|
|
 واااااي والله انا ما مصدقة
|
احبائي في البورد
سلام تاني
والله العظيم انا ما مصدقة اني خلاص بقيت عضو معاكم وترحيبكم عجبني بالحيل اشكركم ايها العمالقة واشكر كل من رحب بي واتمنى ان تجدوني عند حسن ظنكم بي
دررررررر
|
|
 
|
|
|
|
|
|
|
|
Re: واااااي والله انا ما مصدقة (Re: Elmosley)
|
شكراً وكتر خيرك يا استاذ موصلي انصفتني من قرجة الجا هاجمني طوالي من قولة تيت
شكيته علي الله يا استاذ هسي عليك الرسول كلمة واي دي فيها شنو وبعدين نحن لسة لغة بلدنا دي ما فارقناها ولا شبر ومهما يحصل برضو واي وبري
وكررررررررر علي يا قرجة مالو لونك دا اصفر كدي .. تكون جاياك وردة (بكسر الواو) .. سجمي سجمي خلاص امش للحكيم وبعد تجي راجع قول لي عووووك عشان اعرف الحاصل عليك شنو
اها عجبك ولا ازيد تااااني
درررررر
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
اكيد يا قرجة ليك زمن ما سمعتها لان مافي زول بقولها غيري الزمن دا بس انت ما عارف اني تربية حبوبات
عموماً استعد لانك حا تسمعها كتييييييييير هنا بس اتمنى انها ما تكون تقيلة عليكم
وبعدين شنو جيت داخل شمال كدا طوالي ياخي قول لي اهلاً ومرحب وحللتي اهلاً ونزلتي سهلاً لاني ضيفة نيووووو على البورد
مرحب بيك وبيكم
| |
|
|
|
|
|
|
|
|
|
Re: واااااي والله انا ما مصدقة (Re: 3mak Hasabo)
|
كر علي يا عمك حسبو
والله يجازي الكان السبب
سمح ما تخاف والله اخليك تزهج من واي ووووووووووووب علي
تعرف يا عمك حسبو والله الكلمة دي عنده وقع خاص عندي بتذكرني بي حبوبتي الله يرحمها كانت طواااالي لما تكون بالنهار شارة العيش في البرش في نص الحوش وفجأة بدون مقدمات يجي الحمام يلقط العيش كلو .. تلقاها تكورك ووووووووووووب علي يا بنات امي الحمام كمل العيش
ولسة كتير من ثقافة حبوبتي الله يوسدها الباردة
درررررر
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
مرحتين ثلاثة ونزورت البورد وبهديك وجميع الأخوان والأخوات
فصيدة أستاذي الجليل محجوب شريف
بطـــاقه شخصيـــه
الاسم الكامل:
إنسان
الشعب الطيب والدىّ
الشعب حبيبى وشريانى
أدانى بطاقة شخصيّه
من غيرو الدنيا وقبالو
قدامى جزائر وهميّه
لا لون..
لا طعم
ولا ريحه
وايام مطفيّه مصابيحها
زي نجمه بعيده ومنسيّه
المهنه:
بناضل وبتعلم..
تلميذ فى مدرسة الشعبِ
المدرسة..
فاتحه على الشارع
والشارع فاتح فى القلبِ
والقلب..
مساكن شعبيّه
ودينى محل ما تودينى
شرّد اخواتى واخوانى
فتش أصحابى وجيرانى
خلينى فى سجنك...
وانسانى
في سجنك جُوّه زنازين
أرمينى وكتّف ايدىّ
من أجل الشعب السودانى
وعشان أطفالنا الجايين..
والطالع ماشى الورديّه
وحياه الشعب السودانى
فى وش المدفع
تلقانى
قدام السونكى
حتلقانى
وانا بهتف تحت السكين
الثوره طريقى وايامى
معدوده
وتحيا الحرّيه
| |
|
|
|
|
|
|
|
|
|
Re: واااااي والله انا ما مصدقة (Re: artiga)
|
سمح يا ارتيقا
والله ما بقصر معاكم
وان ربنا مد في العمر حا تسمعو مني كلام حبوباتي الحية فيهن والماتت الله يرحمهم جميعاً ويخلي لينا الحيين ويطول في عمركم ويخليكم لي بعض يا بورداب لاني حقيقي حاسة بي الفة بينكم ما عادية لدرجة اني والله شاعرة بي اني غريبة وسطكم .. طبعاً الليلة اول يوم لي في البورد وبتمنى من جوة قلبي اني اصبح صديقة واخت عزيزة ليكم
وتسلموا من كل بلاء
ووووووووووووب علي الحمام كمل باقي العيش كلو
دررررررر
| |
|
|
|
|
|
|
|
|
 Re: واااااي والله انا ما مصدقة (Re: ABUHUSSEIN)
|
والله يا ابو حسين كلنا خلعتنا الوااااي دي واولنا عمنا قلجه شال قلجتو وجاء جالي
اها يا دررررررر
كيفك تمام حمدلله علي السلامه ومرحب بيك البيت بيتك
وادخلي علي المطبخ وورينا طبخك
ويلا سلام
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
شفتوا يا اولاد امى كت ماشة الطاحونةادقق لى ملوة فيتريتة الساعة الاسمع لك الكبسيبة
يا ناس الحاصل شنو ربك رب الخير لقيت زولا قال لى فى درر نزلت بغادى والناس كلها جرت تشوفه
لكن يايمة درر البنات لى حهن
تعالى جاى وجيبى اضانك النحدثك خلى بالك الناس ديل طيبين لاكن وكتين يقوموا على ال... يا اختى الخواف ربى عيالة
| |
|
|
|
|
|
|
|
|
|
Re: واااااي والله انا ما مصدقة (Re: yasiko)
|
الفاضلة درر
الف اهلا بيك يا ستى وويويتى البورد واعدتيه الى اصله الاصيل وهذا لا شك يسعد الجميع ويعود بهم الى الكلام الحنين والناس الحنان والبلد الحنين ..
سبقت قبل عامين تقريبا اخرى سجلت استخدام كلمة (ووووووب) ولا شك ان المخضرمين كلهم عندما يسمعوا الكلمة يظنون ا لرائعة عادت وليتها تعود ولكننا نرجوك مثلك رائعة تثرى البورد وتجعليه خلية نحل للنشاط والمشاركات الجميلة ..
اهلا وسهلا بيك فى دارك العامرة بك وبامثالك عزيزتى
مع تحياتى وودى
| |
|
|
|
|
|
|
|
|
|
Re: واااااي والله انا ما مصدقة (Re: قرشـــو)
|
قاعده والله يا قرشو يا خوي
لكن بس تقول شنو
شيل القدم ليه رافع
بس يا حليل الواااااي والزد
خلاص خليتها زمااااان من يوم ما بكري طرد دافي من البورد
انت وين .. ما قريت الموضوع داك
يا زول الله لا وراك ليه
تحياتي ليك واشكرك على السؤال
دررررررررر
| |
|
|
|
|
|
|
|
|
|
Re: واااااي والله انا ما مصدقة (Re: فيصل النعيمه)
|
عزيزتى درر
لك التحية
يا ستى واااى دى علامة سودانية مسجلة والعاوز ينازع فيها يكون عاوز يجردنا من سودانيتنا
زى برى بالضبط
ما يحيرنى فى بعض المسلسلات والافلام المصرية يقلن برَّي .. ياخى ما بتنكتب لانهم بجروا الياء ..
عموما لا تحرمينا من الـ واااااااى بتاعتك لانك الوحيدة هنا الاستخدمتيها وتميزتى بها..
مع تحياتى
| |
|
|
|
|
|
|
|
|
 Re: واااااي والله انا ما مصدقة (Re: درر السودانية)
|
لكم التحية اخوتي
واشكركم من صميم فؤادي للاهتمام بقضيتي ومواساتي
مع اني كنت عايزة امشي بسياسة ابعد من الشر وغنيلو .. او الباب البجيب الريح.. سدو واستريح
لكن استجابة لرغباتكم .. واستجابة لصوت في داخلي يقول ان تركي للواااايات هو اثبات لما اردت ان انفيه فهانا اعود والعود احمد وما بهمني كلام زول مع ان النهرة وحمرة العين حااااااارة يا اخ فيصل لكن انا لها ما دمت على صواب وثقتي في نفسي كبيرة جداً جداً
ووااااااااااااااااااااااي من بكري ودافي الله يسامحكم
درررررررررررر
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
والله كلامك زين وحروفك بس نشوفه متين
قبل يومين دخلته المنبر على فكرة المنبر الحر ساحة ثقافية والله استفدت منه كقارئ وامل ان اسهم فيه ولو بقليل وصراحة المنبر الحر جامعة سعدته بالانضمام
اليها وحتما ساستفيد منها كثيرا
@@@@@@@
وكم لظلمة الليل بهاء من الاطياف
ولكن كثيرا حولها الى ارتكاب المصائب
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
لكم التحية اخوتي
واشكركم من صميم فؤادي للاهتمام بقضيتي ومواساتي
مع اني كنت عايزة امشي بسياسة ابعد من الشر وغنيلو .. او الباب البجيب الريح.. سدو واستريح
لكن استجابة لرغباتكم .. واستجابة لصوت في داخلي يقول ان تركي للواااايات هو اثبات لما اردت ان انفيه فهانا اعود والعود احمد وما بهمني كلام زول مع ان النهرة وحمرة العين حااااااارة يا اخ فيصل لكن انا لها ما دمت على صواب وثقتي في نفسي كبيرة جداً جداً
ووااااااااااااااااااااااي من بكري ودافي الله يسامحكم
درررررررررررر
| |
|
|
|
|
|
|
|
|
|
Re: واااااي والله انا ما مصدقة (Re: درر السودانية)
|
درر
الف مرحب بيك بين اهلك واخوانكو اخواتك
معليش على الترحيب المتاخر جدا
بهدي ليك اغنيه المبدع حمزه سليمان
على كيفي
و كلو زول في الحله دي على كيفو مادام لم يمس الاخرين بسوء
لو ما سمعتيها كوسيها هنا في البورد بتلقيها
| |
|
|
|
|
|
|
|
|
|
Re: واااااي والله انا ما مصدقة (Re: ايهاب)
|
على كيفي
ارقع جبتى او لا ارقعها
اطرزها من الالوب البسها على المقلوب اخلعها
على كيفى
انا لم انتخب احدا وما بايعت بعد محمد رجلا ولا صفقت للزييف
لماذا اعلنوا صورى لماذا صادروا سيفى
انا ما قلت شيئا بعد حتى الان ... حتى الان اسلك اضعف الايمان
على كيفى سئمت هشاشه الترميز ما بعد الذ
الزبى يا سيل من شيئا
لمن يا طبل والخرطوم غائبه وامدرمان والنيلان يختلفان والاطفال فى الخيران
الحرب الدمار الجوع كيف الحال لا تسئل عن الكيف حبيبى
انت يا وطن النجوم الزهر سلهم كيف
سئل عنى لماذا لم يخلونى على كيفى
على كيفى
انا فى هذه الدنيا على كيفى سابقى ما حييت
على كيفى الى ان تطهر الدنيا وينزل سيدى عيسى
لان طريقتى فى الحب يا وطنى على كيفى
كلمات :عبد القادر الكتيابي
ممكن تسمعيها هنا
مهيرة اهديكـي زهرة وأغنية
| |
|
|
|
|
|
|
|
|
 Re: واااااي والله انا ما مصدقة (Re: درر السودانية)
|
اشكرك بلدي يا حبوب .. ولد بلدي دائماً حبوب
واشكرك كثيراً اخي ايهاب لكن تعرف انا عندي مشكلة
ما بقدر اسمع الاغاني وياريت لو القى الاغاني ببرنامج الريل بلير بقدر انزلها واسمعها في في اي مكان لاني الكمبيوتر بتاعي ما فيهو سماعة
وريني كيف عشان استمتع برائعة الكتيابي
واشكرك كثيراً لى الاهداء الرائع يا رائع
درررررررررررر
| |
|
|
|
|
|
|
| |
garjah
Elmosley
جدو
lana mahdi
almohndis
الجندرية
Dafi
ABUHUSSEIN
سجيمان
ود شاموق
yasiko
قرشـــو
بلدى يا حبوب
ايهاب
bushramk
فيس بوك
تويتر
انستقرام
يوتيوب
بنتيريست