|
|
 Re: اوضتنا يا اولاد ممنوع دخول البنات او النساء (Re: السفير)
|
ازيكم يا البنات بس .....مشتاقين يالبنات بس ............فاقدينكم يالبنات بس انتوا يالاولاد يا العزابة لو ما انحنا اوضتكم دى ما بتبقى كوشه يانا انحنا البنزينها وانحنا لونها ووردتها وجيهتها وريحتها الحلوه انحنا الاخت البتحن والام البتربى والصديقة البتقيف فى الحارة والزوجة البتحن وبتحب والمرأة البتسبى وبتربى والحبيبة البتحنن وبتجنن البتساهرو ليها الليل وبتكتبواا فيها الشعر وبترسموا بى الهامها اجمل اللوحات البتتقيفوا ليها وبتتراشقوا لمن نخجل ليكم مالك بعد ده كله بتطردونا يا مجهجهين لقمتك ورقدتكم وجيهتكم ما بينا اسه والله لو مرقنا من خرابتكم دى سوقها يبرد وموضوعكم ينتهى اخير ليكم صلحواا علاقتكم معانا بكره الحرابه تقوم بيناتكم ما بتلقونا الا انحنا نتوسط ونصالح ونهدى اخير ليييييييييييييييييييييييكم ابدوا بداية كويسه معانا اها بعد ده كلوا بتطردونا قولوا لى ويا بنات شكرا شكرا شكرا ما تصفقوا لى والله انا ما عملت حاجه شكرا ليكم تماضر العجله اتنفخت ولا لا
| |
 
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: حنين للبلد)
|
يا اختي ما تخلينا
انتن من زمن بنكتب فيكن الشعر ونتغزل فيكن..؟
اوضتنا قبل ما تدخلن علينا كانت مرتتتتتتبه ونضيفه ويا حلاته
وحلتنا كانت بوخه يلاوي وجواها 5 كيلو لحمه ما زي حلتكن الدايره تتحله منكن ديك
يا بت هووووووي سوقي اخواتك وفارقننا نحن خلاص قلنا الرووووووب
دايرين نعيش في هدؤ بعيد عن البنات ومشاكلن
تعالي النسعلك
في راجل تعيس وما كانت سبب تعاستو المرا...؟؟؟؟
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هيا جمال والله سويتها ظاهره انتى بينى وبينك كده النسوان ديل معقدينك فى شنو انت الظاهر عليك ....................زززززز معقداك مره ولا شنو طاردنا مالك وانت من زمن حلتكم بى خمسة ولا ما عارفه كم كيلو لحمة والله تلقاك حلتك فيها خمسة لحمات وانا ما كنت دايرة نبزنايبقى باللحم لكن انتى البديتها وانى تقول لى شنو اوضتكم مجيها والله العظيم انا من الكرور لسه ما اتبينتها بدايتها من نهايتها غير الجزم والقمصان المجدعه والامشاط الفى الاواطه ما فى حاجه قابلتنى وما تنسى الكوشتينها الكل ورقه ما بتشبه اختها كده بالله انسانا وانا والله مافى شىء جابنى ليكم الا عشان احزركم من الكشة بتاعت الخدمة الالزامية للعاطلين الزيكم المتلمين فى اوضتكم دى لكن انتوا ما بتنفع فيكم الحسنه والله حقوا الزول يمشى يبلغ عنكم ويرشد على وكر العواطلية ده قال اوضة قال اسمع هنا انحنا زتنا اوضتكم دى حنشيلها منكم لأنه دايرين نقلبها تكل نعوس فيه ونشد فيه العصيده ونسعى لينا فيه كتاكيت ينفعونا تكل لى تكل اخير نستفيد اها بعد ده اخير تمرقوا لينا بى حسنتكم قبال مااااااااااااااااااااااااااا
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
ابو حسين نسوان السجم انحنا يالمالاقى ليك بت ترضى بيك جابو لى شمارك قالو اى بت تمشى ليها تكشك انت زاتك معقد من النسوان الاوضة دى ما بنزح ما بنزح منها وتعال هنا النبذ شنو ما تخليك راقى شوية مالك انحنا شبه السجم
يالمبتشبه العرب ولا العجم
يالابليس لى خلقتك رجم
انحنا شبه السجم
تقول لينا يا سجمانات
نحنا نحنا ناس مهيرة وعازه ست البنات
نحنا المهندمات المجيهات
بنات الحاره اللى دروسن ما قافلات
حافظين ادبهم اخلاقهم ومؤدبات
وبرضه تقول علينا سجمانات
هى والله انا شااااااااعره عديييييييييييييل كدة يابت لا ............
خطيرة والله
يا بنا رايكم شنو فى الشعر ده
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
أها سلااام يا جماعة.. وسلااام خاص للأولاد القالو انو الأوضة بتاعتهم
وهم عارفين نفسهم كوييييس
----
هوبلس
احسن ليك تقبل بمبدأ التفاوض عشان نقدر نتلافى المشاكل ونلم الموضوع بدل ما تجينا بكرة ولا بعده عشان ركن فيها أو متاوقة
---
أبوحسين
غايتو مكابرتك دي اصلو ما شفت زيها.. يا زول خلاص الموضوع انتهى ولازم ترفع الراية البيضا.. وتبدأ في البحث عن الكلمات الحلوة بدل كلامك الشين ده من أول البوست..
نحن الأوضة ان شاء الله نأجرها لعربجية انت ما ليك دخل ، وخوفي الفيلا العلى النيل تلاقيها برضو بتاعت بنات .. فأحسن تتأكدوا من عقد الشراء في الأول وخللي بالك المرة دي، أصل ضربتين في الرأس توجع
--
الحبيبة هوزي
الأولاد والرجال الوحشين ديل ما تردي عليهم، فزيادة على مساختهم هم أخذوا ضربة قوية من سفيرتنا العزيزة
---
السفير.. أأأأخ السفيرة
أظهري وباني عليك الأمان
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
حنين البلد
خبر شنو ده الجبتيهو عن أبو حسين؟
سوري ما شفت البوست بتاعك إلا هسع، قلتي لي شنو؟ كل ما يمشي لي بت عشان يتقدم ليها تحاول الانتحار؟ عاد ده كلام يا أبوحسين،،
No wonder
انو الكلام الشين ده جا من وين، انا هسع عرفت نفسياتك وانصحك بجلسات مطولة مع طبيب نفس، وده ما عيب، لكن لو انت شفت فيهو حاجة ممكن نديك استشارة ببلاش كده عشان خاطر البورد الجميل ده
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هى يا رجا انتى ما ارفهالخبر بتاع الخطوبة والكشات كدى انكشى الدلاقين المجدعه دى وشوفى لينا حته ننجم واكلمك بالموضوع من اوله يا تماضر ما تزعلى مننا وتقولى انحنا بتاعين شمارات انا والله مافى حاجه بتوترنى زى الشمشرة لكن الاولاد ديل زعلونى بى نبذهم وقلت اجرب فيهم الشمشره زى ما بقوله اهلنا السودانيين يا رجا انتى من كلامه ومن هجومه الشديد ده مفروض تعرفى انه الموضوع فيه انه ده معقد وقالوا ليك عنده حساسية بتقوم علي مع السخانه ولمن يشوف لى بت ولد مخطوبين ومتفاهمين والله انا متأثره بى موضوعه ده ومحننى انا من رايى نتشارك كلنا وبدل الاوضة المكنكش فيها بلا فايدة دى نحجز ليه اوضة فى الجناح الخاص فى التجانى الماحى والله الزهلله ما عيب والجن بنداوا كعب ال...................................
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
حنين اختي
أها لميت الدلاقين ورتبت السرير شوية تعالي بي هنا، قلتي لي شنو؟ ما تخافي كل زول ما بيريد الشمارات لكن هسع تلاقيهم كلهم دخلوا روسينهم يتاوقو.. يالله قولي قبل ما يجي أبوحسين عشان نعرف نتصرف معاه كيف
انا غايتو ما معاك في اوضة التجاني الماحي دي.. لكن عندي اقتراح يمكن يعجبو.. نحن لازم نعزمه كده على شاي وكيك وبسكويتات والذي منه ونتونس معاه ونعزم معاه كم زميل وكم زميلة عشان في الأول يتعود انو ممكن البنات والأولاد يمكن يتعايشوا مع بعض عادي
تانيا نحاول نسأله كم سؤال نشوف منهم هو بيفكر كيف؟ يمكن في خيط ولا صامولة راكبة غلط، وفي الحالة دي نستعين بصديق ميكانيكي يمكن يساعد
يالله قولي لي عقدتو شنو، ومنو البنت الأدتو شاكوش؟
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
والله يا رجا غيرت رأى وما حأوريك الموضوع قلتى لى التجانى الماحى ما معاى فيها انا النفس الحنين ده ما بحبه ود الناس من الصباح ينبز فينا يا سجم ويا غيرو وتقولى لى كانى ومانى معليش انتى من جريتى واطى دربى ودربك ما واحد انحنا مطالبين باعتزار منه من اساءاته لينا وقبلها العتزار يكون من خارج الاوضة لانه حيمرق منها وهو والشباب المعاه يفضوا لينا الاوضة الاول ننضفها وبعدين نشوف الباقى شنو يا رجاانتى الطلعتى حنينه انا شخصيا حنينى للبلد للبلد للبلد وبعد داك للناس الحنان ما للبقولى لى يا سجمانه فهمتينى يا .................حنينه
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
الله الله الله .. الموضوع قلب كده ليه يا حنين؟
الحاصل شنو؟ انا ابدا ما ممكن اسامح أبوحسين في كلامو الشين المن يومداك .. لكن الراجل برضو معزور نفسيا وصحيا، وانا قلت نتعامل معه من هذا المنطلق..
قولي خير وتعالي احكي .. ولا عايزة تتعززي علي وتكتليني بالشمار؟
يالله يا زولة
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: Raja)
|
يا رجاء عارفك حا تكون أكثر شماته من التانيين علشان كدا جارية وراء
الشمار بتاع السجمانة الإسمها حنين للبلد دي شـوفي لا شمار و لا شـطـه
يعني أنا إسمي أبو حسين يعني حسين دا ود الجيران و لا قايلني
زي السفير الطلعت مش عارف شنو ديك .
المهم يا نسوان يا معولقات الأيام بيناتنا و دي سنة الحياة
إنتو طلعتونا من الجـنـة بـعـد كـدا دايرين تسو شنو .
لكن شوفتو بعد كـدا لم تجوا ماشين في الواطة عاينو كويس
ما تلقوا ليكم فخ قدامكم و كـراع البـقـر جيابه .
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
والله يا رجا غيرت رأى وما حأوريك الموضوع قلتى لى التجانى الماحى ما معاى فيها انا النفس الحنين ده ما بحبه ود الناس من الصباح ينبز فينا يا سجم ويا غيرو وتقولى لى كانى ومانى معليش انتى من جريتى واطى دربى ودربك ما واحد انحنا مطالبين باعتزار منه من اساءاته لينا وقبلها العتزار يكون من خارج الاوضة لانه حيمرق منها وهو والشباب المعاه يفضوا لينا الاوضة الاول ننضفها وبعدين نشوف الباقى شنو يا رجاانتى الطلعتى حنينه انا شخصيا حنينى للبلد للبلد للبلد وبعد داك للناس الحنان ما للبقولى لى يا سجمانه فهمتينى يا .................حنينه
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: حنين للبلد)
|
ياحنين خليك حنيييييييييييييييينة ياخي
لووووووووووووووول
عسل والله ضحكتيني
والله انتي شاعرة عديل كده
غايتو اخدتي لينا حقنا لانه غلبني الكلام مع الزول ده اسلوبه صعب علي وحياتك ، وماخد المسألة جد شديد
التقول شاري الاوضة تمليك
وكمان مش عاوز يمشي يشوف ليه اوضة تاني قلنا النخليها ليه
بس بما انكم اتلميته في اوضة السفير ورفعت رجيليكم
ادي قعدة
وعليك الله سدي الباب ده ياحنين عشان المكيف المعولق ده
يبرد لينا الاوضة
وادينا شماراتك
لووووووووووول
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
كو ..كو ..... كو,,,,كو
طق .... طق .... طق
يا ناس البيت دا فاضي ولا الحكاية شنو
ما تفتحو الباب
كدى الننط بالحيطة
الحمد لله سامع لي صوت نعلات
منو الفي الباب
احم احم دا انا الرشيد اصلى بفتش لى هوزي
هوزي معاكم أصلو بتاع البقالة
قال لي شفتها دخلت هنا
دقيقة يا عمو لوسمحت
؟؟؟؟
؟؟؟
؟
رجاء لهوزي : سجم خشمي يا هوزي
سامعة صوت ابوك بره
هوزي: كدى النلحقو بره قبل مايدخل الغرفة
المنكشة دي
الجابك هنا شنو يا بنتي
انا ما قلت ليك الجماعة ديل
ما منهم فايدة وتاني ما تمشي ليهم
معليش يا ابوي اصلى كنت محتاجة
لمرجع فى ال( الفيكيمياء) واهو جبتو
طيب يلا البيت
حاضر يا أبوي
رجاء
زولة 123
وجن
بت الخليل
هاله - قوتة
بمش وبجي بعد خمس دقائق
بعد ما أقرا المرجع
واجي ارجعو
باي
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: الرشيد أحمد القاسم)
|
الاوضة دي الظاهر ح تلم الناس كتار بس دايره شغل شديد يعني لازم تتلم البشتنه الفيها والشي التاني المكيف دا سجمان وماب يبرد يعني احسن نتقعدوا بدون مكيف في السخانة
الاخت رجاء
انا ما اشترطت عدم دخول الخاطبين لكن نصيحه ليهم حتى لا تسبب مشاكل ليهم وياخذوا شاكوش زي انور عمر باقي الشاكوش حار شديد
واحد رسل لي بريد وقالي
كن زي المسمار لا يزيدك الشاكوش الا ثبات
وين القاهو الثبات ما دام عشقت الخطيبة
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
كدي بالراحة يا الرشيد
اهلا بيك.. انت جاي تسلم ولا جاي تطفش البنيات ديل؟
عدو؟.. ولا صديق..؟
-----
أبوحسين
اتاري حنين ما خاتية عليك، استاهل انا القلت نبدأ معاك علاج حديث.. لكن الظاهر كده حكاية أوضة التجاني الماحي واجبة التنفيذ يا شين يا ما بتعرف غير النبذ وبتخاف تتكلم مع البنات الحليوات الزينا.. يا مبشتن يا معشتن يا.. الخ
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هوزي الحبيبة
تسلمي.. غايتو حاولنا مع المكيف المبشتن زي الكانو في الأوضة دي وبكرة كلمت لي مهندس (ظريف) كده قال جاي يصلحوا.. يعني تعالن نرتب الأوضة وننضفها من دلاقين ناس أبوحسين عشان المهندس ده يمكن يجي منو رجا
---
أنور
ما تزعل شديد كده.. قول لي الحبيبة اسمها منو وعليك علي بكرة دي نعزمها ليك عندنا ونصلح الأمور، لكن لازم تكون صريح وتقول لينا الحكاية بالضبط عشان ما نتفاجأ بكلامها هي
-- أبو حسين
لووووول
قااااعدة وما بمرق عشان نحرس اوضتنا دي من الناس الشينة.. فهمتني؟ يا شين؟؟
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
الاخت رجاء
الحاصل كنت مع قريبتي دي وكان الوقت بالليل يعني مواعيد المسلسل والدنيا قمره والهواء عليل وقاعدين في القوز يعني رمله بيضه وحلوة شديد وريحت البرسيم والمنقه طاقه واخر ونسه وضحك بس المشكله الظاهر انها في بنت شحنة خطيبتي دي وقالت ليها امشي شوفي خطيبك مجكس
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
باروكة والله خجلتينى مالك ومال شعر البت اجى يا ود امى انت الرجال التانيين ديل ساكتين ومخليين المثل السىء ده يتكلم بالنيابة عنهم ليييييييييييه وتانى حاجه ما دام الموضوع شعر وما شعر حاترفع ارد عليك كمان داير تجرجرنا لكن انت عا رف انا ردك ده عجبنى لى رجاء والله يا رجويه شمتااااااااااااااااااااااانه فيك وتستاهلى يقول ليك كده وكمان تقولى لى خليك حنينه انتى شفتى المحنه المع زى ناس ديل بتوصل لى شنو وتانى حاجه انت هووووووووووووووووووووووووووي يالمابقول اسمك يتربنى من التراب الفى وما بجيب سيرتك تعكرنى انت ياللمن نعدهم الراقيين ما بتعدك ولمن نعبرهم ما بنعبرك تقول لى يا سجمانة لكن انا راضياها منك وما بديك فرصة الليلة تفشى النوبة الجاتك دى الليله الا اكان اخليها تمرضك معليش اها تانى موضوعك شنو يا ملكلك وما مع النضيفين محكحك كدى نضفوا الاوضة حقتكم دى عشان الاستاذ الموصلى امكن يفكر يزوركم ويرد يخفف علينا انحنا والله كنا بس بنهزر لكن داير تقلبها جد حبابك وحباااااابك وحبااااابك وللمساخة افتح بابك انحنا بنقولوا عديييييل ما بنغتابك تنبذنا لكن عازرااك قالوا لى لسه داايش من الشاكوش معليش امسحها فينا انحنا السجمانين ديل بنستحملك ما ياكا ود جيرانا وبنعزرك الفيك مكفغيك يا رجا اعزرى عشان خاطرى كفاية العلية ما تتورى عليه المواجع كفاهه معور عويره جامده وانا بعد كدة عندى ملاح ماشه اشدة ولو بقت الاوضة السجلوها لى بى اسمه دى هى الموضوع امرقن خلنها لى انا بجيكم بعد شوية افتحه لين الهول والفراندا الفى حوشنا وخلوا البيبان كلها مفتحها للقاشى والماشى للحبان وال......................زالزعلان حتى انت يا النبزتنا ممكن تجى دى ما اوضة ده قلب كبير للحبان والجيران والزعلان والمعور . وأنا بهديك الابيات الجاية دى اكلن تطفى ليك نارك ودى اتقالت من بت مشوكشة لكن ما من الزيك من زول راقى تعال شوفها بعد ما هو قرر انه يبعد عنها ويطوى صفحتها على الرغم من إنه هو السابها شوف الكلام الجايىدا اكان تغير لهجتك وخلقتك
قبل ترحل تعال أرسم حروف إسمك على قلبى
وأروى كمان بدمعاتك شتيلة الذرى فى دربى
قبل ترحل تخلينى وقبل ما الهم يوالينى
بدور أحفظ بدور أكتب تملينى
بدور أرسم زعل عينيك قبل ترحل تخلينى
وقبل ما الهم يوالينى
وفى أعماقى يا راحل بتوقد نار
بحس بلهيبها بىفى أعماقى فى ضم الوداع الحار
أوادعك تانى وأبقى براى
وفوق ليل الأسى الممدود أشيل الليل تعدى خطاى
تعال قول لى بس كيفن بطيق ليل الهموم الجاى
تعال قول لى بس لى منو بقول شعرى وبغنى براى
ويا راحل أمانه بلاك ما أشقى وأعيش فى غربة وأتألم
وأحاول أبدو ليك صابره وفى أعماقى بتظلم
أمل راحل عمر راحل ده كل الكون معاك راحل مفارق الدار
بعد ما سمعت الكلام ده أمرض مرضك
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: حنين للبلد)
|
دا غـزل و لا شـنـو ؟؟؟ بيني و بينك أنا فهمي ضـعـيـف شـديـد
بعدين الرجال التانين ساكتين مأملين في جكيسة لكن أنا ما عندي
الأمـل دا علشان كـدا واقف ليكن شـوكـة حــوت.
بعدين يا .........(حزفت لعدم التكرارلأنها موجودة في أكتر من رد من ردودي) إنتن لو
عندكن أوضة تلمكن كان جيتن هنا في نص الرجال و بعدين شايفك إستلمتي الموضوع
و بقيتي ستو.
و هي ما دام بقت عليك إنتي و رجاء دا طـرفي منها إتهنوا بيها
بس إنشاءالله تمسكن ما تشردن منها لم نحن نتخارج منها.
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هيا دا المشتهى الحنيطير يطير انحنا والله العظيم ده ما فهمنا انحنا قلن نتونس معاكم وكده ويا اخوى ارجع لى اوضتك و اتهنى بيها ما تحردها لينا لانه مافى زول برضه يأوئيك وكان على انا اها دى اخر مره تشوفنى فى اوضتكم دى ارجع يا ود امى انحنا كنا بس بنتونس وكان على النب> الانتى قلته فينا انحنا عاافينك والله يعمرها ليكم ويا رجا ارحكاكى نشوف تانى موضوعهم شنو يا انته العفو والعافيه لله والرسول ما كان قصدنا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هيا دا المشتهى الحنيطير يطير انحنا والله العظيم ده ما فهمنا انحنا قلن نتونس معاكم وكده ويا اخوى ارجع لى اوضتك و اتهنى بيها ما تحردها لينا لانه مافى زول برضه يأوئيك وكان على انا اها دى اخر مره تشوفنى فى اوضتكم دى ارجع يا ود امى انحنا كنا بس بنتونس وكان على النب> الانتى قلته فينا انحنا عاافينك والله يعمرها ليكم ويا رجا ارحكاكى نشوف تانى موضوعهم شنو يا انته العفو والعافيه لله والرسول ما كان قصدنا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
هيا دا المشتهى الحنيطير يطير انحنا والله العظيم ده ما فهمنا انحنا قلن نتونس معاكم وكده ويا اخوى ارجع لى اوضتك و اتهنى بيها ما تحردها لينا لانه مافى زول برضه يأوئيك وكان على انا اها دى اخر مره تشوفنى فى اوضتكم دى ارجع يا ود امى انحنا كنا بس بنتونس وكان على النب> الانتى قلته فينا انحنا عاافينك والله يعمرها ليكم ويا رجا ارحكاكى نشوف تانى موضوعهم شنو يا انته العفو والعافيه لله والرسول ما كان قصدنا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
يا رجـــاء الكـــلام كتير الشين و السمح و الناس مقامات
و زولتك ما عندها شمارات و لا حاجة عندها مكنات بـس
و صدقيني شمار لي حلتها دي ما عندها و شكلها دي من نوع
بتاعة الحلل البسموها الـقـطـر قــام لأنها بتخت الحلة
و تجي تقابض بي جاي. و أنا خايف تكون حرقت الحلة و أخدت ليها
كلمتين تلاته من الجماعة المنتظرين الحلة .
و الخــوف الشـديـد تكون الحلة ناقصة مـلـح زيها كـدا
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
بسم الله الرحمن الرحيم
اسفه جدا جدا على الخدعه والله العظيم قصدي طيب لكن اعمل شنو اقول لي بكري يبقيها السفيره ولا شنو اسفه تاني ومعليش يا ابو حسين لو كنت صدمتك وشكرا جزيلا يا جدو انا كنت عايزه الخبر ده يتنشر في كل انحاء البورد واتمنى انو بقية ناس البورد ومن بينهم بكري ان يدخلوا هذا البوست ليعرفوا الحقيقة كامله وصحي صحي اسفه واسفه جدا جدا جدا كمان معلييييييييييش حقكم علي ولقيت نفسي في علم وكنت بتمنى انه يكون حلم
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
السفير سلام واحترام
يا ستي أسفه علي ايه..؟
مافي شئ بيستاهل اعتذار
بالعكس انتي كنتي ظريفه ولطيفه جدا وتشكري علي تكفلك بايجار الغرفه دي للم شمل العزابه
ماتتحسسي يا حسس
سفيره ههههههههههه تقبليني قنصل..؟
لوووووووووووول
نفتح سفاره بحريه
ونعزم الشله ديه
اقراء ليك وتقري ليه
والكضاب اكتر يكسب هديه
والهديه شين الهديه
طرحه ليك وعمه ليه
يا اجمل سفيره سودانيه
شفتي الغزل الهبل ديه
اهو الواحد ما صدق طلعتي بت
انا مالي ومال العزابه ...كرهتهم لله
شتت الله شمل العزابه انا يتجمعون
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: hala guta)
|
حبابكم
أنا كبير صغار البورديين
لأني العضو صاحب الأقدمية أو الرأي الماشي
أنا مبدع في قراءة نفسي لكن مين اللي يفهم
لأني على دراية بكل ما يدور في الأوضة
وكل ما يتم في الخفاء يا سفير الغرفة
أعوذ بالله من كلمة أنا ولكن أنا أبسط رجالات الغرفة هاي
طيب القلب ومحدود التطلع
شوفوا يا ناس الغرفة أنا شفت اللي ما شفتوه في زمانكم
أحنا شلنا الدنيا على كتوفال وبنيناها طوبو طوبة
ولا مش صاح يا سفيرنا
ولكن قليل الحظ يلقى في الكرشة عظمة
يلا تسلموا يا حلوين
وعشان أوضتكم تتوسع وتعملوا جنبها مطبخ ورونا وصفة لطبق لذيذ
ولا كلكم عزابة
والله كرهنا العزوبية
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
الـسـفـيـرة الخـجـلانة من تاء التأنيث
و الله إستفدنا منك برضو لأنو عرفنا الغياظة و عرفنا المسيخة و عرفنا اللميضة
الخـدعة مشت علينا لأننا ناس مساكين و ناس بنصدق أي زول .
لكن السجمانات ديل ليهن يوم برضوا و نحن قاعدين هنا حقنا ما بنخليهو و لمن
نخلي حقنا نخليهو لي نسوان كمان ؟؟؟؟ هــوزي تضحك رغم إنها ناقشة كل شي
و كان لي رجاء بقت بس قاعدة لينا خلت القدامه و الوراها و حرست البوست دا
و طماطم ديك كمان تجي داخلة تقول ليك عايزه عفريته!!! و هاله تجي عايزه عرديب
و دي كلها شماته. و نحن من ما دخلنا هنا شايفين البهدلة و البشتنه لكن
ساكتين قايلنها أوضة رجال قلنا لو قلنا أي كلام كعب برجع لينا لكن أتاريها
وسخانة بي سببها حتى ريحى الطايوق ضاربه. الله إقرفكن الأوضة بتنضفوها
من عيد لي عيد و لا شنو ؟؟؟؟؟؟. لكن حنين للبلد وينا حلته لي أسي في النار
و لا شنو دي طابخة أبو القدح و لا شنو ؟؟؟؟؟؟؟؟؟.
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
يا بنات تعالوا
انتوا صحيح المقعدكم شنو في الاوضة دي
غير شكل البنات ما شفنا فيها شي
يعني لا بيطبخوا لا بينضفوا لا بيتفرجوا على التلفزيون
لا بيتونسوا, لا بيقولوا حاجة مفيدة, لا عندهم اخبار
بس مقابلين الباب يحرسوها
اها يحرسوها على شنو
ارحكم اوضتنا
تحياتي
زولة123
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
ابوحسين رغم اننى كنت متخذه موقف اننى لا اجى جنب اوض1تكم ولا امر بى حلتكم لكنكلامك لااخير برد على وكنت لتمنى انك تكتبه فى نفس البورد عشان الناس ما تقول على خفيفة ورشيقة وبعد حقارته ليهم جات تانى تتبسم لكن معليش انا فاهمة .
الجابنى تانى انكت موضوع الاوضة البقى بايخ ده النكم حننتونى مافى زول معبركم واوضتكم عشش فيها العنكبوت وانا حبيت اكتب عشان اقول ليك بدونا الدنيا كلها خلى اويضتك المن ورق دى الدنيا كلها خراب عرفت كيف ويا رجا الشمار انا ما نطيت منه لكن ما عرفت ارد ليك واحكى ليك ويين لانه ابو لسان ده كرهنى فيها لكن اسه بعد ما شرح لى موضوعه اها اجيك للشمار واتجرس وقعد يحنس فينى يا حنينه حنى علينا وانتىما ياكى بلدنا ولازم تجوا تشرفوا الاوضة اىىى والله زى ما بقول ليك كده حنيت عليه انت ما بتعرفينى حنينة وقلت معليش نجى من جديد الاوضة نعمرها وهو قال لى برضه انه ادعوكم كلكم لتعمير الاوضة فهلا استجبتوا بعد دعوته هذه وجيبى معاك كل البنيات من شلة البورد وبينى وبينك جيبى معاك المأذون .
طبعا ما لى لى البنالت الما متزوجات لأنه مع تخييم اجواء السلام يمكن.......ما معروف.
اخيرا ابوحسين اظهر وما تخجل والكلام سمح فى خشم سيدو
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: حنين للبلد)
|
يا حنين للبلد الكـذب حـــراااام و البكذب الله بدخلو النار
انا لا قلت و لا حاجة و ما عندك أي شمار لكن رجاء لأنها ممغوصة شديد
و عايزة تتفشى بي أي طريقة علشان كـدا صـدقت إنو عندك شمار
و الله الشمار البتقصديهو دا إلا إكون شمار الحلة العايزة تعمليها دي
يعني يا رجاء لو كبت ليك الشمار حلتها حا تكون سليقة ساكت .
و تعالي يا حيني للبلد زولتك رجاء وينها هي يا ختي
دي كبت الزوغة و شتتت( على قول بت قضيم أول مرة أشوف لي كلمة في تلاتة تاء)
ألحقى أخواتك و أمشى على أوضتكم البقت خرابة ديك .
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
بـسـم الله محمد معانا ما تغشانا
جيتي من وين نحن قلنا خلاص دمنا راق الجابك شنو
الكهربائي الجبتو إصلح المكيف لقيتو غير لائق و لا شنو ؟؟؟؟؟ دي فهمتيها و لا
أشرحها هنا قدام الناس كلها ؟؟؟؟؟؟ و تسلمي يا رجاء
يا حنين للبلد ما خلاص نحن إنتهينا من كل المسائل المعلقة تاني جبتي
سيرة البحر مالك ؟؟؟؟ و تسلمي يا حنين للبلد
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: عشة بت فاطنة)
|
يا عـشـة يا بت فاطنة
ريـحـة الصـعـوط دي من الكـيـس الوقـع مـنـك و لا ما شفتيهو؟؟ شيليهو
ما تخجلي .
يا رجاء الكهربجي بقى مهندس معقول بس ؟؟؟ بـي هــدومو الوسخانة دي
و ريحة العـرق صـلـح الكـيـف ؟؟؟؟ كان كـدا الكيف دا زوقوا في الحضيض
و بعدين تعالي يا بت إنتي شكلك كدا ما بتعرفيني كويس . ما مشكلة يا بت الناس
تابعي السي إن إن علشان تعرفيني كويس .
قـلـتـي لــي الكهربجي صـلـح المـكـيـف ؟؟؟؟ آآآآآآآآآآآآآآآآآخ أنا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
يااااي صعود؟؟! الله يجازي المخلوق الجابو، شفتيهم يا عشوش بيتنكروا منو كيف؟
-----
أبوحسين
سي ان ان؟؟؟!!!! والله انت لو جيت قدام بوش ولا كوندلبزا رايس زاتهم ما حننتبه؟
يمكن كنت واحد من البجيبوهم في ضربات القدس؟؟
ها ها ها ها
مهندس قيافة!! مووووت بغبظك
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
ابوحسين وشلة العزابة يا جماعة بى وضووووووح كدة بدل اللت والعجن ما تجوا نعما اسمعوا الكلام الجاى ده كويس ما تجوا نعمل للعزابة والعزابيات الهنا ديل عرس جماعى رايكم شنو فى الاقتراح ده يا جماعة عرس جماعى للممعرسين وللدايرين يدبلوا وللعزابة العندهم نفسيات ولى ابوحسين ومحمد كان نفسياته دى تتصلح وتهدأ وأضة العزابة دى نوسع عليها كم اوضة وبرندة كدة ونعملها سكن جماعى اها رايكم شنو اتخيل لى بعد ده ممكن نتفق والفنانين عندنا فى المنبر يعنى مافى عوجة اها يا جماعة ادلوا بدلوكم رجاء معليش دى ما خفة لكن احسن نختصر الموضوعى ودخول النت كل يوم من ابو حسين وغير ابو حسين للمقابضة والنبذ ويل ابو حسين ومحمد كان بقيت ابو حسنين مش حسين واحد انت عندك مشكلة مع النسوان وانحنا نحلها ليك يا اخوى بدل المناورات دى والاسلام حلل ليك اربعة اكان نلقى لينا واحدة توافق بيك بىلانك نجاااااااااضة
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
ود الدويم
امشي يا شين من هنا انت الجابك شنو كمان؟ قال بوهيجي قال .. صحي انت عريبي ما بتعرف حاجة، ما ناقصين احنا
-----
أبوحسين
قرد انت.. منو القرد يا شين؟
----
قليبي المهضلم
تطرد منو يا بابا؟ امشي العب بعيد
----
حنين البلد
الله الله الله.. ده شنو يا بت؟ العرس الجماعي والحاجات دي الجابا شنو؟ وانت الكنتي قلتي انو قلبي حنين.. الله يجازي شواطينك.. عرس شنو؟ ومن منو؟
انتي الظاهر في شمار ما قلتيهو لينا.. انتي بتعرفي أبوحسين ده قبل كده؟؟!!!
يا بت اطردي الفكرة الشينة دي وتعالي اطردي معاي باقي الاولاد الشينين ديل ود الدويم وقليبي المهضلم وغيرهم عشان البيتزا دي خلااااص جلدت.. قال عرس جماعي قال!!!
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
يا ود الـديم باله عليك ما تنفخ لي البنوت ديل أكتر من كدا دلوعات قال
ديل الدلع في جهة و هن في جهة يا خي أقول ليك واحدة جات داخلة كيس الصعوط
وقع منها . واحـدة حالفة بي راس أبوها ما تقعد في العنقريب قالت متعودة
على قعاد الواطة بعيد عنك كانت فارشة دكوة في السوق الشعبي أم درمان
و واحدة اللي هي أول حرف من إسمها رجاء عرفتها ؟؟؟ قالت ما بتدخل لي
لي جـوة بس واقفة في الباب أصلها متعودة تركب في باب الدفار علشان الملح و كدا
الكمساري أول ما إكشكش يدينو بتنزل و حريفة شديد كمان البص أقصد الدفار
لو ماشى بي سرعة 100 بتشتت ما عندها مشكلة. و كمان في واحدة جات ليها كم
و قالت عـرس دي أظنها داخلة المنبر دا علشان تشوف ليها عرس و تشتت
أخيرا بكري بقى خاطبة دي مهنة جديدة لي بكري لكن المشكلة برضو ملح
علشان كـدا يا خـوي ما تتغشى فيهن أسأل أخوك الأوضة حارسها من ما ختو
الساس بتاعها. و كمان في واحدات دفنن في الساس ورق جابوهو من فكي
دايرات الجكس إفصل معاهن بسرعة............؟؟؟؟؟؟؟؟!!!!!!!!! إنتبه ليهن
يا ود الديم
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
دفار في عينك يا بتاع الرقشات
انت قعدت لمن فصصتنا كده ، وده عندو معنى واحد يا ذكي!!!! المهم نحن عارفين روحنا .. قال سعوط وواطة ودفار قاااال.. ياااي ده مستوى عليك الله؟
طبعا انت معذور عشان دي بيئتك اللي كنت قاعد فيها في الاوضة الوسخانة دي.. تعال اتفرج بس بي الشباك على الأوضة ، ما حتعرفها بعد التعديلات والتكييف و... الذي منه
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
منو الشين الأسمو ود الدويم ده
اطلع برة يا عريبي نحن قلنا عايزين نرتقي بمستوى الأوضة بتاعتنا ونحن حرين نجيب فيها حاجات انت ما بتفهمهاوما ضروري تتحشر فيها لأنك عمرك ما شفت زيها، ونفسي اعرف انت بتعرف شانيل؟!! سبحان الله.. اوعى يكون شانيل الكوافير الفي الناصية بتاعت المدينة الوحيدة الزرتها في حياتك..
لوووووول.. ياااااي حقيقي يااااااي
----
أبو حسين
تجيك المن الله.. فالح بس تعتمد على الكرور الجايبو معاك.. بعد كده الله اكبر عليكم .. يالله برة ما عايزين كرور و"دباس" لوووول
عارف دباس معناها شنو يا "دباس"
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
و الله لكن فعلا عشنا و شفنا فيك يا دنيا و فعلا الحياة مدرسة
يا رجاء الدباس عرفتيهو إنتي يا قبورة ما أعرفو أنا
كــدي بـــره. بقيتي براك يا كافي البلا البنات كلهن بحسن و بخجلن
طلعن بره و صوتن دا تاني ما سمعناه إنتي لسه مجعوصة في نص الرجال
و تكوركي بي صوتك الكبير دا .
فكينا يا خي خلينا نعرف نتكلم بي راحتنا و لا نشوف لينا نومة
و بالله تاكي معاك الباب براحة علشان ما تكسري القزاز الباب دا
ما زي باب السـنـط بتاعكم داك .
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
يا ود الدويم
ترى انا ساكنة في شارع الهرم.. انت اساسا من وين ولا ساكن وين.. خللى الطبق مستور زي ما بيقولو المصريين
وكدي لو سمحت ظروفك ولقيت تذكرة قطر من حلفا وجيت مصر ونزلت في العتبة تمشي لميدان رمسي وتركب "الأوتوبيس" لأنو يادوبك ده مس... وتجي للهرم ، كما راسك الخفيف ده اتلوح وبقى زي مروحة التربيزة من الشارع والعمارات والمحلات المبتعرف فيها غير الكباريهات وعلب الليل يا عريبي.. وبعدين اتكلم
اسمي رجاء عبدالحميد العباسي
انت اسمك منو؟؟؟!!!
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
تعرف يا السفير المشكلة لو عملناه اوضة برضو البنات بجوها اقوليك نخليها راكوبة على الاقل الواحد لو داير يكنسها ارفع الجنبات والهواء بقوم بالمهمة ولو اتكدست بالاوساخ من كترة الحلل المكدبة و صحون الطلس الجاية من المطاعم طبعا بتلم الهوامش ممكن على عيدان الراكوبة على الاقل المطرة بتغسلها وبروضو تقول لى دايرن نكون برانا لا انا مع الاوضة المختلطة
وما تنسى وهن رحمة لنا
مع تحياتى
@@@@@@@@@
كم وم ظلمة الليل من بهاء
ولكن كثيرا حولها لاى ارتكاب المصائب
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
عشوش حبيبتي
اهلا وسهلا.. ايوه كده أدخلي عشاننكبر كومناأصلو السفيرة الخيبانة دي طلعت بجد "سفيرة" ودبلوماسية عايزة تغطي انها بنت وتقول لينا نحن مأجرين بس.. إيجار منو؟ نحن اصحاب عتب عديييل كده..
-----
أبو حسين وينك ؟ بعد ده ممكن زي ما قالت عشوش نديك السلطة ولا أقول ليك.. موية السلطة عشان فيها شوية ريحة شية
لووووول
-----
ود الدويم
طبعا شكلي كده ما بعرف ارد على النوعية بتاعتك دي.. ومع احترامي لعبدالحميد البرنس وهو صديق أعرفع وزميل احترمه للغاية وهو يعرف ذلك.. إلا ان عبدالحميد العباسي ما عندو شبيه من الناس الممكن زيك كده يعرفهم.. وخليك بس كده ود الدويم
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
ود الدويم
انت كلامك ده كلو ريحته كده؟ لسه بقول ليك انو الظاهر ناسك ما نحن ولا انت زولنا لأننا حسب معرفتي بصاحباتي اللي في الأوضة هم كلهم بنات ناس وما سمعو بأمثالك الشينة زيك دي.. انت نسيت نفسك ولا حاجة؟ انتبه انت بتتكلم مع بنات يا.... راجل
.....
ياريت بعد ده الفاظك تنضف شويه وتترفع لفوق سواء في الجسم او أدوات الحمام اصلو كلامك له رائحة ضايقت البنات في الأوضة وهم من الصباح قاعدين ينضفوا ويرشوها بمعطر الجو من ساعة ما كتبت اول بوست ليك
أنا راسي ابيض..أو كي.. انت عندك شنو ابيض؟!!! اشك في ذلك.. حاول تفتش كده!!1
لووووووووووووووووووووووووووووووووول
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
الاخ حسين نأسف جدا على انه اشتراكنا معاكم هنا جرانا للتعامل مع من فى مستوى تعامل ود الديم لطالما وجدت مهاترات فى البورد وعدم حياء لكن يا من سميت نفسك ود الديم لو سمحت كن بمستوى من تتعامل مافى داعى للكلام البحير ده والله انا كنت متابعة موضوع الاوضة دى وكان الناس بتهزر وبتتونس لكن توقفت من المشاركة لحظة وجدت الردود بدأت تاخد منحى ما جميل لكن ردك وردودك الاخيرة للأخت رجاء حيرتنى وجعلتنى اندم اننى فى يوم من الايام دخلت هذا المنبر لاقرأهذا الكلام الدون اخى سواء كانت رجاء او غيرها لم يشتط احد فى الرد عليك ولم يجانب احد الصواب فى اى كلمة قيلت هنا لم تكون ردودك اباحية هكذا هنالك اختك وامك وزوجتك يمكن ان يقرأوا هذا البوست فكن بمستواه او توقف عن الكتابة احترمنا والبورت ده فيه بنات ناس لا اود ان افتح ردود للمهاترات من جديد وعزرا ان كانت كلماتى قاسية لكن فكر قبل ان تكتب هداك الله .وشكرا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
الأعزاء في الأوضة
حنين البلد وباقي صويحباتي والرجل المحترم أبوحسين
اتفق معك عزيزتي حنين في ان المدعو ودالدويم هذا دون اي مستوى .. لذلك اجد من الاحترام التوقف من الكتابة فيها مخلوق مثله لا يعرف الأدب أو الحديث المحترم
----
أبو حسين
اشكر لك عزيزي رقي مداخلاتك وانسحابك في الوقت المناسب بدلا من ان يكون معك في المداخلات مخلوق مثل المدعو ود الدويم
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
تتجازى يا أبو حسين.. سعوط شنو؟ ده لازم مناخيرك أخدت على الردود ديك.. يا راجل احسن من كده ما في.. انت لسة قاعد تتاوق؟
...
امبارح قلنا ليك نديك موية السلطة الفيها ريحة الشية.. خلاص نديك حتتين شية بس ما تبقى طبعك شين.. تمشي بعدها عشان ناكل نحن الكريم كراميل العاملينو
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
يا جماعة فهمونى الحاصل شنوالزول بقى ما عارف راسه من رجلية البوست ده بنسحب ويسحبوا من مشاركت ويرجعه تانى انا كتبت فيه اسال هل اوقف من سمى نفسه ود الديم وماذا تعنى رجاء انه البورد بقى نضيف ولم اجد مشاركتى هذه ما السبب هل قلت او سألت سوأل غريب او غير مقبول ام التعليق عن هذا البورد ممنوع والله يا جماعه الزول بقى ما عارف الحاصل شنو الله يهدى الجميع ومرة اخرى اقول نريده بوست ومنبر نضيف نضيف نضيف
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
السفير عشان خاطرى انسى الموضوع ده الموضوع ما شكلة عشان تعرفيها( يا شمشاره) لكن عشان اقطع دابر شمشرتك الموضوع الفاظ بذيئة يا سفير لنسى الموضوع وتانى ما تجيبى سيرته ارجوك اكيد ما ممكن تسألى تانى تقولى الالفاظ القالها شنو مش يلا انسى الموضوع ده وتعالى لينا فى الحوش الكبير البوست اسمه لا يا شباب لا اوضتنا لا اوضتكم الحوش الكبير حقنا منتظرينك يا شمشاره
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
سلاااام يا جماعة
أي نعم البوست بتاع السفير/ة لكنها فكته لينا ومشت وخلت مخلوق زي المدعو ود الدويم ده يكتب هلاويسو البيشوفها بالليل ويحلم بها غير آبه انو قاعد يتكلم مع بنات ومحترمات غصبا عنه وعن اي واحد تسول له نفسه في التقليل من الأدب والاحترام في تناول اي موضوع
---
أبو يسرا
يا عزيزي هذا ليست البوست المعني.. دي حاجة محترمة خااااالص... وانا يا السفيرة سأرسل لك ما قاله المدعو وتم محيه حفاظا على الأدب والتحدث باحترام
---
أبو حسين
وييين يا فردة؟؟؟؟!!!
| |
|
|
|
|
|
|
| |
Raja
انور عمر
ABUHUSSEIN
EMU إيمو
zola123
raheel
عشة بت فاطنة
nasiradin
بلدى يا حبوب
ابو يسرا
أحمد أمين
فيس بوك
تويتر
انستقرام
يوتيوب
بنتيريست