فقدي الليلة في الياقوت خاتمي الجنن البنوت وفقدي الليلي الليل ....... ياخاتمي الرسم مغلوت وجاي لعاشق البنوت النقشك يعيش ما يموت في تفنينو سوى الفوت
الليل .... ده خاتمي الماخدو دابو جديد راح و ما استنى يوم العيد والنقشك نبيه ومو بليد يا ظرفو اليخيل في الليد
الليل.... ده عاشقي الفي قرينو كتل متبور زندولو حجل ده حظي الخاتمي مني ودر بشارته جنيه كرامتو عجل
الليل... قول للدايما طربان خاتم الراوي راح ودران وين يا رسالة ام درمان ده راح في نجيلة الحيضان الليل... ناس ود العدامة لقوه قانون تمنو ما فهموه شرط بفد ريال صرفوه وتمنو زوجوبو أبوه
الليل ... وينو الليلة متمسي ده الكرهني في نفسي الما بعزيني في خاتمي لبكا ابوهو ما بمشي الليل ....... وفارش برشي لي دورين ويومي على الله شوقارين وكل شوقار جو نقارتين في الغدا والعشا كبشين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة