|
|
|
 Re: كلام عجيب جداً .. (Re: تيسير عووضة)
|
يا سلام يا تيتي
صوت المطرة ذكرني حبوبتي عليها الرحمة
عندما ينزل المطر كانت تقول
كييل يا ميكاييل بالربع التقيل
ولكنها كانت تخاف من الرعد خوفا شديد
وعندما تسمع صوت الرعد كانت تعمل لبتون داخل البطانية وهي تقول
يا وكيل الرعد يا وكيل الرعد
| |
 
|
|
|
|
|
|
|
|
Re: كلام عجيب جداً .. (Re: تيسير عووضة)
|
كنا بنغني ليها زمان يا خليل:
يا مطيرة صبي لينا في عينينا
مطرة تعالي بديكي تسالي
في رقصات دائرية حول أنفسنا أشبه بدوران الدراويش
وأيدينا الصغيرة مفتوحة تحاول الإمساك بقطرات المطر
"صوت المطر" دا مش كان توب ولا قميص ما بعرف؟ 
| |
|
|
|
|
|
|
|
|
|
Re: كلام عجيب جداً .. (Re: Tragie Mustafa)
|
تراجي 
ليك وحشة كبيرة يا ستي
كيفك والأولاد؟
الفيديو عن ناس بيقلدوا صوت المطر بي حركات جسدية باليدين والقدمين
شغل مبالغة
تحلفي تقولي المطرة صابة برة
بحاول أرسلو ليك ..
| |
|
|
|
|
|
|
|
|
|
Re: كلام عجيب جداً .. (Re: سمير شيخ ادريس)
|
| Quote: ما عنده همبريب مع المطرة |
كيف يا سمير ياخي
دا ساعي البريد شخصياً 
همبريب زي بتاع عاطف خيري رضي الله عنه
مرقت على المطر حفيان
لقيتِك والرذاذ مدخل
وناديتِك، أقيفي معاي
نشيل كتف الغنا الميّل
ونتخيّل ..
أو كما قال 
| |
|
|
|
|
|
|
|
|
|
Re: كلام عجيب جداً .. (Re: GamarBoBa)
|
قمر بوبا ..
Quote: غايتو تاني البتسطلوا ما يرجوا الخريف ولا حاجة
مكيف موية في الضلمة والبوست ده ويبقي محلق طوالي |
الغريبة المساطيل عندهم جن مع مكيفات الموية
واحد مسطول إشترى مكيف موية بعد فترة شالو جدعو في الشارع
قالوا ليهو ليه؟
قال ليهم ما داير وشو دا اليوم كلو داير قش داير موية دا مكيف ولا خروف أصلو
| |
|
|
|
|
|
|
|
|
|
Re: كلام عجيب جداً .. (Re: لؤى)
|
كليب ( وائل) جميل شديد
انتو ناس معهد الموسيقى ديل ما بعملو حاجات زى دي ليه؟؟
لا كمنجات لا بنقز
في الرقص الشعبي السوداني في حاجات زى دي
شكرا على اشراكنا المتعة
| |
|
|
|
|
|
|
|
|
|
Re: كلام عجيب جداً .. (Re: Balla Musa)
|
| Quote: فى حاجة واحدة الناس ديل لو عملوها كان شفنا سيول وفيضانات! |
الدكاترة ديل تفكيرهم واااحد
صحبتي دكتورة رسلت ليها الفيديو دا ردت علي "تقريباً" بنفس معنى كلامك دا 
| |
|
|
|
|
|
|
|
|
|
Re: كلام عجيب جداً .. (Re: Tagelsir Elmelik)
|
وائل دا منو يا تاج السر
Quote: انتو ناس معهد الموسيقى ديل ما بعملو حاجات زى دي ليه؟؟
لا كمنجات لا بنقز
في الرقص الشعبي السوداني في حاجات زى دي |
يكون جميل جداً لو عملوها
زمان كان في حركة اسمها أو بتدي صوت (أم برمة)
بتتعمل برضو إبتداء من أصوات تطلع من الفم مروراً باليدين والرجلين وهاكزا
| |
|
|
|
|
|
|
|
|
 Re: كلام عجيب جداً .. (Re: ثروت سوار الدهب)
|
ثروتنا القومية ..
إزيك ياخي
Quote: بس انا داير فتوة شرعية من اقرب ظلامي
هل يجوز {التشبه بالمطر}؟ |
التشبه بالمطر مكروه لأن فيه تغيير لما خلقنا الله عليه وشبهة إعتراض على ذلك
كما وأن الذين يتشبهون بالمطر أعلاه هم من القوم الكافرين ولا يجوز التشبه بالكفار
هذا والله أعلم ..
| |
|
|
|
|
|
|
|
|
|
Re: كلام عجيب جداً .. (Re: تيسير عووضة)
|
حاجة لطيفة يا أستاذة
لفتتني
فكرة الإستفادة من الجمهور لتنفيذ العمل بهذا القدر
عمل يقوم على موضوع (بسيط) زي المطر.. ما بسيط!..
ما في قضايا كبيرة كدا، (زي مشكلة الشرق الأوسط )، غير مشروع الفنان وأدواته
وشوية أسئلة زي مين المبدع هنا وهنا وهناك!
وليه لأ!
أم يا ترى العملية هدفت لخلق كيان وحالة إبداعية آمن المؤلف بقدرة المشاهدين المشاركين في المساهمة فيها بقدر محسوب
لتشكيل نهاياته
التي تصلنا عن طريق (تيوبنا) كحالة أخرى تستنهض حيثيات للتفكير.
منذ ميلاد الفكرة الى حيز وصولها للمشارك
أوبس المشاهد.
أوبس المتصفح لسودانيز
أوبس.. الخ .. الخ..
وليه لأ!
| |
|
|
|
|
|
|
|
|
|
Re: كلام عجيب جداً .. (Re: Ahmed Elmardi)
|
مرحب أستاذنا الفنان أحمد المرضي ..
العمل ما بسيط زي ما إتفضلت وإن بدا كذلك
بعدين فيهو synchronization عجيب حركات اليدين دي بتفصلها عن بعض كسور من الثانية عشان تدي صوت المطر الحقيقي، ضبط الحكاية دي صعب جداً وعايز ليهو تدريب متواصل عشان يصل للشكل السمعناهو بيهو دا
| Quote: أم يا ترى العملية هدفت لخلق كيان وحالة إبداعية آمن المؤلف بقدرة المشاهدين المشاركين في المساهمة فيها بقدر محسوب لتشكيل نهاياته |
دا تماماً الحصل وخلى الأداء يطلع مختلف
ما قريب دا يا أستاذ مرضي شفت/سمعت لي عمل إبداعي "في البيت" وقدر ينتزع تصفيقي زي ما حصل مع العمل دا
لقيت ليك روحي قاعدة أصفق بحماس
نفس الحماس البيتلبس الزول في حالة العروض والكونسيرتس البتكون لايف في المسارح ديك
ويا قولك ليه لأ؟
فالعمل على قصر مدته الزمنية يستحق ..
| |
|
|
|
|
|
|
| |
تيسير عووضة
Mohammed Awad
مرتضى احمد عبد القادر
khaleel
محمد عبد الماجد الصايم
Tragie Mustafa
GamarBoBa
لؤى
Tagelsir Elmelik
فيصل محمد خليل
عفاف الصادق بابكر
Ahmed Elmardi
Soumeta
فيس بوك
تويتر
انستقرام
يوتيوب
بنتيريست