|
|
|
 Re: الجعليــــــــــــون ،، لايصلحون للسياسة (Re: عمر صديق)
|
شمائل سلامات .
ختفت عكازى المضبب وجيتك طاير داير اضربك ضرب الحسادة وأحميك
تقلبى الشهادة علا قلته لى نفسى كده يا ولد النتريس شويه ونسمع
لكلام للنهايه . وخلاص بصنقر ليك فى البوست ده وعكازى فى صفحتى عله الكلام الاعوج ما معانه .
| |
 
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Elsanosi Badr)
|
| Quote: دحين عكازك المضبب بجلد النمر و(المسقي) بزيت السمسم ده ما بخوف ياعبدالمحسن اخوي ... |
ود السنوسى بدر ناس لندن الطيبين . يا أخوى نحن نضالنا بالعكاكيز ديل
شغل البارود ده شغل متطور ما بنعرف له . والله يا بدر الجماعه ديل الواحد
منهم لو لحق أتلافك بعكازو والله تقول ضاربنى M16يازول ناسنا ابان عكاكيز ديل ماسهلين ما تستهون بهم
كده النكورك لى ودطيفور باقى هو ود عم لينا .
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Abdelmuhsin Said)
|
Quote: والله يا بدر الجماعه ديل الواحد
منهم لو لحق أتلافك بعكازو والله تقول ضاربنى M16يازول ناسنا ابان عكاكيز ديل ماسهلين ما تستهون بهم |
والله يا محسن ذكرتني ... واحد قريبا لينا... لقطلو واحد بعكاز تحت عريق الشويطين ... حرم الناس لامه فيهو تلاته ليالي حتين فتح عين واحده ...
عشان كده يا محسن اخوي عكازك ده ختري ... بنترك (نزحك) بعيد ونخلي ناس وطيفور اتفاهموا مع بتنا شمائل دي ...
___________________________________________
دحين يا شمائل بوستك نخليهو ينزل مش كده ...
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Elsanosi Badr)
|
شمائل النور ازيك
انا جيت طاير والشرارة ملت عيوني ولونهم بقي احمر
حتي خنجري ما جبته معاي
وقلت الليلة يافيها يا افسيها..اقصد اكون شهيد هنا
لكن لمن شفت اسمك لمن قلبي انقبض
لانو اتذكرت انتي اول زول من بورداب الخرطوم يرحب بي بالتلفون وفي البوست
وبعدين لمن شفت ده:
النار كلها اتطفت
وقلت يا ود هوي:
اكتر من سوطين ما حا يدونا
البنت دي حنينة جدا
وقلبها كبير
اها..اديناكي الامان
بس ما تزيدي من السوطين!!
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Zomrawi Alweli)
|
الابنه مائل سلام
| Quote: ليس المقصود القبيلة ولكن صفات القبيلة |
افهم بس كيف المقصود صفات القبيله ؟؟؟
وهل من قبيلة تنتقد صفاتها ولا تكون قد مست ؟؟؟؟؟؟
___________________________________________________
...................................................
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Abdelmuhsin Said)
|
Quote: ختفت عكازى المضبب وجيتك طاير داير اضربك ضرب الحسادة وأحميك
تقلبى الشهادة علا قلته لى نفسى كده يا ولد النتريس شويه ونسمع
لكلام للنهايه.وخلاص بصنقر ليك فى البوست ده وعكازى فى صفحتى عله الكلام الاعوج ما معانه |
الجعلي آوي عبد المحسن
اها جنس الكلام الفوق دا انا البقصدو،،بدل ما تجيني برواقة وتحاول إقناعي بانو الجعليين ديل احسن ناس في السياسة ، وبتقبلوا الراى الآخر ، تجيني بعكازكـ
دا بعتبرو تكميم افواه ، مخالفة رقم ((1))
ــــ
الحريــــــــات
| |
|
|
|
|
|
|
|
|
 Re: الجعليــــــــــــون ،، لايصلحون للسياسة (Re: khaleel)
|
| Quote: الجعليــــــــــــون ،، لايصلحون للسياسة |
معاك مية مية وما في واحد يزعل أنا جعلية ، وحتى الإقرار بأني جعلية دي ما موضوع مهم كتير عندي بس من باب الأنساب
وكدة .
ويا شمايل كل الشماليين خلاص كفاهم ..بالجد كدة مفروض يخلو عندهم دم ويدو فرصة للجنوبين وابناء الغرب والشرق كمان
وما يبقى مجرد كلام يتبرعو بيهو في المنابر ويتجارو ..آن الأوان أن يجد كل أبناء الوطن حقهم في الحكم ..عل وعسى .
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
شمائل ازيك
| Quote: يفتقدون بشدة إلي ضبط النفس |
بمعني اخر لا يتحملون الحقارة..
والله صدقتي..
عشان اوضح اكتر يا شمائل...
الجعلي لا يستطيع ضبط نفسه في الكرم..
كما لا يستطيع ضبط نفسه في الحقارة..
وبيموت في الطيبين...
وممكن يلقي زول طيب يكرس عمره كله ليسعده..
خاصة اذا كانت زوجته مثلا...
انا مرة كنت بتفرج في مسلسل الحاج متولي...
وتابعت بامعان انو الراجل كيف حقاني وبيعرف الاصول..
ولقيت في ميزات جميلة متوفرة في كل مكان..
والواحد بيتفاعل مع الحاصل حوالينو وبيعمل المستحيل
انو ما يزعل زول ولا يسيئ زول..لكن طبعا الحقارة ما
بتبقي..ودي صفات مشتركين فيها السودانيين عموما..الا
ان الجعليين خصوصا مزودين العيار حبتين. لانها في دمهم.
المهم..ده السوط الاول..
منتظرين السوط التاني!!
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: ASHRAF MUSTAFA)
|
اشرف مصطفى
الجعلي ود العمارات
اها السياسة دي بقا عايزة التحلي بضبط النفس واعصاب فولاذ ، والحنفشة الزيادة دي لا تقدم ولا تؤخر
بالنسبة لحرارة الدم
دي بقا غير مطلوبة نهائي ونحن في غنا عنها
السياسة عايزة برود وتريث زيادة ،،اهلنا الجعليين يفقدونها بشدة
ـــــــــ
عندكم مخالفة فوق (تكميم افواه) ماعارفة ايصالها بكم، برجع ليكـ
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
الاخت شمائل
لو ختيتي كلمة بعض كان اترتحتي واسترحتي
الحماقة كما سميتيها معروفة لكل سوداني ( انا بسميها حرارة قلب ) ناس قلبهم حار
وبما ان السياسة لعبة قذرة كما يسمونها ولف ودوران فان غالبية السودانيون لا يصلحون لها لانهم ببساطة مابيعرفو القذارة واللف والدوران والغدر والخيانة .
انا لا اتفق معاك في مضمون البوست ، ربما بعض الجعليين يصلحون ويفشل معظم باقي السودان او العكس صحيح
الشغلانة مش قياس على فرد واحد او اتنين
حاسي كده البوست ح يروح شمار في مرقة
تحياتي
زاتوووو
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Yassir Tayfour)
|
| Quote: والكيزان ديل ما من الشعب السوداني ولا شنو ؟؟؟.. |
الاخ بخاف
اكيد من الشعب السوداني وكلامي طبعا بيشملهم
بعدين لو كانوا بيمارسوا السياسة المعروفة البلد ماكانت دخلت في حتات ضيقة
يعني من ايام الانقاذ جديدة لو كانوا سياسيين بالمعنى المعروف كان وقفوا مع الكويت والتحالف على العراق
وكانوا ح يكونوا رؤساالسودان الى يوم النشور وكان وجدوا الدعم من الخليج ومن اروبا وامريكا
ممكن نقول الكيزان سياستهم داخلية لووووووووول يكه
تحياتي
زاتوووو
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: ALZOLZATOO)
|
Quote: الجعلي آوي عبد المحسن
اها جنس الكلام الفوق دا انا البقصدو،،بدل ما تجيني برواقة وتحاول
إقناعي بانو الجعليين ديل احسن ناس في السياسة ، وبتقبلوا الراى الآخر ، تجيني بعكازكـ
دا بعتبرو تكميم افواه ، مخالفة رقم ((1))
ــــ
الحريــــــــات |
شمائل سلامات .
هونى على نفسك شويه واقعدى واتوهطى كويس ورصى الكلام بتاعك هنا
واختصرى كلامك عشان نعرف انتى عاوزه تقولى شنو بالضبط .
ده اذا طبعا عندك كلام اما اذا شغل مهاترات فى الفاضى والله يابتى ده ما محلو .
وما تجى تقولى ده تكميم افواه .. لنه انتى هنا بتتكلمى عن قبيله وليس شخص بعينه , يعنى كلامك اعوج تب .
هل تبحثين عن الشهره فى هذا المكان ????? مجرد سؤال
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Abdelmuhsin Said)
|
الاخت شمايل سلام وكل المتداخلين
الاخوة الجعليين هنا حقو ما يزعلو ويجو هاجمين
على الاخت لانو بتنا كلامو فى محلو على الاقل فيما يتعلق
بالبشير وبعض من هم حوله
وهى قد اشارت اشارة مبطنة وذكية لما حدث
ولما هو حادث الان من سياسات لا علاقة لها بفن السياسة
البتة فيما يتعلق بالجنائية وتداعياتها
حيث كان تعاطى ساستنا وعلى راسهم بنو جعل
مع القضية وكانهم لهم قضية حد واطة مع جارهم التربال
(معليش دى لغة ريفية بحتة) ربما لا يفهمها المتمدنون
لكنا شئنا ام ابينا هى الحقيقة
واؤيد الاخت شمائل كثيرا فيما ذهبت اليه
وللجعليين العتبي
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: السيد المسلمي)
|
عبد المحسن
شهرة شنو ومهاترات شنو ياعم اللى بتتكلم عنها؟؟؟
اذا دا فهمكـ يا خوى ، ما اظن اقدر اتفاهم معاك
حاول وسع مدارك فهمكـ لموضوعي
سيد المسلمي
مافى تعميم كلامي العايزة اقولو قلت ممكن تراجع فوق ، لكن لا ضير ان اعيدو
من صفات الجعليين
النخوة
..
الشهامة
..
الكرم
..
غوث الملهوف
بيد أنهم
حُمق
..
دمهم حار زيادة
.....
يفتقدون بشدة إلي ضبط النفس
فالجعليون أكثر القبائل اعتزازا وافتخارا بنفسها ، لذلك يصبح عصيا عليها التجرد من صفاتها
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
صاحبة البوست وللجميع تحياتي
تعميم مخل ودعوة بغيضة للعنصرية
تاريخ الجعليين لا أحد يزايد عليه
من كل النواحي دون تحديد
وهل ازمة الوطن الحالية سببها الجعليين فقط دون سائر القبائل الأخرى لماذا النظر فقط للكوب الفارغ دون النظر للماء الموجودة داخله لماذا تجاهل بقية القبائل الأخرى وين الزغاوة وين الفلاتة وين الفور وين المساليت وين البرقو ولا ديل ما سودانين عشان كدا ما تطرقوا ليهم
اسوأ الازمات التى مر بها السودان على الاطلاق في وجهة نظري هي فترة الجعليين
بالعكس السودان في فترة حكم الجعليين افضل من اي وضع آخر فلننظر للسلام الذي تحقق في الجنوب والشرق والتنمية اللامحدودة في كل بقاع السودان من شرقه وغربه وشماله وجنوبه يكفي بس انو البترول طلع في عهد الجعليين ويكفي فقط في عهد الجعليين تم انشاء اكبر سد في افريقيا ويكفي فقط في عهد اولاد جعل اصبحت الطرق والكباري تربط بين جميع مدن السودان وبفضل اولاد جعل اصبحت القوات المسلحة والشرطة والقوات الامنية في افضل حالاتها قوة وتجهيز واستعداد في عهد اولاد جعل تم فتح جامعات في جميع ولايات السودان بعد كانت اربع فقط في عهد اولاد جعل نحنا قلنا للعالم لا والف لا لتسليم رمز اولاد جعل وفارس فرسانهم
وزي ما قال الشاعر
نحن اولاد جعل نقعد ونقوم على كيفنا ونحن الفوق رقاب الناس مجرب سيفنا
وهاكي كما دي
نحن أولاد جعل
أهل الفكر والساس
ونحن اسود غواب
والديمه نحن مقاس
وكت الهم كبس
والفاجعه تملي الراس
قدام نكون واقفين
بندارق الفراس
ونحن اولاد جعل
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
عليك الله وريني الافلاس بكون كيف ...
هسع الواحد لو عاوز يمسك موضوعك ده
يمسك شنو بس ...والله العظيم انتى ما عندك موضوع .
هو اصلا انتى ما كتبتى شى . غير عنوان عنصرى عاوزه تعملى اهميه لنفسك
محجوب عروة .
سلطان الأباريق
يحكى أن رجلاً كانت وظيفته ومسؤوليته هي الإشراف على الأباريق لحمام عمومي والتأكد من أنها مليئة بالماء بحيث يأتي الشخص ويأخذ احد الأباريق ويقضي حاجته ثم يرجع الأبريق الى صاحبنا الذي يقوم بإعادة ملئها للشخص التالي وهكذا، في إحدى المرات جاء شخص وكان مستعجلاً فخطف أحد هذه الأباريق بصورة سريعة وانطلق نحو دورة المياه فصرخ به مسؤول الأباريق بقوة وامره بالعودة إليه فرجع الرجل على مضض وأمره مسؤول الاباريق بأن يترك الإبريق الذي في يده ويأخذ آخر بجانبه فأخذ الشخص ثم مضى لقضاء حاجته، وحين عاد كي يسلم الإبريق سأل مسؤول الاباريق: لماذا أمرتني بالعودة وأخذ ابريق آخر مع أنه لا فريق بين الأباريق. فقال مسؤول الأباريق بتعجب: إذن ما عملي هنا؟؟
إن مسؤول الأباريق هذا يريد أن يشعر بأهميته وبأنه يستطيع أن يتحكم وأن يأمر وان ينهي مع أن طبيعة عمله لا تستلزم كل هذا ولا تحتاج إلى التعقيد، ولكنه يريد أن يصبح سلطان الأباريق، إن سلطان الأباريق موجود بيننا وتجده أحياناً في الوزارات أو في المؤسسات أو الجامعات أو المدارس أو في المطارات، بل لعلك تجده في كل مكان تحتك فيه مع الناس ألم يحدث معك، وأنت تقوم بإنهاء معاملة تخصك في مؤسسة حكومية أن تتعطل معاملتك لا لسبب إلا لأنك واجهت سلطان الأباريق الذي يقول لك: أترك معاملتك عندي وتعال بعد ساعتين ثم يضعها على الرف وأنت تنظر مع أنها لا تحتاج إلا لمراجعة سريعة منه ثم يحيلك إلى الشخص الآخر، ولكن كيف يشعر بأهميته إلا إذا تكدست عنده المعاملات وتجمع حوله المراجعون. إنه سلطان الأباريق يبعث من جديد..
إنه عقدة الشعور بالأهمية ومركب النقص بالقوة والتحكم بخلق الله إن ثقافة سلطان الأباريق تنسحب أيضاً على الجميع، تجدها في مبادئهم حيث أنهم يؤمنون بالتهجم والشدة وتعقيد الأمور ومركزيتها كي يوهموك بأنهم مهمون،
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Abdelmuhsin Said)
|
| Quote: ويا شمايل كل الشماليين خلاص كفاهم |
وانتي الصادقة كل السودانيين وبكل احزابهم وقبائلهم فاشلين
وياريت ترجع ايام الانجليز تاني
نحنا ماعندنا الا واحد من اثنين:
1) حُُاًكم عسكري وطني { زي عبود مثلا } ودي صعبه في الوقت الراهن والقريب اننا نجده
2) يعود حكم الخواجات مرة ثانية وياريت يعودوا
.
| |
|
|
|
|
|
|
|
|
 Re: الجعليــــــــــــون ،، لايصلحون للسياسة (Re: Bakhaf)
|
الأخت شمايل صباح الخير:
التفكير في حكم السودان من منطلق جهوي مضحك..
Quote: ويا شمايل كل الشماليين خلاص كفاهم ..بالجد كدة مفروض يخلو عندهم دم ويدو فرصة للجنوبين وابناء الغرب والشرق كمان
وما يبقى مجرد كلام يتبرعو بيهو في المنابر ويتجارو ..آن الأوان أن يجد كل أبناء الوطن حقهم في الحكم ..عل وعسى . |
داليا مع احترامي لكن بالنسبه لي ده فهم غريب برضو!!
سنتمكن من السير خطوه الي الأما م ما ان تركنا النظر الي أنفسنا كشمالي وجنوبي وغرابي ...الخ
تناولنا لمشاكلنا من مفهوم قبلي هو ما أضر بالسودان..
المترشح لرئاسة دوله أو لمنصب في الحكومه,
لابد أن يعي أن هذا منصب خدمي,
وبالتالي المؤهل الوحيد له هو القدره علي العطاء,
وليس انتماء قبلي وعرقي,
وفهم توزيع السلطه حسب الاتجاهات الجغرافيه أمر مضحك جدا..
التوزيع يجب أن يكون للخدمات والثروه,
والحكم المحلي لكل اقليم أو ولايه فكره مقبوله,
أما توزيع السلطه حسب القبيله فهو فهم مغلوط جدا..
باراك أوباما لم يفز برئاسة أمريكا لأنه من أصل افريقي,
ولم يكن هذا هو طرحه لنفسه,
وانما كان طرحه فهمه في الاقتصاد وزعمه في رغبته بالتغيير,
اذا كنا دوله ديمقراطيه وراغبه في التقدم (واشكك في كل)
لكان أول مقياس لاختيار أي فرد في الحكومه,
هو مؤهله الفكري و مقدرته علي الانجاز العملي..
أما جعلي وشايقي ودينكاوي وزغاوي فهي لاتقدم ولاتؤخر..
وانما ستجعلنا محلك سر زي ما نحن..
شخصيا اذا قامت الانتخابات وأشك أيضا في ذلك,
فلن أعطي صوتي لشخص حسب قبيلته, وأي شخص يطرح نفسه,
كشمالي مركز أو حتي جنوبي وغرابي مهمش عليه أن يراجع مفاهيمه عن القوميه,
لأنه فهم متخلف وبدائي..
ببساطه عايزين حكومه عندها مؤهلات للحكم غير الاعتماد علي وتر التهميش الحساس,
أو العنصريه القبليه القميئه...
تحياتي,,
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Amany Elamin)
|
Quote: داليا مع احترامي لكن بالنسبه لي ده فهم غريب برضو!!
|
أزيك يا أماني
يا ستي الإحترام محفوظ ، لكن فهم غريب عشان قلت Quote: ويا شمايل كل الشماليين خلاص كفاهم ..بالجد كدة مفروض يخلو عندهم دم ويدو فرصة للجنوبين وابناء الغرب والشرق كمان
وما يبقى مجرد كلام يتبرعو بيهو في المنابر ويتجارو ..آن الأوان أن يجد كل أبناء الوطن حقهم في الحكم ..عل وعسى . |
ده ما فهم يا أماني دي حقيقة تاريخية الشماليين مصريين ينفردوا بحكم السودان وده سبب المشاكل النحن فيها ، حتى لو إتسمت بمطالب تانية ، بعدين وين الجهوية في أني إستخدمت ، جنوب ، شمال ،غرب ،شرق ..دي جغرافيا ، و البديل الأستخدمو شنو ؟ وممكن كلامك ده يكون صاح لو إستخدمت الكلمة في سياق مختلف يعني لو قلت لي واحد مثلا (أمشي ياشمالي أو ياغرابي ) في إطار إساءة لكن هل كلامي القلتو بحتمل ده ؟
Quote: المترشح لرئاسة دوله أو لمنصب في الحكومه,
لابد أن يعي أن هذا منصب خدمي,
وبالتالي المؤهل الوحيد له هو القدره علي العطاء,
وليس انتماء قبلي وعرقي,
وفهم توزيع السلطه حسب الاتجاهات الجغرافيه أمر مضحك جدا.. |
يا ستي كلامك ده 100% صاح لكن أنتي بتتكلمي عن المفروض ولا عن الواقع ؟
Quote: باراك أوباما لم يفز برئاسة أمريكا لأنه من أصل افريقي,
|
لكن نحن فرحنا بفوز اوباما لأنو من أصل أفريقي ما عشان جهوية ، لكن من باب الحقوق والعدالة في الفرص وده الأنا بتكلم عنو .
Quote: اذا كنا دوله ديمقراطيه وراغبه في التقدم (واشكك في كل)
|
نحن ما دولة ديمقراطية يا أماني بدون شك ..
Quote: ببساطه عايزين حكومه عندها مؤهلات للحكم غير الاعتماد علي وتر التهميش الحساس,
أو العنصريه القبليه القميئه...
|
والله بنتمنى السودان ينصلح حالو يارب .
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: داليا حافظ)
|
دلوش صباح الخير:
| Quote: ده ما فهم يا أماني دي حقيقة تاريخية الشماليين مصريين ينفردوا بحكم السودان وده سبب المشاكل النحن فيها] |
بختلف معاك تاني مره مع احترامي برضو..
سبب المشاكل ما انه الشماليين منفردين بالحكم, سبب المشاكل النظره العرقيه والقبليه اللي بينظر بها السودانيين لأنفسهم,
ده فهم ضيق جدا انه ننظر لبعض نظره عرقيه,
الناس الجوه الخريطه ديل كلهم نفس الشئ.. ومعيار المفاضله للوصول للرئاسه المفروض يكون القدره علي العطاء فقط..
وأهو نحن متفقين في حتتات كتيره, وطالما نحن في سودانيز أون لاين والمفروض اننا بننشر في وعي وثقافه,
يبقي المفروض ننشر الفهم الصاح ,
تحياتي ..
شمائل ازيك:
| Quote: ان الجعليين لا يستطيع التجرد من صفات لا تنفع في السياسة ، وهم يعتزن بها لذلك يستعصى عليهم التجرد منها، |
تعميم غير سليم..
ممكن تكوني واضحه وتقولي عمر البشير كجعلي لا يستطيع ....الخ
لأنه الجعليين ديل بيطلعوا زي كم مليون كده,
ماممكن تختزليهم في شخص عمر البشير..
تحياتي..
(عدل بواسطة Amany Elamin on 03-18-2009, 11:15 AM)
(عدل بواسطة Amany Elamin on 03-18-2009, 11:24 AM)
(عدل بواسطة Amany Elamin on 03-18-2009, 12:10 PM)
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Amany Elamin)
|
Quote: سبب المشاكل ما انه الشماليين منفردين بالحكم, سبب المشاكل النظره العرقيه والقبليه اللي بينظر بها السودانيين لأنفسهم,
ده فهم ضيق جدا انه ننظر لبعض نظره عرقيه,
|
تاني يا أماني بقول ليك ده ما فهم دي حقيقة ..غض النظر عن رؤية كل واحد مننا للحقيقة دي بياتوا زاوية .
Quote: وطالما نحن في سودانيز أون لاين والمفروض اننا بننشر في وعي وثقافه,
يبقي المفروض ننشر الفهم الصاح ,
|
طبعا الواعين مفروض إنشروا الوعي في أي مكان في البيت وفي المجتمع الصغير ...كلو زول حسب قدرتو بتدرج من زول
بقول كلام صاح إلى درجة مصلح إجتماعي ...لكن صدقيني سودانيز أون لاين مكان عادي جدا ..صحي فيهو الواعين
والمستنرين ..وفيهو المتعصبين والناس العاديين الزينا ديل ..مجتمع زي أي مجتمع ..ومنكم نستفيد يا ستي .
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: داليا حافظ)
|
داليا:
أول حاجه لو حسيت بضيق من كلامي فأنا بعتذر شديد..
نحن بنتناقش وانا ابدا ما أقصد ازعلك..
ثانيا التمييز العرقي ده ما سمعت بيه الا في الكم سنه الأخيرين ديل..
وتحديدا في البورد ده..
ما طول عمرنا عايشبن وبندرس وبنشتغل مع بعض,
كل الأجناس والقبائل..
حتي الفواصل اللي الكانت بين القبائل في مسألة الزواج ذابت الان أو قاربت علي الذوبان..
أنا برفض انه شخص يقول في تمييز عنصري في السودان..
لأنه عمرنا كله في السودان ما حسينا بيه وكانوا الناس أخوان ومتحابين..
الدعاوي العنصريه محاوله لزرع فتنه يا داليا لازم ننتبه ليها..
ونعرف ننشر ثقافة الزول السوداني..
بعيدا عن التعصب والقبليه..
Quote: لكن صدقيني سودانيز أون لاين مكان عادي جدا ..صحي فيهو الواعين
والمستنرين ..وفيهو المتعصبين والناس العاديين الزينا ديل ..مجتمع زي أي مجتمع ..ومنكم نستفيد يا ستي . |
صاح الزول اللي عندوا رساله أو فهم ايجابي مفروض ينشروا في أي مكان..
لكن سودانيز أون لاين ما مجتمع عادي..
مجتمع مفتوح علي السودان كله..
والكلام البتكتب هنا بيقرأه عدد غير محدود من السودانيين..
يبقي نحن دخلنا بيوتهم .. ودي مسئوليه..
ده كان قصدي..
تاني مره بعتذر لو حسيتي بأي ضيق من كلامي, وحقك علي...
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Amany Elamin)
|
اماني الامين
اولا: شكرا
Quote: التفكير في حكم السودان من منطلق جهوي مضحك..
|
لاجهوية ولا عنصرية فى الموضوع وانا ابعد ما اكون عن هذا ، لكن من وجهة نظري الشخصية ، ان الجعليين لا يستطيع التجرد من صفات لا تنفع في السياسة ، وهم يعتزن بها لذلك يستعصى عليهم التجرد منها،
ولا يهمنا ان يكون حاكم السودان من قبيلة كذا او كذا ، بقدر ما تهمنا شخصية الحاكم ومؤهلاته كما اسلفت مشكورة
___________
يعنى شنو قيادي يحلف طلاق في مسالة سياسية؟؟؟
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Zomrawi Alweli)
|
الليييييييييييلة ياشمايل ..........
الوداك تهبشي شنو؟
انا ماشي يستبشرون احجز ليك هناك انا شايف الفليق حاصل
الجماعة جوك جاهزين بعكاكيزوم قلت اقيف معاك واحامي ليك
لكن قلت اخير نسعفك احسن
*
**
***
ياجماعة باركوها الزولة طلبت الامان تجوها بالعكاكيز !
طيب لو كان خشت توش كان رسلتو ليها صواريخ!
زول حجاز
والحجاز ما عندو عكاز
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Abdelmuhsin Said)
|
Quote: يحكى أن رجلاً كانت وظيفته ومسؤوليته هي الإشراف على الأباريق لحمام عمومي والتأكد من أنها مليئة بالماء بحيث يأتي الشخص ويأخذ احد الأباريق ويقضي حاجته ثم يرجع الأبريق الى صاحبنا الذي يقوم بإعادة ملئها للشخص التالي وهكذا، في إحدى المرات جاء شخص وكان مستعجلاً فخطف أحد هذه الأباريق بصورة سريعة وانطلق نحو دورة المياه فصرخ به مسؤول الأباريق بقوة وامره بالعودة إليه فرجع الرجل على مضض وأمره مسؤول الاباريق بأن يترك الإبريق الذي في يده ويأخذ آخر بجانبه فأخذ الشخص ثم مضى لقضاء حاجته، وحين عاد كي يسلم الإبريق سأل مسؤول الاباريق: لماذا أمرتني بالعودة وأخذ ابريق آخر مع أنه لا فريق بين الأباريق. فقال مسؤول الأباريق بتعجب: إذن ما عملي هنا؟؟
إن مسؤول الأباريق هذا يريد أن يشعر بأهميته وبأنه يستطيع أن يتحكم وأن يأمر وان ينهي مع أن طبيعة عمله لا تستلزم كل هذا ولا تحتاج إلى التعقيد، ولكنه يريد أن يصبح سلطان الأباريق، إن سلطان الأباريق موجود بيننا وتجده أحياناً في الوزارات أو في المؤسسات أو الجامعات أو المدارس أو في المطارات، بل لعلك تجده في كل مكان تحتك فيه مع الناس ألم يحدث معك، وأنت تقوم بإنهاء معاملة تخصك في مؤسسة حكومية أن تتعطل معاملتك لا لسبب إلا لأنك واجهت سلطان الأباريق الذي يقول لك: أترك معاملتك عندي وتعال بعد ساعتين ثم يضعها على الرف وأنت تنظر مع أنها لا تحتاج إلا لمراجعة سريعة منه ثم يحيلك إلى الشخص الآخر، ولكن كيف يشعر بأهميته إلا إذا تكدست عنده المعاملات وتجمع حوله المراجعون. إنه سلطان الأباريق يبعث من جديد..
إنه عقدة الشعور بالأهمية ومركب النقص بالقوة والتحكم بخلق الله إن ثقافة سلطان الأباريق تنسحب أيضاً على الجميع، تجدها في مبادئهم حيث أنهم يؤمنون بالتهجم والشدة وتعقيد الأمور ومركزيتها كي يوهموك بأنهم مهمون، |
عبد المحسن
هكذا انت تثبتها ، شكرا للادلة
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Omayma Alfargony)
|
العزيزة أميمة
تصدقي حملتي كلامي أكثر مما يحتمل فيما يخص الحتة دي تحديدا
Quote: معاك مية مية وما في واحد يزعل أنا جعلية ، وحتى الإقرار بأني جعلية دي ما موضوع مهم كتير عندي بس من باب
الأنساب
وكدة .
|
لأنو دي كانت أقرب للمزحة لأنو إتعاملت مع كلام شمايل من الأول بإعتباري فاهمة أنها بتقصد البشير .
أما فيما يخص Quote: ويا شمايل كل الشماليين خلاص كفاهم ..بالجد كدة مفروض يخلو عندهم دم ويدو فرصة للجنوبين وابناء الغرب والشرق كمان
وما يبقى مجرد كلام يتبرعو بيهو في المنابر ويتجارو ..آن الأوان أن يجد كل أبناء الوطن حقهم في الحكم ..عل وعسى . |
والأنت رديتي عليهو بـ
Quote: and what's more ridiculous is to say that all northern tribes should not rule anymore
because Sudan's diversity couldn't possibly allow it
Sudan is for all the tribes that live in its land,,so accordingly all tribes have the right to participate in
it's ruling regime
without any authority of one tribe above another
|
والله ما قصدت إقصاء الشماليين بقدر ما كنت دايرة أقول أنو من حق التانين ياخدو فرصة ،وبالتالي ده ما حينفي ..أنو كل
القبايل ليها الحق بالعكس ده القصدتو وأن وصل بطريقة قصدت منها أناصر فئة مازلت بتحس أنو الشماليين ماسكين
مقالد الامور ، وده لوعاينا ليهو من وجهة نظرهم بنلقاهو لحد كبير صاح ، وما حتلقي في كلامي أي حاجة بتخص تشجيع تسلط
قبيلة على التانية .
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
Quote: النخوة
..
الشهامة
..
الكرم
..
غوث الملهوف
|
صفات ان توافرت في أي شخص سيكون مؤهلا للحكم ،،
==
((الجعلي بقضي يومو خنق)) ، ودا الحاصل الآن ،،
=
جعلي ماكن وقع من الحمار ومتلفح بتوب كبير : عشان يطلع من التوب دا قوم العجاج في السوق
كله والناس متلمة ، جاء واحد قال ليهم : حرام عليك الناس يتكاتلو جنبكم وانت تتفرجو ، أفو؟؟؟
=
بحثت عن صورة لبراد بت أعادل بها روعة البروفايل الآسر لم أجد ،،
=
الله يفكك غايتو،،
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: سمير شيخ ادريس)
|
إحنا أولاد جعل أهل المُلك بالأولى
وإحنا ملكنا معلوم خايلة فيه الصولة
وإحنا فارسنا بتختشيه الدولة
وإحنا الصاقعة كل الناس تقول لا حولَ
إحنا أهل السواقى البكُر واسوقها
نهدى الصافنات للضيف ركوب ويسوقها
إن ضرب النحاس إحنا بنشلع عوقها
القيمان نلاقيها والوفها نسوقها
إحنا الما بسمونا العريب وكلاته
وإحنا على ضهور الصافنات صلاته
طيعناها من دار برقو لى فلاتة
إحنا بندخل الألف إن بقينا تلاتة
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
Dear Dalia
Thank you for your response
I think you should have wrote it earlier this way because some matters should be as far as possible from "just for fun or chatting ' as long as it's for the public to read as serious as the topic implies
Thank you again
Omayma
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
Although, we -as the Sudanese people- are combined of different tribes agree or/and disagree on many good/bad traditions. we're still a tribalism community/ies; however, If I were to choose a tribe to belong, I would choose to be Ja3ali..
___
Nevertheless, if I were not Ja3ali, I would proudly find a way to relate to them.. Thanks to Allah, I'm Ja3ali by nature/ default and very proud..
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: طلال جبير جابر)
|
طلال جبير
دي بيعة فداء وموت عديــــل كدا ، عاجزين عن الشكر، لكن شغلك بتأمين ولا سوق أسود ، ولو بقى سوق اسود أخير عكاز المكـ
اشكر كل المشاركين جعليون كانوا أو غير ذلكـ ،
رسالة الى المشاركين من الجعليين
على صفاتكم الجميلة دي حاولوا ان تتحلوا بضبط النفس وتقبل الرأى الآخر
الجعليــــــــــــون ،، لايصلحون للسياسة
هذا هو رايي الشخصي
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Shamael Elnoor)
|
Quote: الجعليــــــــــــون ،، لايصلحون للسياسة
هذا هو رايي الشخصي |
لأخت شمائل، في البدء كنت أظن الأمر مجرد مزحة، ولذلك كان تداخلي الأول من باب الهزار، ولكن طالما الأمر لم يكن كذلك، ومع كامل الإحترام لرأيك، ماهو معيارك لعدم صلاحيَّة الجعليين للسياسة؟؟؟
وماهو رأيك -لو- قلت القبيلة التي إنحدرت منها شمائل النور لا تصلح لأي إسهام في الشأن العام السوداني من سياسة وإجتماع وغيرهما؟؟؟ من غير أي سند يُدعِم رأيي هذا، إن هو إلا رأي مثل رأيك..
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Yassir Tayfour)
|
ياسر طيفور
يسعد صباحاتكـ
انا لا ارى دواعي للغضب فهذا رايي ، وانا لم اسئ للجعليين البتة بقدر ما ركزت على صفات فيهم لا تصلح للسياسة وهى المبالغة فى الحماقة ، عدم التحلي بضبط النفس ، فهى صفات يجب ان تتوفر فى الساسة،لان السياسة تتطلب المرونة والتريث وتتطلب تحمل الاستفزاز
الجعليون : القبيلة الاكثر اعتزازا بنفسها وبصفاتها ، لذلك يصبح التجرد من هذه الصفات اكثر صعوبة.
بعدين يعنى شنو لو راينا انهم لايصلحون للسياسة،،فهذه ليست بالإساءة
لكل قبيلة صفات تميزها عن الاخرى ، فمثلا هذه القبيلة تصلح لكذا ولا تصلح لكذا ولا ارى دواعى لكل هذا التذمر
Quote: وماهو رأيك -لو- قلت القبيلة التي إنحدرت منها شمائل النور لا تصلح لأي إسهام في الشأن العام السوداني من سياسة وإجتماع
وغيرهما؟؟؟ |
طبعا فى النقطة اعلاه كثير من الاجحاف ، لانكـ شملت كل المجالات تقريبا ، لكن اذا حدث هذا فمن جانبي يجب ان اتقبل الراى وان كنت لا اقبله واراه مجحفا بحقي احاول جاهدة تصحيح وجهة نظرك بكل هدوء مع احترام الراى الآخر.
شكرا للجعلي ود طيفور
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Elsanosi Badr)
|
إحنا أولاد جعل أهل المُلك بالأولى
وإحنا ملكنا معلوم خايلة فيه الصولة
وإحنا فارسنا بتختشيه الدولة
وإحنا الصاقعة كل الناس تقول لا حولَ
إحنا أهل السواقى البكُر واسوقها
نهدى الصافنات للضيف ركوب ويسوقها
إن ضرب النحاس إحنا بنشلع عوقها
القيمان نلاقيها والوفها نسوقها
إحنا الما بسمونا العريب وكلاته
وإحنا على ضهور الصافنات صلاته
طيعناها من دار برقو لى فلاتة
إحنا بندخل الألف إن بقينا تلاتة
طيعناها من دار برقو لى فلاتة
look at this and there is another one that say we are who tried our sword on people's neck
just tell me what is this and then prove her wrong
| |
|
|
|
|
|
|
|
|
|
Re: الجعليــــــــــــون ،، لايصلحون للسياسة (Re: Albino Akoon Ibrahim Akoon)
|
آلطيفور كتب :| Quote: وماهو رأيك -لو- قلت القبيلة التي إنحدرت منها شمائل النور لا تصلح لأي إسهام في الشأن العام السوداني من سياسة وإجتماع وغيرهما؟؟؟ من غير أي سند يُدعِم رأيي هذا، إن هو إلا رأي مثل رأيك.. |
وردت شمائل قائله:| Quote: طبعا فى النقطة اعلاه كثير من الاجحاف ، لانكـ شملت كل المجالات تقريبا ، لكن اذا حدث هذا فمن جانبي يجب ان اتقبل الراى وان كنت لا اقبله واراه مجحفا بحقي احاول جاهدة تصحيح وجهة نظرك بكل هدوء مع احترام الراى الآخر. |
وعندما سمع الطاهر ابو عجاجه* القولان... نظر مليا في كوب الشاي الموضوع امامه... وابتسم نصف ابتسامه اظهرت شاربه الكثيف التقول (كليقة) قش ... ثم جر كراعو الموضوعه علي (كوم) رمله صنعه احد احفاده ... وحدق بعيد ثم قال (مدوبيا):
اللــــيله لما كنا في الظبطيه
والضابط الكبير نفخ جضومو علـيا
حرم لا بكيت ولا ورغرغن عينـــيا
* يا حليلك يا ود ابوي عمر الصديق كان جيت قلبت البوست ده دوبيت ...
_________________________________________________________
* الطاهر ابو عجاجه فارس من فرسان الصحراء يقال انو كان صاحب لود ضحويه ...
| |
|
|
|
|
|
|
| |
عمر صديق
Abdelmuhsin Said
Elsanosi Badr
ASHRAF MUSTAFA
الرشيد ابراهيم احمد
Zomrawi Alweli
العوض المسلمي
khaleel
داليا حافظ
ALZOLZATOO
Bakhaf
Yassir Tayfour
almaskoon
خدر
خالد عنان عمر
ebrahim_ali
طلال جبير جابر
Omayma Alfargony
Mohammed Haroun
سمير شيخ ادريس
الطيب شيقوق
الشامي الحبر عبدالوهاب
Albino Akoon Ibrahim Akoon
فيس بوك
تويتر
انستقرام
يوتيوب
بنتيريست