|
|
 لهذا السبب رفضتُ الزواج
|
هن ثلاث طالبات يدرسن مع إبن خالتي
بكلية الهندسة السنة الثالثة، طلب
مني إبن خالتي زيارته بالجامعة بعد
فراغي من المهمة التي جاءت بي إلى
جوار الكلية
لبيت الدعوة فإذا ثلاث فتيات يجلسن
بالقرب منه ويتوشهن بلبس لا يدع للريب مجال
وبعد اسبوع فوجئت بأني مدعو لحضور قعدة على شرفي
شعرت بأن هناك شيئ ما يدور في الخفاء
طردت الأوهام من رأسي وطلب من إبن خالتي
توجيه دعوة لأصدقائه وزملائه لزيارة منزلنا
الكائن بالريف الجنوبي لأمدرمان
فعل ما طلبت منه فإذا بالفتيات الثلاث
يلبسن لبس أدخلني في أظافري بل إبن خالتي
أمام الحضور ومن بينهم الوالدة والخالة
في اليوم التالي رنّ الموبايل الذي كنت أحمله
على الموبايل الآخر صوت إمرأة تسألني عن
إبن خالتي عرفت أنها خريجة من كلية لا أذكر إسمها
في مجال علم النفس تود الحصول على مبنى يصلح لعيادة
وهي من طرف زميلته فلانة بالجامعة
عرضت عليها نفس الكيس في وقت لاحق
وعرفتها بأني أبحث عن فتاة ذات مواصفات محددة
وفي الحال عرفت أنها تود عرض نفسها عليّ
أنفقت كل ما عندي وطردت هاجس الزواج من رأسي
وعزمت على عدم الزواج الآن
|
|
 
|
|
|
|
|
|
|
|
Re: لهذا السبب رفضتُ الزواج (Re: HOPELESS)
|
العزيز ايمو ... سلام
والله قريت موضوك انتابني حالة من الدبرسة غير عادية .... يعني الواحد يموت عزابي ولا كيف .... دي محن شنو يا ربي.... غربة وعزوبية وكمان غالبنا الاختار .... يلا خلينا كده ربما افضل
| |
|
|
|
|
|
|
|
|
|
Re: لهذا السبب رفضتُ الزواج (Re: BousH)
|
الاخ ايمو
ابو الحسين
والعزيز الثائر بوش
اما انا فلا اتفق معكم في هذا
اغزموا علي الزواج وتوكلوا علي الله
تبينوا عند الاختيار
والتوفيق من عند رب العالمين
انا صادفك سلوك ارتبت فيه من بعض النساء
فليست اصابع اليد الواحده متماثله00ناهيك عن الناس
هناك الرائعات
والمعينات علي الصبر
لن تكتشف حقيقة المراءه تماما الا بعد الزواج والمعاشره الحقيقيه والعيش تحت سقف واحد
هناك الكثيرين الذين يهولون من امر الفساد عند النساء
وينقلون تهويلاتهم للاخرين
خصوصا المغتربين
لان المغترب عندما يرجع في الاجازات يلاحظ التغييرات اكثر من الشخص الموجود اصلا في البلد
ومن خلال هذه الملاحظه يكون قابلا لتصديق اي تهويل يقال له
لازلن نساء بلادنا بخير
وفيهم من الروائع اكثر بكثير من السيئات
وانا متاكد باذن الله
ان ايمو الرائع
وبوش الثائر
سيضمهم عش هانئ من امراءة تسعد كل واحد منهم
| |
|
|
|
|
|
|
|
|
|
Re: لهذا السبب رفضتُ الزواج (Re: Mayada)
|
سلام مربع
يخطئ قاصدا ومتعمدا ومتجني من يظن ان الزواج اصلا يطارد بهذه الصورة التي وضعتها انت مسبقا في رأسك
ومن الخطأ الشائع جدا عند الشباب هذه النظرة الضيقة عن العملية التحضيرية للزواج
والعملية التحضيريه اعني بها مسألة تكوين الذات والاعتماد على النفس
في البناء المادي لهذا المشروع السامي
ثم البناء المعنوي اي التحضر نفسيا لذلك ، ثم بعدها
مسالة العروس نفسها ككائن بشري يحق لها المشاركة ايضا في العمليات التحضيريه نفسها برضى العريس فيما يتعلق بالجزء الاول
وهو التحضير المادي
ام مسألة المشاركة في الاختيار فايضا للفتاة الحق الكامل في المشاركة
تأتي الطريقة التي نبحث بها والنظرة الخاصة التي نطبقها على الجميع
يعني ليس من الضروري اذا مارايت ثلاث فتيات (مستهترات)فيعني لك ان كل البنات على هذه الشاكله ..
ابدا ، اذا تعثرت عملية اختيارك لشريكة حياتك لظروف تحيط بك
بسبب بعادك ..
اعترف بان العملية(التفتيشيه) تكون صعبة جدا .. لكن هناك طرق ربما تسهل عليك هذه الصعوبة وتجعلك مرتاح نوعا ما..
لا احد يعرف النساء مثل النساء
لذلك وحتى تزيل نظرة الشك تلك التي ارتبطت في ذهنك بان كل امرأة هي شكل للخراب الذي يحدث في السودان بسبب الوضع الاقتصادي
وهجرت الشباب القسريه واضطرارهم للعزوف عن الزواج حتى انتصاف العمر
لا تعفيك ابدا من انك غير معني بهذا المشروع الذي اوصى به النبي صلي الله عليه وسلم
وهو يقول تزوجوا فاني مكاثر بكم الامم
في اي مجتمع هناك الصالح والطالح وهذا لا يجعل نظرتنا زاية نظرنا تضيق نحو الاسواء والياس
كونك وجدت ثلاث نماذج تسيء للانثي السودانيه بشكل ما ، ربما في نظرتك للزوجه ..
عليه انصحك اخي بان توكل اخواتك وامك وتشحد كل طاقاتهن في الاسراع ايجاد عروس حلوه بت ناس مهذبة ومن عائلة تحترم النسب
وشيل هذه النظرة التشاؤميه من راسك
وبلاش تحجج شكلك كده متحيل براااك
مازال السودان بخير
ومازالت حواء السودانيه بالف مليون خير
| |
|
|
|
|
|
|
|
|
|
Re: لهذا السبب رفضتُ الزواج (Re: shiry)
|
shiry سيدتي
قديماً قالوا : لو لا إختلاف الأزواق لبارت السلع
هنا لا أقول بأن المرأة سلعة تعرض للراغبين حتى
تظل تضاريسها متكشفة وهذا هنالك من يريده ويريد
أن تكون زوجته جميلة المظهر تهوى السفر والسهر
والحفلات المختلطة وحفلاة الغناء والموسيقى والرقص
غير المتقيدة بالحجاب وذات إهتمام شديد بالموضة
وأحدث الأزياء حتى تظهر كأجمل ممثلات هوليوود
أنا لم أقل أن فتيات السودان فسدن بل بالعكس
نساء السودان تاج لرؤوسنا
| |
|
|
|
|
|
|
|
|
|
Re: لهذا السبب رفضتُ الزواج (Re: Mayada)
|
أحبتي
ABUHUSSEIN
HOPELESS
BousH
عبد الله
Mayada
نعم الزواج نعمة محمودة بفوائدها قد يكون منا
من لا يحسن شكرها والتمتع بها أو تلك التي نود
الإرتباط بها ربما لسوء طبع أو جهل
وكل من ربما شاهد عثرات وعبرات تركت بصماتها
من جروح وشروخ في جسد الحياة الزوجية فتحرم
أصحابها نعمة السعادة وكم نتألم عندما نسمع أناتهم
ونزداد ألماً إذا ما استفحلت الجروح وأودت بالحياة
الزوجية إلى الهلاك
وهذا ما لا نريده لنفسي ولكم انتم أحبتي
Mayada
ليس الأمور تقاس هكذا
ربما تعرفين من أين تكل الكتف
وأنا لا أعرف
المسألة هي أساس الإختيار
هل يكون المقياس الأول هو الجمال وليس الدين
أم العكس ؟ هل كل فتاة متعلمة تصلح زوجة
عشان كده أنا أقترح تأسيس نادي
للسعادة الزوجية ببوست منفصل
نتبادل فيه الأفكار
حتى تعم الفائدة
ولا رايكم شنو؟
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
في حديث بيقول فيما معناه انو الواحداية بعرسوها عشان 3 حاجات مالها وجمالها و دينها وكمل الباقي بانو قال فاظفر بذااااااات الدين تربت يداك...فهو ماقال ليك عرس واحد شينة (حب الناس مذاهب) ولا ما وارثة (طبعا معنى الوراثة بختلف من زول لزول) لكن طبعا كان لقيت ست الدين معناها امك داعية ليك، وبعد دة كلو الحكاية طبعا قسمة ونصيب وزي ما خلق الكعب خلق جمبو الكويس
| |
|
|
|
|
|
|
|
|
|
Re: لهذا السبب رفضتُ الزواج (Re: Mayada)
|
عزيزتي ميادة
الله يهديني وإياك . قولي آمين؟
العسكريون يقولون أهم أشياء في العسكرية ثلاثة
الضبط والربط
ربما كانت الموازين عندك مقلوبة
الجمال هنا ليس البوضي أو الفريم الخارجي
أو الوجه فحسب
إنما جمال الطبع والنفس والإخلاق
وإلا لماذا فساد الناس في فساد الأخلاق
أفرض إن كان الخيار لكِ عليّ وأني رجل
متعلم ووسيم وذوميسرة أملك السيارة والشقة
هل لهذا تقبليني بعلاً . لا أظن ذلك
ولكِ ودي
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
يا أخوان..
من زمااااااااااااااااااااان من زمن أبونا آدم.. الطالح والصالح موجود.. كون الطالح قد ظهر إلى السطح مع أسماء تبرره هذا لا يعني عدم وجوده في السابق.. أصابع اليد ليست واحدة مثلما قلتم.. وبالنسبة لي .. أخجل أن أنتمي إلى المؤسسة النسائية التي تضم الثلاثة فتيات التي تحدثت عنهم يا إيمو.. لكني بالمقابل أفخر وأرفع رأسي لانتمائي إلى المؤسسة التي تضم الرائعات من بلدي... لا داعي للتشاؤم.. وبعدين نحن أيضا معشر النساء لنا الحق في رفض الزواج لو أننا تحدثنا بنفس منطقك يا أخي.. يعني الموضوع ما البنات براهم.. ولو أننا افترضنا ان المجتمع عائلة.. ورأس هذه العائلة الرجال.. فمنهم كثيرون ممن يدقون على الطبول.. لذلك وجدت الراقصين على أنغام هذه الطبول.. يعني لو أن الثلاثي المرح الذي قابلته لم يلق قبولا من قبل.. ما حاول مرّة أخرى.. ولا كيف؟ والله يدّي العافية... ويحفظ الجميع..
شيري.. مشتاقين عديل كده.. رسمي وشعبي وقانوني... أتاريك مركلسه بي جاي ... أمسكي قوي.. وأدعي لي أنتهى الزنقه دي عشان أرجع ليكم وانا محمله بزادي شوقاً.. ومعاني
بنت الحسين
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
الأستاذ/ إيمو
تحياتي وأمنياتي لك بالتوفيق في العثور على بت الحلال التي تفي بمتطلباتك !!!
الموضوع دا في اعتقادي يتسم بالخصوصية وشخصي جداً ما لم تكن تقصد بالبوسب الجارح بتاعك دا الإستعانة بالبورد في البحث عن شريكة، وأفضل هذه الكلمة على الأخريات. لماذا التحامل على بنات حواء دون وجه حق؟؟ هل تجرأت إحدى هذه الفتيات وطلبت إيدكم الكريمة ؟؟ فلنفترض أن واحدة فعلت ذلك هل يعني أنها طلبت منك ممارسة البغاء معها!!! إذا كنت أنت تقول أنك عرضت مواصفاتك ألم تتوقع أن تعرض إحداهن مؤهلاتها بطريقة ما وكانت القصة التي سردتها واحدة من هذه الطرق؟؟ أم أنك كما قالت إحدى المشاركات قد جندت أفراد عائلتك من
يالإناث للظفر بذات الدين والحسب والنسب؟
أعتقد أنك قد فوت فرصة للتعرف عن قرب على الطريقة التي تفكر بهافئة من البشر من الجنس الأخر قلما تتوفر في مجتمع مازال يدعو لإبعاد البيضة عنو الحجر
!!!
ياخي إذا شعرت فعلاً بأنك أمام فخ فكان من الممكن أن تتخارج كما فعلت ولكن دون أن تبهت وتغتاب وتقذف الفتيات البريئات المتفائلات بحياة زوجية وكفي دون التفكير في من سيكون الطرف الأخر؟؟؟؟
شكراً وآسف مرة أخرى فالموضوع فيه تعميم مخل جداً وتعجل في الاستنتاجات، واعلم أن الشعب السوداني الكريم لبس استثناءاً فالزواج أصبح عن طريق الانترنت والمراسلة والواسطات والخاطبات والإمهات والشقيقات وبنات الجيران بس عشان المسافة بين الجنسين تزداد
اتساعاً كل يوم. فهل يمكننا تناول الموضوع من زاوية أوسع؟؟؟؟
يا أخ إيمو البنات ما بلبسن وفي ذهنهن أن كل واحد يقابلهن قد يكون الزوج المحظوظ. اللبس شئ يخص صاحبه في الأساس! لأنه مريح ويمكن للشخص أن يمشي به دون عناء ووووو
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
ايمو الحردان و والباقين سلام
تصدق كنت حاقول ليك نفس كلام خالد فضل بس سبقني
سبحان الله
طبعا الناس وافقوك واستنكروا وشجبوا وادانوا
لاكن بس ما وريتنا البت دي عملت شنو ولا قالت شنو عيب ولا حرام
يعني في تصرف غير لائق شفته منها ولا عرض مشين؟؟؟
ما سألت مرة السيدة خديجة طلبت الرسول عليه السام كيف؟
كان بمواربة ولا وكلام طوالي
وهل كنت حتجرأ تقول نصف الكلام القلتوا ده ؟
ممكن صحيح في العرف مستنكر البت تعرض نفسهاللزواج
وانا شخصيا لا اشجع ذالك
بس غاظتني احكامك المطلقة على البنات
والناس الوافقوك على الكلام بانه البت دي ما كويسة
اها يا عم قرشوا ده مش طلع دقة قديمة, ده دقة جديدة فهمتني؟؟
تحياتي وتمنياتي لك بالتوفيق
مع واحدة حلوة وبت حلال ومأدبة ووقورة
تجي تزوركم في بيتكم لابسة ومتقيفة ومتعطرة وترسل امها تصاحب امك
ولا تزورهم كل يوم
ولا تلقاها ي طريقك وانت فاكر انها صدفة
بعدين تعجب بيها وتمشي تخطبها لووول
بالله دي برضو ما حتكون عرضت نفسها للزواج
تحياتي مجددا
زولة123
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
الاخ ايمو تحياتي
وكل الاخوان
انا فعلا كنت حاقول كلام نفس كلام زولة
كيفك يازولة؟
بس اضيف على كلامها انه الفكرة واحدة
للاختيار والعرض
وان اختلفت الطريقة
والطريقة التي قد يراها ايمو وغيره من الناس انها مبتذلة
فانا برجح الاسباب الاقتصادية للبلد
ودي بقت ظاهرة ملحوظة وكثيفة جدا وللغاية
انه الاسر كلها بقت محتاجة كل البلد الغني على الفقير
الغني برضو بدور على اغنى منه
ومابيخجل الاهل بالتلميح للابناء
البنات والاولاد على حد سواء
بضرورة انه يتم نصيبهم مع من هي او هو غني ومرتاح
وبت او ود مغتربين
ومرتاحين
فالاسباب اجتماعية بحتة او اقتصادية برضو بحتة
فالفكرة ما عريس وبس لا الفكرة انه عريس مغترب
فارجوكم ياجماعة حاولو تلقو ليهم العذر
وتنظرو للموضوع من نواحي تانية
ومفروض ذي النماذج دي تأثر فيك يا ايمو لما ال له حال البيت
مش تخليك تعزف
على العموم ياخي انت افهم وضعهم وما تعرسهم ياخي
مع انه انا لو منك ياايمو عارف كنت عملت شنو
كان عملت جعلي
وعرستهم الاربعة دفعة واحدة
لووووووووول
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
يا أيمو ، أيها الصابون الغاسل لبوار غربتنا
كلنا في الهوى سوا
أخوك منوت عازم على الزواج .. و عندما ألتقي المرأة التي أنتظر .. فلن أتردد في الإرتباط بها .. حتى و لو كانت كما قلت ... و البشر بشر ، فقط أشدد على الإلتزام بالذي يجمع بيننا كسودانيين
و صدقني يا أيمو الحبيب ، لن تجد أفضل من السودانيه مهما كانت الأسباب
منوت الأربعيني العزابي
| |
|
|
|
|
|
|
|
|
|
Re: لهذا السبب رفضتُ الزواج (Re: PLAYER)
|
مريم بنت الحسين
لكِ التحية عزيزتي
كلامك موزون
وهي طبيعة الدنيا زي الموج
خالد فضل
الله يسامحك
هناك عبارات ربما لم تلقي لها بالاً عند فيضك
الصديق قرشـــو
يا أخوي الدقة القديم رومانسي
عليك الله هل وجدت دقة جديدة بباب شريف
zola123
أتدرين ما هو الحرد؟
لا أقول الغضب الجم حتى تتقاطع المقاصد
أهلنا في البادية يقولون للبعير الذي
يخبط إذا مسى أحرد
عزيزتي
اليل بمقوده النهار
أنا لم أعمم كما أثنيتي على خالد
خالد لم يدري بما يقول
وأعلم أنك تمزحين وتعلمين ما بداخل الإناء
كده أعطيني الوصف يا خالة عشان أبعث ليكم ماما
ههههه
Hozy
هل الحالة الإقتصادية المردية حيطة رمي خلفها
قيمنا النبيلة وتعاليم ديننا السمحة؟
شلاقة
هو أنا عندي صبر
تجاني الماحي دخلتو من زماااااان
من زمن زوج الحمام ثلاثة
الفردة منوت
chepak
إنت أكوك بتاع أنا
شوف كلام تإنا لازم زول بتاع جنوب
بشيل مرا من شمال
عشان سوي وحدة حقيقة
PLAYER
TIME LIKE SWORD
IF I NOT CUT IT
CUT ME
| |
|
|
|
|
|
|
|
|
 Re: لهذا السبب رفضتُ الزواج (Re: EMU إيمو)
|
الاخ ايمو
كيفك؟
طبعا الحالة الاقتصادية ليست سبب
في ترك الدين والقيم
ولكن هي صنعت حالة من الاستنفار من البنات والاولاد
انا ماحبيت اقول ليك في أمثلة كتيرة
والدنيا بخير وفي ناس كتير لسه ماشين على القيم والاخلاق
والكلام ده سبقوني اليه شيري وبت قضيم ومريم بت الحسين
والكثيرات وانت نفسك تعلمه تمام العلم لانه الراي المنطقي
ولكنني افتكرت انك تطرح الموضوع من زوايا اخرى
اي انها استعارة لتكشف لنا حال السودان
الذي يجعل فتياته في هذه الحالة
لذا بادرت بالاسباب
وهي اسباب اقتصادية للبلد تجعل من ضعاف النفوس تحديدا
لقمة سهلة لمثل هذه الامور
والحمد لله انهم ياسيدي كانو عاوزين ينستروا
الحالة الاقتصادية دي خلت كتيرين مش بيفكرو في الزواج
لا بيفكرو في الصحبةبس الممكن من خلالها يطلعو قروش
يعني تصاحب ليها واحد عنده عربية تضمن التوصيل للجامعة او المعهد
او غيره لانه اصحاب العربات في شوارع العاصمة بيشوفو العجب من البنات
او واحد معاه قروش تضمن عزومات ولبس وانشاء الله يقدر ياكلها سندوتشات كفاية عليها
فالبنات بقت فعلا سعرانة شديد
!!!!!!!!!!!
وللاسف
تفتكر ده كله السبب شنو
غير الاسباب الاقتصادية والحاجة
وكل واحد عاوز يكون احسن
انشاء الله وصلتك وجهة نظري
تحياتي لك
| |
|
|
|
|
|
|
|
|
 Re: لهذا السبب رفضتُ الزواج (Re: EMU إيمو)
|
الاخ ايمو
السلام عليكم ورحمة الله وبركاته
انا شخصيا مواصفاتي هي جمال الروح والدين والخلق
اما ماذكرت من شان هولاء البنات الثلاثة فلكل قاعدة شواذ وديل شواذ في المجتمع السوداني ويرجع ذلك للجري وراء التقليد الاعمي للموضه التي لا تتماشي مع عاداتنا وتقاليدنا السودانية السمحة التي ماخوذة من الدين الاسلامي
ولكن بيني وبينك احمد الله انك مغترب ولقيت البنت البترضي بيك وتجري وراك
مع اعتذاري للاخوة والزملاء المغتربين
ورد الله غربتنا وغربة جميع السودانيين
سلامين ومعافين ومن كل مرض
لاننا بصراحة فقدنا الامل في الغنيمة ونتمني من الله العفو والعافية
مغتربين اشاعة وليس الا
انا الماساتي ماب تتقال بقيت اعد في عميري الضاع
لا حفله ولا شبال وبقيت لا زوجة ولا اطفال
غربه وعذاب دي خلاص صارت شي مالوف بالنسبة لنا لكن بدون زواج والله شي لا يطاق ولا يقبل
| |
|
|
|
|
|
|
|
|
|
Re: لهذا السبب رفضتُ الزواج (Re: zola123)
|
الله أكبر يا زولة123
قال أنيس منصور وهو كاتب وفيلسوف مصري قال للأمير عبد المجيد
أمير المدينة المنورة وهو من ألطف الأمراء وأرقهم هذا إن كنتِ
تفهمين لغة الأمراء . ما علينا ، المهم إنه قال له أي أنيس
إنني أحب المدينة المنورة وأشعر أن لي أهلاً قيها. وقال له أيضاً
إن الراحة النفسية تتدفق على الإنسان في هذه المدينة لا يدري من
أين تهب عليه .. أو تفيض عليه .. أو تنفجر في داخله .ز إن مسجد الرسول صلى الله عليه وسلم بهرني أكثر من الكعبة. والقول لأنيس
يا زولة فالكعبة رمز ولكن الرسول عليه أفضل الصلاة والسلام حقيقة
فكما يقال ان مسجد الرسول في عهده كانت مساحته الفي متر مربع
أما الآن فهو يتسع لكل سكان المدينة والقرى المجاورة إذا قرروا الصلاة معا.
ولو سنحت لكي الفرصة لشهدتي ذلك بعينك . حيث تحت الأرضية الرخامية
أنابيب للتبريد في عز الشمس كما يلتف الهواء البارد حول الأعمدة
والسقف يتحرك عاماً
ما علينا يا زولة هذه معلومة للتبريد والفائدة
ما أردت أن أقوله ان أنيس قال للأمير عبد المجيد : إن الجنة تبدأ
بالمدينة المنورة وتنتهي بمكة .ز أما النار فهي تبدأ من جدة وتنتهي بها!
وضحك الأمير وما دام قد ضحك إذن فهذه العبارة مقبولة
إنها عبارة ليس فيها تقليل من أهمية جدة وأهل جدة والعمارة
والتجارة والصناعة في هذه المدينة التي بها أجمل كورنيش في الدنيا
ففيه تماثيل ولوحات فنية من الحديد والفخار والجرانيت. متحف
مفتوح بديع لكل الناس بلا أبواب ولا نوافذ كما هاي خالتي
التي وددتي إدخالها في عيني والله لو كانت العين تسعها لما توانيت
في هذا الشرف
عزيزتي زولة123 رغم كل ذلك فإنني لا استبعد أن أجد مقالا أو عبارة
هنا وهناك .. ونقداً وشتيمة لا مانع. ولا بأس لأننا هنا جاءنا لتفريغ
الأحمال عنا فصناعتنا الكلام نقوله ونقرأه..وقديما قال شارلي شابلن
كيف تخاف من منظر الدم مع أنه يجري في عروقنا!؟
ولكن بعض الناس يخافون ويركبهم ألف عفريت
وهنا إستحلفك بالله يا زولة123 أن تسامحيني إن كنت جرت في حقك
لو تعلمين كم يقصو علي زعلك
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
الأخت هوازن
لكِ تحياتي مع أسفي الشديد
صراحة عيني أضحت زايغة
وأشكرك جداً على لفت الإنتباه
ربما إتفق معك بعض الشئ في ظاهرة
أصبحت مألوفة في شوارع الخرطوم
وكما قيل الشجر الطيب لا يعطي إلا طيب
فالإنسان الطيب لا ينطق أو يعمل إلا طيب
فشكاً يا طيبة
| |
|
|
|
|
|
|
|
|
|
Re: لهذا السبب رفضتُ الزواج (Re: EMU إيمو)
|
الاخ ايمو
لك التحية
اصلو لو مشيت وما عندك في راسك حاجة دي العمايل البتلقاها وفيها سمسرة كمان
عندنا واحد اخونا رسل لي بت خالوا قال ليها كوسي لي عروس وهديتك توب فاخر
المهم المرة بقت تلف الجيران كل ما تشوف ليها واحدة سمحة تتقدم ليها بأسم صاحبنا لما ترفض تقو م قتول ليها عليك الل عشان وافقي عشان توبي
| |
|
|
|
|
|
|
| |
EMU إيمو
ABUHUSSEIN
BousH
Mayada
shiry
مريم بنت الحسين
خالد فضل
قرشـــو
zola123
منوت
PLAYER
انور عمر
albagir altahir
فيس بوك
تويتر
انستقرام
يوتيوب
بنتيريست