وأهم شيء تشوفي عندكم هناك خدمة ما بعد البيع وهي الصيانة وتوفر قطع الغيار
وتقارني بين الوكيلين
لأنو شايف ناس السعودية أصروا على تايوتا وذلك لأن الوكيل في السعودية بقدم خدمات ما بعد البيع بمستوى جيد ومراكز الصيانة منتشرة في كل مدينة وكل حي تقريباً بالإضافة إلى وفرة قطع الغيار والتي هي أيضاً ليست من جانب الوكيل فحسب ولكن في السوق بصورة عامة لأن السوق ولسنوات طويلة يمثل سوق لبيع قطع غيار التيوتا ليس داخل المنطقة فحسب ولكن للتجار الذين يأتون من بلدان أخرى (أفريقية) لذلك كان حظ تايوتا من توفر قطع الغيار كبيراً في السعودية
لكن لو وكيل النيسان عندكم موفر قطع الغيار والصيانة بأسعار كويسة وفي سهولة في الحصول على الخدمة فعليك بالنيسان (باثفايندر)
يقوم يجيني قيقراوي ناطي كمان لو زدت التفاصيل
12-12-2011, 01:11 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: وأهم شيء تشوفي عندكم هناك خدمة ما بعد البيع وهي الصيانة وتوفر قطع الغيار
وتقارني بين الوكيلين
دي من أول الحاجات الختيتا في إعتباري عندنا هنا الحاجات دي ما فيها مشاكل كبيرة سوق مفتوح وخيارات متعددة ما بيحكمها فقط الصيانة والآفتر-سل سيرفس بالإضافة لإنو وزي ما ذكرت فوق إستهلاك العربية ما زي في السودان هناك تجار الإسبيرات هم البيتحكموا في سعر ومدى قبول العربية
التويوتا ما في عربية بتحصلا من ناحية توفر قطع الغيار بس تايوتا ماااااااا دايرووووو
12-12-2011, 01:39 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
لا هذا ولا ذاك اذا كنت برة السودان اقعي الامريكي الفورد اكسبلورر من احسن العربات الفور ويل درايف وسعرو اقل من النيسان وعندهم الموديل الجديد (رهيييب مرررة ) وقطع غيارو ارخص من النيسان اما لو كنت مصرة : باثفايندر لو كنت برة السودان (Re-sell Value) بتاعتو اعلى من الباجيرو باجيرو لو كنت في السودان وكيلهم جيد وخدمتو ممتازة غايتو انا جربت المتسوبيشي من الخرطوم الى ابوجابرة عن طريق ابو زبد ورجل الفولة وكان ممتاز جدا في الرمال والقيزان بتاعة جنوب كردفان
12-12-2011, 12:51 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
.. . ما تسمعى كلام ملاسي دا كان سايق بوكس ميتشوبيشى ما استيشن :) ومن سابق تجربة شخصية بقول ليك الباثفايندر .. وامشى قوقلى واعملى كمبريسون بينهم زى الداير تشترى موبايل مثلا .. :) اسد والله .. بس ركزى فى اللون الاحمر القانى .. ------------
يا محمد إبراهيم خليت اليابان مرقتها لينا في أمريكا؟
لسبب أنا ما بعرفو كنت مستبعدة العربات الأمريكية قد تكون الآراء الإنطباعية البسمعا من الناس الحولي
كلامك دا خلاني أعيد النظر وأوسع دائرة الخيارات أكتر
ــــــــ غايتو بعد البوست دا شكلي كدا حا أصرف نظر مش أعيدو وأبقى على عربيتي الحالية مالا؟ لذيذونة وحنينة وما خسرتني من يوم جبتها غير حق البنزين وغيار الزيت
12-12-2011, 01:24 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
باجيرو يا ابو التا the winning team ديل جننو الراليهات جن الحبتور في السيرفس و التعامل احسن من المسعود - رغم انهم اغلى 2011 عليها عروض رهيبة تأمين مجاني و ضمان خمسة سنة .. إلخ الفل اوبشن فرقه ما كتير من اتنين وتلاتة
_____________________
اهم شي المساحة اكبر قدام , و البلاتين بكون بعيد من السكان لو حصل حاجة كدا ولاّ كدا ههههههههههههههههههههه
12-19-2011, 05:19 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: باجيرو يا ابو التا the winning team ديل جننو الراليهات جن الحبتور في السيرفس و التعامل احسن من المسعود - رغم انهم اغلى 2011 عليها عروض رهيبة تأمين مجاني و ضمان خمسة سنة .. إلخ الفل اوبشن فرقه ما كتير من اتنين وتلاتة
ود البشرى .. مفكرة جادة كدا لو يوم لقيت لي فرقة زمن أقعد أحصر وأفرز الآراء الوردت هنا ونشوف الويننق تيم بالجد هسي البروف محمد إي سليمان لو في كان أدانا النجيضة في دقيقتين
Quote: اهم شي المساحة اكبر قدام , و البلاتين بكون بعيد من السكان لو حصل حاجة كدا ولاّ كدا ههههههههههههههههههههه
لوووووولز البلاتين في الحجا والنجا ياخ الدكتور أثناء الـ DON'Ts البعد العملية قال لي تاني تعملي حسابك شديد لأي فعل أو رد فعل تعمليهو لأنو ممكن يأثر سلباً بلابلابلا قلت ليهو يا دكتور يعني ممكن البلاتين دا تحصل ليهو حاجة؟ قال لي العملو ربنا حصلت ليهو حاجة يبقى العملتو أنا ما حتحصل ليهو؟
12-12-2011, 03:20 PM
نجلاء قرافي نجلاء قرافي
تاريخ التسجيل: 08-09-2009
مجموع المشاركات: 2163
النيسان عربات جيدة واسبيراتها متوفرة واسعارها معقولة خاصة في الخليج طبعا لما الواحد يسوق عربية جديده مابفكر في مسألة الاسبيرات بس لاقدر الله احياناً التأمين حتى لو كان شامل (عنده ليمتد معين) لايغطي كل الاصلاحات . عشان كده النيسان في رايي هي الخيار الافضل . بالمناسبة النيسان نزلو عربية فور ويل كشكاي حاجة جميلة وفخمة وحجمها متوسط ... كدي طلي عليها اضافة الى انه ماسايقنها كثير .
ــــــــــ الهوندا لو لقيتي فرقة برضو افضل من الخيارين سي ار في جميلة وانيقة ..اديها طلة كدي .
مبروك مقدماً وربنا يكفيك شر الحديد ويديك خيره يارب .
12-12-2011, 03:35 PM
Deng Deng
تاريخ التسجيل: 11-28-2002
مجموع المشاركات: 52554
لا يوجد أدنى وجه مقارنة بين الMitsubishi Pajero وال Nissan Pathfinder من حيث الجودة. ال Nissan Pathfinder أفضل بكثير. أما موضوع توفر الأسبيرات ده شئ أخر.
12-21-2011, 06:00 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
كلامك ممكن يكون صاح لكن من قبل فترة بديت أعمل مسح للعربيات الفي الشارع عندنا وتركيزي كان أكتر على العربيتين ديل تتخيل لقيت إنو وبدون وجه مقارنة نسبة الباجيرو للباثفايندر أعلى بكتير!
من الكلام دا ممكن نطلع بحقايق كتيرة حول الإتنين ..
سلام يا تيسير وحمداً لله على سلامتك، شنو الحكاية ما صدّقتي شميتي العافية قلتي تلحقي موسم لقيط الفقع.
إجابة على استفتائك نقول: لا هذا ولا ذاك ولا حتى البرادو!
Quote: وليه؟
Quote: الدفار كنبو حار
فعلاً العربات دي كلّها من ذوات الضهر الحار. لذا، لو ما عندك ملاواة offroad أقعي ما يصنّف حالياً في خانة الـcrossovers مثل شيفروليه ترافيرس، جي إم سي أكاديا، فورد إيدج، فورد فيليكس وحتى مازدا إكس ناين ومعظمها يتوفّر بها خيار أول ويل درايف مع إنّو ما أظنّو ينستر معاك لو بقيتي من هواة التطعيس (ههه).
ولو الميزانية مفتوحة قولي عشان نقترح ليك من إينفينيتي كيو 35 (زمان كان عندهم حاجة كدا عبارة عن باثفايندر الشكل القديم؛ القبل موديل 2006) وأودي كيو 7 وبي إم دبليو إكس 5 وإكس 6 ومرسيدس إم إل وحتى بورش كايين!
أمّا إن كان لا بد من الفور باي فور، فالأمريكي مثل فورد إكسبلورر، كما نصحك محمد إبراهيم، ممتاز وإن كنت أفضّل الدودج ديرانقو مع إن الباثفايندر (والسيكويا كمان) صناعة أمريكا الشمالية (عاد وين في أمريكا الشمالية؟! نقول ممكن فوق ممكن تحت)
باثفايندر يا تيسير ما يخموك النيسان تميز و التميز برضو مطلوب * وباثفايندر فيها لمسة كدة جميلة يعني بتنفع مدينة وخلا يعني شغل و سفاري لكن الباجيرو دي زيها وزي التاتشر مرات انتي ماشة تحاربي
----------- بالمناسبة الباثفايندر اضيق من جوة شوية
* عارفة حكاية التميز دي ماتهمليها بعت عربتي واشتريت جياد قام يوم في واحد اتزنق من وضع عربيتي في الباركنق وطلع بصعوبة بعد انتهي رجع خلف وقال لي انعل ابو جياد الركبتكم عربات (مسخ علي عربيتي ) عشان كدة اتميزي يا بتي و سكتي الخشامة اسي انا لمن تجي مارا بي جمبي همر و مرسيدس جديد او بي ام دبليو طوالي بزح ليها من الطريق وشعاري احترام الكبير واجب باستثناء البرادو مع اني بحبها لكن بقت مبتذلة عشان كدا ما شغالة بيها
12-21-2011, 07:25 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
يا نازك بالعكس الباثفايندر أكبر برة وجوة من الباجيرو
قبل كم يوم صادف وأنا بعاين بي مراية العربية لقيتم ليك الإتنين ماشين وراي تتخيلي الباجيرو براها كدا روعة لكن لما تختيها جنب الباثفايندر بتلقي التانية أفخم ..
Quote: اسي انا لمن تجي مارا بي جمبي همر و مرسيدس جديد او بي ام دبليو طوالي بزح ليها من الطريق وشعاري احترام الكبير واجب
أنا نفس الحكاية والكبير كبير عربيات زي دي لو عملت أي حركة ما لذيذة في الشارع برضو ذنبها مغفور
Quote: باستثناء البرادو مع اني بحبها لكن بقت مبتذلة عشان كدا ما شغالة بيها
هيييع وينك يا فلان تجي تسمع الكلام دا ..
12-21-2011, 06:29 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
سيدي البدوي والله ما قصرت معاي كلو كلو مداخلتك دي حا أحتفظ بيها قايدنس لي قدام كلما أنوي أشتري عربية
بس شايفاك برضو مميل على الأمريكي زي محمد إبراهيم طبعاً بعد كلامكم دا بديت أرجع البصر كرتين وتلاتة وأربعة كراكير وأدينا الأمريكي نظرة وعرجنا على الألماني لا يفيقنا من إطالة النظر والتحديق إلا صوت جواني زار بالأمس خيالي يردد: هوي .. عربيات عادل الألمانية دي في الخطة الخمسية القادمة أصلي ناوية عليها نية سودا ولكن ليس الآن
يعني هسي أنا أموت ويدفنوني تحت التراب بدون ما أكون سقت البي إم دبليو على سن ورمح؟ لا والله لا يكون هذا أبداً
هسي يجيني من يقول قولي إن شاء الله
الأمريكي إحتمال كبير آخد برايك إنت ومحمد إبراهيم ويمكن دا الخلى عامل الإستعجال الفي بداية البوست ينتفي المهلة كويسة والعجلة من الشيطان (وايل) العربية من الرحمن
ـــــــ قال ليك جحا فلّس وقرر يبيع الحمارة بتاعتو صحا من الصباح قال لي مرتو أنا قايم ماشي السوق أبيع الحمارة دي وأشيل قروشا أعمل بيها طبلية نسترزق منها قالت ليهو يا راجل قول إن شاء الله قال ليه؟ دا أنا ودي الحمارة ودا السوق يعني الحيحصل شنو؟ مرق لاقوهو ليك رباطية دقوهو دق العيش وشالوا الحمارة رجع البيت مورم ودمو سايل كو كو كو مرتو قالت منو؟ قال ليها افتحي دا أنا راجلك إن شاء الله
12-21-2011, 06:37 AM
khaleel khaleel
تاريخ التسجيل: 02-16-2002
مجموع المشاركات: 30134
صاحبة البوست انصحك نصيحة لوجه الله ولا اريد منكي جزاء ولا شكورا
المتسوبيشي عموما هي احدى اسواء (اسواء) السيارات بالذات في السودان ووالله وماطالباني حليفه لو ادوني بالجيرو هديه حأعتذر
لأنها بصراحة عربات ماسورة
ماسورة في كل حاجة
اولا الصيانة الصيانة البيقدما الوكيل او وكلاء الوكيل سيئة جدا جدا جدا وغالية جدا جدا جدا ثانيا الرعاية المتسوبيشي محتاج رعاية خاصة جدا جدا جدا زي رعاية الاطفال الرضع يعني بي اختصار بدل ما تعينك العربية حشان تشوفي اشغالك حتحتاجي تتفرغي تماما لرعاية العربية المتسوبيشي بتاعتك ثالثا السوق في السوق السوداني العربية المسوبيشي ماعندها قيمة بالمقارنة مع سعرها وهي جديدة
بإختصار شديد الا هل بلغت اللهم فشهد
.......
12-19-2011, 06:13 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: بالمناسبة النيسان نزلو عربية فور ويل كشكاي حاجة جميلة وفخمة وحجمها متوسط ... كدي طلي عليها اضافة الى انه ماسايقنها كثير .
الكشكاي في نظري فيها عيب كبير في الدزاين البراني ما أظنها تنفع معاي لكن باقي كلامك عن النيسان بتفق معاك فيهو ..
الهوندا دي ممكن أسوقا من بعيد ليعيد لكن تكون حقتي ماااا أظن لا بحبها ولا بكرهها الهوندا فشلت في إنها تخلق علاقة عاطفية بيني وبينها ودي من أهم مواصفات العربية المفروض تكون معاي
12-13-2011, 01:05 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
بتكلم مع صديق قبل يومين قلت ليهو لو أخدت باجيرو "وهي العاجــباني أكتر" حفضل بعديها أفكر في الباثفايندر لكن لو أخدت باثفايندر ما أظن أشتري أو أفكر في باجيرو تاني
حاجة غريبة مش؟
12-12-2011, 05:56 PM
Adil Osman Adil Osman
تاريخ التسجيل: 07-27-2002
مجموع المشاركات: 10208
الباثفايندر لعلمك أصبحت سيارة امريكية الطعم والمذاق من الموديل 2006 وتصنيعو وتجميعو كلو أمريكى ياخ البورى بتاعو دا بقى ما صوت بورى يابانى وتابانى,,
المحرك ال4.0 أو 4.2 دا يا اللخو كلامو خلو بس أبقى صاحى شديد,, تشد وتركب 3 أو 4 سنين ما بتغير غير زيت وفلتر وكلو تحت الضمان إلا بس قعادو ما مريح شديد مقارنة بالباجيرو..وقدر ما الله يجيبك جنب محطة بنزين خش واسكت كب ساى,,حسابنا فى البنك وبنزينا فل تنك..
الباجيرو عربية عظيمة وتتمتع بميزات كبيرة لكنك ضيعتىيها بالمقارنة مع الباثفايندر,, لكن كان بقيت زول قيزان وطعوس ورمال خليك مع الباجيرو فتصميمو روعيت فيه هذه الظروف ..
*يا تبلدينا باثفايندرك دا والله ما ناقصو شى غير كوز كبير حتى يسمع صوته من ود بندة لمن هم فى بارا وخور طقت وما تنسى تكتب فيه من ورا (خمسة سنين طويلة) ...
Quote: المتسوبيشي عموما هي احدى اسواء (اسواء) السيارات بالذات في السودان ووالله وماطالباني حليفه لو ادوني بالجيرو هديه حأعتذر
لأنها بصراحة عربات ماسورة
ماسورة في كل حاجة
اولا الصيانة الصيانة البيقدما الوكيل او وكلاء الوكيل سيئة جدا جدا جدا وغالية جدا جدا جدا ثانيا الرعاية المتسوبيشي محتاج رعاية خاصة جدا جدا جدا زي رعاية الاطفال الرضع يعني بي اختصار بدل ما تعينك العربية حشان تشوفي اشغالك حتحتاجي تتفرغي تماما لرعاية العربية المتسوبيشي بتاعتك ثالثا السوق في السوق السوداني العربية المسوبيشي ماعندها قيمة بالمقارنة مع سعرها وهي جديدة
ياحذيفة ياااااااخ رشيت ناس (دال) ديل رش ما عادي
بالتأكيد ربما لديك تجربة سيئة مع الوكيل لكن التعميم مخل جداً وظالم لشركة (دال) وللمتسوبيشي
وسيارات الميتسوبيشي اثبتت قدرتها وجودتها في الشارع السوداني وما ادل على ذلك من كونها
السيارة الاكثر استخداماً بواسطة الشرطة لانسر وبكاسي واوت لاندر وباجيرو ودفار ...الخ
وبرغم طبيعة العمل الشاق والكثيف للشرطة اثبتت المتسوبشي جدارتها ولا اظن ان هناك شركة
في السودان تهتم بعملاءها كا اهتمام شركة دال بهم ولديها قسم مخصص لرضاء الزبائن ... ياااخ
ناس دال ديل لو اشتريت منهم طقم بلكات بضربوا ليك تاني يوم يستفسروك عن جودة الخدمة والسرعة
والسعر ........ الخ وكل الشكاوي ترفع في تقارير يومية للادارة لاجراء اللازم .....
اقول قولي هذا وانا الان لست موظفاً لدي شركة دال ......
12-13-2011, 07:30 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
جربت الباثفايندر (موديل 2007) لمدة 4 سنوات تقريبا, تجاوزت المسافة التي قطعتها السيارة 83000 كيلومتر وكانت من أحسن ما يكون وعند البيع لم أفقد من قيمتها أكثر من 50000 ريال سعودي... السيارة قوية ومريحة وأنيقة بس يبدو أن في السيرفيس بتاع ال80000 كيلو أو قبل ذلك يجب أن يتغير الtiming belt مع كل القطع المرتبطة بهذا الأمر (لأن هذه القطع يبدو أنها ليست بالقوة المطلوبة): وهذا أقصى ما حصل معي.
بس أنا الآن مع الرأي الذي يميل للأمريكي ال all wheel drive زي: جمس أكاديا أو شيفروليه ترافرس... وأحسن من دا كلو فورد إكسبلورر الجديدة 2012 رهيييييييييييييييييييييييييييييييبة
لكن متسوبيشي باجيرو لااااااااااااااااااااااااااااااااا
12-13-2011, 08:30 AM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
Quote: سيارتي السابقة والحالية باجيرو ما بتخزلك ابدا مشيت بيها السودان وكمان هي حاليا معاي في السودان قطع الغيار اغلى من التايوتا بي شوية
أنا مع رأي صالح لأني أمتلك باجيرو م .2006 ومريحني جداً بس بصراحة الموضوعية بتقول لو عايز فخامة وقوة في التحمل فعليك بالباجيرو شرط أن يكون أوتوماتيك ترانسميشن ولو عينك على البيع مؤخرا فعليك بالباثفايندر إذا كانت الميزانية الموضوعة على قدر الخيارين خاصة في السعودية.
ابو حمــــــــــد
12-13-2011, 09:22 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
قالوا يا بتنا العاقل من اتعظ بغيره وقالوا الشقي بشوف في روحو والسعيد بشوف في الناس
احكي ليك بالتفصيل تجربتي مع الماسورة اقصد(المتسوبيشي)
اولا 2 بوكس اسبورتيروا 2009 بعد ما تمو سنة مباشرة دخلو عمرة كاملة للمكنه يعني قدت مكنة في سنة كلفتنا العمرة الواحدة للعربية الواحدة 27مليون يعني للعربيتين 54 مليون وبعد العمرتين للعربيتين بي شهرين برضو حصل الحصل ودخلنا في عمرة للعربيتين كلفتنا حوالي 40 مليون
الباجيروي سمحة سماحة جمل الطين عباره عن شكل جميل ومريح من الخارج لكن تحتاج عشان تمتلك باجيرو انك تعين ناس عشان يراجعوها ليك بشكل يومي لأنو اذا دخلت عمرة التكلفة حتكون حوالي 60 مليون
ودا غالبا بيظهر في السنة التانية طوالي
الدفار المسوبيشي ممتاز جدا جدا جدا ومافيهو كلام لكن اياك ثم اياك تعمل ليهو صيانة او حتى غيار زيت في دال لأنهم حيرقعوك بي فاتورة لو قسمت على اهل الارض لكفتهم
القلاب المتسوبيشي ممتاز جدا جدا جدا ومافيهو كلام بس الصيانة في دال مكلفة جدا جدا جدا جد
تيسير
الا هل بلغت؟؟
.....
12-13-2011, 02:23 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
لولا اختلاف الاذواق لبارت السلع لكن برضو ايش جاب لجاب مع احترامى لشركة ميتسوبيشى العملاقة كشركة صناعات كهربائية (التحية للاخ دكتور خالد حسن حسين زوج زميلتنا سناء خالد رد الله غربتهم , هو من العباقرة الذين ساهموا فى نهضة ميتسوبيشى الكهربائية) ولكن كشركة سيارات فسورى كبير ليهم , ما هو حجم مبيعاتهم فى العالم او بمعنى اكثر دقة كم زبون فى العالم اقنعته هذه الشركة ان يقتنى احد منتجاتها , انتشار ميتسوبيشى فى السودان ليس بالقياس الجيد حيث ان الدولة هى الزبون الاكبر او الوحيد لهذه السيارة اما بالنسبة لشركة نيسان احترمها جدا ولكن لديهم على الدوام مشاكل تسويقية وترويجية وضعف متذايد فى خدمات ما بعد البيع , اذكر فى عام 2005 كنا حضورا فى احد مؤتمرات تويوتا بمدينة ناقويا باليابان حين خاطبنا احد كبار المدراء التنفيذيون ساخرا من شركة نيسان بان مجموع الفائض فى المبيعات فوق المستهدف لتويوتا خلال اربعة سنوات يعادل ما تنتجه نيسان فى السنة , وقال كاننا بنينا شركة مثل نيسان من فائض المبيعات المهم , البرادو هو الحل ولو شايفاها بقت مبتذلة زى ما قالت واحدة من الاخوات فوق او شعبية شوية , عليك باللكزس GX
12-14-2011, 01:14 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
أو دي...وبرضو ممكن بسهولة اضمن ليك عشرة سنوات من المتعة في القيادة...(مع زيت وبنزين وبس)
فولوكسواجن...
الاتنين مجربين...بجو السودان...وجو مشابه لليابان... في الطرق الوعرة والمعبدة...ومزودات بكل ما يعين النعام آدم عليه رحمة الله علي السياقة....بس تقولي لي اي عربية فيهم انتي ماشة وين في الدنيا ديا...
12-19-2011, 09:08 AM
abas abas
تاريخ التسجيل: 07-27-2002
مجموع المشاركات: 6254
شخصيا ضد فكرة انك تشتري عربية عشان تحافظ علي قيمتها السوقية... أشتريها للمتعة...وللمحافظة علي القيمة والسلامة الروحي لي ولعيالي...
الدلالين في السودان...رسّخوا فكرة...ان البوكس السيوبر موديل 83 أفضل من موديلات التسعينات...وموديل 78 اقيم من موديل 86... وهكذا...يقول ليك...دا سعرو فيه...ويكون هو زاتو كركباااااانة
ولي اليوم دا ...ماغصني زول بدل عربيتو المارسيدس...وكراسيها يلمعن...ومعطرة بالدواخول...بي بوكس معفن كده... بل وزاد هو زيادة كبيرة..
اها في مثل الحالات دي...مش عايز افهم الظروف الرتبت زي البيعة دي من اساسو....طالما المارسيدس قدرت وصلت الدلالة بي لساتكا
12-19-2011, 03:41 PM
Tagelsir Elmelik Tagelsir Elmelik
تاريخ التسجيل: 11-25-2004
مجموع المشاركات: 4028
سـلام يا تيسير،، وحمد الله السلامة.. تاني!.. أنا بس مع (أبوساندرا) والشباب ال مـع الهوندا CRV ،، عن تجربة.. ومع الناس ال ما مع الكاشكاي.. عن تجربة (مريرة) لصديق وشاركته مرارتها لأني جريت معاهو، أو بالأصح جريت ليهو بسبب مشغولياته وشغله، وفي النهاية حلف من جنس نيسان.. ولا أفضل على ال CRV إلا ال Q7 زي ما رشحها ليك بعض الأخوة.. ومن تجربتي برضو العلاقة العاطفية ممكن تجي بعـد العـرس! أوبس أقصد بعد الشـراء أو حتى التجـربة،، وأظن أغلب الشركات لو ما كلها عندها نظام try & buy على الأقل في أوربا.. وبالتوفيق دوماً..
Quote: ماقلتو فلسطين...
.. حلوة يا تاج!
12-20-2011, 01:06 AM
elhilayla elhilayla
تاريخ التسجيل: 02-05-2002
مجموع المشاركات: 5551
دكتور تيسير (المهن لا تؤنث) من تجربة شخصية توكلي علي الله وغمدي وفتحي وتووووووش باجيرو دي عربية كنت راكبها حتي خروجي من الامارات 10/10/2002 وما كلفتني غير غيار البنزين متينة، جعيصة،مأمونة وقطع غيارها متوفرة لو كنتي في ابو ظبي وكيلها اسرع من الريح المرسلة وما زال تربطني بهم صداقات الموديلات الاخيرة دي روعة
الداير أقوله معظمه قالوه الجماعة الفوق واتفق ان البرادو اصبحت اكتر من مبتذلة
المقارنة مع الباثفايندر فعلا صعبة لانها عربية محترمة اما أنا فلن التفت ربما عملا بمبدأ ( ما الحب الا للحبيب الاول)
اها شكلي محظوظ ختامه مسك ! بالله ادينا الخلاصة
وبالمرة ما تنسي حمل الكرامة وخلي لينا نصيبنا كان بقيتي علي الباجيرو
الحليلة
12-20-2011, 02:33 PM
elhilayla elhilayla
تاريخ التسجيل: 02-05-2002
مجموع المشاركات: 5551
باثفايندر بدون كلام كتير انا عندي موديل 2008 وماشاء الله الصحة بمب عارفة عربية سايقه انا يعني تقعيها بدون كلام لانو بسوق بي اهمال بدوره اليوم كلو ما بنزل منها الا للنوم ماكينة قوية وفيها احسن مكيف لاتقولي شرق ولا غرب واطلعي من عقدة الكراسيدا والشنطة السامسونايت والانكروزروالسكروته وتوب ابوقجيجة والجاكار وربنا يديك العافية وتحققي احلامك مودتي
12-21-2011, 07:16 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: يعني هسي أنا أموت ويدفنوني تحت التراب بدون ما أكون سقت البي إم دبليو على سن ورمح؟ لا والله لا يكون هذا أبداً
كنت أشاركك هذا الرأي حتى شاهدت جيريمي كلاركسون في أدناه يؤكّد أنّ بي إم دبليو إكس 5 وأودي كيو 7 وحتى رينج روفر عبارة عن خَسَار قروش ساكت. آمل أن يعجبك هذا الفيديو البديع رغماً عن الاحباط (!) لاسيما الأوسكار بتاع تشبيه جيريمي للبحث عن التوفير في أودي كيو 7 عبر تزويدها بمحرّك ديزل بأنّه "زي زول عاوز يخفّض تكلفة التدفئة، يقوم يطفي نظام التدفئة المركزية ويقعد يشيل ويحرق في لوحات رامبرانت يتدفّى بيها"
01-29-2012, 08:54 PM
الفاتح شلبي الفاتح شلبي
تاريخ التسجيل: 02-27-2009
مجموع المشاركات: 2141
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
تيسير عووضة
Hussein Mallasi
osman righeem
صالح عبده
شكرى سليمان ماطوس
walid taha
ناجى أحمد البشير
طارق جبريل
قيقراوي
أيمن الطيب
Asim Fageary
محمد إبراهيم علي
حمد عبد الغفار عمر
Dalal Ezzaldin
نادر النور آدم
omer osman
حبيب نورة
محمد البشرى الخضر
نجلاء قرافي
Deng
Nazik Eltayeb
khaleel
moaz elsir
حذيفه ابراهيم الكباشي
Adil Osman
محمد عبد الماجد الصايم
سامي عبد الوهاب إدريس
عثمان عبدالقادر
أبو ساندرا
Fathi Ali Mohammed
احمد التجانى احمد
معاوية عوض الكريم
سيف بخيت موسي
abas
Tagelsir Elmelik
elhilayla
محمد سنى دفع الله
صديق الموج
الفاتح شلبي
فيس بوك
تويتر
انستقرام
يوتيوب
بنتيريست