|
|
 لوخيا الصحافة الرياضية ما بين هذا وذلك .. ودى اللاعبين
|
هذه اللوخيا الرياضية بين ( كبد) الحقيقة (ومرارة) الاطلاع
(منقول)
عكننة اللخويا!
* على طريقة صديقي مراقب أدب العكننة أحمد دولة.. سنواصل اليوم مشوار عكننة اللخويا!
* نبدأ بالحبيب تكعيب رمضان.. تاني تقول أبو عمرين.. طوالي نقول ليك أبو حكمين!
* زي ما وارغو عندو عمرين.. عُمر محلي وعُمر دولي.. الوصيف عندو كمان حكمين حكم دولي وحكم محلي!
* صدق من قال: الفرق بين المريخاب والهلالاب أن المريخاب يشمتون على الهلال وهو مهزوم.. والهلالاب يشمتون في المريخاب والمريخ منتصر!
* حاولنا أقناعهم أن المريخ هزم التكاسة ولم يقتنعوا!
* ولأول مرة نعرف أن الفوز بنتيجة 2/1 يعني عندهم هزيمة!
* مش حقو يا جماعة الخير تنتظروا المريخ لغاية ما يطير وبعدين تشمتوا فيهو؟ الشفقة تطير!
* يا محمد عبد الماجد نتوقع أن تأتي لخوية أقصد تشكيلة الوصيف في الموسم الجديد على النحو التالي: المعز حارساً والدعيع احتياطي.. الدفاع: عم أولادي.. ديمبا أكتاف.. مرق برشات.. منير بلنتيات.. وخليفة احتياطي!
* في النص: سيف دي مساوي.. مهند دي هوبة.. كواريزما دي ماسورا.. هيثم دي قارورة.. والاحتياطي علاء الدين دي بصمة.. والمعلم دي ولدنا!
* في الهجوم: أمبيلي دي الما مسجل إفريقي.. دي نعيم الدنيا.. والاحتياطي أحمد دي روني ومدثر دي كاريكا!
* وفي الكنبة: دي سانتوس مدير.. دي الديبة مدرب عام.. والاحتياطي: أسامة دي المتعاون.. صدام دي قدامي.. صدام دي وراني.. وعماد دي لخويا.. أقصد عماد دي خوجلي حكم احتياطي!
* أي لخويا من الحكم طوالي المعز دي بلنجات يطردو ويدخل دي خوجلي يحكم الكورة زي الما حصل حاجة!
* ولو في لاعب انطرد يرجع أو يستبدل حسب قانون اللخويا الجديد!
* قالوا بعد ما المعز شال الكورة وطرد الحكم القطري العمدة اتدخل: يا المعز روق.. نقول للناس شنو؟ معقولة نرجع من معسكر دي لخويا نضيفة تلاتة مافيش؟ مش كفاية علينا (مرقنا) من كورة معسكر دي كلمة بي كرامة اللخويا.. أقصد كرامة البليلة؟ عاوز تزود (كوارثنا) دي سوزا مالك؟
* يا معز في طولك في عرضك.. بعد تعب المعز اقتنع ورجع.. لقوا الحكم زاتو عمل لخويا وفرتق!
* الحكم نهى الكورة الوصيف صفر.. دي لخويا 3 .. (دي) اللخوية الرسمية أقصد النتيجة الرسمية للمباراة.. أي أقوان جات بعد ما الحكم الأصلي فرتق ما معتمدة عندنا لأنو الكورة انتهت 3 لخويات لمافيش!
* مريخابي جاء من الدوحة قال جمال فرفور نظم حفل خيري لدعم معسكر دي كُلمة أقصد معسكر دي لخويا وغنى فيها أغنية: (لخويتي الجميلة).. أقصد (عصفورتي الجميلة)!
* كما غنى: أذكريني (يا حمامة).. كلما مدافع ترنح.. (وعمل بلنتي)!
* (عمل بلنتي) دي مني يا جماعة.. ما من (دي فرفور) أصلو البلنتيات كترت اليومين ديل!
* وغنى: (يا مسافر وناسي هواك.. أرواحنا ولخوياتنا معاك)!
* وغنى: (غرقان وبحر الريد ظلوم.. وقالوا البتلخلخ بعوم)!
* وقالوا غنى لي مرق غنية خاصة بالملحن علي أحمد: اسمها (لخلخيني).. أقصد (أعذريني)!
آخر الحقائق
* الليلة العمود كلو لخويات!
* أي مريخابي يلاقي هلالابي اليومين ديل يقول ليهو: (اللخو) عامل كيف.. تمام؟
* الغريبة (اللخو) يزعل وما يرد!
* مباراة المريخ وسوفاباكا (وليس سوفاتاكا) أدراها طاقم تحكيم نسائي!
* المصيبة تكمن في أن (الحكمة) فرعت للملك فيصل العجب (بي جلالة قدرو) بطاقة صفراء!
* كرت أصفر للعجب.. زي العجب!
* لا في حارس مرمى شال الكورة.. لافي زول عمل لخويا!
* العجب زاتو اتكيف لأن (الحكمة) طبقت القانون.. زي حكم اللخويا الطردو المعز!
* حكم يطرد لاعب دي عادية وبتحصل.. لكن لاعب يطرد حكم دي ما سمعنا بيها إلا في معسكر لخويا!
* قالوا موسى الزومة وبلة.. الكورة كلها لاعبين على اللاين بجوار نسوان الخطوط!
* حلوة (نسوان الخطوط) دي مش كدة؟
* بلة قبل ما يرفع الكورة الجاب منها كليتشي القون عاين لرجل الخط.. أقصد لـ(مرة الخط) وقال ليها: ممكن أعكس يا مدام؟ قالت ليهو (أوف كورس.. بُلبُل).. علقها بالملي لكليتشي!
* أنا ذاتي استغربت بلة دي جابر معظم عكسياتو فارقة.. إشمعنى المرة دي جات مضبوطة؟
* إذا عرف السبب.. بطل كرت العجب!
* يا همد عايزين طاقم تحكيم نسائي في كيجالي عشان بلة يعكس مضبوط وموسى يبطل شوت في الكشافات!
* وقالوا أمير دي دامر وموسى دي الزومة ولاسانا دي النسى أهلو ما نسانا بدل ما يجروا يهنوا كليتشي جروا هنوا الحكم.. أقصد الحكمة!
* يعني من هسة يا جماعة الخير.. الكورة الجاية بتاعة الوصيف في الدوحة تشوفوا ليها طاقم تحكيم زي بتاع المريخ في كينيا!
* يمكن المستوى يرتفع.. والسلوك يتحسن.. والبلنتيات تختفي!
* أها نرجع لي موضوعنا الأصلي.. يا إبراهيم عوض: لسة عايزين تلعبوا مع الهلال والأهلي السعوديين؟
* معقولة يا ابراهيم من لخويا.. لهلال السعودية؟
* على حد قول غاندي.. لو سمعت الحكمة الكينية بهذا الخبر ستهتف بأعلى صوتها: يا (لخوي)!
* يا إبراهومة.. عملتوا لينا شنو في اللخويا الختامية مع فريق الجالية البنغالية؟
|
|
 
|
|
|
|
هاشم أحمد خلف الله
فيس بوك
تويتر
انستقرام
يوتيوب
بنتيريست