|
يا اخواناااا الحقوني عليكم الله....انا مزرووووووووره
|
عندما انتقلنا لبيتنا الجديد اتت الجارات لزيارتنا واخذ البروفايل كاملا عننا…وطبعا عرفو انو اختي الكبيره طبيبه وانا صيدلانيه الا كم شهر كدا …وفي الحقيقه انا ما متاكده انهم سمعو امي وهي تتحدث عني لانو الله ادنا جيران من نوع …دكتور الله اكبر انقطع الكلام اها الجماعه بقوا يا اخوانا شايفين ليكم اختي دي حاجه عجيبه خلاص الدكتوره مشت….الدكتوره جات…الدكتوره ساقت العربيه لدرجه انو لمن يقابلوني في الشارع او لمن امشي ازورهم فان السؤال عن الدكتوره واحوالها يسبق السؤال عني انا زاتي…وقلت في نفسي ما مشكله بكره لمن يعرفو انا بقرا شنو زاتو حيعملعملو لي كدا اها واخيرا جا اليوم الذي طال انتظاري له لاثبت للجميع اني لا هينه ولا لينه انما فامسستيايه معتبره ودا لمن سالتني حجه زكيه _ اها وانتي بتقري شنو واتنفخت وابتسمن وبكل قرضه اجبت _بقرا صيدله ولكن حجه زكيه قلبت عويناتها يمين شمال…ومصمصت شلوفتها وقالت لي _ اها بتطلعي صيدلي يعني وابتلعت خيبه املي ورحلا افكر في الموضوع من ناحيه عمليه … الصيدله في السودان مهنه جديده نسبيا اول دفعه تخرجت في السبعينات على ما اعتقد وحتى منذ ذلك الوقت لم تاخد وضعها الصحيح في البلد….ومازالت القوانين التى تحدد ممارسه المهنه تخضع لدرجه كبيره من الاضطراب والقصور…طبعا الكلام دا لا يدركه الا من كان قريبا من المجال الصيدلي…وتبقى دائما الصوره الناقصه التى تنعكس للمجتمع والتى تتكون من زول واقف في الصيدليه بيبيع الدوا…. احد دكاترنا يعتقد اننا شريحه قدمت الكثير لشعب فقير حسب تعبيره….بعض الامراض واقول البعض حتى لا اتهم من الاخوه الزملاء الاطباء هنا اننا بنصوت الدنيا…بامكان الصيادله توفير اجره الطبيب والتي قد تمثل مشكله حقيقه عند بعض المجتمعات المحتاجه المهم نرجع لموضوعنا تحتفل جامعتنا هذه الايام بتخريج دفعه جديده من الصيادله واختكم مزروره زره ما عاديه الشباب عاملين مجله بمناسبه اسبوع الخريجين وساكني في موضوع بعنوان ما ذا قدم الصيادله للمجتمع المهم يا جماعه انا لو كتبت الموضوع دا براي ما حاكتبو من وجهه نظر المجنمع لانو انا زات نفسي كانت فكرتي مختلفه قليلا عن الصيدله قبل ما ادخل الكليه عشان كدا فكرت استعين بيكم وبصراحه يا شباب وضعي كعب جدا لاننو لازم اسلم الكلام دا بكره للمجله اعملو فيني معروف واكتبو شكرونا …شلتونا….عادي صدري رحب جدا….بس عليكم الله اكتبو لي لانو لو ما سلمت الموضوع بكره الصباح حتلقوني معلقه في باب الكليه
|
|
|
|
|
|
|
العنوان |
الكاتب |
Date |
يا اخواناااا الحقوني عليكم الله....انا مزرووووووووره | حنين | 03-15-03, 03:05 PM |
Re: يا اخواناااا الحقوني عليكم الله....انا مزرووووووووره | garjah | 03-15-03, 03:46 PM |
Re: يا اخواناااا الحقوني عليكم الله....انا مزرووووووووره | حنين | 03-15-03, 04:28 PM |
Re: يا اخواناااا الحقوني عليكم الله....انا مزرووووووووره | garjah | 03-15-03, 04:39 PM |
Re: يا اخواناااا الحقوني عليكم الله....انا مزرووووووووره | حنين | 03-15-03, 04:58 PM |
Re: يا اخواناااا الحقوني عليكم الله....انا مزرووووووووره | Adil Osman | 03-15-03, 06:47 PM |
Re: يا اخواناااا الحقوني عليكم الله....انا مزرووووووووره | alhabeb | 03-16-03, 02:57 PM |
Re: يا اخواناااا الحقوني عليكم الله....انا مزرووووووووره | Elmosley | 03-16-03, 03:13 PM |
Re: يا اخواناااا الحقوني عليكم الله....انا مزرووووووووره | حنين | 03-16-03, 03:45 PM |
Re: يا اخواناااا الحقوني عليكم الله....انا مزرووووووووره | HOPEFUL | 11-21-03, 10:14 AM |
|
|
|