|
Re: .. تسـابيح القمر .. (Re: مجدي عبدالرحيم فضل)
|
Quote: بدأ هلالا وأكتمل بدرا
وخلف الأحلام ينام نجما
مودتي ماجدة
،،،،أبوقصي،،،، |
ما اجمل بد تكوين القمر هلالا ثم يكتمل بدرا كما قلت عندها فقط يكون هو القمر الذى لاتطيب لنا الحياة بدونه مجدى مشتاقين احنا والله كيفك انت وكيف كل الحبايب المعاك يارب بخير تسلم انت يارب ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
ماجدة صديقتي وشقيقتي :
يا ليل ، الصب متى غده *** أقيام الساعة موعده؟ رقد السمار فأرقه *** أسف للبين يردده
ما اجمل قمرنا الحقيقي أو المجازي حين نسهر وصوت غناء بعيد يأتي من أقاصي لهاة فنان أنكه الشجى وأمضه العشق مفتون هو بمحبوته و0بالقمرة)
الليل .... القمر ... الغربة الشجن الدفين ... أمنيات في الخاطر للقاء من نحب ونتدله في عشقه
ماجدة : أنت تفتقين جراحات ما اندملت يوما وهي فاغرة الجرح النازف نهيم بالقمر وبضوئه ونرى المحبوبة فيه ونراه في المحبوبة كلاهما يتماهى في الآخر أه من قمر لا يغيب دوما يصوب شعاعه تلقاء القلب كوني بعافية القلب الندي المخضل وكوني بعافية الروح السامقة المشرئبة نحو التسامى بهاء اتصلت كثيرا فقط تلك المدحة الندية ولكم تطلربني
| |
|
|
|
|
|
|
Re: .. تسـابيح القمر .. (Re: Baha Elhadi)
|
Quote: ماجدة صديقتي وشقيقتي :
يا ليل ، الصب متى غده *** أقيام الساعة موعده؟ رقد السمار فأرقه *** أسف للبين يردده
ما اجمل قمرنا الحقيقي أو المجازي حين نسهر وصوت غناء بعيد يأتي من أقاصي لهاة فنان أنكه الشجى وأمضه العشق مفتون هو بمحبوته و0بالقمرة)
الليل .... القمر ... الغربة الشجن الدفين ... أمنيات في الخاطر للقاء من نحب ونتدله في عشقه
ماجدة : أنت تفتقين جراحات ما اندملت يوما وهي فاغرة الجرح النازف نهيم بالقمر وبضوئه ونرى المحبوبة فيه ونراه في المحبوبة كلاهما يتماهى في الآخر أه من قمر لا يغيب دوما يصوب شعاعه تلقاء القلب كوني بعافية القلب الندي المخضل وكوني بعافية الروح السامقة المشرئبة نحو التسامى بهاء اتصلت كثيرا فقط تلك المدحة الندية ولكم تطلربني |
بهاء الغربه وجراحتنا ماظنيت انها بتكون اندملت اساسا علشان تفتق بتصدق كلنا بندارى جراحنا وبنداويها بالقمر الحاجة الوحيدة الهى هى الفى غربتا ذى الفى بلدنا هى القمر ياهو لابيتغير بطول الزمن لا تغير المناخ بياثر فيهو الحاجه الوحيدة بس انو ظهور اقل هنا لكن لمن يظهر بيعوضنا كل الفاتنه وبيدينا القدرة اننا نتملى منو ونخزن لفترات الغياب .. اتخيل يابهاء من شدة الغربه ماجرحها بقى فينا عامل عمايلو فقدت قدرتى على الرجوع بتصدق 16 سنه مانسيت فيها السودان ولا لحظه كل شى عندى مربوط بيهو اصحابى وعلاقاتى الاجتماعية مربوطة بيه مافى اى سبب يمنعنى انى امشى ليهو زيارة لكنى فقدت قدرتى على تحمل حتى الفكرة .. عليك الله يابهاء بيحصل فى اى حالة غير حالة القمر ممكن تتحمل انك تتكلم عنها بصيغة المؤنث والمذكر فى نفس الوقت ده فى حد زاتو مش تفرد لمن تلقى انو فى مقدورك و ليك مطلق الحريه انك تختار صيغة تخاطبك بالصيغة البتريحك انت وباالبيمس احساسك .. يعنى الحاله الوحيدة الاتساوى فيها بنو البشر بقصد طبعا السيدات هسه انتو الجمع بتاع السيد يكون شنو ساده مش بقول انو ساوى بينا فى المخاطبه واننا نشوف فيه العايزينو وبدون مابفقد معناهو .. انت اخبارك كيف وبرضو مختفى لسه الحاله مابقت احسن ؟؟ وكيف اخبار قمر دنياك اظن ماكان فى الايام الفاتت بسبب الغيوم التى تحجب الرؤية .. عندنا شويه شمس بدات تجينا غيرت من شكل الحياة عندنا وغيرت لينا من نفسيتنا كتير اتصل فى التانى .. وكيف اخبار القراية وسخف الجو حقها .. بهاء عليك الله حسن اخبارو شنو كويس طمنا عليهو تسلم يابهاء من كل شر انت ربنا يخلي ليك كل البتحبهم ويديك الفى مرادك ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
قــالت الاخر ايها الاخر انثرني عبيرا .. انثرني .. كالنور يسطع .. فى وجه .. القمر .. .....
وعن ميلاد القمر والعشق .. قل :- عشقناك يا هذا كالفجر .. الجميل .. انتظارا.. ووقارا ..
يا أيها الاخر ياايتها الاخر
دعو الحب يسرى يستشري فى الشراين
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
بسم الله كان البدء
حرف
وليل
وقمر
وانثنى فؤاد العاشق
فكان الهوى خمر القداح
وتبينا ارتعاشات الانامل
في وضح البحر
جئنا
قلب وعاشقة وارتشفنا كأسا
وبيننا حمامتين
وغمامة ندية
وادرك شهريار الهوى
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
من تباشير القمر قلبٌ يحبكِ جاءَ يسألُكِ السكن قد كان فيما كان يملك ضيعةً ومدينةً وشعاعَ شمسٍ يحتضنْ ترك الديارَ والانحسارَ والانهيارَ والاحتضارَ واختارَ نبضَكِ كي يكونَ لهُ وطنْ.
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
من ابتهـــالات القمر ناديت على كل حروف فى العشق فلبى النداء فى لحظته حرفان بعدها تجمهر ت حولى كل الحروف صاح الحرف الاول اين انت يااخضر القلب هل تجيب النداء ... عندها سمعت صوتا يقول هل هو انا من تقصد فرد الحرف التانى نعم انت من قصدك لم الخوف ...يا اجاب الصوت متسائلا لم تكن انت صاحب النداء اجابه الحرف الاول بل هو صاحب النداء فبدونه لن يكون ابدا هناك نداء اكمــله ويكملنى ولا يكون لنا عن بعضنااستغاء ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
وكان الدعاء وكانت الاستجابه عندها تجمهرنا انا والحروف حول العائدة. صاح احدهم: اين انت يا عصفورة نادرة؟ تشجعت فقلت: هل انا هو امن اذا حكيت لك جراحنا وابثثتك تطلعاتنا؟. قالت: ولما الخوف يا .. قلت: هل انا لناأن نسأل اسراب العشق هل بلغن تطلعاتنا .. وأن اجنحتهن لم تبتر في منتصف الطريق وقبيل بداية التحليق. ردت كل الحروف فى صوت واحد واضح النبرات : لكم ما تريدون...لكم ماتتمنون ...
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
تهجـــد ونـــداء التفت اخضرالقلب الى كل العشاق فى حارة العشق وصاح فيهم وفيكم ابشرو وتاصلوا فيها خضراء القلب ولنقرر من الان انه لازمن للحلم ولا وقت للاسفار وليكن حبنا بداية انفجارات الينابيع الجديدة وانطلاق مواسم العشاق الاتية
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
Quote: ولنقرر من الان انه لازمن للحلم ولا وقت للاسفار وليكن حبنا بداية انفجارات الينابيع الجديدة وانطلاق مواسم العشاق الاتية |
سموتي بنا في عوالم جميلة يا ماجدة
لكِ كل الأمنيات الحلوة
| |
|
|
|
|
|
|
Re: .. تسـابيح القمر .. (Re: انعام عبد الحفيظ)
|
Quote: سموتي بنا في عوالم جميلة يا ماجدة
لكِ كل الأمنيات الحلوة |
والله انتى الجميله حبيبه نعوم كيفك حبيبه واخبارك وكل الحاجات معاكى ماشيه كيف واخبار فرقة حسب الله الاسم داك اتغير خوفونى منو وهددونى تانى مااقولو تانى علشان كده ماقدرت اجى السودان لانى كنت خايفه مشتااقين انتى بتغيبى تمشى وين تسلمى حبيبه كتير يارب ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
تفاصيل الهواجس والحكايه سمعت صوتا ينادينى يهمس لى هل تذكرين لون البحيرات دمع الحدود حزن المسافات وبعد المنافى وشوق القطارات سالت هاتفى اتعرف انت الحكاية كل الحكايه فقال لى نعم اعرف كل الحكاية وبدا يسرد تفاصيل الحكايه منذ مزقت الخفافيش جلدنا وطالت قطط الليل سورنا واحتشدت ساحتنا بلصوص الاسئله ومروجى الدعايه وكم قالو وقالو من حكايه وسكت ثم قال هل هذا يكفى ام اتريدين منى ان احكى المزيد والمزيد ..
| |
|
|
|
|
|
|
Re: .. تسـابيح القمر .. (Re: مجدي عبدالرحيم فضل)
|
مني بت خوجلي
ملهمة جداً هذه الكلمات
تثائبت الشمس في هذا اليوم كـسلي, علي غير العـادة , تطـرد عنها طيوف النعـــاس , وتمسح النوم عن أجفـانها , ورغم ذلك لم ألمح في
هذا الصبـاح العصـافير وهي تؤكد اكتمال ميكانيـكية الـشروق , وحتي
هذا الشعاع القادم منها , مالي أراه بلون الضـباب ؟ تري من الـذي
أقتلع من هذه الشمـــس المسكينة لون البريق ؟ أحـس ان هذه القمرية
التي كانت تغنيني كل يوم لـحن هذا الصبــاح انها اليوم تبكــيني و
تعـزيني في فقدي الكبـير , أحــسّ أنها تعـلن للنــاس جميـعا , ان
حلمــي الـذي نـام في الفــردوس , أنتبهت أليه مقـلة الشــــجون ,
بعـد ان كانت غافـلة عنه لسـويـعات , ويحك يا طــائري !!! لمــاذا
تـلـملم عني بـاقي أملي , وتنـصـب ســرادق العــزاء
مني مررت من هنا ولم أجدك تركت الحزن ليوقع بدلاً عني
| |
|
|
|
|
|
|
Re: .. تسـابيح القمر .. (Re: حبيب نورة)
|
Quote: مني بت خوجلي
ملهمة جداً هذه الكلمات
تثائبت الشمس في هذا اليوم كـسلي, علي غير العـادة , تطـرد عنها طيوف النعـــاس , وتمسح النوم عن أجفـانها , ورغم ذلك لم ألمح في
هذا الصبـاح العصـافير وهي تؤكد اكتمال ميكانيـكية الـشروق , وحتي
هذا الشعاع القادم منها , مالي أراه بلون الضـباب ؟ تري من الـذي
أقتلع من هذه الشمـــس المسكينة لون البريق ؟ أحـس ان هذه القمرية
التي كانت تغنيني كل يوم لـحن هذا الصبــاح انها اليوم تبكــيني و
تعـزيني في فقدي الكبـير , أحــسّ أنها تعـلن للنــاس جميـعا , ان
حلمــي الـذي نـام في الفــردوس , أنتبهت أليه مقـلة الشــــجون ,
بعـد ان كانت غافـلة عنه لسـويـعات , ويحك يا طــائري !!! لمــاذا
تـلـملم عني بـاقي أملي , وتنـصـب ســرادق العــزاء
مني مررت من هنا ولم أجدك تركت الحزن ليوقع بدلاً عني |
حبيب نورة .. تسلم انت من الحزن .. ويارب ماتكون كلماتى هى مصدرها لان مافيها كان من الماضى البعيد همس به صاحب النداء وبالرغم من الحزن الذى يسكن حروفة الا ان الفرح كان منتهاه ومهرجات العشق هى مثواه وان كانت حالة الحزن خاصه لك ان تتاكد ان الحزن هو الخاسر الاكبر وان الفرح لابد ات ات ..هى خواطر حبيب نورة بعضها كان الذى قبل وقبلها كان الذى بعد لاترتيب فيها هى كخفقات القلب .. لاتستقر على حال ابدا تعلو وتنخفض ولكنها لاتتوقف ابدا عن الخفقان .. ايكون القلب حيا بدون خفقات وهذة من احوال القلب اليوم اتمنى ان تمسح مابك من حزن وهى من حروف القمر من ضوء القمر حبيبتي التي تغتسل بالضوء وتمشط شعرها بالريح تضع عبق القرنفل و صمت الليل على ثنايا مدائنها تنتعل نجمين و تضع وشاح النور تمشي على غيمة إلى موعدها تصمت... تشرد... وتكون هناك دوماً لتقابلني في قصيدة .. تسلم حبيب نورة يارب ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
اللهم انى اســـالك ياواهب الصبر ياواهب التقوى انت ياسيدى الاجابه ونحن ياسيدى السؤال اسالك من خيرك الذى لايعطيه غيرك فانت المستعان وعليك البلاغ ياتقى الصبر يااااصابر التقوى نحن السؤال ياسيدى وانت الاجابه اقسم لنا من خشيتك ماتحول به بيننا وبين معاصيك ومن طاعتك مايهون علينا مصائب دنيانا ياسيدى انت الاجابه ونحن السؤال ..
| |
|
|
|
|
|
|
Re: .. تسـابيح القمر .. (Re: حبيب نورة)
|
Quote: اول حاجة نأسف للغلط الذي حدث في الأسم
Quote: مني بت خوجلي
وتاني حاجة
فوووووووق! |
مافى ما يستحق منك الاسف الحـاله واحــدة الاهم من الاسم هو انو البوست تكون لقيت فيهو شى لقى عنــدك استحسان او قبول .. وشكرا ليــك على المــرور وعلى تانى حاجة فوووووووق تســلم يـارب ..
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
الليل قد خارت قواه همسات وحروف القمر العين تسهر والظنون ، عبثاً تحاول أن تكون ، نجمين في ليل الجفون فبها ضجيجٌ لم يزل يغــزو السكـــون وبها شعاعٌ قد وهنْ وبها حريقٌ قد سكنْ وبها جنــــون عبثاً تحاول أن تكون!!
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
من تــراتيل القمــر وحــروفه من غيرك يمسحُ عن وجهي أدرانَ المُدن ِالشوهاءْ يزبل عنى بكاء محترقا بالصمتِ في وحشةِ هذا الليلْ ، من غيرك اساله أن يأخذَ عنـّي أحزانَ القلبِ المصلوبِ وشرودَ الغابةِ في زهـو ِالأغصـانْ .!!
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
يا تقي الصّبر يا صابر التّقوى يا هذا الغريب صبرناما عاد يشبه صبرك، صبرنا نومٌ من المساءإلى السماء من السماء إلى المساء، ان كنت تبحث عن سؤال أو جواب نحن الإجابة سيدي نحن السؤال! نسالك بااسمـك الاعظـم المكتـوب من نور وجهـك الاعلى المـؤبد يامن يجعل القلب بين صعـود وهبوط بين فرحٍ وحزن و بين أملٍ وهم هو حيــاة الــوجــود والسبب الاعظم لكل موجود منك الجواب ياسيدى ومنا السؤال .. من كان يبحث عن جواب فهو الجواب ومن كان يبحث عن سؤال نحـن الســؤال نحن السؤال !
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
ماجدة : يا تقي الصّبر يا صابر التّقوى يا هذا الغريب صبرناما عاد يشبه صبرك،
السؤال الملح دوما يطرق خواطرنا حينما يسطع القمر الناعس في ليلة صيفية دافئة نتسآل عن مالآت أشواقنا وأفراحنا أحزاننا ناهيك عن مصائرنا التي لا ندرك كنهها القمر يسأل ويجيب ويتركك في حيرتك لاتقرأ القمر بعقل علي أن أقرأه بقلبي أتشربه أتوغل فيه انسرب لعمقه تجذبني انعكاساته في صفحة القلب الوضيء مع القمر ننسى الأسئلة ونصمت امعانا في تماهٍ أكبر لك مودتي وإشعاعات قمر وضيء يغمرك بفيضه
المصروف المن تالاك وصلت (من رسائل ست الدار ) وشكرا نبيلا وصلت بسلام بهاء
| |
|
|
|
|
|
|
Re: .. تسـابيح القمر .. (Re: Baha Elhadi)
|
Quote: ماجدة : يا تقي الصّبر يا صابر التّقوى يا هذا الغريب صبرناما عاد يشبه صبرك،
السؤال الملح دوما يطرق خواطرنا حينما يسطع القمر الناعس في ليلة صيفية دافئة نتسآل عن مالآت أشواقنا وأفراحنا أحزاننا ناهيك عن مصائرنا التي لا ندرك كنهها القمر يسأل ويجيب ويتركك في حيرتك لاتقرأ القمر بعقل علي أن أقرأه بقلبي أتشربه أتوغل فيه انسرب لعمقه تجذبني انعكاساته في صفحة القلب الوضيء مع القمر ننسى الأسئلة ونصمت امعانا في تماهٍ أكبر لك مودتي وإشعاعات قمر وضيء يغمرك بفيضه
المصروف المن تالاك وصلت (من رسائل ست الدار ) وشكرا نبيلا وصلت بسلام بهاء
|
يابهاء وهيفاء كيفكم وانشالله كلو كويس معاكم وطبعا بشاير الصيف بدت والايام بقت اجمل واحلى عارف يابهاء مرات كتيرة جدا بتلقى نفسك مليان بكتابات ناس حلوين شديد ومابتقدر تتخطاها منهم عبدالرحمن عفيفى صاحب الاكثر اشتياقا للاخر والارجنتينى فرانسسيكو لويس من كتب حلوة كالساقية الاول اعرفه والاخر قرات له قريبا ..عبرالرحمن عفيفى يمتاز بكتابه سهله وعميقة تدخل الى الوجدان لسهوله المفردات فى قراتها وعمق معناها ونجاحه فى شرح ووصف الاكثر اشتياقا والاخرولفظ ايتها الاخر ..الا الاخضر والاصفر عليك شوف المعنى ده عميق كيف .. وعليك الله يابهاء زور عبدالرحمن عفيف فى دروب واقرى ليهو كويس وكتير.. اما فرانسسيكو اقرى تانى حلوة كاالساقية وكل ماتقراها هتلقى فيها وصف جديد ومعنى جديد وكل ماتلقى ... بتلقى معانى مختلفه .. قبل كده قلت ليك يابهاء انو اى زول فى الدنيا دى عندو قمريين واحد حقو براهو كده وده بالمناسبه ممكن يكون اى شى معنى انو ماكل الناس القمر حقهم البراهم بالضرورة يكون زول او زوله ابدا القمر الخاص حاله مفتوحه ومقفوله فى نفس الوقت بمعنى مفتوحه انو الخيارات مامحدده ومقفوله بمعنى انها بتخص صاحب الخيار بس ومااى انسان غيرة اما القمر التانى حق الله الهو حقنا كلنا فده وضعو غير وامرو عجب .. اتخيل انو بالرغم من البلايين البتتشارك فى القمر ده وبالرغم من صغر حجمه الاحنا شايفنو بيه وكبر حجم الارض الاحنا فيها .. الا انو فى نفس الوقت بيلهم كل انسان بطريقة بتختلف عن التانى وجرب كده انت ويكون معاك عدد من الناس وكلكم وفى لحظه واحده ومكان واحد عاينو ليهو شوفو البيحصل شتو هتلقى كل واحد فيهم شاف فيه حاجه مختلفه من التانى والحته دى تحديدا حيرتنى شديدوهى انو هل لمن احنا بنعاين للقمر تفتكر كل انسان عيونو بتشوف المرسوم جواها ولا القمر بيعكس لكل واحد المرسوم فى عيونو .. الانسان يابهاء لو قعد تابع الاحزان بتبقى مشكلة كبيرة شديد لانو الحزن لمن يتمكن من انسان بتبقى فى صعوبة شديد اننا نتخلص منو ولمن يجيك الفرح بيقى ناقص والسعادة بتكون باهته .. وبالمناسبه لو تابعت قلبك مابتخسر كل الدلائل بتشير الى ان الاحساس بتاع القلب بالاشياء هى الاصدق وهو المقياس الحقيقى الا القراه دى تحديدا لازم تكون مشتركة بين تلاته الهم العين فى الاول والعقل ثانيا والقلب تالتا .. وكل واحد من التلاته مكمل للاخر ولكل وظيفة مرتبطة بالاخر .. ياخى القرود حقنيك ماشالله عليهم ربنا يخليهم ليك وتسلم من كل شر يارب ...
| |
|
|
|
|
|
|
Re: .. تسـابيح القمر .. (Re: ماجدة عوض خوجلى)
|
كل شئ لا يدوم الا الهوى هبة السماء ونعمة الرب العظيم .. كثيرون احبو القمر وكتبو له وعنه ..و تسابيح القمر معنى بهم وعنهم وعنه .. حروفه لبعض من احبوه واحبهم وليس كل ماهنا منه او له ولكن كل من سبح بحرف هنا فهى له وايضامنه .. وهى تسابيح من هنا وهناك وكلها له وعنه معذرة تم نقل هذا الكلام فى مداخله منفصلهبعد قمت بتغير الصورة لكبر حجمها الى اخرى اصعر حجما فااختلت المداخله..
| |
|
|
|
|
|
|
|