|
|
 Re: **** الاورغ والراسماليه **** (Re: مبيوع)
|
أخي مبيوع ومن بعد السلام ...
مابتذكر بالتحديد متين ظهر لاول مرة الآداء بمصاحبة الة الأورغ لكن بتذكر تسجيل الأستاذ محمد الأمين وبدرالدين عجاج, أمال النور ,الحويرص , وحنان النيل في سهرة تلفزيونية مع بدرالدين عجاج , حنان النيل وإبراهيم محمد حسن , دي يمكن علي حسب ما إتذكر أول مجموعة أو فنانين قدموا غنانا بمصاحبة آلة الأورغ , وكان بدرالدين عجاج بجرد الأورغ من آليته وبحاول يؤدي الميلودي الموسيقي شفاف وواضح ويصل بي صورة مقبولة لي آذان المستمعين في حينها.
وعن إبراهيم محمد حسن وبعد ما قدم أول شريط ليهو بحتوي علي ألحان سودانية أو مقطوعات من تأليفه , ظهرت يمكن لأول مرة خصائص الة الأورغن بي أيقاعاتا وموسيقاها الإلكترونية . ومن بعد في تجربتو الرائعة مع حنان النيل .
لكن يمكن إنتشار الأورغ كان في أقاليم السودان وفي شرق وغرب السودان , وظهور عادل وحيدر بورتسودان , وتعدى الأمر في غرب السودان الفنان بعد رواج الآلة وبقوا يتعاقدوا مع عازف الاورغ وتكون الحفلة بالتاج مصطفى أو إبراهيم محمد حسن سنادة في نيالا مثلا بديل للفنان نفسه .
العقلية الإستثمارية لي آلة الأورغ , لا دايرة برسيم ولا بنزين . ومع تطور التكنولوجيا تطور الأورغ وزاد شغف مستثمري الخليج في المجال ده وظهرت مهن صاحب الأورغ وعازف الأورغ ومبرمج الأورغ وحامل ألأورغ وراس المال فنان من ضل الحلة يكتشف موهبتو فجأة على حين غرة إنو بعرف يغني وسط الشلة ويحاول شوية شوية يطلع ويزيد الكون طرب ويزيد عداد صاحب الأورغ زبون جديد مع تقديم التسهيلات , وعداد المسا وتخفيض في عداد الأوفر ولو في رحلة تاني يوم ينزل السعر لي النص وفي ليلة واحدة يدخل صاحب الأورغن ماهية معلم ورجل شرطة , ولا رقيب ولا حسيب ولا ضرايب ولا عتب ولا زكاة .
وقفات :
1/ غياب لجنة المصنفات .
2/ هجرة الفنانين والعازفين .
3/ إصرار كبار الفنانين علي المليون وكل ما لمع إسم الفنان زاد المليون مليون.
4/ الحالة العامة والإحباط في الشباب والكبت وقاعدة الممنوع مرغوب , وإتخيل خمسمية نفر
بكوركوا بي علا حسهم النار يا الله جوة النار يا الله , كأنو ما كفاية الهم فيهو .
5/ الذوق العام وصرعة الشباب بالجديد والتمرد علي القديم.
6/ شركات الإنتاج البقت أكتر من عدد الفنانين ورأس مال الشركة جهاز لي خلط الصوت متين شريط من الخليج وفنان ظل بي مصاحبة كوراك , كورال أولاد الحلة , وكاجر هباشي تغازل العسكر وجياشة المرقوا من فتاشة تحت الكباري.
يا زول انا متبرع اكون عتال الأورغ ووكيل العريس قصدي وكيل صاحب الأورغ والفنان والمبرمج هي دايرة ليها شي مادام اي منطقة صناعية بقت تهز وتطرب الناس , ومتبرع ليك يا مبيوع بي عشا الفنانين , بس الأوفر ما معانا كبرت وما بقدر علي السهر .
أبنوسي
|
|
 
|
|
|
|
|
| العنوان |
الكاتب |
Date |
| **** الاورغ والراسماليه **** | مبيوع | 03-05-03, 08:07 AM |
 Re: **** الاورغ والراسماليه **** | Ahmed satoor | 03-05-03, 11:57 AM |
 Re: **** الاورغ والراسماليه **** | مبيوع | 03-05-03, 12:15 PM |
 Re: **** الاورغ والراسماليه **** | Elmosley | 03-05-03, 07:23 PM |
| Re: **** الاورغ والراسماليه **** | مبيوع | 03-05-03, 02:43 PM |
| Re: **** الاورغ والراسماليه **** | مبيوع | 03-06-03, 11:26 AM |
| Re: **** الاورغ والراسماليه **** | maia | 03-06-03, 12:38 PM |
| Re: **** الاورغ والراسماليه **** | zumrawi | 03-06-03, 06:58 PM |
| Re: **** الاورغ والراسماليه **** | مبيوع | 08-23-03, 10:08 AM |
| Re: **** الاورغ والراسماليه **** | Zaydoon | 08-23-03, 12:24 PM |
 Re: **** الاورغ والراسماليه **** | Abd-Elrhman sorkati | 08-23-03, 09:57 PM |
| Re: **** الاورغ والراسماليه **** | مبيوع | 08-24-03, 02:23 AM |
| Re: **** الاورغ والراسماليه **** | مبيوع | 08-24-03, 00:28 AM |
| Re: **** الاورغ والراسماليه **** | معتصم ود الجمام | 08-24-03, 00:47 AM |
| Re: **** الاورغ والراسماليه **** | مبيوع | 08-24-03, 02:28 AM |
| Re: **** الاورغ والراسماليه **** | Elmosley | 08-25-03, 06:42 AM |
| Re: **** الاورغ والراسماليه **** | Nimir | 08-24-03, 01:48 AM |
| Re: **** الاورغ والراسماليه **** | مبيوع | 08-24-03, 02:34 AM |
| Re: **** الاورغ والراسماليه **** | Walid Safwat | 08-24-03, 03:31 AM |
| Re: **** الاورغ والراسماليه **** | Elmosley | 08-24-03, 04:36 AM |
| Re: **** الاورغ والراسماليه **** | tabaldy | 08-25-03, 09:54 AM |
| Re: **** الاورغ والراسماليه **** | omr aziz | 08-25-03, 01:36 PM |
| Re: **** الاورغ والراسماليه **** | omer ibrahim | 08-25-03, 01:59 PM |
|
| |
فيس بوك
تويتر
انستقرام
يوتيوب
بنتيريست