|
|
 من دافي..الي بكري ابوبكر الذي لا يعرف دق الشرموط..وود عزه في الضفة الأخري
|
بسم الله ..... ابتديت
..متل البرق...... لاحت
في الشين والفسل..بقينا نتباحت
طال الكان قصير ..والعالي اتاحت
والصولات ..حليلن..ملكتن..راحت
والاهليه كملت ..يا حبيب راحت
يا حليل..شمس المحنه ..الغربت طاحت
**
لساني مر....ما عندي ملاريا...ولا مرارة زعل..لكن قمت من الصباح كده
لقيتو مر...اخوي قال لي ده من المعجون...الليله اتسوكت..بي سيجنال تو..الجابو معاهو من السعوديه..ما عارف بكره لساني حا يبقي كيف
ده بمناسبة المرارات
فلاش باك.
مره من المرارات..جيت داخل البورد..لقيت سيد البورد كاتب في الباب
ممنوع الدين ولو بعدين
دافي اطلع بره شهر..انت قليل ادب ..!!!
طبعا ضحكت...قلت يا ربي..ابو صلعه ده جن ولا شنو!!!؟؟؟دخلت البوست..لقيت الموضوع جادي جدا
وناس تضرب..واللي رايح يضرب..واللي جايي يضرب..وانا اعياااااااط
شئ بالانجليزي.
..اسكرو هيم اند هيز ميزرابول ثووتس!!!!!!!
وشئ بالعربي..ناس الساحر العربي..جدا صديق السنجك العربي للطيش.
.خيرا فعلت يا بكري...تبا له ..من صفيق وقح...ائتنا بالغدااااء يا فتي!!!!!!
وشئ بي عربي جوبا
!!..ده ما بحاكيهو .عشان ما انطرد تاني
المهم
انطردت ما اكضب عليكم...
وقعدت في ماسنجري احمد ربي...بعد شويه ..جاتني وجن تبكي..وفاتت..جاء تمبس يبكي..وبعدهم جات واحده تانيه..ما عارفه انا منو..قالت لي في واحد اسمو دافي طردوهو..وقعدت تبكي..ما عارفه انو ده انا!!
!وانا اقول الناس دي مالها زعلانه شديد كده!!!؟؟
في النهايه طلعت ..فتحت التلفزين حضرت ..برنامج ..جيري اسبرنقر......ما زول صعلوق كمان!!!!!وبعدين بالليل داك..مافي اوبرا..ولا دكتور فيل ياها البلايند ديتس..والشيب ميتس..وكلاااااااااام من النوع ده
اقوالي في المحضر
جئت انا..دافي ابن ام دافي..من العمل ..مكدودا مهدود الوجدان...وكعادتي..بعد ما لبست جلابيتي مباشرة ..فتحت البورد...وانا يا سيدي وكيل النيابه..رجل في حالي..وبطني طامه..طمام طبيعي...ادخل بوستا افتحه...لا ابصر الا بوستا اخر...يا ربي ..كم بوستا يفصلني عني!!!!!؟
وباحساس القرف المستوطن..ثنايا خلاياي..المخيخيه..اقفل البوست الما بقسم معاي
وافتش كواستي ..للحاجات التريح...ما هو انا اصلا..دخلت البورد ده..عشان الحاجات البتبسط فيهو دي ..بس
لكن غلبني وحياة الاخوه
رايت فيما يري النازف...امراه جميله..تتالم..تبكي..يا اخوانا ..انا بحبكم!!!
يا ناس..انا جاياكم..كايسه المحبه!!!
والجلاد..لا تاخذه شفقه....تدسين السم في الدسم!!!!وتعملين وفق اجنده...لك مآرب ..وتلوين عنق الحقائق
لن يغفر لك التاريخ..ولا لابيك...دموعك مزيفه...ومحجراك اصطناعيان تخفين خلفهما..عينيك المترفعتين
ثم ما يلبث ان يلتفت الي منبها..انتبه عزيزي القارئ..السيده الكريمه ..تاخذك علي حين غره..الي مستنقعها الآسن...حيث يعلف الاتباع الطحالب..ويجترون البوار!!!!
وما عرف الجلاد ..ان السيده..في بشاشتها اقرب الي من حبل افكاره المرتب
انا..القارئ العاطفي..البسيط
حفزني استنطاقه كل مكامن التخذيل...واحزنني تبلد احساسه
وكانت لحظه ان شعرت برغبتي في الصراخ
يعقب ..احدهم.
....رجل ما ترك نسبا ليعرب بن قحطان الا ونسبه لجده شايق او عمه فايق
تتلوي..من البؤس حروفه ..حتي اخال انا ابو الاسود الدؤلي هب من قبره مذعورا ..مستاءا يصرخ...يا اخوانا الحروف دي ما نقطناها ليكم!!!!تاني في شنو كمان!!!؟
يستل سيفه..ويضرب..لياتي الجلاد ويربت علي كتفه..احسنت يا ابن ابي شلفحه!!!
والجلاد بالامس كان غريمه...في محفل اخر..لا يلقي بالا.ولا يقوم...ينتقد...ولا يحب
جاتني رغبه كامله في اعض كليهما عضه في راسه الكبير!!!
حامل لواء النقد المرير..في نص ميكافيليته التي ابغضها بغضي لملاح الرجله
واليعربي الذي يعتني برص الشتائم دون مراعاة فروق الحرف
اشتدت رغبتي في الصراخ...
قلت ....هوي يااااااااااا ده...!!هو قالوك كده!!!!!؟
وحسيت بي نفسي عايز اعضي اصبعي..واقول احييييييي انا منكم ..لكن بقت لي تقيله
فاستعنت بالبرلومه درر الشهيره بي درر واي
قلت لها الحقيني بواي كبيره..علها تخفف عني غبني
انا القارئ العاطفي البسيط
هذا نص ما قلته..مشفوع بشرح تفصيلي حسبما ما اورد مجمع اللغات
الشوارعيه التي خشي الجميع تسربها الي البورد
Quote:
دقدقه المشاعر!!!!!؟؟دي مشاعر ولا شرموط!!؟ |
الدقدقه...هي ال ...دق دق..دق ..بالفندق ..او حجر ..او أي شئ
المشاعر...لا تدقدق..بتدغدغ..وتتكور..وتنبعج..وتتكعبر خالص خالص..لكن منها وليها كده...يعني مافي زول بدقدقها..ومن يفعل فانما قد اتي بما لم ياتي به الاولون!!!!
الشرموط!!!من منا لم يره معلقا..تشابي له الكدايس!!!!؟!؟ هذا ما
حدث والله علي ما اقول شهيد..ممكن تقفل المحضر يا شاويش بعد ده
المرافعه
حضرات القضاه..الساده المستشارين
اسمحوا لي ان احدثكم عني انا ..دافي ابن ام دافي..محامي المتهم اللي هو انا القابع خلف هذه الشاشه الغشاشه
انا يا سادتي..مواطن بسيط من مواطني كسلا...تربيت في حي الختميه القديمه..برمالها..وخيرانها...مربي تربية حيشان...نفاج يفتح في نفاج..وشريان في شريان...الغلط بي قرصه في الاضان ..من اقرب راجل جيران..او مره عم...والشينه بي نهره ..يا ولد عيب..
والدي..موظف بسيط...ياكل الطعام ويمشي في الاسواق
يحمل عبء القاصي والداني..رجل مهيب...حلال مشاكل...
ستة وعشرون عاما يا سيادة القاضي ..عشتها في كنفه..ممسكا بجلبابه..او مردوفا..علي عجلته الدبل..لم اسمع قط..رجلا اساء اليه..او امراه رفعت صوتا عليه
عطوف حال الرخاء...واعصار حال الباس
جميل في ضحكته...وقوي لم اري دمعه قط..الا وانا اودعه الوداع قبل الاخير ..حين خرجت موليا الدبر..هاربا..بما تبقي لي من انسانيه..الي مناف سحيقه
امي...اااااااااااااااااااه
امي ابتسامه...
هذا كل ما اعرفه عنها...
تقول لها ظريفة الحي..
انا ماشه لي عزيزه الحلبيه..جبنتك البلا قطيعه دي..ما بتنفع معاي!!!!
اخواتي..يا حضرات المستشارين
اسالوا عنهن النسائم..اسالوا عنهن ما شئتم
تعال هنا يا عولاق ماشي وين!!!؟
يا بت مالك!!؟ انا مارق!!؟
تمرق وين ..كم قميصك مكرفس...ارجع اقلعوا نكويهو ليك..صحباتي يقولوا علي شنو لو شافوك كده!!!؟
اسالوا عنهن..الحنان..والحياء
اخجل لهن..الف مره..قبل ان انتوي سوءا ..او اعمد الي موبقه
يفاخرني بي..ويحببني...وانا احبهن حد الجنون
هذا معيني الذي انهل منه....فكيف بنضح انائي!!؟
علقوني يا سيادة القاضي علي حبائل الظنون القميئه. كل يرمي علي سوءاته..ويلبسني ما حاك في نفسه من لفائف القبح
عزيزي بكري ابو بكر
بالله عليك..ما كنت ستفعل بي..لو كنت انا الذي انزل تلك القصيده الماجنه في ذم حسين خوجلي!!!!!؟
وماذا ستفعل بي..لو اني..اوسعت كل بوردابي شتيمه بناء علي سوء تقديري..هذا سافل وهذا ساقط!!!؟
افترض في غباءا كافيا ..يكفي لان يصدق الجميع صدق ادعائي باني انزلت القصيده دون ان اقراها!!!
وافترض في سذاجة الدنيا وما عليها من بساطة عقل..واني لا افرق بين..دق الشرموط..وجر الحبل
هل ستسامحني..علي تلويثي لجبين بورديك الطاهر بتلك السخافات!!!؟
الساحر
سينتمنتال
شكرا ..علي سبق الاصرار والترصد...شكرا جدا
دينق
يا دينق...ياااااا عزيزي دينق
اقول ليك شنو ياخ!!!؟
انا بجاوي
ودكين ده..دنقلاوي
دنقلاوي ..ازراااااااق!!!!!
كده كيف معاك!!!?
|
|
 
|
|
|
|
|
| العنوان |
الكاتب |
Date |
| من دافي..الي بكري ابوبكر الذي لا يعرف دق الشرموط..وود عزه في الضفة الأخري | Dafi | 06-12-03, 11:37 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Dafi | 06-12-03, 11:41 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Dafi | 06-12-03, 11:48 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Ahlalawad | 06-12-03, 11:52 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | tmbis | 06-12-03, 12:00 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | haneena | 06-12-03, 12:26 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | فيصل النعيمه | 06-12-03, 01:08 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | shiry | 06-12-03, 01:29 PM |
 Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | HOPELESS | 06-12-03, 01:36 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | DKEEN | 06-12-03, 02:05 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | DKEEN | 06-12-03, 02:15 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | wadazza | 06-12-03, 05:11 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | بكرى ابوبكر | 06-12-03, 05:31 PM |
 Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | سولارا | 06-12-03, 05:45 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Abdalla Gaafar | 06-12-03, 06:36 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | bint algazeira | 06-12-03, 07:19 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Elkhawad | 06-12-03, 07:20 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | 7abib_alkul | 06-12-03, 07:37 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | ايهاب | 06-12-03, 07:38 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | sign | 06-12-03, 07:40 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | خالد عويس | 06-12-03, 07:56 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | benyya | 06-12-03, 07:56 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | رباح الصادق | 06-12-03, 10:17 PM |
 Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | lana mahdi | 06-12-03, 10:41 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | فيصل النعيمه | 06-12-03, 11:26 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Elmosley | 06-12-03, 11:41 PM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | Yasir Elsharif | 06-13-03, 00:02 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | WAD ELGAALI#4 | 06-13-03, 01:07 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | hala guta | 06-13-03, 01:18 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | الجندرية | 06-13-03, 03:21 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | omdurmani | 06-13-03, 03:39 AM |
| Re: من دافي..الي بكري ابوبكر الذي لا يعرف دق الشرموط..وود عزه في الضفة الأخ | tabaldy | 06-13-03, 04:14 AM |
|
| |
Dafi
فيس بوك
تويتر
انستقرام
يوتيوب
بنتيريست