|
نعيـم علي.... وخطـوة نحـو القفص الذهبـي
|
الروعة بتكون امنية نهديهـا للناس... الحان كمان زي اغنيــــة
أكتب كلماتي هذه والفرحه تسبقني إليها
بالعديل والزين تمت خطبة السمحة زينة البنات الآنسة / رزان , الى الهميم شيّـال التقيــلة اخو الاخوان / نعيم علي , صديق ملائكة المايقوما .
مبروك يا نعيم ان شاءالله تتهنى
عقبال للوراك من قلبي بتمنى
من بعد العرس حجة وكمان عُمرة
|
|
|
|
|
|
|
|
Re: نعيـم علي.... وخطـوة نحـو القفص الذهبـي (Re: محمد مكى محمد)
|
والله يا (رانيا) انا (أخجل) زول في العالم ودول حوض الباسفيك زاته وماحاسي اني حا اعرف ارد علي كلام الناس الحلوين الفوق ده علي الاقل لحدي ما تهدا (ثورة الادرنالين) الفوقي دي
______________________________ يا جماعه اخوكم حسم الخطوه الاولي (بتاعت الزول يسوق اهله ديك) لكن لسه ما لبس الدبل اللي حاتكون(قريب باذن الله) (شان مافي زول يقول لي ما عزمتنا)
____________ صلاح نادر لما تجي بجاي والله رانيا ما استاذنت مني شان ماتجي تقول لي (احييينا وبتدي الجكس بس) كلمتك من اسا
ياخ انا سعادتي زادت والله بتهنئتكم
| |
|
|
|
|
|
|
Re: نعيـم علي.... وخطـوة نحـو القفص الذهبـي (Re: ALazhary2)
|
تستاهل كل خير أخوي .. مبروك لك يانعيم علي تخرج بمحبة مدفوعة من الاعماق .. من اجمل ما قرأت وتذكركتك أخي نعيم علي واخرون :
Quote: الإنسان انعكاس لما يشعر ويفكر ويقوم به من أفعال وسلوك. فإذا كان راغباً بعمل الشيء الطيّب فإن هذه الرغبة تتحوّل إلى سلوك يومي يقوم بإنجازه بشكل طبيعي دون أي تكلف أو تعب.
فإذا قام إنسان ما بمساعدة شخص ما فإن هذه المساعدة تساهم في إبعاد الروح السلبية عن شعوره وأفكاره، وسوف يحصل عليها أضعافاً مضاعفة، ليس من الشخص الذي قام بمساعدته بالضرورة، إنما من الكون الذي ينظر ويشاهد ما يقوم به هذا الإنسان لأخيه الإنسان والله سبحانه وتعالى الذي (يعلم ما في البر وما في البحر وما تسقط من ورقة إلا يعلمها ولا حبة في ظلمات الأرض ولا رطب ولا يابس إلا في كتاب مبين).
المساعدة طاقة إيجابية، وهي بصورة غير معروفة حتى الآن تساعد في تفتّح مسارات الطاقة في جسد الإنسان، التي تسمى ''الشاكرات'' في اللغة السنسكرتية، وترفع سقف المناعة في جسد الذي يقوم بمهمة المساعدة.
إن كان مريضاً، من الممكن أن تساهم هذه المساعدة في شفائه من المرض وإن كان يمر بأزمة نفسية أو مالية أو اجتماعية، فإن هذه المساعدة تساعده في التخلص منها أو تفتح له باباً للفرج.
من هنا نرى أن كل الديانات السماوية والأرضية، وكل الفلسفات التي تقترب أو تبتعد عن تلك الديانات، كلها تدعو، بصورة وأخرى، إلى مثل هذه المساعدة وكلمة ''ساعد أخوكْ في حاجْتِه'' من الجمل المهمة في الدين أو المذهب أو الفلسفة أو السلوك.
عن ابن عباس رضي الله عنهما، عن النبي صلى الله عليه وسلم قال: ''من مشى في حاجة أخيه كان خيراً له من اعتكاف عشر سنين ومن اعتكف يوماً ابتغاء وجه الله جعل الله بينه وبين النار ثلاثة خنادق كل خندق أبعد مما بين الخافقين'' رواه الطبراني والحاكم وقال صحيح الإسناد إلا أنه قال: ''لأن يمشي أحدكم مع أخيه في قضاء حاجة وأشار (بأصبعه) أفضل من أن يعتكف في مسجدي هذا شهرين''.
مساعدة الآخر تعني أنك تفتح باب المحبة على مصراعيه لدخول هواء الحب من جميع الجهات.
مساعدة الآخر تعني أن الإنسان، ليس وحيداً فوق هذه الأرض مساعدة الآخر تعني أنك سوف تحتاج إلى مساعدة الآخرين في يومٍ وفي ظرف ما، مساعدة الآخر تعني أن الفرد في حاجة إلى الفرد، فكن في حاجة أخيك بلا تذمر ولا مماطلة.
|
| |
|
|
|
|
|
|
Re: نعيـم علي.... وخطـوة نحـو القفص الذهبـي (Re: رانيا قاسم)
|
رانيا (طبعا ياداب الادرنالين بتاعي خفا)
Quote: كتب كلماتي هذه والفرحه تسبقني إليها |
وفرحتك حسيتا واضحا في صوتك ربنا يديم المحبه وجد فرحتي بتذيد بفرحتك (السعاده) هي الشيئ الوحيد الذي يذداد عندما نتشاركه غايتو يا رانيا ما عارف اقول ليك شنو عموما.. جد (جد) شكرا
| |
|
|
|
|
|
|
Re: نعيـم علي.... وخطـوة نحـو القفص الذهبـي (Re: محمد صباحى)
|
فرحي ليك وبيك سال ملاء حتى الكبابي وماتسألني ياتو كبابي ممكن أي كبابي تخطر على بالك وسيان كبابي حليوة او ماجاورها وكبابي أميرة بالشاي المقنن واللقيمات التي تقن الصلب ورشفة بمزاج مع محجوب شريف وكبابي البرلمان كافيه وممدوح يصدح بصوت معبأ بالشجن
وكبابي وكشباكي الفاتح على حوش حميم
دشليون مبروك ياخ والله يتممو على بخير ويسعد رزان بك ويسعدك بها
| |
|
|
|
|
|
|
Re: نعيـم علي.... وخطـوة نحـو القفص الذهبـي (Re: أبو ساندرا)
|
ابو ساندرا
Quote: فرحي ليك وبيك سال ملاء حتى الكبابي وماتسألني ياتو كبابي ممكن أي كبابي تخطر على بالك وسيان كبابي حليوة او ماجاورها وكبابي أميرة بالشاي المقنن واللقيمات التي تقن الصلب ورشفة بمزاج مع محجوب شريف وكبابي البرلمان كافيه وممدوح يصدح بصوت معبأ بالشجن
وكبابي وكشباكي الفاتح على حوش حميم
دشليون مبروك ياخ والله يتممو على بخير ويسعد رزان بك ويسعدك بها
|
اللهم اااااااامين كيف وصلت انت ومشتاقين يا رفيق
| |
|
|
|
|
|
|
|