|
Re: الحصة التانية - محفوظات (Re: Ahlalawad)
|
حبيبنا اهل العوض
لك التحية والحب
ياخوى والله انت بالغت عديل كده يعنى معقول نحن يكون فينا راس يحفظ الكلام القديم ده ياخى
تعرف لم يتبقى غير شذرات من ذلك تكاد لا تكمل ابياتها اصابع اليد الواحدة منها
دجاجى يلقط الحب ويجرى وهو فرحان
اوووووك ما قلت ليك ما فضل راس ياخى
لك تحياتى
| |
|
|
|
|
|
|
Re: الحصة التانية - محفوظات (Re: Ahlalawad)
|
أخي أهل العوض بمناسبة برز الثعلب يوما في ثياب الواعظينا أحد أبناء بحري تم تسجيله في فريق الأملاك ولعب مباراة تألق فيها فكتبت عنه الجرائد ما لم يكتب مالك في الخمر وأنا بصراحة ما عارف مالك كتب شنو على كل صاحبنا لملم الجرائد من سوق بحري كلها وجا عاوز يقبض بينا الجو ، أها لي التعترو في واحد مسيخ تقول موية ترمس عديل كده قال ليهو قلت مكتوب شنو في الجريدة صاحبنا يملؤه الفخر والنفخة قال ليهو أقرأ يا وهم أهو كاتبين وقد برز ..... صاحبنا قال ليهو يا أخي الثلعب برز يعني شنو. --- أما أنا ففي روضة ست وداد ما كان بدونا زي المحفوظات دي لذلك أمتنع عن التصويت وأترك الكلمة للزميل قرشو
| |
|
|
|
|
|
|
Re: الحصة التانية - محفوظات (Re: Ahlalawad)
|
يا ملا عمر أنت والناس السغار كلهم اقيفوا لينا صف وانت خاصة عليك أن تجيب السوظ ، عند الضرورة ، وإن لم تجد السوط فعليك بالعوير وأغصان الكتر
ذلك لأنك وانت في روضة ست ليلى ما أدوكم الحاجات العتيقة دي .. لكن سمع لينا من محفوظات ست ليلى . برضو اللجنة بتفهم
| |
|
|
|
|
|
|
Re: الحصة التانية - محفوظات (Re: Ahlalawad)
|
سلام يا أهل العوض لك التحايا رغم أني متهمك بأنك ما جمعت كتاب المحفوظات وقاعد تكتب لينا منه .. وعشان تثبت العكس أكمل ما يأتي (1) رأى الغراب جبنة في دار لبعض قوم من ذوي اليسار (2)مالي أراك حزينة هكذا يا حمامة (3)أبو مركوب (4) عابد الذهب (5) قد كان عندي طائر وإذا حليت هذا الامتحان تكون اتأهلت للامتحان البعده وهو من سؤال واحد من هم المليون شهيدبالجزائر
| |
|
|
|
|
|
|
Re: الحصة التانية - محفوظات (Re: Ahlalawad)
|
بسم الله الرحمن الرحيم
المعتق أهل العوض سلام وإحترام للمخضرمين
إنت أقعد نكت لي في القديم لمن يلم فيك جردقة البوشاني يفرتك شرايطك
إنت عارف أنا مرة إشتكيت لي طالب للأستاذ لأنو كان بردد في محفوظة (ديكي بدري) وأنا قايلو بنبّذ فيني
لي قطة صغيرة سميتها سميرة تنام في الليل معي وتلعب بأصابعي وذيلها الطويل .. وذيلها الطويل وذيلها الط ..تاني شنو يا أستاذ؟
أستاذ عاين داك يرفرف لي
| |
|
|
|
|
|
|
Re: الحصة التانية - محفوظات (Re: Ahlalawad)
|
علمي انت رجائي انت عنوان الولاء انت رمز للفداء انت رمز للوفاء لونك الأخضر زرع وازدهار ونماء لونك الأبيض رمز لسلام ونقاء لونك الأسود وجه السايقين الأقوياء لونك الأحمر رمز لدماء الشهداء كم فؤاد هام فيك وحبيب يصتفيك لم نعش ان لم نفتديك ..... خالدا طول البقاء
العزيز أهل العوض، يتخيل لي احتاج لجلدتين لأني نسيت البيت الأخير رجاء
| |
|
|
|
|
|
|
Re: الحصة التانية - محفوظات (Re: Ahlalawad)
|
العزيز أهل العوض شكرا، لكن اظن ما ذنبي لو قريت الابتدائي في زمن نميري، بالمناسبة هذا يعني انني ما زلت صغييييييرة ابدا والله هذه هي الألوان التي اعطونا اياها وبالمناسبة كان نفسي أرفق اللحن فقد كنت متخصصة في تلحين المحفوظات.. صوتي ما حلو بس كان عندي ثقة شوية دمت
| |
|
|
|
|
|
|
Re: الحصة التانية - محفوظات (Re: Ahlalawad)
|
نحن ان اشرق صبح نترك النوم ونصحو ثم نمضى فنصلى ان تقوى الله ربحو ونحيا ابويا فرضا الاباء فتحو ولنا كل صباح امل فى الله سمحو يااهل العوض انا داير الدرجه الكامله ان شاء الله كيس دقه او ملوص الملوص دا عندنا العجور بالشطه ودعقاب
| |
|
|
|
|
|
|
Re: الحصة التانية - محفوظات (Re: ود عقاب)
|
ود عقاب شكيت محنك على الله انت حافظ آ سايب معليش عفيناك المرة من الجلد بنديك طباشيرة ملونة أمش شيلا من العمدة دا أختار اللون العاجبك أسمع - طباشيرة واحدة بس ، سامع؟
| |
|
|
|
|
|
|
Re: الحصة التانية - محفوظات (Re: Ahlalawad)
|
اهل العوض مقيل العافية انشاء الله
ده شنو يا زول بحتة الكلام ده من وين ،،،، ياخي بالغت عديل ،، قدر ما نحت راسي ونفضت غباره ما لقيت لي قصيدة كاملة بس بجتهد معاك
هاك من تالتة :
بلدتي بلدتي بهجة النظر اي منظر فيك لايسر كل ساعةانظر الرباانظر الشجر
........... اظنها كانت كدا ،،،،،
وهاك دي من رابعة :
تدفق ايها النيل وفيض بالخير والرزق وطوف بالزرع عطشانا وروي حقوله واسقي . . . . والله راحت زي ماهي
وهاك من خامسة :
* صباح الخير مدرستي مدرستي صباح الخير والنور اليك اشتقت في امسي
* بيض الحمائم حسبهن اني اردد سجعهن . . يطفئن حر .... بغمسهن رؤوسهن
عوووووووك خلاص راح كل شي بس بقى الاطلال
ولك تحياتي شرووم
| |
|
|
|
|
|
|
Re: الحصة التانية - محفوظات (Re: Ahlalawad)
|
الولد يحاكى اباه ________________ قالها شاعر مصرى __________________
مشى الطاؤس يوما باختيال فقلد شكل مشيته بنوه
فقال : علام تختالون ؟ قالوا بدأت به ونحن مقلدوه
فخالف سيرك المختال واعدل فأنا ان عدلت معدلوه
وينشأ ناشئ الفتيان منا على ما كان عوده ابوه
--------------------
يا اهل العوض ياخوى مالك تثير فينا مثل هذه الشجون .. طبعا ولا جلده واحده , لانو الحفظ ميه فى الميه!! .. ولى قدام
| |
|
|
|
|
|
|
Re: الحصة التانية - محفوظات (Re: Ahlalawad)
|
الولد يحاكى اباه ________________ قالها شاعر مصرى __________________
مشى الطاؤس يوما باختيال فقلد شكل مشيته بنوه
فقال : علام تختالون ؟ قالوا بدأت به ونحن مقلدوه
فخالف سيرك المختال واعدل فأنا ان عدلت معدلوه
وينشأ ناشئ الفتيان منا على ما كان عوده ابوه
--------------------
يا اهل العوض ياخوى مالك تثير فينا مثل هذه الشجون .. طبعا ولا جلده واحده , لانو الحفظ ميه فى الميه!! .. ولى قدام
| |
|
|
|
|
|
|
Re: الحصة التانية - محفوظات (Re: Ahlalawad)
|
أهل العوض والرفاق وكل صديق هنا من الناس الكبار شويتين ، جاكم السلام ،،، وهاكم نشيد قبل الفطور =============================== يوم حاربناك يا جهل بعزم من حديد أيها الجهل المخيف المعتدي طال مثواك بهذا البلد لن يظل الشعب مكتوف اليد ووداع ووداع أبد كل جيل سوف ويغني ويعيد يوم حاربناك يا جهل بعزم من حديد
| |
|
|
|
|
|
|
Re: الحصة التانية - محفوظات (Re: Ahlalawad)
|
عساكم عافيه شباب سنه تالته انا الصبى الصغير انا فتى المستقبل انا لخير بلادى ولنصرها سوف اعمل فعلمونى فعقلى للعلم والدرس يقبل فالعلم للعقل نور والعلم شى مفضل سنه رابعه اننى طفل صغير اتخذت العلم نورا ياترى ماذا اصيرو عندما اقدو كبيرا هل ترى اقدو طبيا ام وزيرا ام طرى اقدو سفير او صحافيا شهرا سوف اسعى غير وانى اطلب العلم الكثيرا رانى نيل الامانى عندما اقدو كبيرا سادسه ونخله قضا الافنان باسقه قالت لاترابها والصيف يحضر انى اكلف نفسى فوق طاقتها وليس لى بل لغير الظل والثمر لاقصرن على نفسى عوارضها فلا يبين لى طول ولاقصر . . من لم يسخو بما تسخو الحياه به فانه جاهل بالحرص ينحر المره دى داير طراده عديل وبرضو بتاع دروس خصوصيه وتسلمو يا شباب وانا ماشى المتمه واجى القاكم ما كملتو تسميع جلد شديد ودعقاب
| |
|
|
|
|
|
|
Re: الحصة التانية - محفوظات (Re: Ahlalawad)
|
فحت ف ح ت فحت مش فتح اقراها كويس يا اهل العوض قلنا مبرجلين لاكن متذكرين العربي
لاكن هي يمكن ما عربي مية المية عشان هو مثل مصري
احنا ما بيجلدونا لاكن بيعاقبونا بطرق اخرى ومازلت مصرة, دايرة بت توريني بيضربوهم كيف في مدارس البنات المدرسين المتوحشين حقينكم ديل
تحياتي زولة123
| |
|
|
|
|
|
|
Re: الحصة التانية - محفوظات (Re: Ahlalawad)
|
الأخ ولياب .. تحية لك .. والله أنت تسأل عن إنسان عظيم .. الهمباتي ، مثلك تماما سألت عنه بعض الزملاء هنا .. لكن يبدو أنه لم يسجل في هذا المنتدى . آخر مرة تصادفت معه في بوست خيمة الحردلو في الموقع الآخر ، وكان ذلك قبل أكثر من سنة . نرجو أن يكون بخير وعشمنا أن نسمع منه شخصيا أو من أحد أحبائه هنا .
| |
|
|
|
|
|
|
Re: الحصة التانية - محفوظات (Re: Ahlalawad)
|
إن الكريم لكالربيع تحبه للحسن فيه وتهش عند لقائه ويغيب عنك فتشتهيه وتراه يبسم هاذا في غمره الخطب الكريه واذا الليلي ساعفته لايدل ولا يتيه
والباقي لمن اشوف
انت عارف دي مانسيته ليه؟؟ والله ماخد فيها كف لهسي اضاني صانه كنا بنسمع فيها وانا حافظه طشاش ولما وصلت اخر البيت دا اخوك مسح خاااالص تميته ببيت من قصيده تانيه طبعا من مبدأ انو كلو كلام من كتاب ومقرر واحد يعني بعد ما قلت في غمره الخمر الكريه واصلت حتي مطلع الفجر ولا اتذكر اسم القصيده هذه جيدا بس مستنيك تسمعه لينا
جمال عبدالرحمن ------------- وارموا لقداااام
| |
|
|
|
|
|
|
Re: الحصة التانية - محفوظات (Re: HOPELESS)
|
شكرا يا جمال صفقوا ليه بالله بعدين ماعندكم محفوظة تانية أدوك فيها كف ولا سوط تسمعا لينا؟ بعدين أنت جمال عبد الرحمن منو؟ بتاع اشلاق بوليس كوستي، البقى فنان داك؟
| |
|
|
|
|
|
|
Re: الحصة التانية - محفوظات (Re: Ahlalawad)
|
نحن الطيور أيها الإنسان .. بذا الجمال خصنا الرحمن سبحانه جملنا فلا عجب .. إن حبنا أهل العقول و الأدب نطير بالليل إلى النجمة أم ضنب .. و نقطع النيلين في فركة كعب و ناكل الحب مع الحزين مالك .. و نختبي في العش من عصير (عصيراً) هالك و كم شرك لنا أهل العوض .. و لم يجد عن تعبه أي عوض و هكذا الدنيا معانا فارقة .. برانا عكرانين و روحنا مارقة
انقطعت و انشطبت .. و أنا جاهز للّبع
| |
|
|
|
|
|
|
Re: الحصة التانية - محفوظات (Re: Shinteer)
|
لأني كنت بخاف مووووووووت من الجلد لهذا فقد حفظت كل القصائد المقررة والغير مقررة ولكن لا استحضر اي شيء منها الان إلا أنني كنت اكاد أن استفرغ ليس عندما يسألوني عن حفظ نشيدة بل عندما يقول لي الأستاذ : إعرب ماتحته خط يومها أكره كل شيء 00 المدرسة والفطور والبيت وحتى السلام على الناس لدي عقدة في مجال الإعراب هذا لاتتصورها وأنا أحسن من صديقي الجزولي فهو يموت عندما يقال له أعرب ماتحته خط وتشاء الصدف انه تخصص في الرياضيات وذهب لمعاينة في الخرطوم ودخل على اللجنة التي كانت تضم الى جانب أساتذة الرياضيات مجموعة من فطاحلة اللغة فكان يجلس على اليمين بروفيسر عبد الله الطيب والى جواره فراج الطيب ودخل الجزولي ولم يترك فيثاغورث وجماعته 00 حفظ كل شيء ثم ولج الباب قائلاً : السلام عليكم رد عليه فراج الطيب : وعليم السلام لكن قبل ان تذهب اعرب لنا السلام عليكم طبعاً اعتبروه سؤال في المعلومات العامة شوف الدنيا دي مرات ساعة ماتديك اين يقع المحيط الهادي يعتبروها من المعلومات العامة والسلام عليكم يعتبروها من المعلومات العامة طبعاً الراجل لم ينجح والله حتى الآن اذا قابل اي أحد في الشارع نهايئ مايقول ليه السلام عليكم شغله كلو كيف حالك وزي الحال
قال لسان العرب قال
| |
|
|
|
|
|
|
Re: الحصة التانية - محفوظات (Re: ابوحراز)
|
اهل العوض سلام
لانو زمنكم مافىروضه عشان كده فطيتها
لما كنت سعيير بلعب بالتولاب ماما لاباستنى الجمه والشلاب
مسيت للمعلم ادانى تتاب
دال لى اتب علبى تتبت حساب
اسرب ايه اسرب دهوه
اتل ايه ... اتل عدوه
ادحك تيف هاهاهاهاها
مش اضحك لووووول
لوووول
مع تحياتى وقبلاتى ديت الدن
اقصد
ديك الجن
| |
|
|
|
|
|
|
Re: الحصة التانية - محفوظات (Re: maia)
|
مايا ازيك
انت مستعجله على الحصه التالته ليه ؟
عندك شنو فى الفسحه ؟ عايزه تزوغى
اها نبداها ليك
بدر وامل
بدر كتب .... الحب .. الحب .. الريده
وامل كتبت ... العرس ... العرس ... العرس
بدر خت القلم وكبه الزوغه
لوول
ديك الجن
| |
|
|
|
|
|
|
Re: الحصة التانية - محفوظات (Re: Ahlalawad)
|
صحت الطبيعة فنتبه ما بال عينك ناعسة هذي جبيت و قد بدت في فتنة متجانسة و هنا الأراك و عنده قصص الغرام الدارسة
دجاجي يلقط الحب ويجري وهو فرحان ولي ديك له صوت جميل اللحن رنان كأن عيونه خرز له في الشمس ألوان وعند الفجر يوقظنا وطول اليوم شيطان
نحنا الدجاج دا لا شفناه لا اكلناه لامن مرقنا من السودان شفناه فى السوبر ماركت لا هو يجرى ولا فرحان ادروب
| |
|
|
|
|
|
|
Re: الحصة التانية - محفوظات (Re: Ahlalawad)
|
أبو حراز ، وينك يا رجل ، الحصة الأولى انتهت خلاس . ما حا نقول ليك أعرب السلام عليكم لكن نقول ليك أقسم أبو حراز على اتنين وادينا الباقي .
ديت الدن .. باالله دي أدوكم ليها في الروضة ، قادر الله ومخير .. أنا كنت قايلا في الوسطى عشان ما دخلناها لقيناها قفلوها .
مايا : أعملي حسابك من ديك الجن . دا ديك ومجنون الاتنين عليه .
أدروب – حبابك ، والله مشكلتنا مع الجداد البقى دجاج مشكلة . الله يحنن علينا .
وكما قال الموصلي : بكرة بيصبح ذكريات
| |
|
|
|
|
|
|
Re: الحصة التانية - محفوظات (Re: Ahlalawad)
|
اهل العوض انحناءة وتقدير وانا اقول الزول دا قريب مني كدي مالو وشايفو وين دحين ياخوي ما اتلاقينا في مدرسة عمك حسبو الفتحا وخلاها فات
المهم اعتبرنا من ناس الكنبة الورا وديل طبعا معروفين مافي زول بيرفع ايدو في تسميع ولو احتجت لي شدادين نحنا جاهزينا وبعدين نحنا الحافظنو كلو انت والجماعة كتبتوهو من بدري طبعا دي طريقة حديثة للبص والزوغان من التسميع وياخوي باقي الجماعة وين ناس عمك حسبو وكنتونا وقرجة وكوستا وووو والله مضربين
يديك العافية يازول ياجميل الود والتقدير عبدالله جعفر
| |
|
|
|
|
|
|
Re: الحصة التانية - محفوظات (Re: Ahlalawad)
|
فديتك هل نسيت القدس والسحر الذي فيها واوقات قضيناها هناك على روابيها نطوف في شعاب الحب في شتى ضواحيها ونلهو مل حلا لهو ونمرح في مغانيها ونسرع ان دنا وقت الاصيل الى اعاليها نودع شمس ذاك اليوم في ابهى معاليها ونضرب موعدا في يومنا التالى نلاقيها uuuuuuuuuuuuuuuuuuuuuuuuuuuu زارع الحقل في البكور عيشك الدهر اخضرا انت في هيكل الزهور انت للناس سيدا من زراعيك للفقير حبت القمح تولدا qqqqqqqqqqqq ابيت في غربة لا النفس راضية بها ولا الملتقي من شيعتي كثب فلا رفيق تسر النفس طلعته ولا صديق يرى ما بي فيكتئب ومن عجائب ما لاقيت من ذمني اني منيت بخطب امره عجب لم اقترف زلة تقضي علي فماذا الويل والحرب فهل دفاعي عن ديني وعن وطني ادان به ظلما واغترب فان يكن ساني دهرى وابعدني في غربة ليس لي فيها اخ حدب فسوف تصفو الليالي بعد كدرتها وكل دور اذا ما تم ينقلب ooooooooooooooooooooooooooooooooooooooooo قد كان عندي طائر في قفص من ذهب جميل شكل ريشة حلو طويل الذنب ولم اكن امنعه من ماكل او مشرب ففر عني ومضي دون ادني سبب وقال لي حريتي لا تشترى بالذهب ؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|