|
|
|
 Re: اوضتنا يا اولاد ممنوع دخول البنات او النساء (Re: السفير)
|
ما ملاحظ حاجة يا السفير ...
انو اوض الاولاد مافي عليها اقبال ... لا من الاولاد لا منهن ...
لانو ونستكم معروفة ... و كيس الصعود حايم ,,,, و علبة البرنجي لافة ...
يعني مافي جديد ...
لكن شوف اوضتن ... من قالو كدي ننفرد ... الناس اتبهلو فيهن ... اكتر من المخطلت ...
يالله الناس متوقعة تشوف شنو في اوض البنات ... ولة متوقعة تسمع شنو من غراءب الدنيا ..
و على كل ما اظن يكون في هناك جديد....
عشان كدة احنا دايرين جديد الاولاد ...
حدث يخلى الجاري علينا ما يلحقنا ,,, ولة شنو يا سفيرنا ....
تحياتي..
بيلو
| |
 
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: Sobajo)
|
ملايات مكرفسه شبابيك تضارب مع الهواء تلفزيون الا تقش وش المزيع حتي تشوف عيونو من الغبره ومطبخ حله اللبن فيها ويكه وكبايه الشاي جوه الجدردل ومعاهن ملابس داخليه
دا شنو دا ياالله اوعه اكون دخلت بيت
لا حول ولاقوه الا بالله
انا فعلا
في بيت
بسم الله الرحمن الرحيم
الله يجيب العواقب سليمه.. انا الجابني شنو
عــــــــــــزابه
عـــــزابه
الحقوني يا نااااس الحلللللله
عـــــــــــــزابه
انا تاني مابجي عليكم الله خلوني ارجع لاهلي
ولا اقرا ليكم آية الكرسي اشتت شملكم
اها قلتو شنو...؟؟
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
بسم الله الرحمن الرحيم
نحن الاكل دايما طوالي كل ما زول يجوع يجري جري على المطعم انا
بمشي لي اوضة البنات استلف من وراهم شوية اكلات ما بتتلقي في المطعم الجنبنا لاني لقيت في المطعم الجنبنا دمعه مافي وخضره ورجله
مافي اجيب الحاجات دي من اوضة البنات لكن عشان نقدر نعيش في الاوضه
دي نكون اكتر نظام ويا اولاد اللهدوم جوه السبت وبعدين اجي انا ويتطوع زول معاي نغسل الهدوم كل مره على زولين ونلقى مواضيع جديده
نتكلم فيها غير ماتشات الكوره والاخبار وسلام امشي استلف حبة ويكه من البنات
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
نحن اول حاجه نمشي نستلف حبة ويكه من البنات
بعدين نلقى مواضيع جديده نتكلم فيها والهدوم كل يوم غسيلها
على اتنين الليله انا وهوبلس ولازم نكون اكتر نظام وما تكون
في همجيه والا الاوضه ما ممكن يعيش فيها ولا قرد زاتو ما ممكن يعيش
فيها ما تنسوا نحن همجيين شديد لكن انا ماسك الصوت اي زول يكرفس
ملايه بكرفس راسه
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
عايز اى مساعدة
انا ممكن اعمل اى حاجة
المدة دى كلها عزابة
اتعودنا خلاص
والسوط مافى ليه داعى
بس الا كان لهوب ليس العايز يقوم جارى ده
اها انا امشى اصلح ليكم المسجل الخربان داك
وكل واحد يعمل حاجة
والبيت يكون حالو اتعدل
والشارع كمان
والحلة
والمدينة
والوطن
اها البنات لو عايزات يساعد
اهلا
وكمان لو عايزات يتفرجن
برضو اهلا
بس لازم يشجعونا وما يهبطوا من عزيمتنا
ولمن الحالة تتصلح
نرجع نتصالح
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
يا رجاء مش قالو ممنوع دخول النساء
يعني إكتبوها بي كل اللغات و لا شنو ؟؟؟؟؟؟؟؟؟؟؟؟ و لا إنتي بتدخلي تووووووووووووش
بعدين تقري عنوان البوست ؟؟؟؟؟؟؟؟
لكن برضو أخير من النسوان البجن كاشات شباشبن كش كش كش كش
و إطلعن زي الحرامي
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
بسم الله الرحمن الرحيم
ما حتلومي الا نفسك يا رجاء على دخولك انا لسه شايل الصوط
وانا قلت اهلا مطروده والا فرشي الملايات المكرفسه بتاعت سرير هوبلس
وقليبي المهضلم وانا لانو نحن طبعا اصحاب شديد ومعانا بامسيكا كلنا في سرير واحد عشان كده السرير داك اتكرفس شديد
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: ABUHUSSEIN)
|
الله
الله
الله
في شنو يا ابوحسين؟
مالك عليك الله
انا وريت سبب زيارتي شنو
عاملين بيتكم المنكش ومعشكب ده
وكمان بياكلو بوش
يااااي
رجاء يلا بسرعة ما قادرة استحمل
لوووووووووووووووووووووووووول
غظتك موش؟
مع انه السفير في الاول عرض بيتزا
وانا الاكلة دي ما بقدر اقاومها عشان كده
عملت الموبايل حيلة
اها انا خلاص مشيت
اشبعو بيها اوضتكم وفولكم البايت ده
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: ABUHUSSEIN)
|
شباب ازيكم
دة منو الرمى مخدتي في الواطة
ارفعو البتاعة دي فوق وللا ما اوريكم جبت ليكم شنو؟؟
جبت شنو؟؟
ما قلت ارفعوا المخدة اول ..
رماها هوبلس؟؟ايوا كوييييس ....جدع بيها ققليبي المهضلم ؟؟وهسع مشى وين هو؟؟
خلاص انا ما حاديهو من الباسطة الجبتها ليكم دي
قلتو هو ما محتاج ؟وقال حيرحل من بيت العزابة؟؟ليه؟
اصلو لقى مغارة علي بابا؟؟؟
حاجة قريبة منها ...لقى 4 جوائز بحوالي 10 الف دولار
والله تمام ..دي حتصين لينا البيت وتخليه آخر السطة ..ويكون احسن من بتاع البنات ..كيتا في ناس رجاء وهوزي...
خلاص كان كدة بخت لي هوبلس حقو من الباسطة اوعي واحد فيكم يهبشو
سامعين
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
أبوحسين
أسكت ساكت السفسير قال مختلطة خلاص يالله ابدأو في التنضيف وبلاش كلام كتير على بال ما نقول باقي شروط المختلطة
أستاذي الموصلي أبدأ انت في الأمر ده
-------
السفير
ما كان من الأول يعني كان في داعي لكل المكابرة دي؟
------
هوزي
أوعي تكوني طلعتي بره انا جوه عشان نوسع "هامش الحرية" البوردابية
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
رجـاااااااااااااااااء رجــــــــــــااااااااااءأً
بــــــــــــــــــــــــــره
هـامـش الحـريـة دا وســعـــيـهو عنـد الترزي ما هنا
عندنا هنا أي شـئ بالتصويت لم نشوف الأغلبية حا تقول شنو
بعدين حا نبلغك. فا بالله بدون زعـل إتفضلي بـره كمان بتنادي باقي
النـسـوان ؟؟؟؟؟؟؟ يا ها زاتها قالو لي جحـا .....................
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Raja)
|
يا رجـــاء بالله بـــره لو سـمـحـتي
و بـعـدين أستاذك الموصلي ذاتو البوست دا ما بتاعو يعني الكلمة
الأولى و الأخيرة ما ليهو و هـو ذاتـو ممكن نصوت عليهو و نشوف إمكن
نخليهو معانا و إمكن إطلع معاك و إنتو الإتنين أعملو ليكم حـوش مختلط
مش أوضـة.
و قلنا ليك هامش الحرية دا وديهو لي ترزي علشان إعمل ليهو توسيع
بس شيلي معاك قماش زيادة علشان ما تضربي مشوار تاني أو كي .
إتفضلي لو سمحتي .
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
أبوحسين
ياخي كفاية كده وبطل البتسوي فيهو ده،، البيقرأ كده يقول خلاااااص ما في اوضة غير دي..
غييييظه فيك انا قاعدة ودعيت لي ترزي عشان مسألة الهامش دي وانت ما تشغل بيها بالك.. مفهوم؟ ولا لأ؟
يا هوزي قلتي شنو؟ انا اصلي كنت برد على الولد المزعج ده الما عايز بنات معاهم،، وين باقي البنات قلتي لي؟
انا سامعة الباب بيخبط خبطة رقيقة يمكن دي زولة جات بعد ما سمعت كشكشة المقاشيش بتاعت الأولاد
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
رجـــاء ســلام
اســـمعيني
أوعــك تخلــي ليهــم الأودة
هم يلقـــو زييــك ويـــن
ما تســمعي كلامهم
بــس يا وليــداتي ما بســـألكم بقت عليــكم حكــاية
لا بــــريـــــــــــدك لا بحمـــل بـــراك
أنــا زاتــي جايـــة
أهــا شــن قولكــم
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
رجاء ضحكتي
قال قال خبطة رقيقة
تراك لسة ما عرفتيني
ديل بارمي ليهم قنبلة يدوية من الشباك
شان تاني يتهنوا بالاوضة حقتهم دي كويس
شفتي الافكار الارهابية كيف؟
بعدين اطلعي سريع عشان ما تجيكي حاجة ولا يطير فيكي شي
يا ابو حسين لمن ما تلاقوا اوضة تاني ما تجوا اوضتنا
لوووول
تحياتي
زولة123 وطالعة
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: zola123)
|
لا جديد
الجكس يمارس ارهابه علينا.. بالتعدي والتصريحات القنبليه
ياحلييييل زمن الحريم
يا سفير سيبك من الحركات دي
مختلطه شنو..؟
انت ماشفته لمن نمشي ليهم بهناك بيحصل معانا شنو..؟
يلا حلوين ورونا عرض اكتافكم..وانت بالذات سوقي معاك كديستك دي بتعمل لي حساسيه
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: ABUHUSSEIN)
|
ازيكم كلكم كده
يا ابو حسييييييييييييييييييين
انت لو ما داير البنات ديل نحن دايرنهم ...... ف عليك الله ما تعمل لينيا مشاكل
ده النصف الحلو .... يعني من غيرهم بتكونوا مسيخيييييييييييييين ... غير كده اغلبهم بايركس ....ايوا البايركس ........ف فرص زي دي يعني غرفه اولاد و كده بتكون فرصه لا تعوض ....فرجاء يا اخي اتح لهم مثل هذه الفرصه و ما تضايقهم
.................ولا شنو؟
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
الاخوات الكريمات
عفوا اذا كنت قد جرحت او اسئت او خدشت شعور اي منكم بالكلمة الواردة في البوست السابق.
فوالله لم اقصد غير الهزار والمداعبه و ربما كانت ثقيله على البعض او كانت في غير مكانها فهي لا تعدو ان تكون غير زله لسان ...
فعزرا اخواتي فلست ممن يقصدون الاساءه للاخرين....ولا اكن لكم اقل من الود والاحترام
ولكم العتبى حتى ترصوا
و ارجوا من الاداره سحب ذلك البوست
و معلييييييييييييييييييييييييييييييييييييييييييش
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: dawash)
|
يا دواش لـو عايز الجكس عندهم أوضة بي هناك وسخااااااااااااااااانة
و منكوشة زي البواريك البلبسوها دي و مكرفسة ممكن تمشى عليهم فيها
بس لو دخلت هناك ما حاتدخل هنا لأنو فيهن واحدات كـدا غياظات و هن عارفات
نفسهن يعني الحكاية ما عايزه ليها أسماء .
و بعدين يا دواش الموضوع دا أبعد منو بعيد لأنو أنا و إنت لو دخلنا في
مشكلة عارف الفضائح اللي حا تطلع و لا شنو يا إبن عمي .
بعدين خطاب أمس كان معاي في التلفون الراجل العرييييييييييييييييس
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Hozy)
|
هوي بلا عزابة بلا كلام فاضي
كدي واحد يهبش البنات ديل ولا يزعلن ساي شوف ح اسوي ليهو شنو
قال عزابة..
وانتو يا بنات قومو رتبو الاوضة دية وبطلو دوشة ما شايفنها جايطة كيف؟
انا ماشي وجاي انوم ما داير اي ازعاج
وانت يا هوزي:
قشي دموعك دي بلاي .. (بي الجد ممكن تغيري صورتك دي لانها قاسية شديد)
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Hozy)
|
يا شباب الخته السفنجة في التلاجة دا منو ؟؟
ماقلنا خلوها هناك جنب الباب
سفير معليش انا كنت قايل الزير القاعد تشرب منو حسي ده طشت وغطست فيهو العراقي بتاعي
بس ما مشكلة طلعوا واشرب شرابك سااااااي
يا هوبلس ناولني الملعقة من تحت السرير خلينا نسوط الشاي دا
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Hozy)
|
يا رجا انت لسه قاعدين بهنا . الساعة 11 جات والداخلية قفلوها ..
أبوحسين كشف الشورى داخلية البناتقفلت انت والسغير حتعملوا كيف وتدخلوا ناس رجاء ديل في غرتفهم .. ولا عندكم سلطة على داخلية البنات زي الكيزان لما كانوا في الاتحاد..
يلا يا رجا لي بكرة الصباح يتلاقي الأولاد في النشاط
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
لووووووووووووول
ابوحسين
ده ماسبب ضحكي زاتو والله
انو السفير بنت وليس ولد
وعرفت تلم معاها الاولاد
بس عشان ما تستفرد بيكم
احنا فتشنا لينا اسباب نجيكم بيها نشوفها عاملها كيف
لوووووووووووووووول
تستاهلووووووووا
شفتي يارجاء كيف
من يضحك اخيرا يضحك كثيرا
لوووووووووووووووووووول
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Hozy)
|
و الله لكن فعلا طلعنا أغبياء لكن برضو قالو المؤمن صديق
صبرا يا هـوزي و يا رجاء الجايات أكتر من الرايحات
الله غستر من بقية الأسامي ما تكون برضوا كتير منها ناقصة تاء التأنيث
و نحن ما جايبين خبر لكن و الله اساسي طلع معاه مليون حـق
المفروض نأنث المؤنث و نذكر المذكر و نفرز عيشتنا من بدري علشان
العايز إجكس إجكس و هو على بينة مش إجكس شهور و سنين و بعدين
إلقى نفسوا وقع ضحية لي عمل زي دا .
تجازي يا هـوزي الماسينجر ما في تخلي أخـوك إتورط جنس الورطة
يا بت الناس إنما المؤمنين إخوة الكلام دا ما كان تعملي بيهو
لكن ليك يـــــوم يا هــــوزي أصبري بـس بجهز ليك واحدة
أخـد بيها حقي و زيادة.
لـكـن عـلـيـك الله رجــاء الغياظـة ديك زيي كـدا مسطحة
و لا بـرضــو فاهمة القصة دي؟؟؟؟ إنشاءالله تكون مسطحة زي
كدا علشان تهون على مصيبتي شوية و ما تلقى ليها فيني شماتة
كمان لأنو لو طلعت ناقشة تبقى المصيبة أكبر .
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: جدو)
|
بس اكيد طابور خامس مرسل من بنات الغرفه التانيه
دايرين يكشوفوا خطتنا العزابيه
ما قولنا ليكم من الاول اطردوا البنات ديل وسيبكم من الخفه الانتو فيها دي
يااخي نحن هبل اصلاً
مفروض نعرفه من قالت العشاء بيتزاء
في عزابه بيتعشوا بيتزاء..؟
ما مشكله عشيهم بوش يا جدو وفكهن عكس الهواء خلينا نرتاح من زحمة البنات دي
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: HOPELESS)
|
معقول يا هوبلس
بوش
انت دايرنا نبيت في المستشفى وللا شنو؟؟
هسع الحناكيش ديل تفتكر انهم ممكن ياكلو البوش ويمشو علي غرفتهم عادي كدة...دي كان هوزي وللا السفير يجيها تسمم
الليلة والليلة
ما بقيت اعرف اكتب بالملون
والله تاني حا ابراكم بري
احمر واخضر وازرق وما عارف شنو
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
السلللللللللللللللللللا عليكم ورحمة الله
عليكم السلام يا حنين للبلد
شكرا ياخى للترحيب
اها كان عجبكم وكان ما عجبكم انا جيت اوضتكم ورحبت بى روحى ورديت السلام اها رأيكم شنو بنت جديدة فى اوضتكم انا من قبيل بتابع فى ردودكم وساكته لكن إستفزيتونى شديدوقلت لازم ادخل انتوا فى نفسكم والله ما عملته الاوضه دى الا عشان تلموا الشمارات وعشان نزوركم بختكم انتةوا لاقيننا وين اها يا بنات انتوا فى ولا مرقتوا ليهم يا بنات يا بناااات
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: السفير)
|
السفيرة.. اقصد السفير يالله ردي على كل التعجبات دي
---
أبوحسين
قلبي معاك بعد كل حرورية القلب بتاعتك في طردي وزميلاتي من اوضتكم الشينة دي... يالله شوف ليك اوضة "منفردة" تقضي فيها باقي عقوبتك
-----
دواش العزيز
أبدا ما زعلنا نحن عارفين نفسنا بايركس.. لكن بمزاجنا ما مزاج غيرنا
المهم حقوا تشكروا ربنا ليل ونهار انو نحن اتعطفنا ودخلنا اوضة الاولاد اللي يمكن برضو معظمهم بايركس لكن ما بي مزاجو.. ولا رأيك شنو
---
هوزي ، هالة، زولا ، وجن
ممكن نحن بعد الفصل الحلو ده نطلع بعد كده.. ولا اقول ليكن شنو..
تعالوا نطرد الاولاد ديل بره..
----
هوبلس وجدو
غايتو يمكن تبدأوا معانا عملية تفاوض في امكانية بقاءكم دي وانا شخصيا سأعمل على اظهار مواقفكم الداعمة لبقاءنا في البوستات السابقة
| |
|
|
|
|
|
|
|
|
 Re: اوضتنا يا اولاد ممنوع دخول البنات او النساء (Re: السفير)
|
هـوي يا نسـوان و يا بنات
ما الأوضـة دي بنخليها ليكن و نحن جينا جارين على الأوضـة قبل ما نعرف
سجم الرماد السفير دي ولد و لا بت إلا لأننا دايرين لينا مكان خالى من
من الألغام و أي مكان فيهو ناس هناية و هناية ديك دا حقل ألغام عديل كدا
لكن برضو غلطتنا الجابت لينا الشماتة من هـوزي و رجاء و كـل بقية الألغام
و كمان تجيك تماضر دايره ليها عفريته إنت قايلة نفسك في حوش أبراهيم الحلبي
و لا شنو ؟؟ صبرا يا معولقات الأيام بيناتنا و المعركة لا زالت مستمرة
بنعمل لينا أوضـة و المرة دي بنعملها بي إسم رااااااااااااجل و معروف
الأسماء النص نص دي حا نبعد منها و نشوف بعدين أوضتكم دي و ديك البدخلهم منو
و أصبري لي يا رجـاء حا تشوفي اللي ما سمعتي بيهو
| |
|
|
|
|
|
|
|
|
|
Re: اوضتنا يا اولاد ممنوع دخول البنات او النساء (Re: Hozy)
|
الـراكـوبـة و العـوضـة يا ها شبهكن يا معنكبات و معشكبات
نحن جبنا لينا مقاول ببني لينا في فيلا هناك جنب البحر
ما جهة أبوروف يا هـوزي ما عايزين أي حاجة تلمنا بيك
و كل الديكورات بتاعتها إنتهت بس باقي لينا موضوع الستائر
ننتهي منو و خلاص. و من أسـي واحـدة فيكن حا تدخل مافي
لأنو في جهاز قدام الباب بشتغل بالصمة و نحن أخدنا بصماتكم
من وزارة الداخلية السودانية لأنو كـل الأسماء بتاعتكم دي
لقيناهن بتاعات سوابق يعني البصمات موجودة و ما في أي مشكلة
يا خي دي عملية تعملوها فينا يا نسوان السجم .
| |
|
|
|
|
|
|
| |
Elmosley
Sobajo
Raja
ABUHUSSEIN
sari_alail
جدو
وجن
abuguta
zola123
bit-alkhaleel
Ahmed Poison
بلدى يا حبوب
Tumadir
فيس بوك
تويتر
انستقرام
يوتيوب
بنتيريست