اؤرنيل 8

اؤرنيل 8
اقصد { اورينك}8 وقصة اخري عن ابراهيم هالك وفاجعه اخري اسميها -تجاوزا- قصه.سلام اهل البيت .. فهذه هي اورنيك 8 ... كان نهارا اخرا ساخنا وكنا اربعتنا نقوم بتغطيه نبطشيه الجراحه...وكان اخصاى الجراحه عنده يرفضون ان يشرفوا على الاطباء الجونير تحت شعار الاحتجاج علي فكرة ابراهيم مالك من الاساس.... المهم نحن كاطباء امتياز لاحول لنا ولاقوة فوق قرارت الوزاره { كان هذا في زمن انكسار الدكاتره}... نرجع لتلك النبطشيه اللعينه وبين مانحن ننوي تدبير راحه فيما بينا نقدر بعدها علي متابعه النهار باليل بالنهار الذي يليه... فاذا باصوات كثيره تعلو وتقترب رويدا رويدا...ومامهلنا وقت للتساؤل وجدنا انفسنا وفي داخل غرفة النبطشيه المختصره محاطين بعدد مهول من مايبدو عليهم طلاب ثانوي؟ يحملون عنقريبا به طالبااخر يصرخ ويقفز بكامل جسده عاليا حتي نظنه لن يعود لي عنقريبه مره اخري لكن زملاؤه يعيدونه بالقوه....كان منظرا مروعا لو تناقلته وكالات الانباء لحذرت من هم في سن مثل سن هؤلاء الطلبه من مشاهدته....وفى هذا الاثناء ونحن نحاول فهم الحاصل يترامي الي سمعنا {وفي نص محاولات الانقاذ} اصلو اتضرب بي رصاص في المدرسه يادكتوره- صرخ احد الذين كانو مسكين بالعنقريب- ...والله كلنا شفناهو اضاف اخر.... كويس كويس كدي هسي حاولوا اصلو اوضه الاشعة بالعنقريب ده سريع ....وتوالت الاجرءات الدم....جهزوا العمليه...سريع دايرين دم وين اهل الولد ده؟؟ جاين هسي بيتهم في اركويت هسى كلموهم! طيب ممكن زول ينادي نايب اخصاي عشان نحن حنخش عمليه هسي ومحتاجين لدكتور اكثر خبره؟؟؟ والله قالو نائب الاخصائ امكن في سوبا!!!! غايتو قال حيجي يمسك النبطشيه باليل وهسي مافي طريقه نلم فيه.... غايتو اتنين من زميلاتنا اللي ما متعينين رسمي {ممنوع تعينهم كنواب لانهم رافضين يمشوا الدفاع الشعبي} اتبرعوا انو يعملوا معانا العمليه رغم خبرتهم لمحدوده ولكن لابديل يا!!!! ناس التخدير ياجماعه عندنا ولد ثانوي مضروب رصاص محتاج عمليه استكشاف مستعجله ممكن يتخدر؟؟؟ ايوه يادكتوره ده ماعند نا وده ناقص لكن بنخدرو والفيها خير ربنا يسويها... وهرولنا نحو غرفة العمليات ...وجموع الطلبه اخذت تزداد وتخللتهم عددا من الاساتذه وحينها اضيف الي الجموع..... اهل ... حسن احمد سعد والبقيه تاتي (عدل بواسطة Yara on 03-02-2003, 00:35 AM) (عدل بواسطة Yara on 03-02-2003, 00:39 AM)

العنوان الكاتب Date

اؤرنيل 8 Yara 03-02-03, 00:22 AM

Re: اؤرنيل 8 Arbab 03-02-03, 04:17 AM

Re: اؤرنيل 8 Yara 03-02-03, 02:26 PM

Re: اؤرنيل 8 Arbab 03-02-03, 10:26 PM

Re: اؤرنيل 8 اسامة الخاتم 03-08-03, 12:38 PM

Re: اؤرنيل 8 بت قضيم 03-08-03, 01:32 PM

Re: اؤرنيل 8 nazar hussien 03-08-03, 02:25 PM

Re: اؤرنيل 8 Yara 03-08-03, 07:45 PM

Re: اؤرنيل 8 اسامة الخاتم 03-08-03, 07:45 PM

Re: اؤرنيل 8 بت قضيم 03-09-03, 06:35 AM

Re: اؤرنيل 8 shiry 03-09-03, 08:41 AM

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]