|
جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!!
|
تنظم جمعية الصحفيين السودانيين بالسعودية يوم الخميس 26 فبراير الحالي بقاعة أوبرا على طريق ديراب بالشفا، اكبر احتفال من نوعه تشهده الجالية السودانية بالعاصمة الرياض بمناسبة اليوم الوطني لاستقلال السودان المجيد. ويشتمل المهرجان، الذي سينطلق بعد العصر مباشرة، على العديد من البرامج الترفيهية، والثقافية، والتراثية، والفنية، وعروض للفرق الشعبية الفلكلورية التي تمثل مختلف مناطق السودان ( الغرب، الشرق، الجنوب، والشمال )، بالإضافة إلى معرض للصور الفوتوغرافية، والرسم التشكيلي، ومسابقات، وألعاب للأطفال، كما سيتم توزيع العديد من الهدايا القيمة للحضور، وهناك مفاجأة سارة سيتم الإعلان عنها أثناء الحفل. ومن جانبه أكد الأمين العام للجمعية الأستاذ إسماعيل محمد علي، أن الجمعية شارفت على الانتهاء من الترتيبات والاستعدادات الخاصة بهذا الاحتفال الضخم، حيث عقد يوم الجمعة الماضي اجتماع موسع تم خلاله اعتماد البرنامج الرئيسي للاحتفال، كما تم تشكيل ستة لجان رئيسية هي: لجنة البرامج ، ولجنة الخدمات، ولجنة التنظيم والاستقبال، ولجنة المعارض، ولجنة الإعلام والاتصالات، واللجنة المالية. مؤكدا أن الجمعية استنفرت كافة عضويتها لإخراج هذا الحفل بالشكل المرضى والجميل.
|
|
|
|
|
|
|
|
(Re: صديق الموج)
|
اخي هشام جمعية الصحفيين السودانيين بالسعوديةجسد كبير ولاعلاقة له بالاخ غريبة .
شكرا لزميل الموج
| |
|
|
|
|
|
|
Re: (Re: Zomrawi Alweli)
|
زمراوي يا خوي سلامات.. طلب صغيروني ياخوي.. رجاء صغر الصورة .. البوست اتفتل.. رقبتي ذاتها انعوجت معاهو.. رقبتي دي تحديدا محتاجة ليها الايام دي بشدة.. تسلم.. وتسلم رقبتك من الفلايت والقطايع..
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: abdulhalim altilib)
|
اليوم نرفع راية استقلالنا ويسطر التاريخ مولد شعبنا يا إخوتي غنوا لنا اليوم كرري تحدث عن رجال كالأسود الضارية خاضوا اللهيب وشتتوا كتل الغزاة الباغية والنهر يطفح بالضحايا بالدماء القانية ما لان فرسان لنا بل فر جمع الطاغية
وليذكر التاريخ أبطال لنا عبداللطيف وصحبه غرسوا النواة الطاهرة ونفوسهم فاضت حماسا البحار الزاخرة
من أجلنا ارتادوا المنون ولمثل هذا اليوم كانوا يعملون غنوا لهم يا إخوتي ولتحيا ذكرى الثائرين
والتحية لجمعية الصحفيين وهي تقدم الاعمال الثقافية والاعلامية الوطنية المميزة، ونتوقع حفلا إستثنائيا عن الاستقلال وإلى الأمام
شكرا صديق الموج
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: Mohamed Abdelgaleel)
|
الاخوان الاعزاء صديق الموج واسماعيل محمد على ومصطفى البشير وفيصل عبد اللطيف والاخ كمال ادريس والاخت النشطة حليمة
وكل الاخوة من الزملاء الصحفيين المحترفين نحيكم وانتم تحملون الوطن فى حدقات العيون
احتفالكم بذكرى الاستقلال احتفال بقامةوشموخ الوطن بكل اعراقه وثقافاته التى نفتخر بها بعيدا عن الشعارات والمزايدات والتى ملها شعبنا فى الاونة الاخيرة .. ان احتفالكم بالاستقلال يعكس وطنيتكم واحترامكم للوطن ولرموزه ولمناسباته الوطنية التى تجمع السودانيين وتلم شملهم .. اتابع نشاطكم ومجهودكم الوطنى الجبار ضد اهل التشرذم والانانية والحزبية الضيقة التى قادت بلادنا الى نفق مظلم نجاهد الان جميعا حتى نخرج منه سالمين.. وفقكم الله
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: حمزاوي)
|
التحية لجميع الإخوان.. والشكر لكل الذين تحمسوا لإنجاح اليوم.. بالمناسبة: التأخير في الاحتفال لأسباب مادية.. يشارك في هذا الاحتفال بالإضافة إلى الفنان حسن خليفة، الفنانان الرائعان سيف نورين ومصطفى الثورة.، بمصاحبة فرقة تجمع الفنانين، الذي يستعد لتكريم رئيسه الفنان عبدالكؤيم إسماعيل (جنابو). والفرق المشاركة، هي: جمعية التراث والثقافة السودانية، وأسرة عزة السودان، والمحبة والسلام، وجبال النوبة، وهي تشارك لأول مرة معًا بأوبريت وطني. وهناك فرق الكمبلا، والمسيرية، وأبو سمبل، وزهور عمارة. وسيتم تكريم الفنان مكي علي إدريس عضو الجمعية بمناسبة سفره إلى السودان. يشهد اليوم سعادة السفير الأستاذ عبدالحافظ إبراهيم محمد، وسعادة القنصل المصري، وعدد من الضيوف، إلى جانب ممثلي الكيانات السودانية، يتقدمهم البروفيسور عزالدين عمر موسى، والأستاذ عبدالمنعم عبدالعال رئيس مجلس الجالية السودانية في الرياض. تقدم الخطوط السودانية هدايا قيمة للفائزين في المسابقات، إلى جانب هدايا تقدمها الشركات الراعية. الإخراج الفني: عبدالعظيم كباشي، وعثمان سيد أحمد، ود.شيراز محمد عبدالحي، وشاكر خالد. التغطية التلفازية: القناة السودانية، وشروق، وهارموني، والنيل الأزرق، ودانة.
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: Ashraf yassin)
|
أسمحْ ليْ يا عمَّنا وأستاذنا / صديق الموج النَّوْصِفْ للنَّاس ديل القاعة
قُبَّال خريطتكُنْ تَجْهَـزْ ، وعشان النَّاس ما تقوم تلف في الفاضي سَايْ وترجع :
* وصِف رقم واحد :
مثلا تكون إتَّ جايي من حَراج بن قاسم وتطلع الهاي وي ( السَّريع ) البودِّيك علي الشِّفاء ،
وبعدين وإتَّ طالع في الهاي وي بتلقى ليك تلاتة مَفارق ( جمع مَفْرَق ) :
*أقصى يمينك بتشوف مفرق مكتوب عليهو ( طريق الملك فهد ) ما تشتغِلْ بيهو ،
* وفي النَّص بتلقى ليك مفرَقْ مكتوب عليهو ( مكة المكرَّمة ) برضو ما تشتغِلْ بيهو ،
*وأقصى يَسَارَكْ بتلقى ليك مَفْرَق ( ديـراب ) أها الأخير دا إيَّاهو المطلوب ، تقوم تمسِكْ
مفرَقْ ديراب دا وطَوَّالي تمشي بيهو معليش حا تلاقيك فيهو شِـويَّة زحمة سيَّارات عشان
الطَّريق فيهو تصليحات لأنُّو بدورو يسَوُّوهُو ( هايْ وي زَيْ أخوانو ناس مخرج 15 و 16 و17 )
، أهَا إتَّ ما عليك بي كلامي البين قوسين دا ، تقوم تمشي بي ديراب دا طَوَّالي وما تتلفَّتْ لا يمين لا يَسَار
لأنُّو على يسارك وإتَّ ماشي بتكون شايف معارض السيَّارات حقَّ الشِّفاء ، المهم تمشي لِحَدِّي ما تلاقيك
إشارة وإنْ بِقيتَنْ لقيتْ الإشارة حمرا ، أها الإشارة دي إسمها إشارة الدفاع المدني ،
تقيف فيها لِحَدَّتْ ما الإشَارة تعمل (أخدَرْ ) أها تتحرَّك زَيْ مسافة 500 متر تقريبًا بعد الإشارة
دي بتلاقيك إستراحة إسمها الماسة وبعد الماسة دي بي شِوَيَّة ( 50 متر تقريبًا ) بتلقى قاعة ( أوبرا )
القاصدينّها ناس صديق ، زمان غايتو كان شغَّال فيها واحد سوداني بعرفوا ، لكين هَسَّة ما عارف
الشَّغَّال فيها منو ، وربَّنا يوصِّلكُنْ سالمين.
* * *
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: محمَّد زين الشفيع أحمد)
|
** وصف رقم 2 ( ودا وَصِف ما فيهو إزعاج ولا زحمة سيَّارات زَيْ
الوصف الأوَّل ) :
عند المفارق التلاتة القلناهِنْ قِبيل تمسك مخرج مكة المكرَّمة وتمشي
على طول بلاقيك على يمينك مخرج 25 وإسمو عائشة بنت أبي بكر
( ما تشتغِلْ بيهو ) تمشي المَخرج البعديهو وهو مخرج 26 وإسمو مخرج
حَمْزة بن عبد المطَّلب ( ودا المخرج المطلوب بس لازم تنتبه وتركِّز بعد مخرج
عائشة لأنُّو مخرج صِغَيِّر والخوف إنَّك تتجاوزو قُبَّال ما تنتبه ليهو ، لأنُّو
اللافتة حَقَّتوا ما واضحة شديد للعَيَان ومَخَتُوتة بالجنب ) تقوم تطلع بالمخرج دا
وتمشي طَوَّالي لي حَدَّتْ ما تلاقيك إشارة المخرج ( وإنتَ واقف في إشارة المخرج
بتشوف كار فور على يدَّك اليمين ما تشتغِلْ بيهو ) والمهم لمَّا الإشارة دي تعمل
أخدر تقوم تاخُدا شمال وتمشي طَوَّالي لِحَدَّتْ ما يلاقيك دَوَّار أوَّل ( صينيَّة )
تمشي على طول لا تاخُد يمين لا تاخُد يسار ( يعني تاخُد الصِّينيَّة نصف دايرة )
وتمشي طَوَّالي لِحَدَّتْ ما يلاقيك دَوَّار تاني ( برضو تعمل ليهو نفس الحركة الفاتت –
يعني تاخدو نصف دايرة وتمشي ) بلاقيك بعد الدَّوار وعلي يَدَّك اليمين مسجد
خَلِّيهو على يمينك وأمشي طَوَّالي وبتلقى قِدَّامَكْ إشارة ( أها دي إسمها إشارة الدِّفاع المدني )
تقوم تاخُد الإشارة دي يمين ، وتمش 500 متر وتلقى قاعة الماسة وبعدها بي
شِوَيَّة تلقى ( قاعة أوبرا ) ، وربَّنا يوصِّلكن بالسَّلامة ، وأعذروني إنْ بِقيتَنْ
ما جيتكم هناك ، بس قلنا الواحد يشَاركُنْ بالوَصِف لطالما عندي
دِراية بالشِّفاء وما يقرب إليها من أحياءٍ مجاورة .
اِخْتَرْ أيًّا من الوَصفينِ شئتَ .
ولكمُ احترامي .
أخوكم / محمَّد زين.
________________________________- * الْوَصِف دا مساعدة للأخوان وعشان برضو أنا بيتي قِرَيِّبْ من القاعة دي.
| |
|
|
|
|
|
|
Re: جمعية الصحفيين تنظم الخميس 26 الجاري بالرياض اكبر احتفال للاستقلال.. والدعوة عامة ومجانا!! (Re: صديق الموج)
|
الأعزاء الوصف بسيط جدَا أولاً لمرتادي قاعات الشفا.. بعد إشارة الدفاع المدني تجي قاعة الماسة، وبعدها بأمتار قليلة قاعة أوبرا. ثانيًا لغير العارفين بالقاعات: السير في طريق الملك فهد جنوبًا، حتى بعد كوبري عتيقة (أعلى شارع السويدي- محمد بن عبدالرحمن)، وصولا إلى تقاطع الكباري، السير في طريق ديراب، متجاوزًا مخرج الخرج، السير طوالي في الطريق، لتدخل في بداية حي الشفا، حيث الطريق يتم تصليحه، السير حتى إشارة الدفاع المدني، ثم تجاوز شارع حمزة بن عبدالمطلب، ثم تجاوز شارع على النفير وعلى ناصيته قاعة الماسة، بعد أمتار قليلة على اليمين وفي الشارع الرئيسي تقع قاعة أوبرا، وتوجد مواقف قبل القاعة، وبعدها.. يعني إذا سرت عديل في طريق الملك فهد حتمًا ستصل إلى القاعة. مرحبا بالجميع.. وشكرًا لكل الأعزاء..ونأمل أن يكون اليوم في قامة المناسبة.. تحياتي وودي..
| |
|
|
|
|
|
|
|