|
أربع مبدعات أحببت في هذا المنبر.
|
روزمين عثمان - عواطف اسماعيل - القلب النابض - ناديةعثمان.
أحببت فيهن سماحة النفس والجرأة في الطرح وروح المثابرة وسلاسة العبارة والأشعار الندية العطرة التي تولد في التو واللحظة.
سأعود لأبرر حبي الممزوج بالإعجاب لكل منهن على حدة.
لا تتعجلوني فإنني دائماً ارتجل الكتابة حينما يكون مزاجي صافياً.
تحياتي
|
|
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
أقصد الأستاذة الصحفية عواطف اسماعيل إدريس.
بدأت عقدي الفريد بالشاعرة الواعدة روزمين عثمان وجعلت مسك ختامه الصحفية الشاعرة ناديةعثمان. ذلك لأني أحب قراءة الشعر فإن مر يوم ولم أقرأ فيه أبياتاً من الشعر احسست بالحزن والغربة.
أما وسط العقد فزينته بالصحفية النابهة والمصلحة الإجتماعية عواطف إدريس والكاتبة التقية النقية سهير أبودية (القلب النابض).
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
لا بد من الإعتراف بأن في هذا المنبر مبدعات (إنتيليجنسيا):
أمثال تماضر شيخ الدين – د. إشراقة – د. نجاة – غادة عبد العزيز خالد – الخوجليات – لنا مهدي - الأدروته آمنة مختار – نور تاور – وحليمة محمد عبد الرحمن الخ....
ومصادمات أيضاً أمثال تراجي مصطفى وميادة كمال.
ومبدعات أخريات لم أقرأ لهن حتى الآن.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: الطيب شيقوق)
|
Quote: حاول القراءة يااخ هارون للاديبة الموسوعة
سمية الحسن
وللفكر النيّر الرصين في ابداعات
Amany Elamin |
أخي الشامي تشكر على الجية المفاجئة دي.
موسوعة عديل كده وأنا ما قريت ليها ولا حرف ... يا لخيبتي!!! أوعدك سأفعل.
أماني الأمين دي يا أخوي أنا ما بقدر عليها ... أنا خليني مع الشعر والقصص.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
سلامات يامحمد هارون التحية لك يا رجل يا عظيم
تكريم اخوات من حين لاخر من اخوة مثلك يجعل هذا المنبر ممكنا
واربعة مبدعات يستحقن واكثر ليهن التحية والتقدير وفعلا اختيار صاحب اهله.. والتحية لكل الكاتبات في الاسافير
وكاتباتي المفضلات عشة بت فاطنة( كاتبتي الفضلة على الاطلاق) دومة (رغم الاختلاف الفكري بينا) اشراقة مصطفى سلمى الشيخ سلامة (ارى صورها التي تكتبها. نور تاور حليمة عبدالرحمن سمارت انا كان كتبت (مقلة جدا)
واقرا لاي امرأة كاتبة واعجب بما يكتبن واحيانا اقول ياريتني لو كاتبة الكلام دا انا احب الشابات نجوان ونهال وتيسير وعزاز بهن ارى موكب متصل من كل الاجيال يحملن راية التغير والوعي وكل نساء البورد موعودات بالبوست السنوي ابداعات نسائية في 8 مارس وكل سنة وكل نساء بلادي شامخات..
واي كاتبة هنا هي علامة فارقة سواء ان اتى اسمها او لا.. وتستحق الاحتفاء..
وللرجال الذين يشجعون النساء ويحتفون بهن شكرا احيانا نحتاج للتشجيع.. ولكم جميعا محبة اكيدة ....
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
صباحاتك نواضر اخ محمد هارون
Quote: ومصادمات أيضاً أمثال تراجي مصطفى وميادة كمال. |
ساويتني راس بي راس مع السيدة تراجي مصطفى دا فخر لي .... مووش عشان هي مبدعة لا للفارق الزمني لتواجدنا هنا بس يعني شنو مصادمات دي وشنو الخلاك تقول كدا ولك مودتي وواحترامي لكون ورود اسمي بين القامات العاليات اللي ذكرن في هذا البوست وبدون ذكر اسماء انا اقدر كل كلمة تكتب هنا من قبل اخوات يكابدن مشاق الوقت والزمن والضغوط والمشاغل ويحرصن على توقيع كل كلمة تجول به خاطرهن هنا او في منابر اخرى
| |
|
|
|
|
|
|
Re: أربع مبدعات أحببت في هذا المنبر. (Re: محمد فضل الله المكى)
|
Quote: والله كلام عدل خلينا ننجم شوية من المحاكم طالما بوستيك جلب ناس حيدر حسن ميرغني بالحيل عمر |
ياود شيقوق فحل القوانين
ياخوي تعال أعرض بي جاي محل الزغاريد والفرح ... سيبك من وجع القلب.
بس الله يجيب لينا د. طراوة (جوكر الحضارات) عشان يتحفنا بي نضميه السمح.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: صباحاتك نواضر اخ محمد هارون
ساويتني راس بي راس مع السيدة تراجي مصطفى دا فخر لي .... مووش عشان هي مبدعة لا للفارق الزمني لتواجدنا هنا بس يعني شنو مصادمات دي وشنو الخلاك تقول كدا ولك مودتي وواحترامي لكون ورود اسمي بين القامات العاليات اللي ذكرن في هذا البوست وبدون ذكر اسماء انا اقدر كل كلمة تكتب هنا من قبل اخوات يكابدن مشاق الوقت والزمن والضغوط والمشاغل ويحرصن على توقيع كل كلمة تجول به خاطرهن هنا او في منابر اخرى |
صباحاتك أنضر يا ميادة
لك صولات وجولات في هذا المنبر تواجهين فيها المتاعب والأهوال ... الصدام كيفنو يا بت الناس؟؟
إنت أنا عافي منك تب لأنه الإنسان حينما تراه يدافع عن قناعاته بثبات لا تملك إلا أن تحترمه وتقدره.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: mayada kamal)
|
Quote: أخي العزيز ...
ليس لنا أن ندخل في حبك أو عدم إعجابك، ولكن .....
أقرا ياخ للمبدعة سناء جعفر.
بعدين حصر المسألة في 4 مبدعات بيدخلك في لوم كتير، وفي كتير هنا من أخواتنا وبناتنا بيستحق.
لك التحية |
أخوي أبوالعزائم تشكر على تقديم المبدعة سناء جعفر وهي علم في رأسه نار.
أي والله كلامك صحيح بس القصد نبيل وأنا أعترفت في بداية البوست وإن شاء الله اللوم ما يجينا بي جاي تب.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: أخي محمد هارون لك التقدير على هذه اللفتة البارعة
أرفع عمامتي تحيةً للأستاذتين: أميمة مصطفى سند سكينة محي الدين فارس
وأرفع يديَّ مترحِّماً على: صُلحه الكارب
لك معزَّتي |
ومعزتي لك أيضاً يا ود المكي ... تشكر يا ود المكي على أسلوبك الراقي ويا حليل عمامتي التي تركتها قبل ثلاث سنوات في السعودية.
لكن أخلع قبعتي وأنحني للأستاذتين أميمة مصطفى سند وسكينة محي الدين فارس.
كما أتضرع لله العلي القدير أن يرحم الأستاذة صلحة الكارب وينزلها الفردوس الأعلى مع الصديقين والشهداء وحسنت أولئك رفيقا.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: أي زولة هنا مبدعة وليها رسالة تحية ليهن كيفما يبدعن
|
...سلام ... للجميع... .. .. حيدر ... كيفك ياعزيز... .. ..شايفك ما متقيد بالسقف الاقصي (رباع)....واخدت راحتك بالكامل .... ..عشان ما في ترجمه ... علي الشريط يعني ؟؟ و الاّ شنو؟؟؟... ... ...في النص...
..و غض النظر عن المنابت الروحيّه و الثقافيه و الفكريه ...
...لكم جميعا ... ...تحيه صادقه ...من تمعنون السكاكين ... في البصل...و البطيخ... و تشريخ الحفة...الظلام.... ... و قدرها للمراة في كل الاصقاع...في البلد المتنيل بستين نيله ده... الاسمو السودان... ...و هي تكابد كل اصناف الظلم الانساني ... و لا تنكسر ... لتنتصر... .. .. شكرا الاخ محمد هارون ... شكرا المتداخلين ... ..
| |
|
|
|
|
|
|
Re: أربع مبدعات أحببت في هذا المنبر. (Re: Hololy)
|
أعود لصاحبة القبعة الأنيقة والوجه الخمري الصبوح روزمين عثمان وهي تسكب لنا أشعاراً مرهفة وتدلق لنا سحر الكلمات لتشفي ما بنا من سقم. ثقتها الطاغية في كلماتها وأحاسيسها تؤهلها لحب الكثيرين من عشاق الكلمة الدافئة الشجية. روزمين تخاطب القاريء بلغة مباشرة لا غموض فيها لتشحذ همته بصورة غير مألوفة فهي شاعر ة مطبوعة يأتيها الشعر عفو الخاطر ... طائعاً مختاراً.
آه يا أمي ... آه ... ويحي من يبصر ... من يصغي ... ما زال ثديك يدمي ... حتى ملأ القدس .. وفاض ببيروت وبغداد .. ودارفور الأحزان .. وعلى خاصرة النيل ودجلة ... إنتصبت بنود العار.
كلمات في غاية البساطة والوضوح إلا أنها مفعمة بالمعاني الملتهبة الوقادة.
سأحاول في هذا البوست تناول بعض أعمالها الشعرية المتناثرة هنا وهناك.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: .. حيدر ... كيفك ياعزيز... .. ..شايفك ما متقيد بالسقف الاقصي (رباع)....واخدت راحتك بالكامل .... ..عشان ما في ترجمه ... علي الشريط يعني ؟؟ و الاّ شنو؟؟؟... ... ...في النص...
..و غض النظر عن المنابت الروحيّه و الثقافيه و الفكريه ... |
الأخ أحمد Hololy
تشكر على المرور ... يا أخي ما في سقف ولا حاجة بس إنت أولت الموضوع ساكت ... الحكاية جات صدفة.
المره الجاية نعمل ليك ترجمة على الشريط.
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: تشكر على المرور ... يا أخي ما في سقف ولا حاجة بس إنت أولت الموضوع ساكت ... الحكاية جات صدفة. المره الجاية نعمل ليك ترجمة على الشريط. |
الاخ محمد .... عذرا يا صديق ...ويبدوا ان هناك شربكه و اشتباك ناتج من ضعف و محدودية مقدرتي لتوصيل ما اقصد او ما اريد ايصاله او قوله...ما نتج عنه هذا Quote: المره الجاية نعمل ليك ترجمة على الشريط. |
الالتباس فليس المقصود الغمز او التشنيف في فكرة و محتوي البوست الاحتفائية ببعض او كل الشابات الجدعات بالمنبر...( ولا انسي الحبوبات ) كرموز للمرأة السودانيه و احتفاءّ بها مع تهاليل و اعياد 8 مارس ...و اعي تماما انQuote: ... الحكاية جات صدفة. |
بدليل انني شملت و تجاوزت سقفك الرباعي و سقف العزيز حيدر المنبري .... الي فضاء البلد الممكون بناسو...وناساتو ...(يعني فّته الكبار و القدري)..... ...و ما قصدته يا عزيزي هو عمل بعص الخربشات في جدار هذا الزمن الرماد و فتح كوه للمشاغبه و المزح و الحميميه بين اصدقاء و اولاد حلّه ... ...مزّقهم الكون بين اشلائه...و مزّق حلم لم يكن من بينه ان يكونوا اشلاء و لم يكن باكثر من العيش وسط حيهم و ناسم... يؤدون دورهم في هذه الحياه مثلهم تماما ...... ...و الي ان يقضي في امرا كان مفعولا ..... ... ... عشان كده ياعزيز ... اقول ليك
Quote: المره الجاية نعمل ليك ترجمة على الشريط. |
الترجمه ما حتكون مفيده لي و لا للاخ حيدر علي الاقل حاليا لكن حتكون مفيده لرفيقة حيدر....تحديدا... ... و ربما لصغاره لانني اعتقد انهم سيجدون صعوبه في قراءة اللغه العربيه ان لم يكن يعرفونها..
...ورد و حب و عتبي لك الي ان تحتويك غيمة من الرضا... ...
| |
|
|
|
|
|
|
Re: أربع مبدعات أحببت في هذا المنبر. (Re: محجوب البيلي)
|
شكراً عزيزي البيلي
الغربيون يرفعون قبعاتهم تحيةً لمن يُقدِّرون.
الشيخ أحمد الفهد الصباح رفع(عقالِهِ) تحيةً لأهل قطر لروعة تنظيمهم الدورة الآسيوية عندما كان يلقي كلمته كرأيس للجنة الأولمبية الآسيوية.
أما أنا فأرفع جزء عزيز من الزي القومي تحيةً لؤلئك الماجِدات.
مَعَزَّتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
محمد ولد هارون...حبابك
كيف اخبارك والبذوره انشاءالله كلكم طيبين... جيت بهنا اسلم عليك وقلت اشرك ليك يمكن الم فيك...
ياخي والله (العيال) جننوني الا تودينا لناس محمد هارون...وانت عارف اخوك طلع لجده المعتمد بن عباد بيوعد علي اللمابقدر عليهو ... اخر حاجه قلت ليهم الويكند ده...ده لو ما لم افيني ( يوسف بن تاشفين) تاني ولحقني جدي...
لو بقينا جاييين بديك (الو)...
_______________________________________ * بوستك ده ابقي عليهو عشره...لانو سمح...فانت زول شاعر وكاتب مجيد...ف عايزنك تجرد قلمك ده وتخرج المخبأ...
| |
|
|
|
|
|
|
Re: أربع مبدعات أحببت في هذا المنبر. (Re: Elsanosi Badr)
|
السنوسي ود بدر حبابك
يا أخي إنت وينك آزول ... الشوق بحور ليكم .. والأهل والعقاب في بادية المحاميد أن شاء الله زينين؟
كل مرة أقول للأولاد وليدات الخواجية جايين يزوروكم وتطلعني بي قد القفة.
حبابكم تعالو إن شاء الله من غير (ألو).
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Kostawi)
|
Quote: ومبدعات أخريات لم أقرأ لهن حتى الآن. |
العزيز نصر هجام (كوستا)
حبابك وأنت تحتفي بالمبدعات الأخريات وتقلدهن أكاليل الورود. يا أخي هذا إعتراف صريح من شخصي الضعيف ... الحضور النسائي في هذا المنبر ريادي ومشرف جداً.
كن معنا ولا تحرمنا طلاتك البهية.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
أخي محمد هارون
سلامي
يا أخي عذراً لم افتح هذا البوست إلا مؤخراً
Quote: صاحبة النبض الذي تكسر ... سهير أبو دية أو القلب النابض تكتب أيضاً بعفوية وجرأة يفتقدها الكثيرون منا ورغم طرقها لمواضيع شتى إلا أن أسلوبها لطيف وتتفادى الشتائم. عفة اللسان ديدنها كانها تقول لنا الكلمة الطيبة صدقة والكلمة الطيبة جواز سفر إلى قلوب الآخرين. ميولها الإسلامي جر لها الويلات في مجتمع لا يقدس حرية الفكر ولسان حاله يقول (إن لم تكن معي فأنت عدوي). القلب النابض لها محاولات شعرية وخواطر أدبية وأكثر ما يميزها عن غيرها أنها نشطة ولها ذكاء وقاد ولا تتعجل الرد على الذين يحاولون النيل من كتاباتها. |
ارجو أن اكون كما تصف ....
وقد صدقت تماماً في التالي
Quote: ميولها الإسلامي جر لها الويلات في مجتمع لا يقدس حرية الفكر ولسان حاله يقول (إن لم تكن معي فأنت عدوي). |
ان تكون اسلاميا في هذا البورد وبوضوح لابد وان تتحمل نتيجة اختياراتك فكل غاضب على الاسلاميين ولو في بلاد الواغ الواغ فإنه بنفس عن غضبه في وجهك .. ولكني سعيدة باختياري ومعتزة به جدا.. وفخورة به لأبعد الحدود وفي ذات الوقت احترم خيارات حتى الذين لا يحترمون خياري ..
كامل احترامي وودي
وتحيتي لكل من يقدر ويحترم رأي المرأة ويعتز بكتاباتها وييقدر حرفها ..
وكامل احترامي لاخوتي في البورد الذيت اختلف او اتفق معهم..
تحياتي هنا لكثيرات اقرأ لهن خاصة اشراقة مصطفى التي لها كتابات عفوية صادقة
والعزيزة دكتورة نجاة محمود وهي تكتب بصدق وقوة ولها حجة قوية دوماً ..
واحب كتابات سلمى الشيخ حينما تحكي ذكريات ..
روزمين اقرأ لها اشعار جميلة وهي شاعرة واعدة ارجو ان ترعى موهبتها بالقرأة في اللغة والتأريخ ...والادب ..
وتطول القائمة
لك الشكر فمن لايشكر الناس لا يشكر الله
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: ان تكون اسلاميا في هذا البورد وبوضوح لابد وان تتحمل نتيجة اختياراتك فكل غاضب على الاسلاميين ولو في بلاد الواغ الواغ فإنه بنفس عن غضبه في وجهك .. ولكني سعيدة باختياري ومعتزة به جدا.. وفخورة به لأبعد الحدود وفي ذات الوقت احترم خيارات حتى الذين لا يحترمون خياري .. |
الأخت القلب النابض أسعد الله يومك
أعجبتني الفقرة المقتبسة أعلاه ... فقد تأكد ما ذهبت إليه من وصف للقلب النابض. أعتقد أن الغضبة العارمة على الإسلاميين سببها الأول والأخير هو الدخول في السياسة والشد والجذب الحزبي أزكى نارها. السلطة هي سلاح ذو حدين إن لم تنتبه إليه جيداً قطع شرايينك وأوردتك.
نعم أحترام خيارات الآخرين شيء مهم جداً ... هذا المنبر مدرسة يتعلم منها الإنسان فن الحوار ومقارعة الحجة بالحجة ... طبعاً البوستات الفيها معافرة دائماً هي الفائزة.
Quote: وتحيتي لكل من يقدر ويحترم رأي المرأة ويعتز بكتاباتها وييقدر حرفها ..
وكامل احترامي لاخوتي في البورد الذيت اختلف او اتفق معهم..
تحياتي هنا لكثيرات اقرأ لهن خاصة اشراقة مصطفى التي لها كتابات عفوية صادقة
والعزيزة دكتورة نجاة محمود وهي تكتب بصدق وقوة ولها حجة قوية دوماً ..
واحب كتابات سلمى الشيخ حينما تحكي ذكريات ..
روزمين اقرأ لها اشعار جميلة وهي شاعرة واعدة ارجو ان ترعى موهبتها بالقرأة في اللغة والتأريخ ...والادب ..
وتطول القائمة |
شكراً لك أيتها القلب النابض وأنت تعطرين هذا المنبر بأحلى الكلام وأروعه.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Elmoiz Abunura)
|
أخي المعز أبونورة مساء الخير - بتوقيتكم طبعاً- وتشكر على مرورك الذي أثلج صدري وحلى صدر د. مي الإسيد وزين صدور مبدعاتي الأربع. طبعاً ياأخي سودانيز أون لاين دا موقع اسفيري ضخم لا تستطيع أن تقرأ لكل كاتبة أو كاتب فيه إلا بالصدفة أو إذا لفت إنتباهك صديق إسفيري.
تحياتي لك ولجميع المبدعين والمبدعات والمجد لأمتنا الفتيه.
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
اكره صالات المغادرة
احس وكأننى شجرة غريبة... ظلت تنمو فى اتجاهين مرة غوصا فى التربة ناحية الجذور ومرة علوا باتجاه الاقمار والشموس .....
لاتشى انعكاسات مرايا الصالات بغير مااتخذت اليه من اشياء يتلبس بتماهيها ظرف مكانها الجياش
متى تغلق تلك الصالات ؟؟؟؟
................. ناهد بشير الطيب ...............................
الاخ محمد هارون و هل تخطئ عين الراصد ابداع ناهد بشير الطيب ..؟؟؟؟ حرام عليك و على كل من اضاف مبدعة و لم يذكر ناهد
| |
|
|
|
|
|
|
Re: أربع مبدعات أحببت في هذا المنبر. (Re: انور التكينة)
|
Quote: اكره صالات المغادرة
احس وكأننى شجرة غريبة... ظلت تنمو فى اتجاهين مرة غوصا فى التربة ناحية الجذور ومرة علوا باتجاه الاقمار والشموس .....
لاتشى انعكاسات مرايا الصالات بغير مااتخذت اليه من اشياء يتلبس بتماهيها ظرف مكانها الجياش
متى تغلق تلك الصالات ؟؟؟؟
................. ناهد بشير الطيب ...............................
الاخ محمد هارون و هل تخطئ عين الراصد ابداع ناهد بشير الطيب ..؟؟؟؟ حرام عليك و على كل من اضاف مبدعة و لم يذكر ناهد |
تشكر يا أنور يا ود التكينة على المرور ...
حرام والله حرام .. يا أخي والله أنا ذاتي بكره صالات المغادرة لأنها بتعمل لي نفسيات..
ناهد بشير الطيب ... اسمها أحلى من ريا القرنفل.
القومة ليها وليك وللوطن الحبيب.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
الصحفية المبدعة نادية عثمان
جئت أقلدك عقد إعجابي وحبي ****************** وجدت جيدك الفرعاء مزدانة بالعقود فوقفت بباب البورد مرتعشاً ****************** أناجي فيك الحسن والإلهام والجود
وحاة النبي أنا ما بعرف أقول شعر لكن الأبيات دي جاتني الليلة من وين ما عارف!!!!
غايتو مرة قشرت ليكم بي اسم نادية عثمان قشرة وكسبت عشوة في أرقى مطعم لبناني ولا فخر.
يا نادية ربنا يعجل بشفاء الوالد ويخلي ليك بنيتك الحليوة ..... يا رب.
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
نادية عثمان صحفية وشاعرة وإذاعية طموحة ولها علاقات فوق المتميزة مع كل الناس بحكم مهنتها الشاقة. الصحافة مهنة المتاعب وتتطلب قدراً كبيراً من الثقافة والنشاط والحيوية والحياد والسعي الدؤوب لمعرفة الحقيقة. ونظراً لشخصيتها المحايدة فقد حظيت بقبول كل ألوان الطيف السياسي في هذا المنبر إلا بعض المشاغبين المغرمين بالمناكفة و(المجابدة).
ياسرني شعرها العفوي الذي ينبع من روحها السمحة وخيالها الرحب.
نواصل إن شاء الله.
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: أخي العزيز ...
ليس لنا أن ندخل في حبك أو عدم إعجابك، ولكن .....
أقرا ياخ للمبدعة سناء جعفر. بعدين حصر المسألة في 4 مبدعات بيدخلك في لوم كتير، وفي كتير هنا من أخواتنا وبناتنا بيستحق.
لك التحية |
والعود في ارضه نوعا من الحطب
شكرا لجميع المبدعات في بلادي
وجميع من ذكرن ومن يذكرن جديرات
بوست تكريمي صادف اهله تحيايي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: خبر عم البوادي والحضر ... المبدعات اللاتي أحببت زادن بقن خمس مبدعات.
ميادة كمال أي نسائم حملت إلي رياك العطرة!!!!!!!!!!! يا نخلة ما يهزك جبل.
كامل تضامني مع ميادة الشريفة العفيفة وهي تكابد ويلات الإنترنت.
تحياتي |
الاخ محمد هارون ولك مني مثله وزياده
تسلم من كل شر متشكرة ليك كتييير وتاكد انو الحصل يعتبر محمدة لي لانواولا ابتلاء وثانية وراني الناس الطيبة والاشراف امثالك/م فكن بخير
| |
|
|
|
|
|
|
Re: أربع مبدعات أحببت في هذا المنبر. (Re: salee)
|
(حقيقة المبدعات الاربعة مافيهن نضم وهاك ديل اربعة برضو 1/Ishraga Mustafa 2/Ishraga Mustafa 3/Ishraga Mustafa 4/Ishraga Mustafa
ولا رايك شنو ... ؟
خالص الود)
الأخ ياسر أسعد الله مساءك
تشكر يا جميل على إشراقة ... إشراقة .... إشراقة ... إشراقة .... فقد أشرق إسمها في مطلع البوست كواحدة من الصفوة في هذا المنبر.
معقول تغيب د. إشراقة عن الفؤاد وعن الذهن!!!!
تحياتي لها ولك إينما كنتما....
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
(الاخ محمد هارون ولك مني مثله وزياده
تسلم من كل شر متشكرة ليك كتييير وتاكد انو الحصل يعتبر محمدة لي لانواولا ابتلاء وثانية وراني الناس الطيبة والاشراف امثالك/م فكن بخير)
ميادة ألف مرحب
أخوك اليوم مشغول أوي أوي ... فعلاً محمدة كبيرة جداً جداً والدنيا دي فيها إبتلاءات كثيرة وإنت مازلتي في بداية الطريق.
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: القلب النابض
و ميادة كمال
و ســــــــالي (*_^) |
سالي أيتها الظريفة الطيبة
منذ الأمس وأنا حائر أكتب العبارات وأشطب ثم أكتب ثم أشطب وهكذا حتى جن الليل ... فيا له من ليل تمطى وناء بكلكل.
القلب النابض وميادة كمال وسرورة الوديعة (سالي) ... ماذا عساى أن أقول؟؟ الكلمات لا تطاوعني والتعابير تخونني ... دفء وتحنان وشوق كان في القلب أستقرا...
تحياتي لكن جميعاً
| |
|
|
|
|
|
|
Re: أربع مبدعات أحببت في هذا المنبر. (Re: Mohamed Yassin Khalifa)
|
السلام عليكم تووووش دخلنا عشان نشوف الاربعة المبشرات بالحظوة والاحترام ومعهن شوية حب ووجدتهن فعلا يستحقن التكريم ومعهن مني اربعة اربعة فاربعة
د. نجاة عزاز الشامي المحسية ايمان شباكة حليمة عبدالرحمن
هي ديل بقن ستة دليل على ان من احببتهن اكثر من اربعة
تخريمة: ليه يا ربي محمد هارون اختار اربعة؟؟ الزواج حلل اربعة الاتجاهات اربعة
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
Quote: القلب النابض وميادة كمال وسرورة الوديعة (سالي) ... ماذا عساى أن أقول؟؟ الكلمات لا تطاوعني والتعابير تخونني ... دفء وتحنان وشوق كان في القلب أستقرا... |
الاستاذ محمد هارون
لقيت ما في زول معبرني قلت ادخل نفسي في الموضوع ههههههههه بس شكرا علي الكلام الجميل
لك مني كل الود والتقدير
| |
|
|
|
|
|
|
Re: أربع مبدعات أحببت في هذا المنبر. (Re: salee)
|
(الأخ الفاضل محمد هارون
تحية طيبة...
لكم هي عظيمة بنت بلادى... ولكم عظمنا بعظمتها! لهن التحية إينما كن... ومع من كن... وبحق... لقد أحسنتم الإختيار والتكريم بمن إخترتهن أنت ... ومن إختارهن من بقية الزملاء)
الأستاذ محمد يسن خليفة حبابك ألف
شكراً لك على هذه المداخلة اللطيفة ... أي والله يستحقن التكريم وزيادة ... بناتنا عظيمات ونابغات ورائدات ورائعات ..... ربنا يحفظن ويغتيهن من عين الحسود.
تحياتي لك يا أستاذ وما تطول الغياب.
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
(خريمة: ليه يا ربي محمد هارون اختار اربعة؟؟ الزواج حلل اربعة الاتجاهات اربعة )
يا زمراوي حبابك وآسفين للتأخير. يا أخي أنا بتفاءل بالعدد أربعة لأني مفكر أغلق العداد رأيك شنو يا سعادة البيه... يا أخي والله الحكاية دي جات بحسن نية وأنا قصدت أستفز مشاعر الناس في هذا المنبر ليكرموا بناتنا المبدعات. كنت عارف ومتأكد إنو (حب الناس مذاهب).
تحياتي
| |
|
|
|
|
|
|
Re: أربع مبدعات أحببت في هذا المنبر. (Re: Mohammed Haroun)
|
(لقيت ما في زول معبرني قلت ادخل نفسي في الموضوع ههههههههه بس شكرا علي الكلام الجميل
لك مني كل الود والتقدير)
يا سالي بتهيأ لك إنه مافي زول لكن الحكاية عكس ما تتوقعي خالص ..... كل شخص في هذا المنبر له قراء ومعجبين وأصحاب وناس أخرى في الإتجاه المعاكس كمان .... رأيك شنو؟؟؟
تحياتي لك وسلمي لي على دبي دار الحي.
| |
|
|
|
|
|
|
* (Re: Mohammed Haroun)
|
شيري - دينا خالد - عزاز شامي .. الابداع عندي الكتابة بي سخرية واقحام الجد في مكان اللعب ..وديل احسن ناس بيعمولا الحركة دي.. ما عارفك عملتهم اربعة كيف هم تلاتة بس..
| |
|
|
|
|
|
|
Re: * (Re: عمر الفاروق)
|
(انا جيتك قادل بهنا اها الله يجيب ليك طراوة جوكر الحضارات )
هلا يا شيخ العرب ... يا أخي دي أحلى قدلة .... بس ما جبت الجوكر معاك يا حسرة.
أخوك معدمنه النفس الأيام دي ... الله يهون بس.
تحياتي
| |
|
|
|
|
|
|
Re: * (Re: Mohammed Haroun)
|
(الاولي عندي المهندسة مني عبدالحفيظ الثانية الأديبة ميسون النجومي الثالثة الدكتورة ناهد محمد حسن وهنالك أخريات منهن عزاز الشامي د.نجاة عشة بت فاطنةتماضر شيخ الدين أوتكوست إشراقة الجندرية رقية وراق د.مهيرة عالية عوض الكريمواديبة كينية مقيمة في كندا لا اذكر اسمها الان)
الأخت صباح يا الف مرحب
نورتي وشرفتي البوست .. أنا لو كنت عارف البوست دا بجيبك كان فتحته قبل سنتين ... كل المبدعات المذكورات أعلاه يستحقن منا الإحتفاء والتقدير ... الكينية المقيمة في كندا دي تطلع منو ياربي ...
شكراً يا صباح على المداخلة وخليكي معنا دوماً ....
تحياتي
| |
|
|
|
|
|
|
Re: * (Re: Mohammed Haroun)
|
خريمة: ليه يا ربي محمد هارون اختار اربعة؟؟ الزواج حلل اربعة الاتجاهات اربعة )
شيخ البرعى قال: ايام السنة تسعين فى اربعه بارك اسبوعنا لى يوم الاربعاء نسلم من اربعة ونحشر مع اربعه
يعنى انا داير انحشر ممكن غايتو جنس دردقه الناس تدردق والشكر لى صديق غايتو جنس غايتو قال اربعة قال لكن لقيتك عزال خلاس يا اخوى ارفع راسك ديل تمن اربعة الاف،،
| |
|
|
|
|
|
|
Re: * (Re: صديق الموج)
|
(شيري - دينا خالد - عزاز شامي .. الابداع عندي الكتابة بي سخرية واقحام الجد في مكان اللعب ..وديل احسن ناس بيعمولا الحركة دي.. ما عارفك عملتهم اربعة كيف هم تلاتة بس.. )
عمر الفاروق حبابك
السخرية اللماحة البريئة حلوة أوي ... بس إقحام الجد في مكان اللعب دي ما عارف أفتيك فيها كيف ...
مالك عاوز تدخلنا في اللوم ... ثلاثة بس ... أنا بقيت أحرف منك وعملتهم أربعة عشان كل واحدة تنور ركن ... رأيك شنو يا شاب؟؟
تحياتي
| |
|
|
|
|
|
|
Re: * (Re: Mohammed Haroun)
|
(شيخ البرعى قال: ايام السنة تسعين فى اربعه بارك اسبوعنا لى يوم الاربعاء نسلم من اربعة ونحشر مع اربعه
يعنى انا داير انحشر ممكن غايتو جنس دردقه الناس تدردق والشكر لى صديق غايتو جنس غايتو قال اربعة قال لكن لقيتك عزال خلاس يا اخوى ارفع راسك ديل تمن اربعة الاف،،)
أخونا صديق الموج أسعد الله أيامك
يا أخي دي عملتها كيف الليلة!!! قلت لي عاوز تنحشر وتدردق كدا ساكت بدون مقابل؟؟ لازم تدفع لي خلو رجل وبعدين تدردق والشكر برضه حا يكون لي حماد.
تحياتي يا ناس الرياض ... بربكم هل ألتقيتم بالمبدعة نادية عثمان؟؟
| |
|
|
|
|
|
|
|