شاب سوداني على قناة لبنان يشتكي مر الشكوى من عنصرية اللبنانيين وحلمه ((بأن يتزوج لبنانية))

Quote: من يهن يسهل الهوان عليه. كثير من السودانيين بالخارج يتعاملون بسبهللية و عشوائية... - كثير من الاجناس في الخارج يحطون من قدر السوداني حين يتعامل بعفوية و طيبة كقروي ساذج!!...هذا دون إضافة الكسل..و غيره من الصفات الذميمة... - بعدين في بعض السودانيين عندهم صفة ال(تلطع)..الواحد ما يصدق زول باششو أوإبتسم ليهو ..طوالي عايز يعمل صاحبو و يكرمو ..الخ..دي بنفهما بس نحنا السودانين.الناس البره ما بتفهم طيبة و للا عفوية...تعاملهم بندية, ذكاء و ثقة بالنفس بحترموك...تقعد تتعطل و تتكاسل و تنتظر من الناس الرأفة فلن تجد غير التهميش...

أتفق معك تمام الإتفاق .

Quote: رجل لبناني (مولانا) قابلته في مدينة ملبورن..عرف أني مسلم و أتحدث عربي..قال لي (والله تقبل تجي عندنا و تعيش في ملبورن..لزوجتك أحدى بناتي)... قلت ليه : ملبورن ( is too cold )!!!!... شفت التعزز دا كيف

أعتقد دي عزومة مراكبية ساكت وكان هو مولانا وافق زوجتو وبناتو مابوافقو وحايقولوا ليه (تأبرني يا بيي شو هالسوداني إلي بدك تجوزني وربي راح أنتحر)

ويمكن كمان مولانا دا شاف لونك يخالطه بياض فغض الطرف عن جنسيتك ويمكن تكون بتو بايرة أو شينة فقال نخلص منها وفي نفس الوقت يعمل فيها بطل مناهض للتفرقة العنصرية .

أقول هذه الكلمات أعلاه ليس شعوراً بالنقص لكن من واقع خبرة بهذا المجتمع العنصري .

ويا ولدنا عفيت منك الإتعززت عليه و إنت عزيز بي أهلك ، وبنات بلدك نفاخر بهم الدنيا .

تحياتي وتقديري لشخصك النبيل .
.
.