|
|
|
 Re: يا أخوانا مسعولين من الخير... تراجي وين؟؟؟؟؟ (Re: حسن الطيب يس)
|
| Quote: Re: يا أخوانا مسعولين من الخير... تراجي وين؟؟؟؟؟ (Re: Al-Shaygi) |
ما تمشى تجيبهـا وتجى..
موش شلختهـا وبقت من ناس حوشك؟
انت تعرف مغزى تشلخ زول.. ما تعتقـد ناس البورد كلهم جهلة بالمفاهيـم دى..
وسيدك البتحلف بيه دا، الشلخكم وشـال نخيلكم..
تقول لو قالتلك شيلهـا حتشيلهـا، هى قالتلك ختهـا؟ وهل انت فعلا مستعـد لتصويرك وتلوينن
وتلوين أسيادك؟
يا زول شيل الصورة دى، ودا ما تحنيس الناس الفوق.
| |
 
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: Abureesh)
|
ــــــ
الأخ الفاضل الشايقي ,,, لك السلام والرحمة
رجائي كغيري , ومن هنا أنت تعرفه.! لكنه سوف أعززه بعزيزاً كبيرا خلقنا في أحسن تقويم , وأدب النبي القويم صلي الله عليه وسلم بأحسن خُلق عظيم ..
رجائي مشفّع بعزة الله ورسوله محمد صلي الله عليه وسلم , كما غيّرت صورة الأخت تراجي الفي برفايلك بصورة لم تكن مشوّه بشلوخ أو غيره ..
وعليك الله الخلقك والنبي شفيعك كما أستجبت , و مازل عندي أمل فيك وأنت الكبير ..
وتحياتي ..
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: هويدا شرف الدين)
|
| Quote: ولا نديك كركدي يهديك وينزل ليك ضغطك!!!! |
الشـايقى،
أيوة كدا.. فينا ما عندك مشكلـة إتمسخـر اليوم كلو زى ما عاوز، واستهزأ وأستخف،
وشوف كان ردينـا عليك..
دى الحتـة المفروض نتوقعك فيهـا.. موش تجيب صورة مـرة وتقعـد تشلخها وتمشطهـا.
البسيئ للنسوان ما بنخليهو يتمخطـر حتى يلحس كوعـو.
والصـورة شلتها من البروفايل لكن جبتها فى البوست.. ياخى والله الحركات دى الناس
خلتها من زمن بعيـد خلاص، وجد والله ما كنت متوقعك تلجأ ليها.
| |
|
|
|
|
|
|
|
|
 Re: يا أخوانا مسعولين من الخير... تراجي وين؟؟؟؟؟ (Re: Al-Shaygi)
|
Quote: انت تعرف مغزى تشلخ زول.. ما تعتقـد ناس البورد كلهم جهلة بالمفاهيـم دى..
وسيدك البتحلف بيه دا، الشلخكم وشـال نخيلكم.. |
حبيبنا الشايقي... سلامات...
عبرك التحية والتقدير لكل جمهوريي المنبر شباب الأُستاذ/ محمود محمد طه... أصحاب هذه الترنيمة الحبيبة المشهورة عند شباب الختمية بمساوي السيد علي الميرغني...
شي لله يا حسن... يا سلطان الزمن...
وأسأل الله يتفك ساجُور الأُخت تراجي... فهي عزيزة على قلوبنا... ولها مكانة خاصة... بالرغم من مناكفتها لينا طوااااااااااالي... لكن معزتها لا تحدها حدود...
لك يا خال ولكل المرور الكريم وعلى رأسهم تراجي... قواسيب مودتي...
أبو الحُسين...
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: أبو الحسين)
|
Quote: أصحاب هذه الترنيمة الحبيبة المشهورة عند شباب الختمية بمساوي السيد علي الميرغني
شي لله يا حسن... يا سلطان الزمن...
|
أبو الحسن،
أولا القصيـدة التى أشرت اليها، هى فى محاسن السيـد الحسن، وليست فى (مساوى) السيد على
(مسـاوى السيد على التى تعرفهـا أنت وحدك)!!
حديثى عن السيــد محمد عثمان والسيـد على فى إطار محدد، هـو إطار السياسـة، وعشـان تفهـم
كلامى كويس، لأنك من جيل جديد كما يبدو، وقد لا تعرف لغـة التلاويـح، فإن السيــد على أراد
أن يكره قومـه فى الطائفيـة، وهـذا ما حدث واليوم ترى معظم أعضاء الحزب الشيوعى منهم...
باقى الكلام ممنوع من النشــر بأمـر الرقيب يا حبيب.
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: أبو الحسين)
|
أبو الحُسين...
Quote: وأسأل الله يتفك ساجُور الأُخت تراجي... فهي عزيزة على قلوبنا... ولها مكانة خاصة... بالرغم من مناكفتها لينا طوااااااااااالي... لكن معزتها لا تحدها حدود...
لك يا خال ولكل المرور الكريم وعلى رأسهم تراجي... قواسيب مودتي...
|
والله كلنا راجين عودة تراجي،، تعرف المصيبة أني متهم بالتسبب في وقفها من المنبر (ده لو كانت موقوفة فعلاً)،،، وفي زولاً كدي جديد أتسجل أول أمبارح فاتح لي بوست بي غادي يحاكمني فيه وناصب لي المشانق، قال شنو جاني وضحية وكلام كدة كبار.
الشي ما عارف تراجي دي بالنسبة لينا وللبورد شنو؟؟
بس ناطي وشايل لائحة أتهام ،،، والله لامن شكيت أنه يكون سجل مخصوص عشاني!!!
سبحان الله
وأهه شي لله يا حسن .... يا سلطان الزمن....
وشيلوا معانا،،،
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: Al-Shaygi)
|
| Quote: أولا القصيـدة التى أشرت اليها، هى فى محاسن السيـد الحسن، وليست فى (مساوى) السيد على |
أنا قصدي يا الحبيب يترنم بها شباب الختمية بمساوي... وما أدراك ما مُساوي التي أعرفها لوحدي... فقد وُلِد بها مولانا السيد علي الميرغني "عليه السلام" وموضعه بها الآن... لذلك صارت تُعرف بمساوي سيدي علي...
لك قواسيب مودتي...
أبو الحُسين...
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: Al-Shaygi)
|
| Quote: انتو الشلوخ بالطول ولا بالعرض؟ والفرق شنو؟ نورونا الله ينور عليكم |
أخي الحبيب بوش... سلامات...
اسمح لي يا خالي الشايقي للرد على هذا السؤال...
شلوخ أهلنا الشايقية... أصلاً لي وراء... يعني بالعُرُض زي ماب تقول... ودي الأجيال القديمة في الشايقية... لكن بعد زيارة السيد علي الميرغني "عليه السلام" للشايقية في الثلاثينات وتيمناً به ومحبةً فيه معظم جيل الثلاثينات مشلخين "مطَارِق" لي تحت يعني بالطول زي ماب تقول...
لك قواسيب مودتي... وأتمنى عودة الأُخت تراجي...
أبو الحُسين...
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: أبو الحسين)
|
الشايقي
كل سنه وانت بخير.
اصلا المنبر ده مشلخ لا وراء
وذكرتني نكتة ابو داؤد الله يرحمه
قالوا بيحكي انه عمل مخالفه لا اذكرها
وساقوهوا للقاضي لقاهوا لك مشلخ شايقي
والشاويش الجابه لقاهو لك مشلخ شايقي
وحاجب المحكمه مشلخ شايقي!!
قام ساله القاضي قال له
الاسم؟
اجاب:
عبد العزيز داؤد
القبليه؟
اجاب:
(اتلفت ...ولقال لك الجماعه كلهم مشلخين...قاله )
عبد شايقيه يا جناب القاضي.
اها وقت المنبر ده مشلخ
النسوي سوات ابو داؤد الله يرحمه.
| |
|
|
|
|
|
|
|
|
|
Re: يا أخوانا مسعولين من الخير... تراجي وين؟؟؟؟؟ (Re: Tragie Mustafa)
|
حيذبونتي تراجي
كيفك وحمداً لله على سلامة العودة
والله ليك وحشه
Quote: اها وقت المنبر ده مشلخ
النسوي سوات ابو داؤد الله يرحمه.
|
تعرفي أبو داؤود الله يرحمه بعرفة معرفة شخصية وكان فوق أنه فنان قدير مثال للأخلاق والإنسانية.
الما بتعرفيه أنه أعز صديقين له طوال حياته الراحلين عمي الصحفي محمد الخليفة طه الريفي والفنان حسن خليفة العطبراوي وكلاهما شايقي.
شفتي أستعمار الشايقية ده
استعمار روحي أبدي لا فكاك منه....
كدي عليك الله فتشي في أهلك كان في الشرق ولا هناااااك في دارفور شوفي كم شايقي معرس منكم وكم واحد منكم معرس شايقية،،،،
تقولي لي سودان جديد وقديم السودان ده سمن على عسل بس يبعده منه المشاترين والمخهم ضارب.
وحسي كان بتسوي لي فيزا لي كندا إلا أجي أخطبك من ولادك إلا كان يأبوني ولا تأبيني....
بس شرطي أنتي عارفاه.....
ما تغيبي تاني
بنريدك بي شتارتك
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
| |
Al-Shaygi
خضر حسين خليل
Abdelmuhsin Said
Kostawi
Hassan Makkawi
Magdi Ahmed Elsheikh
Hisham Amin
يسرى معتصم
Abureesh
emad altaib
هويدا شرف الدين
أبو الحسين
محمد البشرى الخضر
احمد سردوب
BousH
سارة علي
Tragie Mustafa
فيس بوك
تويتر
انستقرام
يوتيوب
بنتيريست