز يجد فيه مكتبات الساقي بالعالم
khalid
|
|
 
|
|
|
|
|
|
|
 Re: الشعر الشعبي عند الرباطاب (Re: خالد)
|
تسلم يا خالد.. والله ما قصرت
......................
أرجو قبول التصحيح هذا
فى الخرطوم زهورك نادية
...............
وليس بادية كما تفضلت أنت
..................
وهنالك فرق كبير..
بين بادية ونادية
..............
قال ليكي واحد رباطابي
جاء يدخل فى القطر لما وصل ابوحمد وقطر كريمة كان مليان.. الرباطابي يدافر عايز يخش... وطبعاً الشوايقة بيزهجوا من الرباطاب شديد والعكس صحيح..
الرباطابي ماشي داخل عفص الشايقي في رجلوا.. الشايقي قال ليهو.. ياخي زح كراعك دي..عفصتا رجلنا... الرباطابي قال للشايقي سبحان الله... الخلي اللتك رجل واللتي كراع شنو؟ والله عشان دي بتاعة شايقي بقت رجل وبتاعتي أنا بقت كراع.. والله عشان اللتك لابسة بنطلون والتي لابسة سروال بي تكة...؟
| |
|
|
|
|
|
|
|
|
|
Re: الشعر الشعبي عند الرباطاب (Re: سودانوبس)
|
الاخوان ابو ساجد وسجيمان وسودانوبس
لك الشكر وشكرا يا سودان على الغلطة المطبعية ومشكور على النكته
يا سجيمان لو داير امشي مكتبة السقاي في السعودية عندها الكتاب ده ويا ابو ساجدة الشاعر ود مصطفي مذكور في الكتاب
| |
|
|
|
|
|
|
|
|
|
Re: الشعر الشعبي عند الرباطاب (Re: خالد)
|
شكرا الاخ خالد
علي الكتاب القيم
وين نلقي مكتبة السقاي في اي مدينة في السعودية
لك خالص الشكر والتقدير علي البوست الجميل
طبعا نحنا هنا كمية كبيرة جدا من الرباطاب في المنبر ومربحا بك معنا
| |
|
|
|
|
|
|
|
|
|
Re: الشعر الشعبي عند الرباطاب (Re: مهاجر)
|
والله يا مهاجر انا نزلت البوست ده اجس بيو نبض الرباطاب وكنت خايف اكتب انا رباطابي والشوايقه يقوموا علي لكن ما دام انتا رباطابي ونحنا كتار كدة وبتحموني انا جد رباطابي
| |
|
|
|
|
|
|
|
|
|
Re: الشعر الشعبي عند الرباطاب (Re: Maged)
|
من كلمات للشاعر احمد عمر الرباطابي
الدقاق (1) الديسة (2) كال (3) ا
المفرهد (4) نواره شال
الشتيل القائم صغار
سيده واحد ماهن كتار
فهنا شبه محبوبته بالنخله وغازلها والملاحظ للبيت الاخير نجد سيده واحد ماهن كتار وهي ملك لواحد لا كثر من الاشخاص فالارض والشتلة ملك للذي زرعها وسقاها لذى محصولها هو من نصيبه
الهامش
1 الصغير
2 شعره
3 كثر وتجمع
4 المنتعش وهنا بمعنى المخضر
شكرا للشباب المشاركين كلهم وبقول ليكم يا مجدي وزمراوي حبه حبه على والله كترة الشغل بتخليني اقراء بس ما اكتب موضوع لكن بحاول كل مرة انزل واشرح
khalid
| |
|
|
|
|
|
|
|
|
|
Re: الشعر الشعبي عند الرباطاب (Re: خالد)
|
الدقاق...الديسة كال
دقاق...دايماُ الصغرة مطلوبة ومرغوبة
( الدقاق الدفيقو تاق
الجويهل ليا ترياق
قلبي غير ذكراها ما طاق)
في هذا البيت الذي يجمل نفس المعني تجد الشاعر يصف محبوبته ايضاً بالدقاق والجويهل ليس من الجهل ضد المعرفة وانما من صغر السن..أي فى عمر الزهور
( في عمر الزهور نديانة دابه
يا الله الكريم تحفظ شبابه صغيره
دقاق..حاجة سغمبتوتية..دقنجقونية محبوبة...
الديسو كال..
الديس نبات بحري معروف ..ينمو على شواطئ الأنهار والجزر. أخضر غزير..طويل الأفرع شبه به شعر المحبوبة...هنالك منطقة في الرباطاب..تسمي أبو ديس... وقد وجدت فى فلسطين قرية ايضاً تسمي أبو ديس...
الديسو كال..
كال كناية على المكيال...من الكيل..ديسو كال وزن..ثقل حمله على كتفها من غزارته....
والشعر الشايقي قال
( سبيبا النازل حلالا
تسند فيهو وأبالا(
حلالا..شعرا حقها الأصلي ما فيهو سلة ولا جورحسي.... ياناس زمان.زبس أنا ما من ناس زمان...
تسند بتشديد النون...وابالا..ما قدرت ترجع شعرها لى فوق..تمسك الخصلة دي..تتفكا دي..زترفع دي التانية تجر بالواطة..لغاية ما تعبت
...وبرضو انا ما رباطابي
| |
|
|
|
|
|
|
|
|
|
Re: الشعر الشعبي عند الرباطاب (Re: خالد)
|
أسمع اذا قدرت كتاب اب سن دا برضو نزل لينا منو شوية...ديل ناس اب سن..عمد ومشايخ فى الرباطاب وهم نفسهم جماعة سلمان اب حجل.. وفروعهم كثيرة فى الرباطاب..زلكن يتركزوا فى منطقة الباقير..التي نزل بها الجيش التركي في طريقه الي بربر...
وبرضو أنا ما رباطابي
| |
|
|
|
|
|
|
|
|
|
Re: الشعر الشعبي عند الرباطاب (Re: james)
|
والله يا هوبلس نحنا ما مساااااااااااااااااااااااااااااااااااخ
نحنا مسااااااااااااااااااااااااااااااااااااااااااح
بعدين قصدك شنو يسا جيمس بي رباطاب دي يعني تريقة ولا شنو مالنا ما رباطاب ومعروفين واحسن ناس والناس كايسة نسب معانا بالجهتين ما بتلقى فينا طريقة لا جكس ولا شباب
| |
|
|
|
|
|
|
|
|
 Re: الشعر الشعبي عند الرباطاب (Re: خالد)
|
شنو يا شباب عايزين تعملوا شنو لاخونا دا
انتوا نسيتوا الرباطاب هنا ولا شنو
اعمل حسابك يا هوبلس
ويا جيمس
نحنا اصل وفصل
عز واهل
وقالوا العز اهل
ونحنا مافينا خلطة طينة واحدة
ودمنا واحد وصفنا واحد ياهو ما كدي
وين المكتبة يا خالد في السعودية في اي مدينة
شفقتنا تاني سالتك وما رديت علي
| |
|
|
|
|
|
|
|
|
 Re: الشعر الشعبي عند الرباطاب (Re: مهاجر)
|
مهاجر اخوي سلام
الغريبه انك ما مسييييييييييييييخ
تكون تقليد ياربي ولا شنو؟؟؟
قلت لي دمكم واحد؟؟
ودا بتوزعوهو بيناتكم بالصرفه ولا بالكوته
وعينتو شنو؟؟؟
*بالمناسبه مكتبة المريخ فيها الكتاب البتسأل عنو وجميع الكتب النادره*
تفحيط
.
| |
|
|
|
|
|
|
|
|
|
Re: الشعر الشعبي عند الرباطاب (Re: HOPELESS)
|
اخونا جمال
والله جاء المنبر دا مسيخ لكن الناس الطاعمة دي وهدوا فيني شوية كدا
وبقيت يعني
دمنا دا لانوا ما بندي بتنا ولا وليداتنا بسهولة عشان بقوا زي اليهود
لكن الان تغيروا كتير وبقوا بتزوجوا من برة
| |
|
|
|
|
|
|
|
|
|
Re: الشعر الشعبي عند الرباطاب (Re: سجيمان)
|
يا سلام على اهلى الرباطاب
وبالمناسبة البورد فيهو كمية من اولاد رباط
بربر
الشريك
ابو هشيم
ابو ديس
عتمور
ندى
كرقس
الكرو
دقش
الزويره
الجزيرة مقرات
السنجراب
مقل
كجى
كلسكل قبلى وبحرى
حوش خالد
الدلتا
الهادياب
الحجر
وبالمناسبة الجزيرة مقرات اكبر جزيرة فى السودان
| |
|
|
|
|
|
|
|
|
|
Re: الشعر الشعبي عند الرباطاب (Re: faisal44)
|
فيص ومهاجر وسجيمان والله بمناسبة سجيمان دي اتذكرت حاجة مرة في راجل كبير من قيادات التجمع دي فتح البورد كايس على مقال دكتور منصور فاول ما فتح كدة لقى اسم سجيمان قال لي ياخ معقولة في واحد اسموا سجيمان قلت ليو اي قال لي ياخ ده الا يكون عوير من بطن اموا
شكرا يا شباب على المشاركة وخاصة المشاركات الطويلة
| |
|
|
|
|
|
|
|
|
|
Re: الشعر الشعبي عند الرباطاب (Re: خالد)
|
يا خالد...... خلي الخياسة....وامشي اسحب القصيدة بتاعت الشماشية........ وبعدين انت وزولك الكبيربتاع المعارضة دا.......ان شاء الله تعرضو عرايا قول امين
| |
|
|
|
|
|
|
|
|
|
Re: الشعر الشعبي عند الرباطاب (Re: سجيمان)
|
يارباطاب
سلام
انا احتمال اطلع رباطابى
عندى جدى اسمه سليمان ود ابراهيم ودعرمان جاء من الشمالية زمان وسكن فى غرب الجزيرة وتزوج من الكواهلة كدى شوفو لى الاسم دا فى دياركم فى وياريت يطلع كمان كان ساكن فى جزيرة وعنده نخل وجروف
خلونا نشوف حقنا وما عندكم مشكلة ليكم حق القص
وتسلمو
| |
|
|
|
|
|
|
|
|
|
Re: الشعر الشعبي عند الرباطاب (Re: abuguta)
|
امشي يا بتتوحم يا بتتوهم يا عوير زي ما قال الراجل ده بعدين ياخ انتا مالك ومال القصيدة بتاعت الشماسية زولها بتحب وبتعزي في روحها ياخ سيبها في حالها
يا اب قوتة على الطلاق انتا رباطابي يا ناس عرمان لكن والله حكاية الارض دي صعبة لكن تعال حبابك الف بنديك نخلة
| |
|
|
|
|
|
|
| |
خالد
سجيمان
مهاجر
james
abuguta
فيس بوك
تويتر
انستقرام
يوتيوب
بنتيريست