نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 السجم والرماد يرفعان قضية إشانة سمعة ضد سجيمان
|
الاسم الحركى ليهو علاقة بالشخصية...عشان كده بنظرة عابرة للبوردات نلقى الكتيرين يكتبوا بنفس مدلول اسمهم..والأمثلة كتيرة..ومؤكد سجيمان ما طلع من الحتة دى...كتاباتو كلها سجم والرماد الكال حماد وغير حماد أنا ما عارف الزول ده فى أى موضوع كتبوا هنا يشتكى من المدلدلين كرعينهم فوق روسين الناس...أنا ماعارف الخلا يعتقد كده شنو؟..ياخى الناس حرة تكتب زى مادايرة يعنى يالكتابات تكون زى كتاباتك...البتشبه حركات الناس زمان وكل زول فى ونسة لو قال كلمة يسدروا بيها...؟ .....وحركات الصوفية مثلا...بصراحة الزول ده بكتب من خيال فيهو حاجة غلط..ولما اختار اسمو الحركى ده هو عارف ما بقدر يتخطى معانيهو....وياسجيمان...أكتب زى ما الناس بتكتب..واحساسك ببارنويا الاضهاد ده حاول عالجوا بالمزيد من التداخل مع الآخرين لا الاساءة والتقليل من شأنهم فى قضية أنت تعلم أنك أول الخاسرين فيها...مش مواضيع الثقافة بس هى مشكلتك البورد ده متنوع حتى المواضيع المتعددة انت برضو بتنظر ليها نفس النظرةوأنا ما فاهم زول يسجل فى موقع عشان بس يكتب عن المفلهمين...
؟؟؟؟!!!!انت ممكن تكتب زى ماعايز لكن تأكد أن الملل سيأخذ من حولك الجميع ..فلتبقى وحيدا...تحاول زحزحة الكرعين عن رأسك
تحياتى
ودعزة
|
|
 
|
|
|
|
|
|
|
|
Re: السجم والرماد يرفعان قضية إشانة سمعة ضد سجيمان (Re: wadazza)
|
والله يا خوانا الموضوع ما بيستاهل
طبعاً بضحك فيكم ضحك ما طبيعي، والله من أمبارح كل ما أشوف سجيمان والعملية العملها في الناس دي بضحك زيادة، يا ناس هذا الشخص زول هزلييييييييييي، يعني كل ما حمبقتو الضحك بيشرطو، والله شفتو الكلام المكتوب دا كلو، لا يعني لسجيمان حاجة، وهو شخص أعرفه حق المعرفة، إنسان موضوعي ومثقف ولطيف جداً، وفوق هذا شخص هزلي لأبعد الحدود، لذا لا أعتقد أنو الموضوع بيستاهل هذه القومة والقعدة، ونسة وحيشيلها النسيم معاهو وهو راجع للبيت. وكل ما زدتم في الردود والعصبية زاد هو في الهزلية ورفع ضغطكم.
أنسوا يا حلوين وروقوا عليكم الله
.
| |
|
|
|
|
|
|
|
|
|
Re: السجم والرماد يرفعان قضية إشانة سمعة ضد سجيمان (Re: ود شاموق)
|
بعد قراءتى لبوستات سابقة وجميلة من سجيمان والنزلا ودشاموق الليلة..حنست السجم والرماد عشان يسحبو القضية..واستجابوا مشكورين لووول لكن قالوا...الزول ده لو هبشنا تانى حنلعب معاهو لعبة بوش وصدام...ودى عكس لعبة القط والفار...طبعاوانا من الأول عارف سجيمان عندو كتير بس هنا هو ما بجنح للسلم لووول..
تحياتى
ودعزة
| |
|
|
|
|
|
|
|
|
 Re: السجم والرماد يرفعان قضية إشانة سمعة ضد سجيمان (Re: ود شاموق)
|
الأخ صاحب البوست ود عازة
الأخ ود شاموق
رغم احترامى لوجهة نظر ود عازة الا أنى أميل لترجيح كفة وجهة نظر ود شاموق فقد عرفت دكتور عادل (سجيمان) من خلال مواضيعه التى يخطها فى المنبرين وعرفته من خلال الهاتف فهو طبيب بيطرى من أهلنا الرباطاب وانسان مهذب ومحترم لأبعد الحدود تكلمه فى الهاتف فتحس بأنه مستمع جيد ويرد عليك بشجاعة وأدب كبيرين
الرباطاب عموما يميلون للسخرية من كل شىء وهذا شىء قد شبوا عليه فى تلكم الديار الملئية بالقرض والحرجل والمحريب ولا يستطيعون التمييز بين الفل والياسمين والعنبر
هم أعداء الفلهمة
والفلهمة فى قاموسهم هو انسان المدينة الذى يلبس البنطلون ويشنط القميص ويأكل سندوتش ويسهر مع الجكس فى حفلات فرفور
ولكن اذا لبست العراقى ووضعت كلتا يديك فى العصاية الموضوعة خلف رقبتك وجعلت تدوبى فى الخلا أو تهمبت فأنت زولهم بكل المعايير
سجيمان أتانا بجرأة ليناقش قضايا هو يعتقد أننا جبناء فى مواجهتها ويريد أن يقول لنا أن بالخرطوم فساد مستفحل وأن فى ايماءتنا الصوفية حركات جنسية فرويدية لم نشأ أن نعلنها وخزعبلات من هذا القبيل
هو فعلا أضحك بعض الناس ولكنه أبكى الكثير من الناس فالجرأة الرباطابية التى يمتلكها جعلته يقول ما لم نستطع قوله رغم انقسام الناس الى فريقين فى تصديقه أو تكذيبه فى تأييده أو معارضته
سجيمان بالفعل يحتاج الى وفاق مع نفسه وتقديم بعض التنازلات الرباطابية ليكون سودانى عادى لا ندلدل رجولنا من فوق رأسه ولا يتعنطز علينا بمفردات القرية
على كل هذا رأيى الشخصى وخلونا فى النهاية كلنا نكون أحباب
لأننا سودانيون وربنا خلقنا كده
ولا شنو؟؟؟؟؟؟
| |
|
|
|
|
|
|
| |
wadazza
bit barber
abas
ود شاموق
يازولyazoalيازول
فيس بوك
تويتر
انستقرام
يوتيوب
بنتيريست