|
Re: باشمهندس بكري .. التاج الشيخ يرغب الإنضمام لكوكبة سودانيز أونلاين .. قلت شنو؟ (Re: محمد أبوالعزائم أبوالريش)
|
Quote: تاج السر الشيخ أرباب، سوداني ملتزم، |
تعرف يا محمد ابو العزائم انا عجبتني قصة سوداني ملتزم* دي جدا , بصراحة انا ما فهمت قصدك تحديدا بي ملتزم دي شنو لذا طفقت الرؤي تتراى الي مخيلتي عبر هذه العبارة فتسائلت (يا ربي التاج بقي كوز ولا شنو ؟) قهقهت في سري وحدثت نفسي وبلغة (مكاوية رصينة أما !! التاج بقي كوز ) وواصلت محدثا نفسي .. و بخبث ( علي كدا محجوب حيكون بقي دباب عديل وشايل تمكنا ) الي هنا وتوقف حديثي الي نفسي ليس عن شجاعة !! بيد ان خوفي من تهور محمد الشيخ ( حيث اني في متناول مرماه ويعرف مخبئي في جدة جيدا اذا واصلت حديثي الي نفسي واضفت بنفس خبثي , ما دام التاج بقي كوز ومحجوب دباب اذن فمحمد بقي من الصحابة الراكبين مواتر لذا سكت قبل ان اقولها
امازحكم يا اشقائي فانا اعلم ان معزتي عندكم ما هي الي امتداد لمعزة الوالد ( عليه الرحمة) لكم . والذي لو صدق خبثي اعلاه لتململ عليه الرحمة في مرقده ــــــــــــ حاشية مهمة * لابد لي من الاشارة الي ان الالتزام اعلاه المقصود به الاتزام بالتنظيم وليس ان الكيزان هم الملتزمين دينيا (وكله ضحك)
وعطفا علي صدر البوست وفي شان التزكية لابد لنا من القول:
التاج لا نثنيه ولا نزكيه نحن بل نزكي انفسنا به ونثني , فهو علمنا في هذه الديار وهو كبيرنا والقدوة لنا , هو كسب للمكان قبل ان يكون المكان كسب له , التاج يا بكري ابو بكر مكسب للموقع فاسرع بتسجيله وارسال ادوات الدخول له , فماشاء الله عليه هو من الذين يملكون ذاكرة زاخرة بالكثير من الحكايا والاحداث , لو جلست اليه في معرض ( ونسة ) سودانية عادية لخرجت مبتهجا حامدا لله وشاكرا له علي ان حباك الله بنعمة الجلوس اليه والانصات اليه وهو يتداعى محدثك , تجده حاضرا في كل الضروب بمنطقا رصينا وحجة ثابتة وطرافة ذكية ومحببة والكثير من الود والترحاب هذا سوى خبرته وعركته في هذه الحياة لذا نحتاجه في هذا المنتدى ليضيف اليه من واقع تجربته ومنطقه ورصانته ( والتزامه ) غير المشار اليه بخبث اعلاه
ـــــــــــــــ والله يا التاج الواحد عامل صحبك عديل وزي البتكلم بقي من باب اتلاحقت الكتوف وقل المعروف , وحفظا للمقامات لابد لي من الاشارة بوضوح هنا باني (شافع ساكت) وليس مقصدي العمر والذي قد يجوز لي ان اقصده وانما قصدي بـ ( شافع ساكت بالنسبة اليه) في التجربة والخبرة والحنكة والمقدرات الانسانية والاجتماعية
| |
|
|
|
|
|
|
Re: باشمهندس بكري .. التاج الشيخ يرغب الإنضمام لكوكبة سودانيز أونلاين .. قلت شنو؟ (Re: اساسي)
|
Quote: والله يا التاج الواحد عامل صحبك عديل وزي البتكلم بقي من باب اتلاحقت الكتوف وقل المعروف , وحفظا للمقامات لابد لي من الاشارة بوضوح هنا باني (شافع ساكت) وليس مقصدي العمر والذي قد يجوز لي ان اقصده وانما قصدي بـ ( شافع ساكت بالنسبة اليه) في التجربة والخبرة والحنكة والمقدرات الانسانية والاجتماعية |
والله يا التاج اساسى ده بكلامو ده ضيعك وضيعنا معاك ( شنو ما قصدو العمر ) كان كده نشوف راى ماضى شنو
اساسى بالله امشى وارفع بوست برى للربع الجديد عشان التاج يلقى ايدو
| |
|
|
|
|
|
|
Re: باشمهندس بكري .. التاج الشيخ يرغب الإنضمام لكوكبة سودانيز أونلاين .. قلت شنو؟ (Re: حيدر امين)
|
والله يا حيدر يا اما ما وضحت ليك وجهة نظري كويس ولا كمان انت كايس الكبر , انا قلت ما قصدي العمر علي اساس انه الفرقة مناسبة وما كبيرة , لكن بكلامك دا طلعت لي التاج وماضي وطلعت روحك من الارشيف عديل .
ــــــــــــ
بالنسبة لي بوست بري والله انا غايب ل يفترة من المنتدي وما متابع الحاصل شنو وطولت ما اضفت حاجة , لكن واضح انك والشباب ما مقصرين خلينا نمشي ندفره لي بكري في الربع الجاي , بالمناسبة انتو بكري دا مقسم البورد دا ربع ربع كدا ما واقعة لي , من الله خلقنا السمعنا بيهو القسمة بالكباية لكن قسمته دي قسمة ضيزى
| |
|
|
|
|
|
|
|