|
Re: كان كدى ... لندن بتتدخل (Re: Ahlalawad)
|
الرحمابى الله يغزرك باهلك
وطبعا مافى زول اتدخل فى البوست لانو الدولار نزل بسبب الحرب لكن باكر بجى الخريف واللوارى بتقيف
ويا اهل العوض انجل طرا دى من زمان حلم السودان الاول ، من زمان نوى عبد الله التعايشى الزواج من ملكتها
وشوف عينى قالوا الملكة كانت دايرة الا اهلها حموها
قالت للوصيفات تعالن شيلن منى الصولجان دة وجيبن لى حطب النتدخن التاج يطير ، جيبن لى الكركار البلاط شن بسويبوا وخليفة مهدى اللاهى داير يغتى قدحى
لكن اهلها كانوا صعبين شوية ومتمسكين بحكاية الحمار دى ، من احمر طبعا ما من الحمار بضم الحاء لانو دى متمسكين بيها اهل العريس
اها النمشى نشوف زيادة بشاعة فى التلفزيون ونجيكم
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: shiry)
|
والله مع انى كنت زهجانة من صدام وقفلتو لى ناسو وديكتاتوريتو
لكن وجعونى ناس العراق
وانا جنى وجن الناس البريئين لمن يتضرروا من حماقات الاقوياء
ما بهمنى لا صدام لابوش الاتنين بعابع كبار لمواطنيهم انا بتهمنى الانسانية والجرح الغائر والكراهية البزرعوا فيها بالبنادق
والجو الملغم بدخان الابار الاطفال بدوا يختنقوا ويموتوا
ليه؟؟؟ ليه طفل واحد يموت؟؟؟ بسبب زول؟؟؟
خلى انو الليلة بقوا الاف
ومدن بدون موية وبدون كهربا لى يومين وتلاتة ، ليه؟؟؟
والبغيظ انو من ما يموت جندى امريكى ، طوالى يجيبوا اصغر طفل عندو ومرتو وامو ، فى التلفزيون ، عشان يعمقوا الوجه الانسانى لشخصيتو؟؟؟ وفى اطفال هناك واباء وامهات ما عندهم تمن ؟؟؟ وما بسووا تعاطف؟؟؟؟
انا بحتقر السياسة الدوليه
وبدين الحروب
وبحب الحياة النضيفة والحب زاتو و الاطفال
امشى وين يا شيرى؟؟؟
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Ahlalawad)
|
نحن تاريخيآ لم نهاجمهم و لم نحتل أرضهم و مع ذلك تراهم دائمآ في حدث فيه ضرب لهذه الأمة أو إيذاء لها تجدهم من المتحمسين لهذا العمل , قد نبرر لهم ذلك عندما كانوا أقوى دولة إستعمارية في العالم أما الآن فلا أدري , على كل حال هذا تاريخهم شاهد عليهم
أولآ ضرب دولة محمد على باشا هذه الدولة التي كان فيها نواة للتقدم و التطور و السيطرة عليها
ثانيآ إستعمار الوطن العربي و المساهمة في تمزيقه
ثالثآ وعد بلفور و تأسيس دولة إسرائيل و ماجر من مقاتل و تشريد و مآسي على الشعب العربي
رابعآ فرض الحظر العسكري و المادي على العراق بدون مسوغ قانوني و أخلاقي و قد أتضحت أهدافه التي كانت ترمي إلى إنهاك العراق ووضعه في أسوأ وضع مادي و نفسي بحيث عندما تحين ساعة الذبح التي حلت الآن يكون غير قادرآ على المقاومة و يتم الأمر بطريقة سهلة
خامسآ العدوان الحالي الغير مبرر على العراق
هذه بريطانيا و تاريخها معنا تاريخ ملطخ بدماء شعبنا و أبنائنا , أما الولايات المتحدة و كندا و أستراليا فهم أحفاد أولئك الأنذال و عدائهم للعرب أشد و أنكى هذا هو تاريخهم فهل نصدقم اليوم أرجو الإجابة
وهنا نود أن نقول لأن كندا لم تشارك في هذه الحرب بسبب وجود رئيس وزراء من أصل فرنسي و هو جان كريتيان و لو كان على رأس الوزارة رئيس وزراء من أصل أنجلوا ساكسوني لكانت كندا تخوض الحرب ضد العراق الآن
| |
![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: مهاجر)
|
تماضـــر بت الشيخ
لينا زمن نفتش ليك
مسكينة حبوبة...فاكرة بريطانيا زي زمان...واظنها ما سمعت باليانكي واحسن ليها تضوق مرار العجين قبل العواسة....شان كسرتا ما تطلع فطير...
والله انا متكيف ومستمخ للفرنسيين
ولشرويدر بتاع المانيا
وللاتراك
و
بريطانيا لا تريد ان تقتنع بانها عجوز شاخت ...ولن تقدر على الجري الطويل وخمة النفس......ومقاتلة البعث ....ناهيك عن الاصابات التي تلحق بقواتها من القنابل الامريكية الطائشة
فلقد قال الكنديون انهم لم يشاركوا في الحرب خوفا من النيران الصديقة...التي حصدت منهم اعدادا كبيرة في افغانستان
وهم من الان بداوا نزاعا مع الامريكان حول كيفية حكم العراق بعد الاحتلال الذي لن يكون باذن واحد احد
| |
![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: garjah)
|
حسة كنت بسمع فى الراديو
ومجلس الشيوخ بحذر من مغبة حرب مصادر الصرف عليها من جيوب دافع الضرائب ، بعد ما ختاهم بوشهم امبارح فى مطلب باهظ لميزانية الحرب
والتى ستاكل من جيوب العالم كلو
والجندى الامريكى من العراق بصرح وبقول نحن متورطين فى العراق وما معروف نتخارج كيف
لندن تتدخل؟؟؟
والفرنسيين ما رقيقين وفنانين وبس ديل بس حسبوها ولقوها ما بتخارج
واصلو الحروب ما بتخارج
ومالك ياود العوض مع الدخان
ويا مهاجر ما تنسى الفتوحات وزمنها ، دى حرب تاريخها برجع لتواريخ الانسانية
بس اوع لندن تتدخل....
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Tumadir)
|
مرة الامير تشالز والاميرة ديانا في زيارة الي الهند فقام الهنود بعمل اجندة زياراتهم من ضمنها طبعا تاج محل لكن الاذكي كان سجن اومنصة اعدامات من زمنهم كانوا اعدموا فيها كمية كبيرة من الهنود واصبحت نصب تذكاري لهم فما كان من السفارة البرطانية رفضالزيارة لان ذلك سيدعوا الامير ليعتذر للشعب الهندي وتم الغاء الزيارة لكن بعدها حضرت الملكة وكرروا نفس الشي وقامت الملكة بالزيارة لكن بعد ان تحدثت الصحف الهندية وعرفت حينها ان الاعتذار يعطي انطباع لشعب باكمله ويثبت وجه الظلم لكن غاندي فعل بهم خير وشر في نفس الوقت قال ليهم قبل يطلع الانجليز يتمشوا امشوا قضوا حاجتكم في الشارع وفي القهوة اشربوا الشاي باصحن واشياء كثيرة مقرفة مافي داعي احكيها ليكي لكنها نجحت واخرجت الانجليز من الهند لكن بعض العادات حتي الان لم يتركوها ودا الشر اللكان من غاندي
| |
![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Tumadir)
|
هذه المراة التي سالت عن تدخل لندن يا تماضر اظنها هي ذات المراة التي تسكن حي الدباغة في مدني والذي يجاور حي المدنيين علي ما اظن . هذه المراة كانت في زيارة لاهلها في الشمالية ابان حرب الخليج الاولي عام 90 وعندما سمعت في الاذاعة بان القوات الامريكية ضربت المدنيين صاحت سجمي سجمي نعل ما ضربت الدباغة كمان
| |
![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Abdalla Gaafar)
|
ياعبد الله جعفر قاليك المسل احذر عوك مرة واحذر صديقك الف مرة
فلربما انقلب الصديق وكان اعلم بالمضرة
دى قصة النيران الصديقة
اما قصص الحبوبات والجدود مع السياسة فذكرتنى الراجل جد واحد بنعرفو
قال لما كلموهو بموت السيد اسماعيل الازهرى اول حاجة
قالها
والدول عملت ايه؟؟؟
بكسر الدال وفتح الواو
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Tumadir)
|
العزيزة تماضر بعد السلام قلت
ومدن بدون موية وبدون كهربا لى يومين وتلاتة ، ليه؟؟؟
يا بت عمي بلدي أبوجبيهة في السودان ما فيها حرب ولا يحزنون ولا فيها موية ولا كهرباء ... ممكن تعرفي لي السبب شنو... تصدقي بتدخل على حكومة السودان سنويا أربعة مليارات دينارا والموية على بعد مترين من سطح الأرض...
برضو آل تقسيم السلطة والثروة آل
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: كان كدى ... لندن بتتدخل (Re: Tumadir)
|
ياالخضر الله يرضى عليك المرا البترجم دي بتقول شنو؟
يا أهل العوض يا دفعة ... إنت من زمن الماية جنيه أنا كنت قايلك شباب لقيتك من زمن عشاء الفول عند احمد سعد ياتماضر
زمن العشاء المصلح الفول بالجبنة والطعمية والدكوة وعيشة بقرشين وزيت بقرش يكلفك كله خمسة قروش يعني شلن
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|