|
هواية جمع البرطمانيات ..
|
الليلة صحيت من الصباح وأنا ناوية نية سودا على دولاب البهارات (أقصد العطارة) في المطبخ من يوم ما سافرت أمي وأنا بعاين ليهو من بعيد وخايفة أفتحو ولا حتى أقرب منو لمعرفتي المسبقة بالوضع المهدد للحياة رغم تنويهي المتواصل حتى آخر لحظة إنو ما تخلي وراها أيييي حاجة بس تخلي حق الإستعمال اليومي أمي الله يمسيها بالخير ويديها ألف عافية من هواة جمع البرطمانيات أو بمعنى أدق: من هواة إعادة التدوير والحفاظ على البيئة مثلها مثل ملايين السودانيات اللي بينهم وبين الزبالة (الله يعزكم) ود مفقود فيعدن إستعمال الباغات والقزايز الفاضية والكراتين وحتى أكياس النايلون أخوي الصغير زول كارثة .. قال أمنا دي لو عجبا شكل برطمانية غض النظر عن الجواها ممكن عادي تشتريها تدفق الجواها عشان تغسلها وتستعملا بعد داك شلت ورقة وقلم لحصر الغنائم وإتحزمت ويا القزاز جاك زول افتح واشم وأكتب أو بالأصح افتح واشم وأعطس وأكتب شي عطرون وشي جردقة وميرمية بخور تيمان وحلبة حصا كزبرة حب لالوب ناشف وحاجات كدا ما عرفتها زاتو لدرجة وأنا بفتح في العلب خفت يجيني طالع جني ولا مارد ويقول لي شبيك لبيك حتى اكتمل العدد لـ 56 برطمانية بمختلف الأطوال والأحجام والألوان والأشكال تم العد وحصر الحاجات العايزاها والحاجات الممكن أستغنى عنها إتصلت عليها وأنا ميتة من الضحك: يا أمي مش إتفقنا تشيلي دكان العطارين معاك قالت لي حالتي ما خليت ليك غير الحاتحتاجي ليهم بس!
ــــــــــــ بهذا أعلن تأسيس رابطة صديقات البيئة فرعية جمع البرطمانيات وصلح سراير عناقريب بوابير الجااااااز
|
|
|
|
|
|
|
العنوان |
الكاتب |
Date |
هواية جمع البرطمانيات .. | تيسير عووضة | 03-02-12, 12:40 PM |
Re: هواية جمع البرطمانيات .. | رشا سالم | 03-02-12, 09:08 PM |
Re: هواية جمع البرطمانيات .. | Rawia | 03-02-12, 09:36 PM |
Re: هواية جمع البرطمانيات .. | عمار عبدالله عبدالرحمن | 03-02-12, 09:45 PM |
Re: هواية جمع البرطمانيات .. | عبدالله احيمر | 03-03-12, 11:11 AM |
Re: هواية جمع البرطمانيات .. | ولياب | 03-03-12, 11:30 AM |
Re: هواية جمع البرطمانيات .. | تيسير عووضة | 03-03-12, 05:49 PM |
Re: هواية جمع البرطمانيات .. | omer osman | 03-03-12, 11:30 AM |
Re: هواية جمع البرطمانيات .. | تيسير عووضة | 03-03-12, 05:57 PM |
Re: هواية جمع البرطمانيات .. | احلام وهبي | 03-03-12, 11:41 AM |
Re: هواية جمع البرطمانيات .. | نادر النور آدم | 03-03-12, 12:09 PM |
Re: هواية جمع البرطمانيات .. | محمد عبد الماجد الصايم | 03-03-12, 01:10 PM |
Re: هواية جمع البرطمانيات .. | الخير محمد عوض | 03-03-12, 01:37 PM |
Re: هواية جمع البرطمانيات .. | تيسير عووضة | 03-04-12, 04:31 PM |
Re: هواية جمع البرطمانيات .. | د.نجاة محمود | 03-03-12, 01:39 PM |
Re: هواية جمع البرطمانيات .. | Tumadir | 03-03-12, 01:56 PM |
Re: هواية جمع البرطمانيات .. | فيصل محمد خليل | 03-03-12, 02:41 PM |
Re: هواية جمع البرطمانيات .. | قيقراوي | 03-03-12, 02:56 PM |
Re: هواية جمع البرطمانيات .. | تيسير عووضة | 03-04-12, 04:58 PM |
Re: هواية جمع البرطمانيات .. | تيسير عووضة | 03-04-12, 04:41 PM |
Re: هواية جمع البرطمانيات .. | تيسير عووضة | 03-04-12, 04:25 PM |
Re: هواية جمع البرطمانيات .. | تيسير عووضة | 03-04-12, 04:15 PM |
Re: هواية جمع البرطمانيات .. | تيسير عووضة | 03-04-12, 04:01 PM |
Re: هواية جمع البرطمانيات .. | تيسير عووضة | 03-03-12, 05:42 PM |
Re: هواية جمع البرطمانيات .. | تيسير عووضة | 03-03-12, 05:22 PM |
Re: هواية جمع البرطمانيات .. | تيسير عووضة | 03-03-12, 05:20 PM |
Re: هواية جمع البرطمانيات .. | تيسير عووضة | 03-03-12, 05:15 PM |
Re: هواية جمع البرطمانيات .. | دينا خالد | 03-03-12, 05:57 PM |
Re: هواية جمع البرطمانيات .. | حافظ انقابو | 03-03-12, 06:24 PM |
Re: هواية جمع البرطمانيات .. | محمد عبد الماجد الصايم | 03-04-12, 06:36 AM |
Re: هواية جمع البرطمانيات .. | Asim Fageary | 03-04-12, 06:59 AM |
Re: هواية جمع البرطمانيات .. | د.نجاة محمود | 03-04-12, 10:25 AM |
Re: هواية جمع البرطمانيات .. | سلمى الشيخ سلامة | 03-04-12, 07:26 PM |
Re: هواية جمع البرطمانيات .. | khaleel | 03-05-12, 06:47 AM |
Re: هواية جمع البرطمانيات .. | محمد أبوالعزائم أبوالريش | 03-05-12, 07:02 AM |
|
|
|