|
Re: مشاهد من المجتمع السودانى.... (Re: عبدالرحمن فضل الكريم)
|
لم يتحرك احد...فقط العيون فى محاجرها...ومن ثم بدأالهمس : ضرب الملازم كف!!... ضرب الملازم كف!!واستمر الهمس وهو يعلو الى ان سمعه فى آخر الممر البعيد : ياسعادتك ده ضرب الملازم كف . ـ وينو؟؟ هاتوه .... سمع الصوت صارخا من آخر غرف الممر البعيدة ومن ثم اقتاده احدهم.. ـ أهو ده ياسعادة الرائد... ـ ده؟...ده الضرب الملازم كف؟ ـ ايوه سعادتك.. ـ طيب منتظر شنو؟ ماتخلص عليهو؟ تناول الاخر بندقية قصيرة كانت على كتفه وسحب شيئا من جانبها فاصدرت صوتا حاسما ثم وجهها اليه... ـ اقيف...صاح الرائد ثم اضاف: ـ بتعمل فى شنو؟....امش وديهو بعيد...عايز تكتلوا لى فى نص البلد؟ نهبت نفس اللاندكروزر الارض ...سارت على الاسفلت الجديد لنصف ساعة ثم انعطفت يسارا على طريق رملى لنحو ربع ساعة قبل ان تتوقف ويتم انزال كركابى مقيدا... ابتعد عنه الرجال حوالى عشرة امتار وصوب احدهم ذات السلاح عليه جاذبا التأمين قال : ـ عندك اى وصية؟ ـ آآى ...رد كركابى بصوت واهن وعزيمة خائرة تلامس الموت.. ـ عندى قروش فى البيت....ووووووووو سرد كركابى مايقرب من الخمسة عشر وصية فاردا صفحة حياته كلهاليقرأها من يقف امامه قبل ان يسمع صوت احدهم : ـ خلاص..كفاية...اشهد ـ اشهد الا اله الا الله وان محمدا رسول الله... طااااااااااخ...... تهاوى كركابى ارضا وهو يتخبط فى غيبوبة الموت ..قبل ان يحس بصفعة على خده وصوت ضاحك يقول.... ـ يعنى بتعرف الخوف؟؟ ....قم...قم لقد كانت طلقة فى الهواء... اقتيد كركابى الى الملازم مرة اخرى فسأل هذا مندهشا... ـ ده لسه حى؟ ـ سعادتك ده طلع جبان ساكت... صفعه الملازم على خده بأشد قوة لديه وهو يقول : ـ امش...حظر التجول الساعة تسعة..لكن بالنسبة ليك انت الساعة سبعه
|
|
|
|
|
|
|
العنوان |
الكاتب |
Date |
مشاهد من المجتمع السودانى.... | عبدالرحمن فضل الكريم | 03-09-09, 09:22 AM |
Re: مشاهد من المجتمع السودانى.... | عبدالرحمن فضل الكريم | 03-09-09, 11:25 AM |
Re: مشاهد من المجتمع السودانى.... | عبدالرحمن فضل الكريم | 03-09-09, 12:06 PM |
Re: مشاهد من المجتمع السودانى.... | عبدالرحمن فضل الكريم | 03-09-09, 12:25 PM |
Re: مشاهد من المجتمع السودانى.... | عبدالرحمن فضل الكريم | 03-09-09, 04:55 PM |
Re: مشاهد من المجتمع السودانى.... | عبدالرحمن فضل الكريم | 03-10-09, 05:27 AM |
Re: مشاهد من المجتمع السودانى.... | عبدالرحمن فضل الكريم | 03-10-09, 08:07 AM |
Re: مشاهد من المجتمع السودانى.... | عبدالرحمن فضل الكريم | 03-10-09, 10:55 AM |
Re: مشاهد من المجتمع السودانى.... | عبدالرحمن فضل الكريم | 03-11-09, 05:31 AM |
Re: مشاهد من المجتمع السودانى.... | عبدالرحمن فضل الكريم | 03-11-09, 07:09 PM |
Re: مشاهد من المجتمع السودانى.... | عبدالرحمن فضل الكريم | 03-13-09, 03:13 AM |
Re: مشاهد من المجتمع السودانى.... | عبدالرحمن فضل الكريم | 03-15-09, 08:18 AM |
|
|
|