|
|
 14 مارس 2009م سبعة سنين بالبورد !!
|
الاخوة والاخوات
تحيات طيبات
ده عيد ميلادي بالبورد
اي زول ماعندو هدية مايجي داخل البوست ده
نتمنى لكم عمرا مديدا وحياة مليانة فل بالرفاهية
تحياتي
زاتوووو
|
|
 
|
|
|
|
|
|
|
|
Re: 14 مارس 2009م سبعة سنين بالبورد !! (Re: محمد عبد الماجد الصايم)
|
حبيبنا ود الصائم
ومن شر حاسد اذا حسد
ياخي انا زول محترم قوانين ولوائح البورد
اوكامبوا زاتووو ح يحتار يمسك علينا شنو
عندنا ود حلتنا كان ملقب بالفار
اها كبر قام دخل الامن يوم لاقى ليك واحد من حلتنا كان مكجنو
قام قاليهو انت زمان كنت بتقول لي الفار لي شنو لوووول يكه
اها انت واكامبو ولعوا حجر شيشة واشربوا المديدة بتاعت الحلبة
لووول يكه
زاتووووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: Magdi Ahmed Elsheikh)
|
الاخ مجدي
{قَالَ تَزْرَعُونَ سَبْعَ سِنِينَ دَأَباً فَمَا حَصَدتُّمْ فَذَرُوهُ فِي سُنبُلِهِ إِلاَّ قَلِيلاً مِّمَّا تَأْكُلُونَ }يوسف47
[إِنَّ هَذَا أَخِي لَهُ تِسْعٌ وَتِسْعُونَ نَعْجَةً ](ص: 23
شكرا على التوضيح حقيقة المعلومة ماغيبة عني بس بنتكلم بالدارجي وكده
ماتخليها في سنبلها ياخي
شكرا تاني
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: HAIDER ALZAIN)
|
الاخ حيدر
شكرا ليك ياخي كتير
عمك ده لكن مازرع عديل كده لكن هدية من ايدك مقبولة
انشاء الله نتم اكتر من كده اذا ربنا سهل والهكر اتخارج مننا اليومين ديل انا مع السيدة الاولى مشغول وكده
اسمع لو انزنقت بي هناك كلمنا نتوسط ليك مع الهاكر يودي البوست الخور لووول
تحياتي
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: ALZOLZATOO)
|
حبيبنا زااااااتو
جيناك تاني وبرضو نقول مبروك ( هديتنا الطلة دي )
بس ان شاء الله السيدة الاولي كانت جميلة بما فيهو الكفاية ..
اسمع
| Quote: اسمع لو انزنقت بي هناك كلمنا نتوسط ليك مع الهاكر يودي البوست الخور لووول |
تصدق لي هسع ما فضيت وشغال بشد البدال
يعني ما قمنا سداري لي هسع....
* عالم بتاعين مشاكل هههههه
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: HAIDER ALZAIN)
|
ياحيدر
الله يبارك فيك بعدين شكرا على العجلة لكن شكلها عجلة حلاوة مولد راكه فيها ضبانة لووول مقبولة برضو
اصلو انا من زمن الابتدائي اقول لي ابوي لو نجحت بتجيب لي عجلة اها بيقول لي العجلة من الشيطان ده مش
معناهو انك شيطان وكده لانو زولك بيكون ماخلى ليك شيطان واحد لافي جمبك لووول
غايتو انا جاهز بس قول عوووك
تحياتي تاني
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: محمد عبد الماجد الصايم)
|
ياعمك
سبعة الاردت بيكتبوها 7 مش سبعة بعدين غلب الهلال يجب ماقبله لوووول يكه نتلطش من اي فريق الا الهلال يازول
انت ماسمعت لمن كانوا عايزين يسجلوا كيجاب للمريخ اها واحد مشى لي شاخور قال ليهو جبت ليك واحد بيحصد ليك
البطولات كلها اها قال ليهو بيغلب لي الهلال اها عرف انو الزول سباح وكده قال ليهو والله لو شرب البحر كلو ماعندي ليهو قروش لووووووووول يكه
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: العوض المسلمي)
|
حبيبنا المسلمي
الحبة الزرقاء دي خليها في ليلة النجمة الحمراء بتنفعك
اما لو جبت الحبة السوداء فهي شفاء من كل داء بنكون ممنونين لووول
عارف لو مشيت هنا بقالة في السعودية وقلت ليهم عاوز كمون ح يدوك شمار ماعارف انا اختلاف الكلمات دي جاي من وين عارف اكتر ناس كلماتهم زي كلماتنا وفي نفس الوقت هنالك كلمات معكوسة
يعني اللبنانين يقول ليك فوت يعني ادخل وعندنا فوت يعني فرتق وعندهم في الكورة بيقولوا فوت تلاته اقوان يعني جاب تلاته اقوان اها عندنا لو واحد فوت ليهو تلاته اقوان ح يشطبوهو طوالي
بعدين عندهم بلشنا يعني ابتدينا وعندنا بلشنا الموضوع يعني لغيناه
كمان من الحاجات المشتركه الجماعة ديل بياكلو الكبده نيه بعد سماحتهم دي لووول بالاضافة الى بعض الكلمات السودانية التانية .
دخلنا في موضوع تاني 
تحياتي تاني
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: أيمن دياب)
|
الحبيب ايمن دياب
ياخي والله انت واقف معاي 100% في مشروع الدكتوراه ده كامل تضامني معاك اي زول يزعلك قول يازاتوو بدون دكتور عشان نجيهو جية شماشة بس
واحد تعبان تعب شديد مع ولدو لحدي ما اتخرج دكتور واتخصص اطفال اها ابوهو قال ليهو بقيت شنو ياولدي قال
ليهو بقيت دكتور اطفال اها ابوهو قال ليهو انا قصرت معاك في حاجة ماكملت تعليمك لي شنو لووول يكه
اها انت اسع كمان ماتكون دكتوراة بتاعتك دي اطفال وكده
تحياتي
زاتووووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: عبد الدائم سيد أحمد)
|
الاخ عبد الدائم
شاكرين على المرور والهدية
انا لي في الغربة اكتر من سبعة سنين اها بس زمان الواحد ماكان بيشعر بالغربة داخل سودانيز اونلاين كان علاقات اخوية وجميلة مع اخواتنا واخواننا لكن وحاتك اسع تشوفهم هنا تقول الجماعة ديل مابيلمهم اي حاجة
مع بعض منعول ابو السياسة التي تفرق بين ابناء الوطن الواحد .
نحمد الله ما بتستخدم نضارة بي مناسبة نضارة دي مرة مشيت القمسيون الطبي اها واحد عايز يطلع رخصة وعايزين يكشفو ليهو نظر اها ادوهو ورقة كده عشان يغطي بيها عينو قام غطى عيونو الاتنين اها عمك قال ليهو عايز تشوف بي خشمك لوووول يكه ربنا ينور بصرنا وبصيرتنا
اهدي ليك اغنية عيونك فيها شئ يحير يغير اتجاه الزول
اما لو عايز حاجة من الغربة نهدي ليك مدحة يابلح المدينة منو البجيبك لينا
تحياتي للامورة صاحبة الصورة
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: 3mk-Tango)
|
ملاحظة بالجنبة كدا
عاين تاريخ ميلادك وتاريخ ميلادي وعاين لي عدد المشاركات ؟ !!!!!!
بعد داك قوم امشي لي اقرب واحد من مواليد 2008 او 2009 وشوف عدد المشاركات !!!!
قلنا ليهم الحكايه ما بالكم الحكاية بالنوع ما صدقونا ...
___
قال تحت جزمتي دي قال ... ___ ساعدونا بالالفاظ ياخ يككككة
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: صلاح أبودية)
|
حبيبنا صلاح ابودية
ياخي صورة ا لبروفايل بتاعك ده براها بتقعدك عشرة سنة
ليك حق تقول كده لانك غير محظوظ وجيت متاخر شوية امس احلى
لكن خلينا نكون عشمانين في بكرة احلى دي نشوف كلام ناس التلفزيون ديل كلامهم صاح مايكون زي الكتابة في بص الثورة كاتبين بكرة الركوب مجان اها وحاتك لي اسع بيشيلو قروش الكلام ده من التمنينات
نتمنى لك دوام الصحة الباقي كلو هين
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: 3mk-Tango)
|
ياعم تنقو
حليل زمن الصبا وحليلو وحليل زمن الحيا و لحن الخميس وكده والناس مزاجة رايق اسع كان بكوري ده بيدي دبابير كنا وقفنا ليك الجماعة ديل طابور لووول يكه
اما الملاحظة الجنبه دي اهم شئ
ياخي مفروض كل واحد يعملو ليهو كرت زي بتاع السكر الزمان داك اها كل اسبوع يكتب ليهو بوست بوستيين وكده على حسب عدد افراد الاسرة لوووول يكه عشان الناس المامتزوجين ديل يشترو بالسوق الاسود .
QUALITY IS BETTER THAN QUANTITY
يامعلم سالنا منك قالوا من الشرقية مشيت شرق تاني قالوا حالف تصل عين الشمش لووول يكه
ادينا اخبارك بالله بالايميل مرة مرة كده
تحياتي الحارة
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: HAIDER ALZAIN)
|
حبيبنا حيدر
لايامعلم محتاجين للراجة خسوسا امبارح كنت متمرن
بعدين هي سبع والدليل على ذلك قول الشاعر
اذا رايت انياب السبع بارزة *** فلا تظنن ان السبع يبتسم
و قول الشاعر
رباب ربة البيت تصب الخل في الزيت لها تسع دجاجات وديك حسن الصوت
بالله مش الشاعر ده بالغ ديك واحد حارس ليهو تسع دجاجات لووول يكه
تحياتي
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: Muna Khugali)
|
الاخت منى خوجلي ،
لينا زمن نفتش ليك وجيتنا الليلة كايسنا ياحارستنا وفارستنا
الله يبارك فيك ومن هنا نبارك ليك على الهواء مباشرة جميع مناسباتك السارة وكمان نبارك ليك الجدة 1 والجدة 2
وانتي طيبة انشاء الله
طلب خاص وقت ماتلقي زمن وتلاقيني فاتح بوست خشي انشاء الله تختي نقطة بس ماعليك
زمن كنا طلبة في الجامعة واحد مكسر في واحده ومالاقي ليهو مدخل اها في يوم جه واحد بيعرفها صاحب الزول المكسر قام سلم عليها قالت ليهو اهلين قال ليها اهلين شنو اهلا واحدة كفاية لووول يكه
اسع كمان انتي نقطة بس كفاية
تحياتي
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: هند محمد)
|
العزيزة هند،
7 سنين تجربة وزاد
7 سنين عاشهم الحب والليلة عيد ميلادو ياقلب
نسبع السبعة يعني 49 خمسة معانا الاتنين ونطلع بالواحد ماينص تلاته عيييييك بنكون بقينا اجدادنا القدما وكده
لكن تصدقي ماندمت عليهم اصلو
عقبالك كمان بعد شهر ونص نحتفل بيك بالسنة التانية وهديتنا ح تكون كبيرة لانو واقعة مع نهاية الشهر وكده لوول يكه
I HOPE TO YOU LIFE FULL OF JOY,HAPPINESS & SUCCESS
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: khalid fahmi)
|
الاخ خالد،
فاتو فاتو فاتو مش عابدة الشيخ بتغني كده
سبعين سنة اون لاين ياحبيبنا كتيرة والله بعدين بعد سبعين سنة ح تظهر حاجات جديدة غير الكمبيوتر والنت
يمكن ترقد على جنبتك اليمين تكون اون لاين وترقد على الشمال تكون اف لاين ولو رقدت على ضهرك تنجلد على بطنك لووول يكه
نتمنى لك عمرا مديدا ورزقا وفيرا
تحياتي
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: ريهان الريح الشاذلي)
|
الاخت ريهان الريح الشاذلي
تحية واحتراما
كل عام وانت بخير عمرا مديدا ورزقا وفيرا
العيد بقى عيدين خلاص نحتفل مع بعض ونقلل التكاليف مع الازمة المالية العالمية الحالية
انا بجيب الطورته وانتي عليك الشمع لكن الحضور ماخذلني وكده واحد جاااب ليهو هدية مافي ياكافي البلاء
البورد كلو طلبة ولا شنو لووول يكه ننتظر الشروق مرت من هناك ولا شنو انشاء الله نربح طقم عشاء
لكن كدي بعد مشاركتك معانا الحفلة الهدايا ح تتطاقش وح نفرش ليها مشمع في الواطة عالم جبانات بي شكل
خلاص انتي ردي على الاخوات وانا برد على الاخوان
كل عام وانتي بخير
زاتوووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: تيسير عووضة)
|
الاخت تيسير ،
ليه كل العذاب ليه كل الالم
يمكن انتو جيتو في الزمن الصعب وكده لكن زمان كان البورد جميل حتى المشاكل الفيهو لذيذة
ولا ح نزعلك اسع اقوم اشغل اغنية محمود سلامتك والالم بيزول كفارة وسلامة ليك يازول
لكن بعد الاغنية دي في اغنية بتقول
الحنين البيا ليه ماقدرو ما قدرو والعمر من وين بشترو وده كلو في شريط واحد انتي استمعتي بالاولى وانا بالتانية وكده نكون فيفتي فيفتي ويادار مادخلك شر
تحياتي وشكرا للمشاركة وربنا يديك طولة العمر والبال وحسن الفال وكثرة المال وقلة السؤال
زاتووووو
| |
|
|
|
|
|
|
|
|
|
Re: 14 مارس 2009م سبعة سنين بالبورد !! (Re: willeim andrea)
|
حبيبنا وليم اندريا
كن جميلا ترى الوجود جميلا ، ياخي انت عشان زول جميل بتشوف كل حاجة جميلة
عمرك قريب مني يعني انا بعد تميت الاربعين انت جيت لوووول يكه
يوم واحد خمسة مابعيد ياحبة نجي نبارك ليك في البوست بتاعك والهدية برضو جامدة الناس قابضين وكده مافي اي اعذار
تحياتي
زاتوووو
| |
|
|
|
|
|
|
| |
ALZOLZATOO
محمد عبد الماجد الصايم
Magdi Ahmed Elsheikh
HAIDER ALZAIN
SHIBKA
العوض المسلمي
عبد الدائم سيد أحمد
صلاح أبودية
abo ahmed
khalid fahmi
هند محمد
Muna Khugali
حامد محمد حامد
تيسير عووضة
ريهان الريح الشاذلي
willeim andrea
فيس بوك
تويتر
انستقرام
يوتيوب
بنتيريست