|
|
 يوميات شاب مشكوش عاوز يتفشى..
|
لو قلت عنك بأنت قبيحة فقد كذبت أيتها الجميلة، لكنك وللأسف الشديد إنسانة انتهازية
باعتني لأول مشتري وبأبخس الأثمان.. هذا قدري وأنا أؤمن بالأقدار، ولولاها لما أحببتك،
فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك
ولأحببت صديقتك هالة فهي تفوقك في كل شيء، في الخلقة والأخلاق، لكنني ماذا أفعل مع حظي
العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة.....
لكنكم لو تعرفون باعتني لمن لازداد كرهكم لها؟
باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو
وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق
شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية
نحبها ونحب ناسها.. وتانياً هو مغترب وين يعني؟ مغترب في فنزويلا ولا تركيا ولا كوبا ؟
ما مغترب ليهو في دولة أقامت علاقات تجارية مع إسرائيل.. يعني ممكن يكون شغال سواق طيارة
إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى
البتكتب في منبر سودانيز أونلاين المنبر بتاع المعارضين بتاعين الضللة، البقى مسيطرين عليهو
الكيزان..
يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟
ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان
في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم
مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة
سنوات؟
والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة
عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز
يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني
الأصيل.. وأنا في الأول نويت أخرب الحفلة لكين من لقيت فيها الفنان الأشتر ده قلت مافي داعي، الحفلة
براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان
ممكن يرقص ويبشر ويسكسك سكسكتو الشتراء دي؟
وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل
القروش الأكلتني مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك
الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف..
قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة
وعصير التانك الكنت بجيبها ليهم كل يومين تلاتة..
أما أبوك الجبهجي الضلالي ده فعندي معاهو حساب طويل عريض.. المنافق كان طوالي ينادي لي تعال يا
أيمن يا ولدي.. بالله في زول بشكوش ولدو؟ أنا كان ما سجمان أناسب لي زول كوز.. ديل انقلبوا علي
شيخهم ما بنقلبوا علي أنا المسكين! بس أنا بتمنى الحكومة دي تتقلب وأبوك ده يروح في ستين داهية ..
وإن شاء الله بركة الشيخ العليش كلكم يسوقوكم لاهاي، وأنا من هسه مع محكمة الجنايات الدولية قلباً
وقالباً.. إن شاء الله تطلّع روحكم يا مجرمين يا البتشوكشوا أبناء شعبكم.. وبعد كده نحن ما حا نسكت
على الظلم والتهميش.. وأقولها ليكم بالفم المليان.. حلايب مصرية.. ونحن مع حق تحرير مصير جنوب
السودان.. وبنتضامن مع كل حركات التحرر في العالم..
الناس قالوا أيمن ود عابدين حايبكي ويتأثر، لكين لما شافوني في الحفلة عرفوا إنو عابدين ولد ليهو
سبع.. لا بهموا شاكوش ولا بهموا ضياع القروش.. هيييع أنا أخوك يا رشا..
ونحن ناس أهلنا ربونا علي القناعة والصبر عند المصائب.. بس عندي كلمة للعريس إن شاء الله لما ترجع
الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات..
وإنت يا العروس.. أنا ما بحقد عليك، لكين بتمنى من الله، أصلو ما تضوقي سعادة مع عريسك أب كرشة ده..
وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان
تلحقوا أمات طه..
الله أكبر عليكم.. يا أعداء الحب..
|
|
 
|
|
|
|
|
|
|
|
Re: يوميات شاب مشكوش عاوز يتفشى.. (Re: DEYAA MOHD)
|
Quote: والله ياخوي نصرالدين نحنا معاك قلبا وقالبا
وانشاء الله تتحققك كل امانيك وتتفشه فيهم
لكن بني وبنك الظاهر ده شاكوش حار طالع من النافوخ
الله يكون في العون |
سلام يا ضياء وصباح الخير والنعيم عليك..
صاحبنا يا ضياء بعد القالوا ده كلو مفتكر نفسو راجل صابر على المصائب..
ما خلّ إنسان ما أداهو في راسو حتى الولد المسكين البرسلوهوا للضحاكات،
ما سلم من حملاتو الانتقامية..
الراجل حاول يصبر لكن الشاكوش كان أكبر من احتمالو..
أقول أصبر على الشاكوش تخوني القوة والشدة..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: Nasruddin Al Basheer)
|
سجمي سجمي يا أيمن كمان عندك عين تكتب في الاون لاين تقول مشوكش (غداة ) الفالنتاين
سجمي تاني و سجمي رسمي يا أيمن البتقول بتي انتهازيه و بتقييم الراجل بالماهية ...
احي يا بنات أمي أيمن ود علوية اب شهادة اكمال الثانوية .
كدي براحه قولي كدي بشويش حدثني و بالاشاره فهمني متين بتي خت بالا ليك يا الماشي و مسبل عينيك ...
كر كر كر اتاريك موهوم وعصايه لبسوها هدوم . والله من يومك قلبي مابيك وكنت لي العين الحمره دايره أوريك ...
الا عمك قال اخليك داير ياخد الاجر فيك
اتوسط ليك في كلية الجيش لقوك فلات فوت وعيونك بيش
شافليك كلية الشرطه طلع سجلك فيهو ورطه
قالوا قبل كده مقبوض بي شنطه
شاف ليك ناس الحسابات لقوك قادي رياضيات
وخطك نملايه مرقت من دوايه
احييييييي يا مالك روحي
قال البايلوت ما سواق
نان يا الغبيان و نان يا السجمان
السواقه دي كليته وين يا الرمدان
انت ما فاقد تربوي ما سمعت كلية علوم الطيران
واللا قايل الطياره فيها كلتشي و ابنصي و شكمان
احيي يا حبان قساي
شوفن الليله ايمن المهجوم المرجوم
القال انا كنت بشيل منو قروش الهدوم
يا يابا و بركة راجل الغابه و الفكي اب نشابا
القلتو في بنيتي يقعد لك رتابا و حراسه و انقفل بابا
و بجيك راجعه يا ايمن
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: سارة علي)
|
نان راجل بتي قايلو اغترب عدمان وللا معارض السلطان
ما ناس الشركه جوهو و في الهلتون نادهو و في السويت جلسوهو
وفتحت خشمن قالو ليهو شوف يا مستر عثمان
انت رشحوك خبراء الطيران و صاحب السمو فيك غردان
وقالينا امشو ليهو وهو البتشرط و انتو وافقو ليهو بدون ابيان
احي يا ايمن يالفطورك فسيخ وغداك بطيخ
الحقني يا بنات أمي
القال راجلي كوز
ومالون الكيزان يا مايل الصيبان يا كناسة الدكان
ديل ماناس التمكين الجددولنا الدين
العرسو السكرتيرات و جابو المسيار لي التانيات
مالون الكيزان ناس القومه العمرو دار المايقوما
بقضي في ايدي و ارجع ليك يا أيمن
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
قلتي كيزان يا العافاك الضبان
نسيتم يا الجيعان الشغلوك في حملة رش الخيران
قايلنا ناسين يا البعت الجمكسين
قلتي باعو شيخهم يا سجيمان
نان كان شيخهم غبيان
وقال ينتخبوا الولاه ويترشحو الناس مع الكيزان
ما يهو صح خرفان
هو كان داير الانتخابات يا عدمان
كان زمان قاليهم ودونو لي السجان
وانتو اقلبوها وانا بجيكم بعد ترتبوا المكان
أجي يا ود أمي انتخابات بعد التمكين والهيلامان
والبترول لسه طالع ما اتهنيننا بيهو كمان
كدي يا ايمن كلمه كدي ترضي ربك شيخهم ده ما هبلان
انتخابات قال والناس الباقين يجوا سوا سوا مع الكيزان
قال جنائية و أوكامبو زعلان
امشي العب غادي يا جربان
اوكامبو قال
اوكامبو مدعي محكمة النسوان
عشنا و شفنا حقارة النصاره الامريكان
رئيسنا يحاكموه النسوان
و برجع ليك يا ود علويه
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
اوكامبو قال
اوكامبو مدعي محكمة النسوان
يحوق وين مع الكيزان
انت يا هوي ما سمعت قالوا المرا كانت بقت فاس ماب تقطع الراس
محن بقن قضوات و يحاكمن روؤساء الجمهوريات
و ناس الكيل بمكيالين بيعملوا من الفسيخ شربات
اوكامبو منو البيلاعب الكيزان
ده بن لادن ذات نفسوا مرقناه عدمان
وكان قعد كنا بعناه بيعت الملح للامريكان
اجي يا ود امي كمان حصلت الدعيان
سالت الله وبجاه رسول الله وحملة العرش و الملكان
تتفنش انت قبل تشتغل يا صرمان
وبي بركة من صلي و قال يالله تتعوج عليك شقيش ما تقبل يا غبيان
وصح قالوا اتقي شر من احسنت اليه كمان
يا راجل الشيكيل بي جاهك ايمن ود علويه الشاكوش يعقبو البرطوش
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
اوكامبو قال
اوكامبو مدعي محكمة النسوان
يحوق وين مع الكيزان
انت يا هوي ما سمعت قالوا المرا كانت بقت فاس ماب تقطع الراس
محن بقن قضوات و يحاكمن روؤساء الجمهوريات
و ناس الكيل بمكيالين بيعملوا من الفسيخ شربات
اوكامبو منو البيلاعب الكيزان
ده بن لادن ذات نفسوا مرقناه عدمان
وكان قعد كنا بعناه بيعت الملح للامريكان
اجي يا ود امي كمان حصلت الدعيان
سالت الله وبجاه رسول الله وحملة العرش و الملكان
تتفنش انت قبل تشتغل يا صرمان
وبي بركة من صلي و قال يالله تتعوج عليك شقيش ما تقبل يا غبيان
وصح قالوا اتقي شر من احسنت اليه كمان
يا راجل الشيكيل بي جاهك ايمن ود علويه الشاكوش يعقبو البرطوش
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
| Quote: .. هيييع أنا أخوك يا رشا.. |
نصر الدين بشير
الاسم الحركي ايمن
اها بس رسا دي إنشا الله ما تكون ماخوده !!!!!!!!!
عشان نخت حجرنا قبل المغتربيت ابان صلع وكروش ديل يجوناطايرين ولا شنو يا القردابي وجماعتو
عاطر الود
خلينا نتلاقى يا جميل
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: احمد العربي)
|
Quote: نصر الدين بشير
الاسم الحركي ايمن
اها بس رسا دي إنشا الله ما تكون ماخوده !!!!!!!!!
عشان نخت حجرنا قبل المغتربيت ابان صلع وكروش ديل يجوناطايرين ولا شنو يا القردابي وجماعتو
|
أنا الاسم الحركي بتاعي عقرب الصعيد وأنا من مواليد برج العقرب..
بس متضامن مع أيمن، ولولا خوفي من أن أتهم بعدم الموضوعية لكتبت
بوست بعنوان (وقعوا من أجل عودة سحر لأيمن)..
لكن شاكوش أيمن برضو منو فايدة، إنو خلانا نشوفك بهنا..
مشتاقين يا عربي وعساك بخير.. أظهر يا رجل وخليك قريب..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: سارة علي)
|
العزيزة سارة علي
لك التحية والتجلة
أنا شاكر ليك ثناءك العظيم وذوقك السليم..
وربنا يديم عليك الضحكة وشراب الشاي..
شاكوش أيموني كتّر محلبية الكتابة عندنا..
لا أراكم الله شاكوشاً في عزيزٍ/ةٍ لديكم/ن
حرام والله نجرّس شباب البلد بالشكل ده،
ما كفاية عليهم الخدمة الإلزامية،
كمان تجيب ليها شواكيش.. الله في..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
Quote: احييييييي يا مالك روحي
قال البايلوت ما سواق
نان يا الغبيان و نان يا السجمان
السواقه دي كليته وين يا الرمدان
انت ما فاقد تربوي ما سمعت كلية علوم الطيران
واللا قايل الطياره فيها كلتشي و ابنصي و شكمان
|
جاييك برواقة يا سميرة بوبار يا محطمة قلوب الأولاد الصغار..
حأجيب ليك كشف طويل عريض بقروشي الأكلتيها ودخلتي بيها في الصناديق..
حتى التذكرة الأشتريتها لولدك العرور السفرتيهو أمريكا عندي منها صورة..
أصلي ما كنت هاضمك وعارفك بتاعة بوبار ومرة بتحبي الفشخرة وحق الناس عشان
كده عامل حساب لليوم ده..
أنا استاهل عشان ما سمعت كلام أمي..
من يومها قالت لي أختا ليْ المرة الصلباطة المتصابية دي..
إن شاء الله الشاكوش تضوقيهو في ولدك بتاع أمريكا..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: Nasruddin Al Basheer)
|
احييييييييييي يا قلبي
مالك عليا يا ولد علويه
قلتي بوبار يا يابا البابور المارق من السكه
وقروش شنو يا ابوقروش كان عديت ليك الجاتو بتحت الاتو
واللا عصيدة الدخن عندي انيميا يا خالتي
خلال السخله يا انتا اليفقرك حته حته
نان يا ممقوس سفر امريكا قايلو مطلوق واللا فاركنو سبروق
ما بي ناسو و جهازو وعديل اوراقو و تأشيرة جوازو
قلتي داير ناس الاون لاين يضامنو معاك يضمك اسنوكا و يسويك باروكه
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: Amany Elamin)
|
Quote: كابتن طيران عدييييييل كده..
معليش لكن أيمن ما بينافس ..
الحمد لله رغيم أداه قلبه..
|
مرحب بيك أماني الأمين وأنا سعيد بطلتك
كباتن الطيران أكتر ناس بنضحك عليهم خاصة لو كانت نسيبتو إنسانة زي سميرة بوبار..
وأيمن رماهو حظو العاثر، وللأسف بعد الشاكشوش جابت ليها طعن في مؤهلاتو..
لكن الزمن جدير بتأديب سميرة بوبار وأمثالها..
مشكورة على الهدية وحانتابع معاك الرحلة..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: اميمة مصطفى سند)
|
Quote: دي ما في زول سبقك عليها..
|
تحياتي يا أميمة مصطفى سند ومرحباً بك..
التطور حصل في كل شي، حتى في أساليب الدعاء على الإنسان..
الناس بتحب الاختصار، بدل تقول لإنسان يضربك الضريب، والضريب ده
ذاتو ما معروف شنو ، رغم إنو في ناس قال عليهو هو الضرائب بلغة اليوم،
رأيت أن يكون الدعاء مباشر وبآلة دمار شامل فما لقيت أقرب من سودانير،
لأنها سريعة المفعول وما فيها رقاد مستشفى..
Quote: تسلم من الشواكيش وتسلم شوكشتك الاسعدتنا...
|
ربنا يبعد الشواكيش عن أبناء الشعب ويديم عليك السعادة والسرور..
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: osman righeem)
|
أنا ما بستمع لتحاريفك وتخاريفك أصلك نجارة موبيليات كلام تفوقي ناس سعد الله للأثاث..
أنا عارف سر حقد علي وعلى أمي وأبوي..
كنت بتحبي أبوي وجريتي وراهو لما حفيتي وما خليتي فكي في الحاج يوسف أو في مايو
وفي النهاية وصفوا ليك فكي في مايرنو لكن ده كلو ما خلى أبوي يتزوجك واختار أمي
بدلك عشان كده أنت بتحقدي على أمي وعلى أبوي ولكن للأسف أنا عرفت الكلام ده بعد فوات الأوان..
وبعد داك كنت على وشك العنوسة لكن ربنا جاب ليك الجبهجي العجوز ده..
مرة سمعتك تقول ليهو أنا كان ما قدري، وكت أفطر أفطر لي على بصلة..
إنسانة تقول لزوجها وأبو أولادها بصلة تفتكروا حاتقول عني أنا شنو؟
ما في داعي تفتحي السيرة دي لأنها ما حاتكون في صالحك...
| |
|
|
|
|
|
|
|
|
|
Re: يوميات شاب مشكوش عاوز يتفشى.. (Re: Nasruddin Al Basheer)
|
| Quote: وإن شاء الله بركة الشيخ العليش كلكم يسوقوكم لاهاي، |
عشان خاطر جدى معاك قلبا وقالبا
وحريقه فى البحر زاتو
Quote: وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان
تلحقوا أمات طه..
الله أكبر عليكم.. يا أعداء الحب..
|
يازول طه زاتو انا بنادى لو ماوقعت
اجرها ارميها معانا
| |
|
|
|
|
|
|
| |
Nasruddin Al Basheer
الزنجي
osman righeem
سارة علي
احمد العربي
حسين نوباتيا
محمد الجيلى
فيس بوك
تويتر
انستقرام
يوتيوب
بنتيريست