|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عثمان دغيس)
|
شُكراً أخي البارفاسور عبدالحكيم (ود كاسِر قلم الخديوي توفيق بيه) ... إشادتكِم لما أقرأ أثلجت قدمي وجعلتني خَجِلٌ ...
أما عن ما جاء ...
نُفيدكُم بِأن الأمر لا يدعو لِلإستِغراب طالما أن خالتي ستُسافِر بِنفسِها لِجني محصول الفول المِصري مِن النخيل الذي ورِثتهُ مِن أبو حبوبه أمها الحاجه دارا بِت عامِر ...
قلت شنو ... موضوعنا الأساسي وين ؟ بتقصُد بِتاع الشبه بين ده وداك ... ياخي خليك عميق وكده ... هو ده عاوِز كمان جُهد دقيقتين وأطلع مِن قوقل ونسخ ولصق وخلاص ... وأهو عِنوان يِجيب كتاحه والسلام لكِن أوعِدك أكتُب عن الشبه بيناتُم ... وهسِع في عُجاله كده ... أكتِب عِندك ... إستفيد (1) إنو الإتنين مِن الجِنس البشري (2) إنو الإتنين مِن إفريقيا (3) إنو الإتنين بِعتاشو على الكلِمة وفي الكلِمة ولِلكلِمة (أبو الزِفت زاتو في دينك في عُمق أكتر مِن كده مرا عليك في العشرة سنوات الفاتِت مِن عُمرك)
معليش نواصِل مره تانِية ... أصلو الحِكاية مُرهِقة شوية ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عبد الدائم سيد أحمد)
|
ود علي الزين ...
هسِع إنت الثغافة شنو ... أصلو ما دايرين ماواحِد يِقرِب مِنكُم ... ده شنو ... حُسد يعني ... يعني ما شايِف حُمره الكابلي الأباها الفااايتوري ... هسِع أنا أكان ما عندي سغافة وكِده (قطِع شك) و(حتما) و(كذلِك) ما بتكلم ساي ... في عُمق ... أنا عاوزك في (الجُزئِية) دي تلاحِظ البكتِبو بِعَين (العطف) ...
في السودان (الشغيغ) كلامنا قليل علشان كدي شكلنا كتير بحبك عكسها طوالي كده بكرهك أبيض × أسَود ليل × نِهار ذكي × حِمار شاطِر × بليد عِرس × طلاق الصادِق × الترابي
تقوم دايرني ما أصنِف الناس ده عربي (فصيح) وده نوبي (قبيح)
ما عِندنا مُترادِفات كتيره ... إحتمال لأن اليوم قصير ...
أرى أن تترُكوا الرطانا ما تركوكُك ... بِعَوِقوكُم ...
والله بخيته بِت إبراهيم الأخدا عميق مِتلي ... مُسغف كِده ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
المُشكِلة أنا فتح الداهي ده وما عارِف أتخارج مِنو كيف ... الكلام أصبح كُبار ... شكيتُكم على الله يا المُسغفاتِية مسختو علي الفِجه ... الواحِد ما يفتحلو بوست على شاكِلة ( الأُطُر المعرِفِية في المفاهيم العامة ) ومِتِل ( بلَورة البُعد الثالِث في شاعِرِية إسحاق نِيوتِن ) ومِتِل ( الآيدولوجِية الماركِسِية عِند إبن عربي ) ... عِلا تجو ناطين - يِنُطكُم الجِن - وتبقو أسياد [ الشي زاااااتو ] والواحِد يِروح بين ( أنا أرى أن ... ) و( في إعتِقادي ... ) ... ده شنو ده كرهتونا الدوحة وضواحيها زاتو
يا مره التِني وينو
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: كمال علي الزين)
|
الليلة بقلِب ليكُم هوبه ... كتر خير عمي قوقِل ... المُهِم شوفو روعه الشِعر شوفو كيف الزول ده بِخاطِب في البحر كأنهُ محسوس ... وهي نظرة صوفِية ذات أبعاد شعشعانِية ... نُتابِع القصيدة :
لو أن البحر يشيخ أدونيس
لو أنّ البحر يشيخ لاختار بيروت ذاكرة له. كلّ لحظة يبرهن الرماد أنه قصر المستقبل. يسافر, يخرج من خطواته ويدخل في أحلامه. كلما هذّبته الحكمة فضحته التجربة. يرسم خرائط لكنّها تمزّقه. أغلق بابه لا لكي يقيد أفراحه, بل لكي يحرّر أحزانه, رماده يفاجىء النار وناره تفاجىء الوقت. ينكر الأشياء التي تستسلم له تنكره الأشياء التي يستسلم لها. الماضي بحيرة لسابح واحد: الذكرى. لا وقت للبحر لكي يتحدث مع الرمل: مأخوذ دائمًا بتأليف الموج. اليأس عادة, والأمل ابتكار. للفرح أجنحة وليس له جسد, للحزن جسد وليس له أجنحة. الحلم هو البريء الوحيد الذي لا يقدر أن يحيا إلاّ هاربًا. الفكر دائمًا يعود الشعر دائمًا يسافر. السرّ أجمل البيوت لكنه لا يصلح للسكنى. يصدأ اللسان من كثرة الكلام, تصدأ العين من قلة الحلم. أنّى سافرت, كيفما اتّجهت: أعماقك أبعد الأمكنة. جُرحتُ باكرًا وباكرًا عرفت: الجراح هي التي خلقتني. قرية صغيرة هي طفولتك مع ذلك, لن تقطع تخومها مهما أوغلتَ في السفر .
شٌُفتو العُمق ... عُمق في إختيار القصيدة ... عُمق في إستِهلالي ... أرجو أن تستطيعوا أن ترتفِعوا إلى مقام إختِياري وشرحي ... عُمق ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
معليش فهمني شوية شوية ... يعني عاوِز تقول لو قعدت مع مُسغفاتِية أنقول عشرة سنوات بعد ده كلو ما ببقى مُسغف ... بِالله ... هي الحِكاية كده ... تراني مُصاحِب هشام درماس مِن 1991 وإشتريت لي عود مِن الزمن داك ولي هسِع ماني قادِر ألبس صِفة فنان ...
والله قابلت علي المك والله عايشت زُهاء الطاهِر تناغشت (بِالغين) مع عبدالله الطَيِب حِضِرت مُحاورة فيها القدال بِينضُم
يا زول ديش كُتار ... بعد ده كلو عاوِز تقول لي أنا ما مُسغف ... شكيتك على الله
- بتحِب القِرايه - بِالحيل عندي مكتبة كبيرة - بِتستَوعب البِتقرا - كيف يعني - الكِتاب البِتقرا لو ما إنعكس عليك يبقى ماف فايدة - بستَوعِبو ... مالي ما بستَوعِبو ... - لكِن إستِعابك ده لازِم ينعكِس على تصرُفاتك ... - هسِع مالي - ما دي المُشكِلة إنك ما تغَيرت ... ما عِندك فِكرة واحدة بِتؤمُن بيها ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: حامد محمد حامد)
|
حامد محمد حامد ...
يا زول أنا عملت لي لِسته بِكُل أسماء الذين تخطو المرحلة الجامعِية وقاعدين معانا هِنا في الدَوحة ... وعملت لي لِسته تانِية برضو بِكُل المُشهورين الفي الدَوحه صحفِيين كُتاب شُعراء وُجهاء ... وإشتريت كِمِية مهولة مِن الكُتُب ... وكام بدله كِده والمصيبة البِتخنُق الرقبه ديل شكيتا على الله ... وحِفظت لي كام كِلمة إنجليزِية شائِعة الإستِخدام ناس (أنا أفتكِر) و(أنا بعتقِد) و(الحِته دي) و(الجُزِئية ديك) و(أرى أن ...) و(على كُل حال) ... حاجات مِتِل دي يعني ... وكشحت ليك روحي في اللِستتين الأكاديمِيين والمُسغفين ... حرم تشوفني تقول على المك قام مِن قبرو ... أصلو يا خوي حِوارات المُسغفين عامله زي حِوارات الكورة ... مِن تسمع الناس بِينضمو فوق كورة بس قول ( لكِن الحكم باااالغ ) طوالي تلقاهُم إنقسمو إتنين واحدين معاك وواحدين ضِدك ...
ده كلو هَين ... مَخَير في رقبتك ... عِلا بِنكشِف دورك لامِن تهبِش زول بِيعرِف تاريخك ... زول بِيعرِف يتشاكل إسفيرِياً ... زول بِيعرِف يتشاكل واقِعِياً ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
Quote: حامد محمد حامد ...
يا زول أنا عملت لي لِسته بِكُل أسماء الذين تخطو المرحلة الجامعِية وقاعدين معانا هِنا في الدَوحة ... وعملت لي لِسته تانِية برضو بِكُل المُشهورين الفي الدَوحه صحفِيين كُتاب شُعراء وُجهاء ... وإشتريت كِمِية مهولة مِن الكُتُب ... وكام بدله كِده والمصيبة البِتخنُق الرقبه ديل شكيتا على الله ... وحِفظت لي كام كِلمة إنجليزِية شائِعة الإستِخدام ناس (أنا أفتكِر) و(أنا بعتقِد) و(الحِته دي) و(الجُزِئية ديك) و(أرى أن ...) و(على كُل حال) ... حاجات مِتِل دي يعني ... وكشحت ليك روحي في اللِستتين الأكاديمِيين والمُسغفين ... حرم تشوفني تقول على المك قام مِن قبرو ... أصلو يا خوي حِوارات المُسغفين عامله زي حِوارات الكورة ... مِن تسمع الناس بِينضمو فوق كورة بس قول ( لكِن الحكم باااالغ ) طوالي تلقاهُم إنقسمو إتنين واحدين معاك وواحدين ضِدك ...
ده كلو هَين ... مَخَير في رقبتك ... عِلا بِنكشِف دورك لامِن تهبِش زول بِيعرِف تاريخك ... زول بِيعرِف يتشاكل إسفيرِياً ... زول بِيعرِف يتشاكل واقِعِياً ... |
يا ساااااتر من الدراااادر!
يا زول إنت بي صُحك؟
موقادفير إن بجيتا...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عبدالأله زمراوي)
|
أحذِر أي مُسغف إنو يموت ...
لأنو البِتحكحكو فيكُم يا مُسغفاتِية عاملين زي أجهِزة التسجيل بِسجِلو ليكُم أي حاجة بِتقولوها ... أي حاجة ما بِتقولوها (ما تحتهُ خط يُقرأ بِالمِصري على طريقة عادِل إمام في مسرحِية شاهِد ما شفش حاجة) ... وبعدين لامن تموتو بِنشُروها لِتأكيد الحميميِة الكانت بينكُم ... على شاكِلة
- أنا في الحقيقة لما كُنت بتناقش مع فُلان الفُلاني قال لي ... قُلت ليهو ... وإعترضت خالِص على الجُزئِية دي وقلت ليهو مُش مُمكِن كده ... قال لي الفهم الإطاري بيوحي بِكده ... لا لا أنا أجزم أن بلَورة الفِكر أساس الطبيخ
أها يا المُسغفاتِية حاجة مِن إتنين :
(1) يا إما ما تخلو المُتمحِك يِدني مِنكُم (كفاية يجهز القعده ويجي بعدين يوصِلكُم). (2) يا إما ما تموتو.
أرى أن الأولى في الإمكان ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
إن مُردِد الكلام في دُنيا الواقِع يٌشبه بِالبغبغاءِ وإن فعل ذلِك إسفيرِياً وتنطع لِيُقال عنهُ قد تثقف عودَهُ ظل بغبغاء فإن قُلت : عُثمان قال : أعُثْماناهْ وإن قُلت : عُمَرُ قال أعُمَرُوهْ ونظل نمور بَين عُثمان وعَمْرَنِيهْ حتى نوغِل في الجهالةِ غايةٌ قُصوى فرأف بِنفسِك يا هذا ، فما أحسنتُ مِذ اليَوم غَير عناوين المقالات التي نصيبُك فيها النسخ فجاءت مسخ ... ورأيُك فيها محدود ... وخطأُكَ معدود ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
الشي شنو يا دافِع البلا ... قال حوار وعاوز ينشرو يعني بِوحي بِانو صحفي وما هو بِصحفي ... شوقو بِنزِل فوق شِعر الشُعراء ... وكل جُهِدهِ العِنوان ... المانشيت ... ياخ ورينا فِهمت شنو مِن الشِعر البتنزِل فوقو الصباح الصباح ده ... رأيك فوقو شنو نقدك ليهو شنو ... التظليل والنسخ واللصق دي شُغلانه ما بِتعصى على زول وحكاية الدِكتور الفُلاني كُنت قاعِد معاهو قالي وقلت ليهو ... والشاعِر الفُلاني تحاورت معاهو وقال لي وقلت ليهو ... ده إستِعراض لو بِقينا عليهو حرم إلا تتمسح فوقي ... لكن السؤال هل - خلي بالك - هل مُجالستك مع كُل النِجوم ديل بتخليك نجم ... بتخليك مُسغف وكده (إنتو حِكاية وكِده دي مالي شابِك فوقا) ما علينا راجعت كُل كِتاباتك ما لقيت الحبه ... ياخ إنت عاوز تقول شنو ... رأيك شنو فِكرك شنو ... كرهتنا الدوحة وضواحيها ظاااااتو.
تأوُهات (وكده) : راكِب سرجين وقاع
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
بشكيلك يا الظُلُم ... مِن البُعاد ... في البُعاد كُل الرُجال في العد رُجال ... زمان فوق بِلادي كانو الرِجال معروفين ... ما بضهب مِنهُم إلا الغشيم ... إلا العَيِل ... كان الراجِل بتشكر بِفِعالو ... والبرفع مِن مقام الزول أوايلو ... في الغُربة إتساون خيرو وهوايلو ...
النحكيلِك عن طبع الرُجال ... أصلو الرُجال مِتْل الحديد ... فيهُم الصَدي ... فيهُم العَدي ... فيهُم النَدي ... فيهُم مِتلي داخرِنو لِلزمن الرَدي ...
النحكيلِك عن طبع الرُجال ... أصلو الرُجال مِتْل الحديد ... فيهُم عَلال ... فيهُم عِلال ... فيهُم عُلال ... فيهُم مِتلي حديدُم رائسين عُدال ...
النحكيلِك عن طبع الرُجال ... أصلو الرُجال مِتْل الحديد ... فيهُم اللامِع ... فيهُم السامِع ... فيهُم الطامِع ... فيهُم المِتلي في المحاصة بِدامِع ...
النحكيلِك عن طبع الرُجال ... أصلو الرُجال مِتْل الحديد ... فيهُم المطروق رهيف ... فيهُم سِكين رغيف ... فيهُم القاعِد في البيت نضيف ... فيهُم المِتلي معدود شريف ...
النحكيلِك عن طبع الرُجال ... أصلو الرُجال مِتْل الحديد ... فيهُم الأسَود غُراب ... فيهُم الأبَيض شراب ... فيهُم الأحمر تُراب ... فيهُم مِتلي جامع الأثافي نِصاب ...
| |
|
|
|
|
|
|
Re: وجه الشبه بين الكابلي والفيتوري وكلاهما غير نـوبـي .. ولكن (Re: عزام حسن فرح)
|
يا إدارة المُنتدى... مُشكِلتكُم إنو إنتو فاكرين إنو سودانيز أون لايِن دي بِقت حياة كُتار مِن الناس ومِن غيرا الخلِق ما بِيقدورا يعيشو ... هيا ناس ده حرم شطط مِنكُم ساي ... والله أنا بيها وبلاها ياني عزام ود حسن ود فرح والإشراف على المُنتديات إندناااا برضو بدل المُنتدى مُنتديات ... وما عِندي فراغات كتيرة ... الكلام ده بقولو ... علشان ما تأخُذكُم أي شفقة بِسحب باسوير السجم ... بِناقِص مُنتدى هو أنا مُلحِق ... وبدرالدين في مُتناول اليد حرم رمشه عين أكون فوق راسو ...
بدرالدين الأمير قال فيني الكلام التِحت ده
Quote: وهو في هذا المقام اخو جهالة وقد عبر عن سعادته بها نتركه في نعيمه... |
Quote: ..و أخو الجهالة في الشقاوة ينعم |
Quote: عرفة الدهماء ودهماء المعارف |
ما سحبتوهو ليه وسحبتو كلامي ...
أخو جهالة ما شتيمة ... طَيِب يا سيدي السحب كلامي (إنت أخو جهالة) أرزقِية ما شتيمة ... طَيِب يا سيدي السحب كلامي (إنت زول مِن جُملة الأرزقِية) دُهماء ما شتيمة ... طَيِب يا سيدي (إنت في زفة الدُهماء كاشِح)
وكتين قال النور بِيسكر ما حرقتكُم ليه ... وبدرالدين البشرب فوقو ده مويه زمزم ما فاضحنا فضيحه
وكتين قال صلاح محمد إبراهيم ذو أُصول يهودِية أكان قصدوا يِشكِرو ولا يِهينو ... والله دُنيا فرندكس المِتل بدرالدين يتحدث عن صلاح والنور ... بت الكلب يا الدُنيا
وكتين نقل الكلام الفوق حمد الرَيح (سطحِية حمد الرَيح) ما ويجعتكُم ليه ...
صلاح رطاني النور رطاني حمد الريح رطاني
تحرم علي موية السقي أكان ما أنصفتهُم كُلهُم جميعاً ... أنا أخوك يا السارة
بدرالدين إستنجد بيكُم علشان كم الحقائِق مهول ... بِعري الكان بِجاهِد يِغطي وإتنفخ ... إتنفخ لامَن إتَورم وعينيهو إتقفلن تب ... بِقى ما بِشوف إلاهو وإتجدع ... ومُبارياهو (2) موبايِل يطرِشني أكان سِمعتو رنه ... ومُكنكِشلو فوق سيكار يِعميني أكان يوم شفتو ولعو ... نِظام وجاهة وكده ... حرم السيكار أكان بِجينا رأساً مِن فِجتو يا المخلوع ...
نِحنا حديدنا ندي وإتْ حديدك صدي نِحنا أولاد شريف وإت في البيت نضيف نِحنا في المحاصة ندامِع وإتْ طامِع وسامِع نِحنا كامِل نِصابنا وإت في نصيبنا الصابنا
| |
|
|
|
|
|
|
اللخو (Re: عزام حسن فرح)
|
يا ود السارة بطل الأذى
إلا إذا
عايز تجيب عاليها واطيها وواطيها عاليها وتتحكر فوق الخراب
انت زول سمح بالحيل ومابيشبهك البتعمل فيهو ده
ايوة عارفها غضبة الحليم لكن كان فوق الحلم تزيد
عشان خاترنا يا اخو
| |
|
|
|
|
|
|
Re: اللخو (Re: أبو ساندرا)
|
أبوسندرا
كلامك فوق راسي ...
سكت مِنو ...
لكِن علي الطلاق ... أسمع الطلاق ده ... أكان قال بِغِم تاني هِنا أو في أي فِجه عِلا أسوي فوقو رأي ... وفوق البِدني مِني يِحجِز ...
| |
|
|
|
|
|
|
|