والله ياعصام جبر الله مقالك ده زى قون أنتظرته بصبر جماهير المصطبة الشعبية وجا فى الدقائق الأخيرة (الأيام دى السودان مكورن على أخره وصديق شيوعى كان يحمل صحيفة رياضية سالته أنت الحكاية شنو الأيام دى كلنا الأيام دى من الصباح بنجرى على الجرايد الرياضية الصديق الشيوعى سابقاً الهلالابى لاحقاً..قال دى الحاجة الوحيدة البتشوف نتيجتها قدامك...
المهم هذه الأيام اليساريين والديمقراطييين (كوصف جزئى واسمى للحالة) تحت ستار الليبرالية المعولمة الجديدة أخر بدل وشياكات ومؤتمرات (بره السودان)..منها لاهاى دى كتيره خلاص ماعارف فيها شنو..ولو مالسيد عبد الرحمن أهدى سيف جده لملك أنكلترا كانت حملته هذه الوفود الأخيرة من سدنة (منظمات المجتمع المدنى)...الله يستر مايشيلوا ليهم أرشيف الحزب الشيوعى زاتو
المهم سوف أنسخ هذا المقال وأعود مره أخرى لمناقشة تفاصيله اصلى الأيام دى مهتم (بفكرة العمالة) يبدو لى أنها الأن محتاجة لضبط أكثر تحديداً من فكرتها الكلاسيكية القديمة المتعلقة بالشأن المخابراتى لتتطور ضمن أنساق جديدة طوعية وسطحية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم الياس
فيس بوك
تويتر
انستقرام
يوتيوب
بنتيريست