|
|
|
 Re: عزاز شامي .. سنة حلوة يا جميل .. (Re: تيسير عووضة)
|
*****
على هذه الأرض ما يستحق الحياة،
تردد إبريل
رائحة الخبزِ في الفجر
تعويذة امرأة للرجال
أول الحب
عشب على حجرٍ
أمهاتٌ يقفن على خيط ناي
وخوف الغزاة من الذكرياتْ...
محمود درويش
____
وعلى هذه الأرض بشر جديرة بالتواد و المحبة ... وهم انتم ...
و عاد أبريل، و و ذكرى موعد مولدي الظنّي،
و ما يعنيني منها إلا كونها تبعث الحياة في أجمل لحظات هي زاد لمقبل العمر،
و ترش ماء زهر على عين حنيني لمنازل الطين،
و رائحة الأرض يسقيها النيل، ولا هي تروي ولا هو يغيض،
و أقنع من الذكرى بعشم في باكر ونعمة الأصحاب "الوطن"
ووطني في اتساع، و دولة محبة الاصحاب لا تغيب عنها الشمس مجازا و حقيقة،
أعلم أن للإنسان منازل، وإن فارقها، تظل تسكنه إلى أن يرث الله ما نفخ فينا بدءئذ ...
وأن الإنسان مرتحل في القلوب كما يرتحل في الأرض،
و إن كان بقاءه في أرض المودة و قلوب الأحبة أقرب للخلود
ولا فناء، بل تجدد و بعث، وسكون ثم بعث ...
يا تيسير يا أغلى من عينيا،
يا أحبة، كان مكسرين كان واقفين على أرض حياد وأخوة
يا غاليات، مكسرات و فستق و لوز ...
يعلم الله فرحي و امتناني بطوق ياسمين محبتكم، و خوفي المقيم من ألا أكون جديرة بهذه المحبة
وخوفي الأكبر من غرور يفقدني ما لا أملك من محبة محتملة،
و خوفي من غربة تفقدني نكهة الإنسان ...
مشكورين، على المحبة، على الأماني،
على ضلاً لقيتو بينكم في هجير غربة و حنين لا متجدد كزمزم
محبتي و امتناني،
___
| |
 
|
|
|
|
|
|
|
 Re: عزاز شامي .. سنة حلوة يا جميل .. (Re: lana mahdi)
|
اسة يا عزاز الاحتفال ده بي سنة فاتت ولا سنة جاية ؟
غايتو كان لي الفاتتاو للجاية فانا عايز انتهز الفرصة دي واقول ليك ياخ انتي زولة طيــــــــــــبة مع غنو في الزمن ده لو قلت لي زول انت طيب بيفتكروك نبزتو..
حقو الاحتفال يكون بمناسبة بيضة قلب عزاز (ما تقريها بيضة حقت الجدادة والنعامة ديك من بيااااض والله )..لانو البييضة التانية دي حصرية على ود الصايم وفي رواية ود البشرى والبيض في وطني كثييير :)..
لو العيدميلاد حايكون بعد المغرب في حوش ناس سعدية لانو اكبر من حوشكم انا حا اجي..
وبما انو كراسيكم ما حا تكفي الضيوف رسلي ناس حمودي يلفو الح-لة يلقطو باقي الكراسي والترابيز ..
كالعادة الهنابيك والزينة حا يجيبا الطيب فللو ولمبات القلووز بالله شيكوها من اسسة شغالة ولا لا..
هديتي عبارة عن بسكويت بركة ملفوف في ورقة فلوسكاب ابيض كبير.. ومكتوب فيها بقلم البيك :
عيد ميلادك جانا مفروش بي الاماني..
والفرح طول مقييل طرز الليل بالاغاني ..
والدموع ذابت قصيدة باقة في اجمل معاني..
الله عاد يحفظ عيونك وتطفي مليون شمعة تاني..
مكــــــــــــــــــــــــــــــرر.
وزي كل سنة يا عزاز اوصيك بلبس الشرابات البيضاء مع الشبط ابو سيور الابيض مع لف الشعر بالشرايط الحمراء ضفيرتين مطويات في شكل حلقة بي الجمبتين ولا بأس بي كحل طن وفستان منفوش من المخمل او الزفاف ..
تخريمة :
متبرع بي شريط يا طيبة لتشغيله اثناء الاحتفال ..
| |
|
|
|
|
|
|
|
|
 Re: عزاز شامي .. سنة حلوة يا جميل .. (Re: عمر الفاروق)
|
عمر الفاورق الشفيف ..
الاحتفال بما سوف يكون ..
عاد تخيل ...ما عرفتك تصدق؟
جاي بكرعينك تبارك في مولد و صيوان عيد ميلاد؟
الابوة غيرت طبعك و بقت حنون يا عمك ... بقيت لدائن و فلزات
ورود كلمة بيضة ما ريحتني
إلا تكون قادي عربي لانها اسمها بياض قلب موش بيضة قلب
اعلمك لمتين يا عمر؟ انا ما دايمة ليك ياخ!
اي نعم لسة بنت 18 بس باكر اكبر والقى لي اهتمامات غير اني اصحح ليك كراسة البورد ...
Quote: هديتي عبارة عن بسكويت بركة ملفوف في ورقة فلوسكاب ابيض كبير.. ومكتوب فيها بقلم البيك :
عيد ميلادك جانا مفروش بي الاماني..
والفرح طول مقييل طرز الليل بالاغاني ..
والدموع ذابت قصيدة باقة في اجمل معاني..
الله عاد يحفظ عيونك وتطفي مليون شمعة تاني.. |
متعودة دايما ...
يعني الفيلم ده دخلتو كام مرة في العالي و العام؟
علشان كده عندك عداء للشفيفية و كسارات التلج
لانو بتذكرك و الذكرى تنفع المؤمنين ( وش باسم ووشين تانيات شمتانات ).
يا عمر يعلم الله بعزك لله في الله، بلا اسباب ولا مبررات منطقية اسوقها للخلق و لنفسي
بس ياها بيضة القلب القلتها قبيل ... أو يمكن كونك انت زاتك بيض قلب زي
| |
|
|
|
|
|
|
|
|
|
Re: عزاز شامي .. سنة حلوة يا جميل .. (Re: خضر حسين خليل)
|
Quote: بيت مال وعيال والسنوات الجاية يجن كما تشتهي يا عزوز
دة عيد الميلاد الكم وكمين ياعزاز
شكراً تيسير ! نجيكي في السمح دايماً |
توثيقا لجماليات اللحظة كان لازم اعمل كوت
يا خدر يا اخوي البص ده بص عيد ميلاد ما بص عرس ولا خلاص اتشابهت عليك البصات
و بقيت تشوف الكون كولو بيدور و احنا و ياه بندور 
كم و كمين ده ردينا عليهو من امس و قلنا الشمعة السادسة عشر بعد الخمسة مضروبة في الجذر التربيعي
و الناتج مقسوم على جيب تمام برج الجدي عندما تكون الشمس عمودية على برج العذراء و خط الطول برج الثور
يعني كام و عشرين كده بالجديد ...
امشي اغسل وشك و استغفر الله انت ما اول واحد حيعرس ولا اخر واحد
وما تخش البوستات من طرف و تهني ساي ...
| |
|
|
|
|
|
|
|
|
|
Re: عزاز شامي .. سنة حلوة يا جميل .. (Re: فيصل محمد خليل)
|
يا وطني الشامخ مثل جبين الشمس
الى محرابك آتي كالدرويش
أؤذن مثل بلال
أفني ذاتي في ذاتك في ذات الله
حتى يتوحد عشقي في ذاتك...
*** عبدالإله زمراوي - شاعرنا النوبي
يا فيصل يا اخوي مالك علي؟
طولت من عبري و بيوت عبري ..
الله يمد في العمر بس علشان اتكي ظهري في نفس النخلة و اسمع صلاة القمري
و اتبرد في ظل بيت ابوي، و المس ترابا مشى فوقو يوم ...
تسلم يا اخوي و تسعد و تتهنى، و تلمنا نوبة في يوم
| |
|
|
|
|
|
|
|
|
|
Re: عزاز شامي .. سنة حلوة يا جميل .. (Re: Adil Osman)
|
الحاصل شنو يا تيسير....
اتلومتى...تكون عزاز جارتى هيته بالهيته وما تعزمونى للحفله دى؟؟
....
..عموما يا عزوز...ما بيناتنا...(وش عشمان فى تورته)
وكل عام وانت بكل السعاده التى يتمناها قلبك....
وكل عام وانت تستمتعين بحياتك كما تشائين وليس كما يشاء لك الآخرون...
فعلا فى هذه الأرض ما يستحق ان نحيا من اجله ونحتفل كوننا ولدنا وكوننا أحياء....
....
فاحتفلى وافرحى وكونى.....
| |
|
|
|
|
|
|
|
|
|
Re: عزاز شامي .. سنة حلوة يا جميل .. (Re: تيسير عووضة)
|
 شكرا يا تايسا على الامنيات و اللفتة الجميلة و تحت تحت ... شكرا على الخلعة و نطيط العين يوم شكر انت نفر مافي ييزي .. انا في حب انته واجد واجد سوا سوا انا في اخو انت معلوم كيف انا قلب سوي دق دق كل مرة انا في سوا سوا فكر فيك  ********** العزيزات و العزيزين ما اتحرم منكم و ابارك ليكم السمح اقفل في تاريخة علشان ما يحصل حساسية و حمو نيل لو ما جيت رديت العفو و العافية
| |
|
|
|
|
|
|
| |
محمد نجيب عبدا لرحيم
هيثم درار
lana mahdi
عمر الفاروق
عمر عبد الله فضل المولى
بكري الخير
الحاج حمد الحاج
naeem ali
Bakhaf
ismeil abbas
Dalal Ezzaldin
احمد التجانى احمد
هشام آدم
Safa Fagiri
فيصل محمد خليل
خضر حسين خليل
شمس الدين ساتى
داليا حافظ
فادية اليمني
munswor almophtah
د.محمد حسن
ممدوح عثمان
مزمل خيرى
filan
Ali Sirelkhatim
العوض المسلمي
ALGARADABI
abas
Adil Osman
Shiraz Abdelhai
ASHRAF MUSTAFA
فيس بوك
تويتر
انستقرام
يوتيوب
بنتيريست