|
|
 البـــلد المهاجــر
|
البلد المهاجر
بلدا فيها نيل للموية دافر
وارضه مسطحة زى اوراق الدفاتر
تزرع تفتح فى الجداول
والخضرة زى ابتسامات البشائر
الحقول جابت ثمار
ما عرفنا الجوع والدمار
صدرنا للبلد البعيد والبلد المجاور
بس الليلة جاتنا المشاكل
منها الغيوم صارت تسافر
حتى الطيور هجرت وكور
عند المغارب والبواكر
ولو ولد طفلا جديد
يسال امه وين الجواز
عايز يسافر
عشان الزواج كان بالرسائل
وابوه لسع مهاجر
عايز الضمان كايس الامان
عايز ما يسمع دبابات العساكر
والامهات خرجن حفايا
وين البنيات الصغائر
حتى الجماعة صارت تهاجر
عشان ما تجمع من المغتربين
الضرائب وتكدس فى بنكوك
البلد المجاور
عشان السودان عايز يسافر
حتى النيل عايز يهاجر
وترك مجراه القديم
عشان حكومة العساكر
انا ذاتـــى... داير اسافر
حتى للظلمات والدياجر
بس لمنو نترك المساكين الحيارى
المكافحين الضوامر
الما بعرف وين ينوم
غير رواكيب فى الهواجر
الما بملك رسوم الجواز
ولا بعرف حجوزات التذاكر
ابوقوتة
ا
|
|
 
|
|
|
|
abuguta
مهاجر
فيس بوك
تويتر
انستقرام
يوتيوب
بنتيريست