|
|
 Re: الخميس بابوظبي... يوم مفتوح وحفل غنائي ساهر (Re: zola123)
|
صاح صاح.آىي حا أجي واشارك وأغني...
...........................
تعرفي يا زولتي زولة يبدو ثقافة عصرنا إنطوت شوية...
................................
واليكي النكتة بتاعة البرينسات التي أطلقها عبد العزيز محمد داود
طبعاً زمن ناس عبد العزيز محمد دواد وازدهاره فى أواسط السبعينات..
زمان فى العاصمة المواصلات..يا بص ابورجيلة الأصفر..أو تاكسي والتاكسي.زيا طلب يا طراحة...طرحة يعني..ما طرحة بت يا زولا..ركوب التاكسي مجموعة عندنا في السودان بسموهو طرحة... والتكاسة.. وليس الجكاسة بتشديد الكاف يا زولا.. كان بيهظروا مع بعض...زيقول لى زميلو.زانا ما طارح الليلة مشاوير ساي... وطارح هنا من الطرحة يا زولة..طرحة التكسي وليس طرحة البنت.. وطارح هنا ما معناها زي العربي الفصيح.زالذي يتبادر الي ذهنك.زبذلك المعني الذي لا نود ذكره هنا... طارح باللهجة السودانية معناهو ما ناوي يشيل ركاب نفرات وكدة............................
نرجع لى نكتتنا استاذتي زولة...
فى بداية اواسط السبعينات...عرب الجزيرة سابو لقيط القطن ..وكراتين فرش الأسنان والمقصات والهنابيب البي يبيعوها فى السوق الشعبي الخرطوم وهاجروا الي السعودية..... عربي هنا يا استاذتي زولة موش لمجرد عربي... وإنما هو أعرابي... أي زول أشو زول بادية... عنقالي...زول أغبش شديد..دي معني عربي المقصودة... يعني يقول ليك الزول دا عربي جعليين.أو عربي شايقية.. فهمتي يا زولتي....... المهم نرجع لى نكتتنا ونفهمك حكاية البرينسات الى قلتي ما فاهماها...
تعرفي الجماعة ديل كل واحد اغترب جاب برينسة...يعني عربية بوكس مكشوفة من وراء.... وراح السوق الشعبي بتاع أم درمان عمل ليها صندوق من وراء...كان الطرحة بيها من أحياء أم درمان المختلفة الي المحطة الوسطي أم درمان كان الطرحة بي شلن... ومن الوسطي أم درمان الي ميدان الأمم المتحدة الخرطوم كذلك بي شلن.... المهم ناس الجزيرة دي بقو يقلدوا بعضن أي واحد يغترب سنة أو سنتين فى السعودية ويجيب معاهو بوكس ويجي.. ودي فلانة جاب بوكس برينسة انا لازم اجيب وامتلآت العاصمة بالبرينسات فى اي ملف وسرقت البرينسات سوق الركاب على ناس التاكسي... لنو رخاص........نرجع لى نكتتنا يا زولتي....
الناس سمت البكاسي دي برينسات....... نرجع لى نكتتنا يازولتي.....كان عبد العزيز محمد داوود ظاهر ظهور شديد...فجأة الفنانيين الصغار الجديدين البي يقلدوا غناء المراحيم...ملو الساحة وإجارهم وعدادهم بسيط... وفى اي وقت واي لحظة موجودين وشغلتهم وعدة غناهم معاهم ما محتاجين يجو دار الفنانين.......نرجع لى نكتتنا يا زولتي...
المهم عبد العزيز محمد داوود سألوه ليه يا ابو داوود ما ظاهر... فى الحفلات.....قال نظهر بي وين مع البرينسات..ديل............. فهمتي النكتة يا زولة وفهمتي معني البرينسات..... يبدو أن ثقافة عصرنا مضت والله شنو يا استاذة زولة..... اقول لك واحدة تانية شبيه بي دي...أنتي قلتي مافهمتي كلمة برينسات دي شنو.....
واحد صاحبنا بس اكبر مننا شوية... مرة جاط فى بنتو وقال ليها يا بت أنتي قافلة فنية ..والله شنو...فنية بضم الفاء.. وتسكين النون..وفتح الياء...... البت بت الجيل الجديد دا ما فهمت قافلة فونية يعني شنو... ودي زمان كانت نكتة يا زولة...تقول للزول قافل فونية..يعني مخو قفل.يعني تبلد حسو..يعني ما قدر يركز..يعني مخو اتشطب...يعني شوية مس وسلك عريان...والله برضو سلك عريان دي يمكن ما تفهميها يا زولتي... المهم يا زولة نرجع لأصل النكتة.... زمان في السودان اللواري لما ظهرت وبوابير الجاز...ماركة لستر كانت موضة..وكان عندهم شركة كبيرة..لستر وبيدفورد وهوستون..مقابل الجامع الكبير الخرطوم..فاتحة من الجهة التانية مقابل لى مكتبة الجامع الكبير الهسي دي... نرجع لى نكتتنا زولة ..زإنتي معاي..متابعاني والله أنا تعبان ساي....المهم طبعاً انتي ما مهندسة ولا ميكانيكية... طبعاً اللواري وبوابي لستر دي بي تشتغل بالجاز... والديزل مكنتو موش زى مكنة البنزين... وبالمناسبة يا زولة برضو بي مناسبة المكنة... برضو عندها ثقافة... يقول ليك الزول دا قادي مكنة... أو قادي كرتيل..ويقول ليك الزول دا بتاع مكنات.. بتاع مكنات يعني كذاب.. وقادي مكنة..يعني فكت منو.. يعني جن...عجيبة والله واللهجة السودانية غنية بي جنس مصطلحات يا زولة... المهم يا زولتي نرجع لى نكتتنا....أها بوابير الجاز ديل فى نهاية الرشح على بستن أو بستم المكنة هناك نهاية صغيرة ذات خرم صغير ترشح على البستم لتتم عملية الإشتعال ويخرج منها الجاز لتتم الدورة ويحصل ال‘حتراق والإشتعال مع كبس الهواء مع الجازولين...صولار..كيروسين.جازولين..ديزل... يا زولة باختصار الفونية دي كان قافلة مهما حاولت المكنة ما بتقوم معاك...
والله عاد انتو يا ناس الزمن دا....
مرة بت اخوي فى الغربة فتحت الباب.... واحد سأل من ابوها قال ليها ابوكي وين..زقالت ليهو بابا فى الشغل... قال ليها لما يجي سلمي عليهو... وقال لها... جزاك الله خير.... ردت عليهو قالت ليهو... الله يجازيك.....
الله يجازيك هنا معناها الله ينتقم منك... ما قلنا يا جماعة السودانيين ديل بحرم غريق ما بتصلوهو ولا بتخوجوهو..مرتهم على راجلهم..ثم يا زولة يبق نادينا فى ابوظبي مرفوع الرأس إن شاء الله...تسلموا كل الأحباب....تأكدوا تماماً أني عظيم الشوق لكم جميعاً ,اني سوداني وبس...
|
|
 
|
|
|
|
|
| العنوان |
الكاتب |
Date |
| الخميس بابوظبي... يوم مفتوح وحفل غنائي ساهر | zola123 | 06-10-03, 11:40 PM |
 Re: الخميس بابوظبي... يوم مفتوح وحفل غنائي ساهر | HOPELESS | 06-10-03, 11:44 PM |
| Re: الخميس بابوظبي... يوم مفتوح وحفل غنائي ساهر | Elmosley | 06-10-03, 11:45 PM |
| Re: الخميس بابوظبي... يوم مفتوح وحفل غنائي ساهر | zola123 | 06-11-03, 00:06 AM |
| Re: الخميس بابوظبي... يوم مفتوح وحفل غنائي ساهر | Sakotaweya | 06-11-03, 03:04 AM |
| Re: الخميس بابوظبي... يوم مفتوح وحفل غنائي ساهر | بدرالدين شنا | 06-11-03, 06:41 AM |
| Re: الخميس بابوظبي... يوم مفتوح وحفل غنائي ساهر | سودانوبس | 06-11-03, 10:18 AM |
| Re: الخميس بابوظبي... يوم مفتوح وحفل غنائي ساهر | محمد الواثق | 06-11-03, 05:28 PM |
| Re: الخميس بابوظبي... يوم مفتوح وحفل غنائي ساهر | zola123 | 06-11-03, 05:37 PM |
 Re: الخميس بابوظبي... يوم مفتوح وحفل غنائي ساهر | lana mahdi | 06-11-03, 06:24 PM |
| Re: الخميس بابوظبي... يوم مفتوح وحفل غنائي ساهر | بنت الاحفاد 2001 | 06-11-03, 06:41 PM |
 Re: الخميس بابوظبي... يوم مفتوح وحفل غنائي ساهر | sari_alail | 06-11-03, 06:45 PM |
| Re: الخميس بابوظبي... يوم مفتوح وحفل غنائي ساهر | KOSTA | 06-11-03, 07:36 PM |
| Re: الخميس بابوظبي... يوم مفتوح وحفل غنائي ساهر | كبسيبة | 06-11-03, 07:37 PM |
| Re: الخميس بابوظبي... يوم مفتوح وحفل غنائي ساهر | zola123 | 06-11-03, 09:10 PM |
| Re: الخميس بابوظبي... يوم مفتوح وحفل غنائي ساهر | KOSTA | 06-11-03, 09:56 PM |
| Re: الخميس بابوظبي... يوم مفتوح وحفل غنائي ساهر | Mayada | 06-11-03, 10:15 PM |
| Re: الخميس بابوظبي... يوم مفتوح وحفل غنائي ساهر | zola123 | 06-12-03, 12:34 PM |
| Re: الخميس بابوظبي... يوم مفتوح وحفل غنائي ساهر | سودانوبس | 06-12-03, 02:07 PM |
| Re: الخميس بابوظبي... يوم مفتوح وحفل غنائي ساهر | brakat | 06-12-03, 06:47 PM |
| Re: الخميس بابوظبي... يوم مفتوح وحفل غنائي ساهر | zola123 | 06-13-03, 02:38 PM |
|
| |
فيس بوك
تويتر
انستقرام
يوتيوب
بنتيريست