|
|
|
 Re: عماد عبددالله .... كوجان ... عصام جبرالله ... خدر (Re: خضر حسين خليل)
|
يا صاحب يا هدر
عماد عبددالله .... كوجان ... ... خدر
ياخى ما تلمنا مع النوعيات دى
اخوك معذور
- الانترنت يا دوب "بنوصل" فيها والقصة ملكلكة ... نزل و امسح وتلفونات
- قطعة النت جات بي فايدة اهو الواحد يمرق من الكوش الخشا فيها بي كرعينو براهو .... ندمان و سافي التراب
- بعدين اى زول طبيعي ومتوازن محتاج مره مره يبعد من الفلم ده شوية, موش البورد بس انما مرضة الانترنت زاتا, الناس مستهينة بالقصة دى لكن احتمالات الادمان - بالمعنى المرضي للكلمة - كبيرة جدا
- واشياء اخرى ان تبدو لكم تقعدو جمبي و تجعرو, اسال عماد و خدر
و يا خضر الكورة عيبا لى, او افرز
كورة السودان و لا بتاعت ناس ميسي و فابرقاس!!!!
طارق والرهط كيكى ما بتقصرو, يوم شكركم قرب و لا لسه?
رغيم قريبي المتلوم فيهو .. كتر خيرك على كل الكلام السابق, و نتلاقي في ساعة خير
النفسيات خليناها لى الله و سيدى الحسن
انصلح اللياقة ونجى
| |
 
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: esam gabralla)
|
خدر يا صاحب
| Quote: عماد عبددالله .... كوجان ... عصام جبرالله ... خدر |
بالله بطل أنانيّة!
تقعد تعزل السمح سمح، والباقي البشتريهو منو؟؟؟
الجماعة الفوق ديل كلو واحد خاتنو "وش بيع" في كوم، وما تسألني باقي الكوم فيهو منو؛ معقولة ياخدر! داير تخلينا out of business ولّ شنو!
___
السوق كعب يا قولك، إنت نسيت ولّ شنو!
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Yassir Tayfour)
|
Quote: أنا تعبان
والبوست دة بخليهو للسابلة يا فرد
غايتو شخصياً إعترف ليكم
المنبر بلاكم بايخ بووووخ
مبالغة |
ما اظن يرجعو قريب
غايتو ابراهيم دا يبقى لى فى السودان
كان ما اخاف الكضب
نعمنو طول ما اتصل تلفون الله والرسول دا فيهو حاجة ؟
برضو ما بتصل
وعماد دا شوفتى ليهو متين ؟
زمن طويل
امكن بقى مثقف صوالين واعتزل " وش ضاحك ما شديد "
شفت كيف ؟
شفت كيف مش ؟
خدر قاعد لمن شاكلنى قبيل فى بوست لقيتو مكوع وخاتى ليهو جبنة قدامو
وحارس بوست عبد الغنى
شفت كيف؟
شفت كيف مش ؟
بث
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: سلمى الشيخ سلامة)
|
سلمي
شفتي كيف
لا ماشفت وولا حأشوف زاتو !
كوجان قال اليوم (مطارات)
يعني إشارة غميسة
باكر شكلو حيكوجنك بي تلفون
ويحكي ليكي عن ساقة الناقة
البقت قندهار وسوق السمك
في الموردة !! والله الناس ديل عندهم سمك مبالغة
يا سلمي لو مشيتي هناك لازم تصليهم!!
عماد قال عايز يربي عيالو
اتخيلي بس!
ياخ أنا ماش أشوف لي سندوتش يسندني ياخ
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: esam gabralla)
|
إسام
ازيك ياودجبرالله
حنككـ بيش ساي ! قال ماعندي نت !
ومبروك عليك ندمك ! أهو (الندمة بتصلح المشية) عارف يا عصام وحاة الاخوة أنا ذاتي
ندمان وسافي التراب علي مليون حاجة والغريبة كل الملايين دي دخلتها بي رجليني زيك
غايتو بس ربك يهون !
طبعاً يا عصام بي صراحة انا فقدتكم شديد ! يعني زي ماتقول كدة وحشتونا عديل
هسي الصباح لما جيت لقيت مداخلتك قعدت أكورك
ربح البيع
ربح البيع
بما إنو الواحد قاعد في السعودية (بنين) والزهج حاصل !
ياخ أرجعو ياخ
بعدين بلاد برة دي برضو فيها ناس الانترنت قطع والتلفون ماعارف حرارتو كملانة
وأنبوبة الغاز فضت ! طيب حارسين شنو ياخ !
بالمناسبة حأديك لمحات من المنبر هذا الصباح !!
(1) محمد عادل صاحبنا من أمس بالليل شايف مركب كرونة (شهيد) وفلسطين دي غالباً
ما حتتحرر !!!
(2) بقال قبل يومين مشي تنقش تنقش تنقش فتش أجبن فنان نوبي الله خلقو
وقال عامل اهداء للحفاويين ! شاكلناهو كالعادة !
(3) أمس بالليل قيل يا عصام والعهدة لي روغيم إنو مرينا بي مطب إلكتروني عد فات
بالسلامة !!
(4) بقال زاتو عمل ليهو بوست مفيد علم الناس ينزلو الأغاني ! لكن الناس كالعادة
عذبونا عذاب !! ياسر بيناوي صاحبي عمل بوست بتاع اهداء
المهم نزل خمستاشر فنان ومشغلهم أوتاماتيكي توماتيكي ولك أن تتخيل!!
ياخ أنا زهجان عديل
| |
|
|
|
|
|
|
|
|
 Re: عماد عبددالله .... كوجان ... عصام جبرالله ... خدر (Re: خضر حسين خليل)
|
يا خضر حسين يا صاحب
وأبدأ قولي بالسلام.......
يا أخوي انت ذاتك بركة بالجية، واليومين دي أنا متكيفة.. بدخل على أطراف أصابعي أقراك وامشي بهدوء.
وسلام للمواطنين الكرام عماد الذي لا تضاهيه الصفات، وكوجان أخو اللون، ثم عصام جبر الله -جبر الله كسره، وأسكنه فسيح جناته مع من تم تطقيعهم في هذا المكان، وأنا منهم بالتأكيد، وأخيرا خدر الفنان البطنو طاااااامة من الحاصل ده، ونفسي يستمر في فكرته ويعمل لينا "ميني بورد" على شكل snacks سريعة (وقيل لنكات) في البوست بتاعه بي هناك، عشان الواحد يدخل يتزود منها ويقوم جاري بسرعة قبل مايصاب بداءٍ عضال، والله أعلم.
يا سيدي البورد بقى ديوان رجال كبيييير، وفيه كورة شغالة أربعة وعشرين ساعة، وعلب بيبسي فاضية مجدعة في الأرض، وفشار، نصه في التربيزة ونصه مدفق في الأرض برضو......... ثم هنالك أحذية - وبراطيش الله يعزك- بتتطاقش يمين شمال.........
وإني لأكاد أشم رائحتها في بعض الأحيان.
والله يعزك برضو.
ولا أصابكم مكروه في عزيز لديكم.
وإنا لله وإنا إليه راجعون.
..
كدي خليني أمشي أشوف لي فيلم هاري بوتر ينفعني!
إيمان
| |
|
|
|
|
|
|
|
|
 Re: عماد عبددالله .... كوجان ... عصام جبرالله ... خدر (Re: محمد سنى دفع الله)
|
.
ثم إني يا خضر قد نسيت الوحش الجالس في باب المنبر، يزأر ويجأر بي كلما قربت من المكان..
والوحش ده قااااااعد مع الهاكر كتف بي كتف، شفت كيف؟!
وفي رواية أخرى قيل أن أخونا بكري -ربنا يوسع عليه- ربط الوحش ده في خشم باب البيت ليتفادى به الهجمات المتوقعة، لكنه ، أي الوحش،
طفشني وخلاني ما أقبِل على المكان ده إلا للشديد القوي.....
وبرغم كل ذلك، متين ما أجي، يقول فيني جررررررررر، إن شاء الله كان نص الليل. لذلك يا أخي تفاديت دخول المنبر بعد حلول الظلام.
..
كما وتوجد - في رواية شاهد عيان- عدد واحد قطعة ملابس داخلية حريمي، مرصعة بالألماظ.... كتلك التي ترتديها بنات الثانوي في بعض البلاد، أو في روايةٍ أخرى برضو من عينة الهدوم المستعملة التي تأتي من أوربا والدول المتقدمة، وتباع على عينك يا تاجر في أسواق وكالة البلح بالقاهرةِ السعيدة............ وقد شوهد المذكور أعلاه، برضو، معلقا على حبل غسيل المنبر - عفوا، أقصد على بوابة المنبر. والله على ما أقول شهيد.
والعاقبة عند الجميع في المسرات.
ولا حول ولاقوة إلا بالله العلي العظيم.
وأرجو ألا تتسبب رواية شاهد العيان التي أوردتها هنا في أن يجرف الطوفان مكتوبكم هذا، وعليه أردد معكم: أحدٌ أحد.
(وانا ماجبتش حاجة من عندي بأه)
وشوف ليك فكي مااااكن يحوط ليك البوست ده عشان مايغتس.
..
إيمان
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: إيمان أحمد)
|
Quote: يا سيدي البورد بقى ديوان رجال كبيييير، وفيه كورة شغالة أربعة وعشرين ساعة، وعلب بيبسي فاضية مجدعة في الأرض، وفشار، نصه في التربيزة ونصه مدفق في الأرض برضو......... ثم هنالك أحذية - وبراطيش الله يعزك- بتتطاقش يمين شمال.........
وإني لأكاد أشم رائحتها في بعض الأحيان.
والله يعزك برضو.
|
ايمان انا بضحكـ من الصباح في الوصف الحي ده 
__
الله يريحكـ .. ريحتيني
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
إيمان أحمد
لاحولتن ولا قوتن
ازيك ياخ
انت زاتك وين في الدنيا العجيبة دي ! لميت في عجاجك في الفيس بوك
قلت ياربي هي لولا ماهي ! علي كل مشتاقينك والله وفاقدينك رسمي
ثم انك بقيتي ما بتكتبي
قبل يومين عوض هرون صحبي كان بفتش في بوست بتاعك ! قلت ليهو بوستات
إيمان دي غالباً بتكون (ذهبت أدراج الهكر) !
دقيقة أكمل كباية القهوة دي
ونشوف حكاية
السوق الكعب دة !!
تحياتي إيمان
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
صديقي خدوري
أيامك ورد يا صديقي
المرقت عوض هارون تمرق الباقين يا أخوي
عماد عبد الله غاتس في خرطوم السجم والرماد دي يجابد في الحياة
وكوجان يكوجن في لياليها وهو مغادرها بعد يومين تلاتة
والخرطوم يا خدر ... الله لا وراك
الحمد لله سافرت قبل (ميدان جاكسون)
والله يا خدوري حركاتك البتعملها في السوق العربي ديك ... إلا كانت تجيب خبرك بي كتمة نفس ولا أزمة
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Ishraga Haimoura)
|
الأصحاب الهِنا ..
سلام و تعظيمات كتيرة
خضر ياخي مالك علينا !!
يقول أهلي الدناقلة - في معرض حرصهم التاريخي و " عملهم " لحسابهم - :
( ياخينا .. الحجر ما عندو عين ) .
فياخي جنس دُراب واحد فيك يا هذا البكان !! .. إنّا لله .
و أنا زول خواف .. و داير أربي عيالي .
( كوجان و عصام و خدر ما بيخافوا .. و عيالهم صغار ) .
أها فوق العلي ده .. تقوم كمان آخر ما آخر تجينا أم بريضة وللا أب فهّاق .. أو حتى حِسكِنّة في الكُتاش ..
أودّي وشي وين بعدين ؟
.....
نشد ليك واحد تلفون أنصاص الليالي ..
و لبقية الصابئة المذكورين .. يعوضنا الله .
و ياخي ليك شوقة .
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Emad Abdulla)
|
يا عماد
وينك ياخ لاحولالالالا !!
قلت لي عايز تربي العيال !! ياخ إنت راجل بوليس سابق
والبوليس ما بخاف ولا كيف !
هسي أنا مبسوط يعني تلاتتكم جيتو باقيلي
يرجع خدر الزهجان
بعدين ياعماد
وحاة أخوتك أنا زهجان شديد
البورد بقي رامي إشارتو يمين طوالي
لافي ما لافي رامي الاشارة
وأخوك سواقتو بقت كعبة بعيد عنك
سواقة خلا وقيزان وسفنجات
يعني الكتاشات بي صراحة معرضة للخطر
وكما تعلم أخوك وش بتاع !
عاين ياخ أنا مشتاق ليك عديل
بطل ياخ
وأبقا داخل كرهتونا البورد الله يعلكم عللللل
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
| Quote: انت الناس السمحين ديل كلهم تختهم كلهم كده ما بسحروهم |
خضر شوف عينى كوجان اعراس وحفلات وهو احتمال كبيييييييير ما يرجع تانى
عماد قصة اختفائه دى طالت طول
خدر القهوة تنفعه لكن ما يشربه براه مش؟؟؟؟؟؟؟؟؟؟؟
عصام ظهر و هتفنا ليه تجوا عايدين للمنبر تجوا عايدين
وماكلمتك الجندرية ساطت الباسويرد بتاعها وحردتنا عدييل كدى اها عاد نقبل وين انحنا
ولا اقول ليك انقعد نصاقر كدى انا وانت
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: GamarBoBa)
|
ياخضر
المناكيد ديل كويس انهم جو رجعين
والا كان شكلنا لهم رهطا من فريق زنقو يوريهم الويل..
كوجان يا جبنة بعت القضية الكيكية واصبري لي انت والمشترك1 والمشترك 2
عماد رغم في شوق سحابة حاصل الا اننا نردد (خلي يوووولي)
عصام جبرالله..شهوة ملاقاة في زقاق ضيق وفي يدي مرق فور ويل درايف
خدر يا اونطة اديناقروشنا يا زول
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خدر)
|
خدر
ازيك
مشروع القطيعة دة مية مية
بخصوص التعديل كنت كاتب ياخدر
ياالله أعصف بهذا المهرجان
شفتها
ما جايبة حقها
حاولت إعتذر ليك ولي محجوب
برضو قلت طالما اتعدلت مافي داعي
ـــــــــــ
في زولة قطعت معاي في فنيلتك دي
قالت لي خدر دة شكلو راقدلو فوق راي
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خدر)
|
خدر
ازيك
مشروع القطيعة دة مية مية
بخصوص التعديل كنت كاتب ياخدر
ياالله أعصف بهذا المهرجان
شفتها
ما جايبة حقها
حاولت إعتذر ليك ولي محجوب
برضو قلت طالما اتعدلت مافي داعي
ـــــــــــ
في زولة قطعت معاي في فنيلتك دي
قالت لي خدر دة شكلو راقدلو فوق راي
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Ishraga Haimoura)
|
إشراقة حيمورة
تحياتي الحارة صديقتي
والله ليكي وحشة شديدة ! والله غايتو أنا حزين
علي سوقنا العربي الراح شمار في مرقة المتعافي
وأهل اليمين !! جاكسون جاكسون مافرقت يا اشراقة
لكن تاني كيف نمشي أتني والسلطان الشامي
بعدين ياخ المظاهرات زاتها تاني الا تتحرك للمزن بيتش
ومنتزه المقرن !! غايتو الله يعينكم !
بالمناسبة أنا زاتي الله يعيني !
ياخ مشتاقين شديد والله !
بعدين نادية السر وأزهري هاشم
وبقية الشباب أخابرهم شنو!!!
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Emad Abdulla)
|
ياعماد
أمرق النصيحة كاملة بالله
الزولة دي صاح أخونا وأي حاجة وبالغت صراحةً يومتا
لكن بالجد هي ما جابت أي سيرة فسيخ وملوحة!!
هي لأنها ذكية قالت خدر تأبط
شراً دي وباقي الإكسسوارات لبستها إنت سئيلي الله
في مداخلتك الفوق !
بعدين ياود التوم
الزول دة نهائي ما دافع عنك والله كان ميت من الضحك
ويقرقر قرقرقرقرقرقرقرقر
الوحيد الإعترض أنا دة وقلت ليهم بكلمو والله
عالم جبنات بشكل!
كدي قوم لف كدة ياخ
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: Emad Abdulla)
|
Quote: الزولة دي ما قالت راقدلو فوق راي ..
قالت : ( تلقى تأبط شراً ، و يا ريحة الفسيخ الطاّقة يا مولاي ..
.. و حليل المخدة المتوسدة دي البقت مخلل ) ..
|
بلاهي اتاري الكلام لي انا !
والله قايلو للمسنوح خضر التاني
شايفكم اقتراحي ده نفذتوهو قبل ما اقولو
تقطعوا في صورتي يا اوغاد
ياخي دي صورة دفع البعض فيها 9 اكياس من الدنانير
تقول لي اباط و مخلل
و كمان فسيخ !! .. ياااي , سوفاج خالص
__
الفسيخ ده موش السمكـ المابستحمي داكـ 
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
يا خضر وكوجان وعماد وخدر
انتو جيتو كلكم؟
عندنا زول صاحبنا بحب الجكس زى عيونو
قام جكس تلاته فى وكت واحد
يوم بالصدفة الجكس اتلاقى واكتشف انه المجكس واحد
قومو يا لتلاته اركبو تكس وكررررررر على بيت المجكس
كان فى داخلية المعهد
المهم
واحد جا مارق الجكسويات قالو ليهو
ـ لو سمحت نادى لينا ....
قام فلان دا جا لقا ليك الجكسويات التلاته
ارضا سلاح
انخلع وقرب يغمى عليهو وال الله جاد بيهو عليهو انه قال
ـ هى ؟ انتو جيتو كلكم
بركة الجيتو ويا كوجان مستنية تلفونك بالتفصيل الممل
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: سلمى الشيخ سلامة)
|
خضر يا صديق
لقد خطف البوستين مرة أخرى على مرمى بصر القراء الكرام..
لا أدرى كيف يفكر هذا الأدمى المريض حد الهوس..
يمكننا المخاطرة بالقول إن القبح والفرجة عليه هو أصبح خبرة بالمنبر ..
وكما ذكرت أنت يا صديق علينا أن نحقن الترياق بكى بورد الكثيرين ضد كل ما هو قبيح وقيح..
لن نترك تجاوز المعيار الذي وضع بالمنبر للممارسين لهذا العبث الاستفزاذى الذي حول كل شئ واى شئ لتشكيل مشّوه ..
التحية لكل الجميلين الذين ذكرتهم يا صديق ..
أنعم بما سيكون حتى المستحيلات..!!
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
تحية يا شباب وبركة
بالجمعون (حسب لغة الجيش)
خدر يا طارق ابوعبيدة
السويتو في الاغنية دى جد ما عجبنى
هي اغنية وعندها شاعر ومغنى وطلعت
للعالم ده اغنية اغنية ياخ وشاعره
كان عايزه كده اظنو كان سواها كده
فياخ الكلام ده اعوج عديل منك ايوة
نعم ممكن تاخد اللحن وتسوي بيهو العايزو
بس تقول بداية الاغنية وتدخل كلامك ده
ده الاعوج امو بت اعم ابوهو !!
وبالجد متفهم احساسك وكلماتك القلتها دي
بس ما مسامحك ابداً زي ما قلته ليك .
يُحكي فيما يحكي أن صديقنا عاطف خيري باشا
في أحد الجلسات بقاهرة (الرجال) مع بعض الاصدقاء
ترنم أحد الجالسين في الجلسة باللحن الخالد لعطر
الغناء السوداني (البلابل) وكانت الاغنية هي :-
مشوار وحين وصل إلي (قلنا نجرب الصحراء ) قال:-
قلنا نجرب السكرة فما كان من عاطف خيري باشا إلا
أن ثار وصاح لا لا لا عندها شاعر تعب فيها وقاله كده
أنت لو عايز تجرب امشي جرب في حقك براك .
والعُهدة علي الراوي (قاسم المهداوي اخونا في هذا الفضاء)
وهسي يا خدر لا لا لا .
اخوك
سفيان
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: سفيان بشير نابرى)
|
Quote: تحية يا شباب وبركة
بالجمعون (حسب لغة الجيش)
خدر يا طارق ابوعبيدة
السويتو في الاغنية دى جد ما عجبنى
هي اغنية وعندها شاعر ومغنى وطلعت
للعالم ده اغنية اغنية ياخ وشاعره
كان عايزه كده اظنو كان سواها كده
فياخ الكلام ده اعوج عديل منك ايوة
نعم ممكن تاخد اللحن وتسوي بيهو العايزو
بس تقول بداية الاغنية وتدخل كلامك ده
ده الاعوج امو بت اعم ابوهو !!
وبالجد متفهم احساسك وكلماتك القلتها دي
بس ما مسامحك ابداً زي ما قلته ليك .
يُحكي فيما يحكي أن صديقنا عاطف خيري باشا
في أحد الجلسات بقاهرة (الرجال) مع بعض الاصدقاء
ترنم أحد الجالسين في الجلسة باللحن الخالد لعطر
الغناء السوداني (البلابل) وكانت الاغنية هي :-
مشوار وحين وصل إلي (قلنا نجرب الصحراء ) قال:-
قلنا نجرب السكرة فما كان من عاطف خيري باشا إلا
أن ثار وصاح لا لا لا عندها شاعر تعب فيها وقاله كده
أنت لو عايز تجرب امشي جرب في حقك براك .
والعُهدة علي الراوي (قاسم المهداوي اخونا في هذا الفضاء)
وهسي يا خدر لا لا لا .
اخوك
سفيان |
سفيان سلامات
عندي كلام كتير اقولو ردا علي مرافعتكـ العظيمة دي
لكن جبرا لي خاطركـ و احتراما لي زعلتكـ دي
سحبنا الاغنية و معاها اعتذار كمان
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
Quote: رغيم قريبي المتلوم فيهو .. كتر خيرك على كل الكلام السابق, و نتلاقي في ساعة خير
|
عصام جبرالله
كيف حالك والاهل
مافي لوم و مابيناتنا غير المحبه والموده
و ايجاد الاعذار لبعضنا
هذا البورد يسبب التوهان
لأنه ليس لديك الخيار
ولك حرية ان تكتب ما تشاء
وغيرك له حرية ان يرد عليك
كيف ما يشاء
فشلت نظرية الرقابة الذاتيه
لأن الانفعال هو سيد الموقف
وإدمان البعض
التنكيد حتي يصبحوا كبارا في عيون ذاتهم
جعل التوهان يصبغ الحوش
بلونه البعري*
* البعر من أدب السياسة السودانية
ولا علاقة لها بأدبيات البورد
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
Quote: (عدل بواسطة خدر on 13-01-2009, 08:09 م)
|
عدلت (سنو) يا مولانا ؟
ليه كدة ياخ
البوست دة موش حقي
ما تكتب وتنزل وتعدل بي مزاجك ياخ ؟
ــــــــــ
أخانا
بقاهرة (الرجال)
شقيان شريط
بس أوعك تقولي لي لالالالا
أبوي سماني سفيان
ياخ ما تحكها ياخ
نحنا زهجانين
شديد
هسي أنا عايز سجاير وتمباك رأيك شنو ؟
بعدين دي بتدخل في عداد السربعة
يا فردة !
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
Quote: سفيان سلامات
عندي كلام كتير اقولو ردا علي مرافعتكـ العظيمة دي
لكن جبرا لي خاطركـ و احتراما لي زعلتكـ دي
سحبنا الاغنية و معاها اعتذار كمان |
خدر اخوى وصاحبي
جبار خواطر بحالك وطبعك
ومحنة صوتك وبي طلتك في
المنبر ده ساي
وانا بكون اكتر فرح
بانك تجي تقول لي كلامك
وقطع شك ح اسمعو بتركيز عالي
سفيان
| |
|
|
|
|
|
|
|
|
|
Re: عماد عبددالله .... كوجان ... عصام جبرالله ... خدر (Re: خضر حسين خليل)
|
خامرني شعور - والله أعلم- بأن البوست أصابه مكروه من النوع إياه...
لكن بعد عودة الموقع سالما اتضح أنه مازال يسير وفق جميع قوانين المرور... والسلامة.
سلامات ياخضر... قلت لي كتاب الوجه الذي أرق أهل فرعون؟!
خدر...
Quote: ايمان انا بضحكـ من الصباح في الوصف الحي ده
__
الله يريحكـ .. ريحتيني |
من العلي... إنت صابر على البورد سنة... أنا من 2006، وبرضو مافييييش فايدة
| |
|
|
|
|
|
|
| |
خضر حسين خليل
عبدالكريم الامين احمد
طارق جبريل
Magdi Ahmed Elsheikh
osman righeem
Yassir Tayfour
سلمى الشيخ سلامة
سفيان بشير نابرى
Khalid Kodi
إيمان أحمد
محمد سنى دفع الله
خدر
ibrahim kojan
Ishraga Haimoura
Emad Abdulla
GamarBoBa
انعام عبد الحفيظ
فيس بوك
تويتر
انستقرام
يوتيوب
بنتيريست