نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 سيف الدوله محمد أحمد الأمين ... مرحب بيك كتير.
|
سيف الدوله محمد أحمد الأمين من نشطاء الجالية السودانية بمسقط ومن الفاعلين
في اللجنة التنفيذية السابقة لنادي الجالية (بالإنتخاب) ومازال عضوا لايجارى
في تطوير العديد من نشاطات الجالية ،
سيف الدولة من المهندسين الأساسيين في الشركة العمانية للإتصالات (OMANTEL) والذين قامت
على أكتافهم تلك الشركة الضخمة،
نرحب بالشاب سيف ضمن بورداب مسقط ، (الشاب) دي بتكون ريَّحت سيف راحه ما بعدها ، راحه تمتد
من مسقط إلى كُترانج .
الفضل أولا وأخيرا والشكر والثناء للأخ الصديق الذي لولاه ما كانت سودانيزأونلاين ،
الوجيه بكري أبوبكر.
شكرا يا بكري على أفضالك التي لم تنقطع.
مرحبا يا سيف.
|
|
 
|
|
|
|
|
|
|
|
Re: سيف الدوله محمد أحمد الأمين ... مرحب بيك كتير. (Re: محمد المرتضى حامد)
|
الف مرحب بالشاب الظريف الباشمهندس سيف الدولة محمد احمد الذى سيكون added value لمنتدى سودانيز اونلاين على وجه العموم وبورداب مسقط على وجه الخصوص .
الشكر ايضا موصول للاخ الباشمهندس بكري ابو بكر على قبول عضوية الاخ الباشمهندس سيف الدولة الرجل الطيب والعقلاني الذى يجيد فنون المخاطبة والاستماع و مقادير مقامات الغير.
شكرا اخي المرتضى وانت قادل بمحفظة مفاتيح سيارتك والفلاش دسك وكذلك الماستر كي لسودانيز اونلاين .
هييييييييييييييع ( دى ليك يا بوردابينا الجديد) Copy rights reserved
| |
|
|
|
|
|
|
|
|
|
Re: سيف الدوله محمد أحمد الأمين ... مرحب بيك كتير. (Re: حيدر امين)
|
شكراًيا ود حامد (بس ما صاحب الدومة) على هذه الكلمات الرقيقة والتي وضعتني الآن في مطب لا يحسد عليه في أن يكون قلمي من السنة والمبراة من الحدة حتى أكون قدر التوقعات.
الأخ العزيز حيدر شكراً ليك وأحب أأكد ليك بأن تصديق النشر بتاع الصورة موضوع الاتهام استلمته من زمان من صاحب الامتياز بل وكان ذلك من اقتراحاته السخية (راجع البوستات السابقة) فبالله بطل الحسد.
لك التحية أخي الزاكي وإن شاء الله متواصلين بس بعدين حبة حبة علينا في اللغة واكتب لينا بقدر عقولناعشان نقدر نجاري اللغة. كفاية خلينا ليك جلاليب السكروتة.
أنا سعيد بكم جميعاً أحبائي
| |
|
|
|
|
|
|
|
|
|
Re: مرحب (Re: Shihab Hamadnala)
|
ود المرتضى
يا اخي اكان تخلي العريس يتاخر شوية يخلي الناس كلها تتداخل وتبارك وما يجيهم طالع الا بعد يشحتف روحهم زى ما بسوى ناظرنا منصور العجب وقت يجوا ضيوف في ديوانو الما خمج . الزعيم بقوم يرسل الوليد بقول ليهو امشى جيّه الضيوف بالشربات وكدا وما بجيهم مارق الا بعد سلة روح .
سيف الدولة
اوعاك من الادمان البخليك لما يزورك ضيف ترفع طرف نظارتك وتعاين ليهو مع صرة وش وتنتكي تاني على الكي بورد لحدى ضيفك يغضب ويعصر ... وعيييييك يمشى يخليك .
| |
|
|
|
|
|
|
|
|
|
Re: مرحب (Re: الطيب شيقوق)
|
حبيبنا الغالي ود القرشي. حبابك ألف والبورد أصلاً مضيئ ومنور بأهلة القدام وأنا قدر ما حاولت أزيد النور نور غلبني. شايف حيدر بيقترح حصر بورداب مسقط لكنه وصلها لغاية لوى عشانكم وأنا أثني وأثلث.
ما تخاف يا ابو الطيب أنا بوكا ميسم ماني ود الفكي عبد الرحمن إن عاينت بي فوق النضارة. هييييع
| |
|
|
|
|
|
|
|
|
|
Re: مرحب (Re: سيف الدوله محمد أحمد)
|
سيف الدولة:
ياخي ما تصبر شوية تخلي البورداب يكملوا الترحيب بمقدمك.
ألف مرحب بيك
وجودك في المنبر سيكون له طعم خاص.
أسألوا مجرب!!
| |
|
|
|
|
|
|
|
|
|
Re: مرحب (Re: سيف الدوله محمد أحمد)
|
| Quote: الأخ شهاب، الفنان ود الفنان حبابك عشرة وسعدنا بلقياكم في هذا البوست. لك الشكر يا ظريف |
هو الزول ده وين ( شهاب)
ياخى المهندس ابراهيم بابكر حمد ببلغك التحايا, حاليا فى البريمى
| |
|
|
|
|
|
|
|
|
|
Re: مرحب (Re: حيدر امين)
|
سيف
غايتو اول بوردابي يجي شائل معاهو بروفايلو في طرفو الا يكون ود المرتضى كاشف ليك الامتحان
| |
|
|
|
|
|
|
|
|
|
Re: مرحب (Re: الطيب شيقوق)
|
أستاذ سيف الدولة ،
ياخي ألف مرحب بمقدمك ،
مقدم الربيع . شرفت ؛
شرفت وألف الف مرحب بيك .
تحياتي
| |
|
|
|
|
|
|
|
|
|
Re: مرحب (Re: Muna Khugali)
|
مرحب ... سيف الدولة,
من كلامك ومن طلعتك ظاهر
عليك فااااهم... وود ناس.
تكفيني ثقة محمد المرتضى حامد,
وحديث لطارق الأمين, ومذكرة لسيف
اليزل ... فهؤلاء حياض للمودة ...
وفارع الطيبوبة ... وكل الجمال.
... وعدنا بك ... غانمين
| |
|
|
|
|
|
|
|
|
|
Re: مرحب (Re: HAYDER GASIM)
|
بن خالتى العزيز محمد المرتضى ,, شكرا كتير ليك
وأنت تقدم لنا واحد من ( ناسنا ) .
سيف الدوله نورت المنبر ,, والوجاهه الشديده دى
حتعمل ليك مشاكل مع ناس ود شيقوق الحاسدين ديل ,
أعمل حسابك مايجررك (لجخانين) الحت وتقوم تقد
محل الرهيفه .
ياود شيقوق أنا منتظر التذكره ,,,
| |
|
|
|
|
|
|
|
|
|
Re: مرحب (Re: كمال سالم)
|
ود شيقوق: ود حامد ما كشف لي الامتحان عديل كدة لكن عمل لي سبوتنق والإسبوتنق ضرب. بعدين نحن ترباية كشافة وشعارنا "كن مستعدا"
الأساتذة الدرديري، منى خوجلي،حيدر قاسم وكمال سالم: لكم التحايا والمودة وأشكركم على ترحابكم الذي ينم عن طيب المعادن وأنا سعيد سعيد بانضمامي لهكذا ركب. والشكر للأخ الصديق محمد المرتضى وللباشمهندس بكري على ذلك.
الأستاذة سمية: أشكرك على كلماتك الطيبات وحفاوة الترحاب وليتني أكون يقدر حفادتي للشيخ لطفي.
أرجو أن أكون خفيف الظلم عليكم جميعا
| |
|
|
|
|
|
|
|
|
|
Re: مرحب (Re: كمال سالم)
|
Quote:
والوجاهه الشديده دى
حتعمل ليك مشاكل مع ناس ود شيقوق الحاسدين ديل |
يا كمال ما تخاف أنا ود شيقوق محاصره بكمية من الآيات والأوراد. لكن بيني وبينك الراجل قلبه أبيض ويخلو من الحسد تماما.
| |
|
|
|
|
|
|
|
|
|
Re: مرحب (Re: كمال سالم)
|
Quote: بن خالتى العزيز محمد المرتضى ,, شكرا كتير ليك
وأنت تقدم لنا واحد من ( ناسنا ) .
سيف الدوله نورت المنبر ,, والوجاهه الشديده دى
حتعمل ليك مشاكل مع ناس ود شيقوق الحاسدين ديل ,
أعمل حسابك مايجررك (لجخانين) الحت وتقوم تقد
محل الرهيفه . |
كمال ود خالتي،
بحق ، هو من (ناسنا)
شيقوق ما بيقدر يسوق الزول دها يحِت ولا يضَرِّي ، إطمئن يا بركه،
سيف دا عيبو الواحد إنو صاحبي.
| |
|
|
|
|
|
|
|
|
|
Re: مرحب (Re: HAYDER GASIM)
|
Quote: مرحب ... سيف الدولة,
من كلامك ومن طلعتك ظاهر
عليك فااااهم... وود ناس. |
والله يا حيدر ما قلت إلا الحق.
| |
|
|
|
|
|
|
|
|
|
Re: مرحب (Re: Muna Khugali)
|
منى بت عوض خوجلي بت الشيوخ اللُحَّق ، كما يقول د. أحمد طراوه،
شرفتينا وياها المحريه فيك يا العزيزه.
| |
|
|
|
|
|
|
|
|
|
Re: مرحب (Re: حيدر امين)
|
العزيز حيدر أمين
عزيز و غالى و شكرا على السؤال
انا يا حبيب مقرش فى السودان منذ 3 اعوام
مقرش دى من ( عملت Parking ) ما تفهمها عملت قروش
| |
|
|
|
|
|
|
|
|
|
Re: مرحب (Re: احمد معتصم الطيب)
|
Quote: مرحب حفيد أهل العلم
وحفيد شيخ الأمين والشيخ لطفي
مرحب بخير شباب كترانج مرحب بالمهندس
سيف الدوله محمد أحمد الأمين ..
أحمد معتصم |
المعتصم
شكرا يا سيدي ،
نعم الله على سيف كثيرة.
| |
|
|
|
|
|
|
|
|
|
Re: مرحب (Re: سوسن عبد الله)
|
مرحب بالقائد سيف (كما يحلو لي دائماً أن ألقبه) ، الذي أنشأ جيلاً من أطفال مسقط على الانضباط والنظام وتحية العلم ومساعدة الناس .
مرحب بسليل الأمجاد التليدة ، وابن أستاذنا القدوة .
مرحب برائد تقنية المعلومات الذي عاصر الثورة الإلكترونية منذ بزوغ فجرها ، وظل مواكباً لتطورها .
مرحب بإبن خورطقت البار ..
والشكر للمهندس بكري أبوبكر وهو يدعم المنبر بالإبداع والصفاء والموضوعية ..
والشكر موصول للكفيل محمد المرتضى (كما يحلو لي دائماً أن ألقبه)!
محبتي
عبد المنعم خليفة
| |
|
|
|
|
|
|
|
|
|
Re: مرحب (Re: Abdul Monim Khaleefa)
|
Quote: مرحب بالقائد سيف (كما يحلو لي دائماً أن ألقبه) ، الذي أنشأ جيلاً من أطفال مسقط على
الانضباط والنظام وتحية العلم ومساعدة الناس .
مرحب بسليل الأمجاد التليدة ، وابن أستاذنا القدوة .
مرحب برائد تقنية المعلومات الذي عاصر الثورة الإلكترونية منذ بزوغ فجرها ، وظل مواكباً لتطورها .
مرحب بإبن خورطقت البار ..
والشكر للمهندس بكري أبوبكر وهو يدعم المنبر بالإبداع والصفاء والموضوعية ..
والشكر موصول للكفيل محمد المرتضى (كما يحلو لي دائماً أن ألقبه)!
محبتي
عبد المنعم خليفة |
| |
|
|
|
|
|
|
|
|
|
Re: مرحب (Re: محمد أحمد الخضر)
|
| Quote: ياخي ما تصبر شوية تخلي البورداب يكملوا الترحيب بمقدمك. |
صدقت يا ود الخدر ، هسه ناس منى خوجلي وحيدر قاسم وسوسن ديل ما عارف
أمشي منهم وين، الزول دا زاحمني في البوست بتاعي وهو لم يكمل 24 ساعه،
غايتو.
| |
|
|
|
|
|
|
|
|
|
Re: مرحب (Re: Shihab Hamadnala)
|
| Quote: الناس المهذبين فى المنبر زادو واحد |
د. شهاب،
سلامات،
طبعا كلامك دا لا أستطيع التعقيب عليه باعتبار أن شهادتي في سيف مجروحة،
_____
قلت لي كِبرنا؟
إنت كبرت براك ، نحن في عز الشباب زي ما قال سيف الدسوقي.
| |
|
|
|
|
|
|
|
|
|
Re: مرحب (Re: محمد المرتضى حامد)
|
| Quote: ود حامد ما كشف لي الامتحان عديل كدة لكن عمل لي سبوتنق والإسبوتنق ضرب |
والله دخلة سيف المجيهة دى في المنبر بتذكرني عند اهلنا العيش التيراب بسموهو تيراب ود القفة( لانو ما بيدفنوهو في مطامير بخلوهو في قفة) وميزة تيراب ود القفة ده هي انو مجرد ما الدنيا راششت ( يعني المطر بدأ ينزل للزراعة ) هو - اى تيراب ود القفة - بيبدأ يحسب جوة قفتو والحساب هنا هو حساب الايام المعدودات لولادته . يعني لو مفروض من يوم زرعوهو يلد بعد تلاتة شهور تيراب ود القفة ببدأ الدسكاونت من عمرو المقرر وهو في قفتو - يعني سيدو ما يخاف عليهو من تاخير ولادتو .
اها سيف الدولة ده من طريقة ادارتو الرائعة للحوار وعرض الصورة من اول يوم في بروفايلو يخليك تفتكر انو حاسب في قفتو من زمان
| |
|
|
|
|
|
|
|
|
|
Re: مرحب (Re: الطيب شيقوق)
|
ودشيقوق
| Quote: اها سيف الدولة ده من طريقة ادارتو الرائعة للحوار وعرض الصورة من اول يوم في بروفايلو يخليك تفتكر انو حاسب في قفتو من زمان |
انت من قبيل بتلف وتدور فى صورة البروفايل دى ,,, قول.. قول عايز تقول شنو
أكان عايز واحده!! نكلم ليك سيد الاستديو
| |
|
|
|
|
|
|
|
|
|
Re: مرحب (Re: محمد المرتضى حامد)
|
.. الف مرحب ب (سيف الدولة) ،
احد رواد العمل الإداري الدقيق - المُنتج بنادي جالية مسقط،
العمل المتسم بالمسؤلية
و الهدؤ ، و الذوق .. و البعد عن الاضواء
.. و قيل ان من بعض الأسباب التى جعلت ألانجليز مقتنعين بان
السودانين ممكن يحكموا نفسهم بنفسهم، هي تجربة العمل
الإدراي ناصع البياض بتاعت محمد احمد الامين (والد سيف)
و مكاوي اكرت، و السني بانقا
* ونحنا مع شعار بت الخليفة خوجلي البقول : بنقبل اى زول بضمانة ود حامد
الزي ضمانة السيد / علي الميرغني للسيد / عبد الرحمن المهدي قدام الإنجليز
من بعض الادعية و الاوراد الهامة يا سيف، و مع صلاة الصبح تقول : اللهم اشغل
ود شيقوق بذلك البوست الفريد - العبقري ( الحت الحبشي)
.. مودتي الخالصة لناس مسقط .. كبار .. صغار .. نساء و رجال
| |
|
|
|
|
|
|
| |
محمد المرتضى حامد
حيدر امين
الطيب شيقوق
الزاكى عبد الحميد
سيف الدوله محمد أحمد
Ahmed al Qurashi
محمد أبوالعزائم أبوالريش
محمد أحمد الخضر
Muna Khugali
HAYDER GASIM
كمال سالم
احمد معتصم الطيب
Abdul Monim Khaleefa
محمد عبد الماجد الصايم
انعام عبد الحفيظ
أحمد طراوه
فيس بوك
تويتر
انستقرام
يوتيوب
بنتيريست