|
|
 ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فرز !!
|
أول مرة في حياتي أشوف الديم !
والاقي نسوان الديم السمحات شديد
ناس بحبوا الطرب والبهجة وحاجة ماتخلص !!
بجي أحكي ليكم وأسمع منكم عن الديامة أجدع ناس سمح؟
عماد عبد الله تود .. ومن هم ديامة ( بيور) و( تايوان) كونوا بالقرب من شارع وأحد وأربعين ومحطة باشدار سمح؟
التحية للديامية العســــــــل صديقتي سكون وشقيقاتها عفاف وإبتسام ..
وسماحة الزول في الطول والعلا .. القنبلة حنان !!
وعموم الدياماب !
ديامة (حطب) القيامة شكر ولا نبيذة ياناس عن جد ؟!!
ومن هو أول من قالها ولماذا ؟
|
|
 
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: جمال السنوسي)
|
جمال السنونسي سلام
Quote: انا قريت الابتدائي في مدرسة السجانة الجديدة المزدوجة (خلف طلمبة حجازي وجوار بيوت البنك العقاري)
وكنت اسكن امتداد الدرجة الثالثة وقتها
واول مرة اسمع كلمة الديامة
كانت من استاذ معاوية بتاع العلوم
كان في هرجلة شديدة في حصته |
أنا طبعا طلعت من بلدنا صغيرة والحقيقة مابعرف فيها كتير بس مرتين مشيت السوق الشعبي موش السجانة قريبة من السوق الشعبي ؟
وأستاذ معاوية ده بكون هو ذاتو ديامي وبحب الديم شديد
باقي الصور وين وكمان مارسلتها لي في الايميل حسب وعدك ليه ؟؟
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: نادية عثمان)
|
نادية سلامات قبل ما نخش في موضوع الديم .. بحري طراوة وناس بحري بتحبو ويخشوا للزول في قلبه
الديوم .. تنقسم الي الديوم الشرقيه والديوم الغربية
الديوم الغربية : القوز ، الرميلة ، الحلة الجديدة
الديوم الشرقية تبدأ من منزل العم الغالي وتنتهي بمنزل العم حجازي
عايز رد من الفطالحة ليه الناس بتقول الديم اولا ما الديوم ؟؟ وليه لمن يتقال الديم
بكون المقصود الديوم الشرقية ؟؟؟
الخال عبد الرحمن بركات ( ابو ساندرا ) يدك معانا
وبنرجع لك باحلي ذكرياتنا في الديم
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: بخاري عثمان الامين)
|
بخاري عثمان الأمين
Quote: الديوم .. تنقسم الي الديوم الشرقيه والديوم الغربية
الديوم الغربية : القوز ، الرميلة ، الحلة الجديدة
الديوم الشرقية تبدأ من منزل العم الغالي وتنتهي بمنزل العم حجازي |
أها ولغير الديامة تعال أحكي لينا نعرف منو الأعمام ديل سمح ؟
Quote: عايز رد من الفطالحة ليه الناس بتقول الديم اولا ما الديوم ؟؟ وليه لمن يتقال الديم
بكون المقصود الديوم الشرقية ؟؟؟
الخال عبد الرحمن بركات ( ابو ساندرا ) يدك معانا
وبنرجع لك باحلي ذكرياتنا في الديم
|
نحنا بننتظرك ترجع بأحلى الذكريات لكن أبو ساندرا ده بلاش تقول ليهو ( الخال) وكده لأنو بيحرد وممكن مايجي كده .. إنت قول الأخ الشاب الأصغر عبدو .. عشان نضمن جيتو سمح؟
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: نادية عثمان)
|
Quote: إسماعيل يازول ياصديقي ياسمح
والله زعلتني عددددديل
معقولة بس تكون في السودان ومانتلاقى ؟
طيب منى خوجلي جات بعدي وهي تشوفك وأنا لا ؟ |
أختى الرائعة نادية..ماتزعلى..ونحن ما بندور زعلك..دى ألأرادة والمقدر مابيدى
لو كنت أعلم كان جيتك والله...وين ماكنت..إنت زولة تستاهلى..من قلب القمر باقات ازاهر أو حلى
بس كان حايكون عندى 3صلايب سكرى من شوفتكم إنتو الثلاثة..منى.اسيا.نادية
ربنا يجمعنا بأذن الله.......................مودتى..إسماعيل محمد احمد عباس....
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: نادية عثمان)
|
ندوية
اها نحن ناس الصحافة لم نكون عايزين (ربة) بنمشي الديم ..
مثلا الندوات السياسية ما اجملها عندما تقام في الديم
والانتخابات ... بنمشي نفرح بالنجاح هناك ...
والكورة .. هلال .. مريخ .. تمشي الديم تلقى النار في السماء ..
وهم دائما ناس طرب في كل الاحوال ..
سكووووووووون .. تحياتي .. ياخي انا لقيت السودان كلو بعرفك قايلة نفسك (انعام) حيمورة !!
الف حمد لله على السلامة .. واقامة طيبة ...
بس انا زعلانة عشان ما قدرت اوصل ليك (المديولاتر) والسي دي حق البلابل ..
سعدت بالايام القلائل التي قضيتيها معنا ..
وبهدي ليك اذكري ايام صفانا وحياتي والامان ووووو
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: صداح وراق)
|
صداح سلامات أخوي
| Quote: يانادية ازيك ياخي عندي طلب لو ممكن وبالضبط كده طلبين وقدر مافتشت لبوست عثمان رغيم وطلبه ما لقيتو انا بطلب منك عمل حلقة من دار رعاية الاطفال بالمايقوما تشوفي البعد الانساني للاطفال وللعاملين هناك ولو سمحت يانادية عايزنها حلقة نشوف فيها كل قبح المجتمع والطلب التاني بعد ما اشوف ردك علي الاول. |
لو بتقرأ جريدة أخبار اليوم حاتلقى عندي صفحة اسبوعية كان موضوعها الرئيسي لاسبوعين هو دار المايقوما وأطفالها وساعية باذن الله لتسجيل حلقة قريبة مع امهات واطفال دار المايقوما ان شاء الله سمح؟
| |
|
|
|
|
|
|
|
|
|
Re: ديامة يا رسول الله .. يوجد( بهجة وهجيج ) وحبة( حطب) لعناية سكون وعماد وجميع الدياماب دون فر (Re: نادية عثمان)
|
الاخت العزيزة نادية عثمان تحياتي واحترامي ،،،
شكراً على هذا البوست الجميل ، الديم وناس الديم ليهم الف تحية ذلك الحي الجميل الذي تربطنا معاهم صداقات وزمالات دراسة وعلاقات حميمة لا تنمحي بمرور الايام بل تظل خالده فى ذاكرتنا نحن ابناء الامتداد ، فى جميع المراحل الدارسية يجتمع ابناء الامتداد بابناء الديم فى مختلف المراحل الدراسية ، حيث كنت ادرس بمدرسة الخرطوم الثانوية الجديدة الحبيبة ومن تلك المدارس: مدرسة الخرطوم جنوب 1 ، الخرطوم جنوب 2 بنين الخرطوم جنوب 2 بنات ، مدرسة الاتحاد بنين، مدرسة الزهور بنات ، مدرسة مدرسة الخرطوم الثانوية الجديدة بنين ، مدرسة الخرطوم الثانوية الجديدة بنات ،مدرسة الخرطوم القديمة بنات ، مدرسة الخرطوم الشعبية الثانوية كل طلاب هذه المدارس من الصحافات والامتداد و الديم كانت تجمعهم هذه المدارس ، وكم هي لحظات جميلة ان يتجمع هذا العدد الكبير من الطلاب امام حديقة القرشي فى انتظار المواصلات للعودة لبيوتهم فى انتظار الحافلات او بص الريكو الشهير فى ذلك الوقت خاصة عندما ياتي فاضياً من محطة الغالي ويتزاحم الطلبة للصعود للبص ، حيث يجلس البنات فى جميع المقاعد ويقف الطلاب وبعضهم معلقاً فى باب البص ، وتدور فى كثير من الاحيان مداعبات برئية بين الاولاد والبنات و فى حال تعذرت المواصلات بسبب المظاهرات فى تلك الايام ، كنا ناخذ ذلك المشوار مشياً من حديقة القرشي مرورا بمحطة الغالي ومحطة باشادار حيث ايسكريم الشعلة كنا نشتري بما ادخرناه من قروش ذلك الايسكريم الساحر الذي كان مشهورا فى ذلك الزمن ومروراً بمحطة حجازي حيث نفارق اخر الاصدقاء من الديم، ثم جامعة السودان الجناح الجنوبي التي كنا نلتقي فيها ليلاً فى المكتبة الخاصة بالجامعة للمذاكرة ، ومرورا بالسوق الشعبي والعشش حتي وصولنا الامتداد وبعدها نودع اصدقائنا من ابناء الصحافة.
يالها من لحظات جميلة كم كنت اتمني ان تستمر الي يومنا هذا ، شتان بين حالنا اليوم فى الغربة المريرة وتلك الايام الجميلة التي لاتتنسي.
مع فائق الود
اخوك معاذ
| |
|
|
|
|
|
|
| |
Yasier Elsayed
Abuelgasim Mohamed
حسن طه محمد
nazar hussien
ALZOLZATOO
khaleel
عصام علي أحمد
وليد محمد المبارك
محمد فضل الله المكى
جمال السنوسي
ismeil abbas
بابكر التوم
الطيب شيقوق
بخاري عثمان الامين
انعام حيمورة
طارق جبريل
العوض المسلمي
معتز الامين
moaz elsir
معتز جعفر الحسن
فيس بوك
تويتر
انستقرام
يوتيوب
بنتيريست