تربية حيشان ___قال شنو صاحب البنت

يا جماعة الحكاية شنو السودانيين اهلنا والله دايرين يجننونا عديل فى الغربة منعول ابوها لو بتخلي الواحد حتي مفاهيمو للتربية تكون بالهشاشة دي. عدد كبير جدا من السودانين السافرو الى دول الغربة مع اسرهم وانهوا حياتهم هناك وعادوا الى منطقة الخليج ومعهم اولادهم، والموضوع ده ما بخص العايدين ديل بس، برضو بشمل عدد من الاسر المقيمة فى الخليج وبخص الخليج بالتحديد. السوداني لما يكون عامل فيها مودرن بخنقك عديل، يعني البنت زي الولد والولد زي البنت وكمان جابت ليها صاحب البنت، ده كلام شنو ده يا رجال ما تتختشوا على عرضكم الواحد يقولو ليك ده زميلها زميل شنو ده ؟؟؟ الزميل ده بتجمعها به ظروف واضحة ومحددة البخلي مثلا يجيها فى البيت شنو فى زيارة قال؟؟؟في ظروف ممكن تخلي الواحد يصل بنت فى البيت وتكون ظروف موضوعية، زى الحصلت معانا هنا ، البنت عايزه تفهم بعض الاشياء المتعلقة بامتحان فى وزارة ، وطلبت المساعدة لشرح بعض الاشياء الفائته عليها وبما انو ظروف ا البنت ما شغالة، فلم يكن يرى هناك ضررا فى الذهاب الى بيت اهلها وفعلا ذهب الى هناك وليته لم يذهب البنت جايه بتي شرت فري سايز وعايزه تقعد للشرح والاب الدكتور وبسبحتو كمان وبصوت يهز الحيطة اهلا وسهلا اتفضل يا ابني فييل هوووم قال صاحبنا يقعد كيف والبنت كم اه وكم لا؟؟؟؟ طلع مصدوم وما فاهم حاجة. وهاك بعد كده يا مواقف حدثت مع باقي الشبااب!!!! يا جماعة بصراحة كده ما فى حاجة اسمها رجل صاحب العائلة ولى شاب صاحب البنت هو البوي فريند ده كيف اصلو الا يسكونو مع بعض يعنى ولى شنوو؟؟؟ يا عالم ارحمونا من الخلط بتاع المفاهيم ده . يا جماعة الواحد يطلع ويتعلم ويجيك راجع تاني للتربية بتاعت الحيشان نحن فى السودان كرهتنا وعايزه تقصر عمرنا، يجوك مثقفين بعد غربة وضنك راجعين ليها تاني.

مهاجر تحياتي

هو شنو غير النظريات الضيعنا. واحد يقول عاداتنا وتقاليدنا دى عادات شنو البتخلي الواحد يقبل راجل فى بيتو ويقول ليهو البيت بيتك!!!. واذا كان قصدهم العرس بالطريقة دي والله يبقى ده عرس ابو الدرداق بس

اخي العزيز قرجة تحياتنا

اقول ليك المشكلة بقت اكبر من توفير متطلبات معيشة. الحكاية بقت مسألة راي وطموح نوع التربية و السلوك ده وخاصة فى أوساط كثير من المثقفين السودانين فى الخارج ، ودي كلها اسر اوضاعها المادية جيدة اذا لم تكن ممتازة
والشي البتفق معاك فيهو انو الاباء هم السبب

الاخ ابويزيد تحياتي


طبعا مستعجب جدا لحديثك . عادات ايه وتقاليد ايه العندنا وبالطريقة دي، ابو بنتو لابسه من غير هدوم يقول للولد البيت بيتك!!!!! دى عادتنا؟؟؟ وبعدين كبت شنو ما عارفك جبته المصطلح ده من وين و زجيت بيهو فى الحديث غايتو نحن السودانين بالتحديد ما بنعرف حاجة اسمها كبت، ولو بتعتبر السودانين بوضعهم الراهن او زمان مكبوتين والله ما عارف اقول ليك شنو لكن ربنا يحفظنا. اخي لقد تحدثت هنا عن الفوضى الحاصلة فى بيوت كثير من المثقفين والتى يرونها وللاسف الشديد نوع من التقدمية. رايك شنو فى الكلام ده؟؟ برضو شايفها نوع من عاداتنا وتقاليدنا فى السودان

الاخت رووز

ا والله ده البنتمناهو. ومسألة الحرية الشخصية دي هى مشكلتنا الحقيقة والكثير من الاباء لديهم خلط فى مدى مفهوهما والسبب فى راي هو بعدهم عن الدين. ديننا الاسلامي لم يترك لنا شي فى هذا الموضوع وغيره ولكن البقنع الديك منو.

الاخ ابا يزيد تحياتي

عزيزي اتمنى ان تدعنا من ورش العمل هذه فهى سبب الداء والبلاء ؟؟ رايك شنو فى الموضوع الطرحتو ده ؟؟. افهم من كلامك ده انت بتأمن على وجود رجل فى البيت لا يمت للمراة بصلة بحجة ان الاب او الاخ او الزوج قال له انك صاحب البيت بدون اى تحفظات؟؟؟ افهم انك بتأمن على مظهر البنات وهم لابسات ملابس نص عارية وهم يجوبون الاسواق مع اصدقائهم وعلى مرأى ومسمع ابائهم.
اما مسألة كيف نعامل البنت ليس الامر ببعيد عنا ولم اضعه انا وانما وضعه ديننا الاسلام الذى فيه عصمت امرنا وحياتنا الكريمة اخي هل فى مثل هذا السلوك الذى تمارسه كثير من الاسر ما يدلل على انه اسلامي. ما يدور حول قضايا المرأة وحقوق المرأة واقصد المسلمة بالتحديد اري فيه السبب الحقيقى لهذا التدهور الاخلاقى الذى نعيشه الان باسم الحريات. ان الاسلام لم يقصر فى حقوق المرأة قط. لا انكر ان هناك من شذ فى فهمه لوضع وحقوق المراة وكان متطرفا مما جعل البعض يأخذ فكرة خاطئة عن نظرة الاسلام تجاه المرأة. وهذا التطرف الذى حدث لايعنى ان نبتعد عن المرجعية الدينية لمثل هذه الامور فنحن نعلم علم اليقين ان هذا التطرف سببه اشخاص بعينهم و لا بمثلون الاسلام فى شي. اذن الامر لايحتاج الى واحد اتنين فهو بسيط جدا وليس بهذا التعقيد كل ما فى الامر هناك ما يجوز ولا يجوز فعله والمرجعية لتحديد ما يجو و لا يجوز هي الدين الاسلامي اخي

تحياتي