الأسنان عضو مهم في فم الإنسان .. وتظهر وجه جميل لصاحبها ولها أوصاف عديدة .. وكثيراً ما تتعرض لأمراض التسوس مما يودي لخلعها وتحديداً الأضراس .. هناك ضرس العقل وكلنا يعرفه ونعرف صعوبة نموءه والمشاكل التي تواجهه .. ولكن ما لا نعرفه هو ضرس المنبر ودي حالة جديدة تم إكتشافها .. بمساعدة الأخ وليد شريف المتخصص في مثل هذه الحالات .. ومن أعراضه الهلوسة والكلام الخارم بارم ومرات تقوم تعمل ليك مشكلة ما تكون عارف أصلها شنو .. وفي حالات تانية بتكون هادئ ومزاجك رايق توزع في الإبتسامات يمين وشمال .. ودي بيكون فيها كسير تلج كتير وقد نضطر لفتح مصانع ليها .. ومرات نضطر نستلف من تلاجة الجيران عشان الحاجة دي .. وهنا أستدعي الخبير بضرس المنبر السيد وليد شريف بالإدلاء في هذا الصدد ..
رمضان كريم .. وكل سنة والجميع بخير .. مع أضراس خالية من هذه الأمراض المستعصي علاجها ..
حكاية الاضراس القايمة عليك شنو اليوم ديل ههههه قبل فترة شايفك شايل حال تمبس بسبب ضرسه المواتر (دي كلمة من الجراب) اسع شايف تمبس مرقا في السلطنة اوع يكون عشان يقلع ضرسو عند قرض عندنا واحد صاحبنا كان خاطب ليهو زمن واحد صاحبنا تاني باقي ليهو في رقبتو كل يوم يسأله العرس متين و العريس كل مرة يطلع بعزور مره سأله و منتظر رد قام قال ليهو و الله ضرسي مكرهني حياتي صاحبنا الظريف قال ليهو يا ضرس شنو اصلو هو عرس ولا ايسكريم
الله يكفينا شر ضرس المنبر،، يا ربي يكون ضرس العقل لكن دا يقلعوهوا من بكري ولا شنو هههههههه
10-18-2005, 06:33 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
مسألة العيادة دي ينظر فيها .. بعدين هناك لجنة لحصر الحالات تحول حسب رؤية الزول المعالج .. والمصانع نفسها لازم تقدم طلب مشفوع يراجع ليبت في أمره .. الحكاية يمكن تصل لغاية حقوق الأضراس أقصد حقوق الإنسان الضروسها موجعاها ..
أرقد عافية يا صديق ..
10-18-2005, 12:45 PM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
الضروس زاتا أنواع .. حسب الحالة البتكون معاك .. وكل واحدة من الحالات دي عندها معالج ودواء خاص .. أها وبي تحت تحت عرفت إنو المسألة دي إنتشرت شديد حتى وصلت الخرطوم .. الله يكفينا شر وجع الضروس وفلسة القروش ..
تحياتي ومحبتي يا شقيقي ..
تخريمة .. نحن موووش متواعدين نتلاقي في السودان ؟؟..
10-19-2005, 04:54 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
الأمراض المزمنة الزي دي علاجها صعب .. ولو إتعالج الضرس بتبقى الهلوسة قاااااعدة .. وبمتابعة مع خبراء ضرس المنبر علمنا منهم هذا الشئ .. ودا ما بمنع سعينا الدؤوب لحل هذا الإشكال وعلاجه ..
بس لو جاتك زي الأعراض الذكرتها دي أتصل عليّ طوالي .. عشان ندخلك الحجز المركزي ونعمل ليك جناح خاص وبرضو سعر خاص ..
أرقد عافية ..
10-21-2005, 09:50 PM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
1- الدخول ل Sudaneseonline مره واحدة إسبوعيا...... 2- تعطيل ال MSN نهائياال حين إشعار آخر ..... 3- إلغاء ال E,mail address القديم وإستبداله بآخر سري .... 4- النوم مباشرة بعد صلاة التراويح ...... 5- عند دخولك Sudaneseonline يجب قراءة بوستات ابراهيم بقال ONLY 6- دي صعبة و ما بقدر أكتبها... لزوم الرقابة وكده .....
وأنا أقول الحاصل لي ضرسك دا من شنو يا صداع ؟ .. بالله بطل الجقلبة .. تمبس داك خاتي ليهو القدره .. وإتعلم ليهو زواعة اليومين ديل .. هسي مرق في السلطنة وبكرة ما عارف تلقاهو وين ..
وكان لي الحكم لاراش داك سره باتع عنده ضرس لا بتعالج لا بداوى .. عشان كده هسي بنفتش ليهم في العلاج إذا ما كان آخر العلاج الكي .. الناس ديل متحسسين خالس والضرس الفي الكبر بجيب المشاكل ..
تسلم يا حبيب .. خليك قريب ..
دم صديقي ..
10-18-2005, 08:41 PM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
رمضان كريم .. والله بيني وبينك خلينا نموت بيهو كده .. أصلو الضرس دا كان إتلقى ليهو علاج حا نركب الشارع .. والناس سوقه يقيف .. كده بنكون إتسببنا في مضار جسيمة بسبب هذا الضرس اللعين .. العلاج ما بناباهو لكن خائفين من اللوم ..
أرقد عافية .. دم بخير ..
10-19-2005, 04:57 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
الاخ معتصم شكرا لطلب الاستشارة حسب خبرتي الضرسية في هذا المجال هناك انواع عديدة من الضروس ضرس يمسح الذاكرة ومن علاماته اللخبطة في اسماء الاشخاص ضرس يسبب جنون البقر ومن علامته الهيجان في النقاش ضرس يجمع بين الاثنين ومن علاماته ...... تمبس ولنا عودة
وليد شريف
10-20-2005, 04:53 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
يا أستاذنا الشعيرية دي أمرها هين .. لكن المشكلة في الهلوسة المبكرة دي ومعاها الهضربة .. دي يعالجوها كيف ؟.. لا زال البحث جاري لأيجاد حل لعلاج مرض ضرس المنبر المزمن ..
والله ناس نجوم الجزيرة عملوها والحكاية بقت شارع مدني الخرطوم .. مروراً بالقلقالة الحزينة ..
كلمناهم من ما كانوا صغار من زمن الجهل .. يا اولاد ما تأكلوا حلاوة ياولاد .. الماسينجر ما تكتروا فيهو بيعمل ليكم ( ارضي ) .. . الضرس وجعو حار وقلعو حار وكان خليتوهو ( ينتح ) بيعمل حراق الروووح..
. . يا معتصم.. ما زماااااااان قلنا ليكم ضرس العقل اقلعوهو اقلعوهو وريحو نفسكم لكن كلام ( الطويل ) ما بتسمع
اسمع اجيب ليك ( بنج ) والا تفطر خفيف
10-19-2005, 06:03 AM
اساسي اساسي
تاريخ التسجيل: 07-20-2002
مجموع المشاركات: 16468
Quote: بالله الماسنجر فيهو حلاوة و نحن ما جايبين خبر ؟ كان كدة النقع الماسنجر بعد دة .. بس يا تمبس فيهو كل الأنواع ولا النوع البيعمل أرضي بس ؟
.. يا ريس كان ما لقيت النوع البتفتش عليهو ولقيت النوع البيعمل ارضي زي ناس حميدا وكدا .. blieeek من طرف.. ممكن تستعين بي معتصم بيديك الخلطة بتاعت التبليييك ومعاها حشوة لي وجع الضرس بس اوعه يا ريس يقول ليك بعد رمضان ما بينفع هو وجع الارضي ده لذتو في رمضان
المشكلة يا عمك ما في الضرس .. المشكلة في النتحي دا .. هسي نحن من ما إتفرقنا اليوم صاحبك قائم عليهو .. لمن أنا زاتي حسيت بي ألمه دا .. بعدين دي عايزه ليها فكي كارب كده .. والله سبحتك دي لا بتنفع معاهو ولا حاجة .. كل يوم نقول يتعالج واحد فيكم يقوم على التاني .. شكلكم كده معيونين .. لكن ليك عليّ أول ما أنزل هناك أمشي ليكم لي فكي كارب كده .. وأجيب ليكم عروق تعالج ليكم ضروسكم دي ..
وبيني وبينك كده أحسن لي أفطر خفيف .. أنا زاتي ما بقدر على الملاواة دي وكشف الحال ..
10-20-2005, 05:12 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
Quote: ضرس العقل عادة تصادفه صعوبات كثيرة أثناء الظهور في الفك الصغير نسبياً وإن المريض يعاني من آلام شديدة في عملية نمو ضرس العقل ولأنه (الضرس) يواجه استحالة ميكانيكية لا تمكنه من الظهور في الوضع الطبيعي في ذلك الفك الصغير، ولذلك فإنه يظل مدفوناً في عظام الفك مسبباً آلام شديدة، وإنه قد يسبب التهاباً في الجزء الرخو من نسيج اللثة الذى يغطيه وقد يضغط على الضرس المجاور ويسبب تآكلاً شديداً أو تسوساً فيه بل إنه قد يؤدى إلى كشف عصب ذلك الضرس المجاور نفسه. وضرس العقل أيضاً إذا كان مدفوناً في عظام الفك السفلى قد يضغط على عصب الفك الراقد أسفله ويسبب آلاماً مبرحة تجعل المريض يصرخ صراخاً مستمراً من شدة تلك الآلام التى يسببها ذلك الضرس المدفون. ولا يمكن التخلص من هذا الضرس إلا بالعمل الجراحي الذي يقوم به طبيب الأسنان.
( منقول ) أما ضرس المنبر فقد قام سعادة المشتشار وليد شريف بتوضيحه ..
فعلاً اليومين ديل مختفي شوية .. مزحوم على الآخر ربنا يقدرنا ونجيكم ..
آخر اخبار ضرس تمبس امبارح كنا مع ود الباوقة علي الفطور وبعد الفطور مباشرة استلقي تمبس في نومة عميقة جداً وبعدها صار تمبس يهذئ .... لا يامعتصم ضرسي لا لا لا اوعة تقول . عندها اندهش الجميع ومصرين علي معرفة سر الضرس يا معتصم اللهم اكشف غمة ضرس تمبس ....قولوا آمين
سلام لجميع المتداخلين. دخلت البوست و توقعت هناك مشكله طبيه يمكن حلهالكن يبدو انه مشكلتكم دي الطب ما حيلقي ليها حل لذلك شوفو ليكم بصير ولا وداعيه ولا فكي حتي. علي العموم خدماتنا متوفره لكم بالرياض حتي اول يوم العيد وبعدها لا تلومون الا انفسكم. لكم خالص الموده اخوكم د. ياسر عبدالقادر أخصائي علاج جذور أسنان بورداب بروكسل..بلجيكا
10-21-2005, 06:00 PM
حسام يوسف حسام يوسف
تاريخ التسجيل: 02-16-2005
مجموع المشاركات: 2210
كويس إنك خارج المنظومة دي .. وإلا هسي كنت توح وتزح .. الله لا وراك مرض ضرس المنبر دا .. بعدين دا لا بنفع معاهو حشو ولا غيره .. دا يا تقلعه يا تموت بيهو ..
أرقد عافية ..
إنتظرناك في لقاء الخميس والشوق ..
اصلي لمن ادور اجيك بجيك لا بتعجزني المسافة لا الظروف تمسك بايدي
10-23-2005, 05:25 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
ما هي عمت وإنتهت يا حسام .. هسي اليومين ديل الناس كلها تتكلم عن ضرس المنبر .. زي إعصار كترينا مدمر وفتاك .. وبي تحت تحت كده هناك حملة منظمة لإبادة جماعية لحاملي فيروس المنبر .. ربنا يكفينا شرهم ويبعدهم مننا ..
شكراً ليك يا صديقي .. دم بخير ..
10-23-2005, 05:14 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
زي الحالات دي عايزه ليها بصير زي ما قلت .. وفي البصير يكون زول بتاع حنك ونقة كتيرة .. عشان مريض الضرس دا مرات بتكلم بره رأسه وهو نائم .. يعني يهضرب بالليل بي حاجات كده ما مفهمومة إلا لي ناس الإختصاص ..
شكراً على المرور .. وربنا يديك الصحة والعافية ..
10-22-2005, 05:07 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
أها بالأمس الضرس تاور صاحبنا مره أخرى .. وهذه المره شديد الالم لدرجة يصعب عليه تحمله .. ومعاهو شهقة كمان .. ونحن بصدد دراسة الموضوع وتحويله لأكبر هيئة تخصصية في هذا المجال ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتصم دفع الله
نصار
بلدى يا حبوب
شمهروش
Ahmed Abdallah
معتز تروتسكى
الطيب بشير
abuguta
أحمد الشايقي
tmbis
اساسي
ابو جهينة
Muna Khugali
حسام يوسف
ناذر محمد الخليفة
تولوس
فيس بوك
تويتر
انستقرام
يوتيوب
بنتيريست